Muort il firau da Numnasontga resta l’administraziun communala serrada venderdis, igl 1. da november 2019 igl entir di.
Gliendisdis, ils 4 da november 2019 essan nus bugen puspei cheu per Vus.
Nus supplichein per enconuschientscha.
Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers.
Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.
Tenor las disposiziun executivas tier la lescha da pumpiers dalla vischnaunca da Falera entscheiva l’obligaziun da dar pumpiers egl onn, el qual il 20avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.
La taxa da basa per la taxa da cumpensaziun munta per obligai da far pumpiers cun domicil cumplein (di da referenza mintgamai ils 31-12) fr. 280.—/onn. Tier domicil jamnil cun domicil cumplein (di da referenza mintgamai ils 31-12) munta la taxa da basa per la taxa da cumpensaziun fr. 100.—/onn.
Persunas ch’ein obligadas da far pumpiers e che lessan prestar survetsch san s’annunziar entochen ils 29 da november 2019 cul formular corrispundent. Il formular ei publicaus sin la pagina d’internet https://www.laax-gr.ch/feuerwehr.php.
Persunas che prestan gia survetsch e lessan pagar niev la taxa da cumpensaziun enstagl da prestar survetsch activ duein s’annunziar a scret entochen ils 29 da november 2019 tiel cumandant da pumpiers.
Per ulteriuras informaziuns stat il cumandant da pumpiers, Adrian Walser (Natel 076 574 47 85 ni E-Mail: feuerwehr@laax-gr.ch) bugen a disposiziun.
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 17 d’october 2019 15.00-17.00 uras
venderdis, ils 18 d’october 2019 15.00-17.00 uras
dumengia, ils 20 d’october 2019 09.45-10.15 uras
Il cedel da dretg da votar (cedel alv) ei da dar giu all’urna.
Votantas ni votants che han buca survegniu tarmess tier il material da votar, san retrer quel entochen venderdis, ils 18 d’october 2019 tier la canzlia communala.
Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. ein da deliberar da caglias e roma.
Caglias e roma sco era ulteriuras emplontaziuns (cotoneaster eav.) ein da tagliar anavos sin in’altezia da 4.5 m sur via e cun ina distanza da minimum 50 cm naven dalla via communala.
Nus supplichein privats, administraziuns e pedels da casas da vacanzas da mirar che quellas lavurs vegnan exequidas entochen ils 31 d’october 2019.
Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.
Tenor artechel 4 a) dil reglament pil manteniment dallas ovras da meglieraziun dalla vischnaunca da Falera ston tut las scarpas per liung dallas vias da funs vegnir cultivadas gratuitamein dil cunfinont (segar, tagliar caglias e roma etc.).
Nus supplichein perquei tuts possessurs da terren da mirar che plontas e caglias seigien tagliadas anavos aschia che quellas creschan buca sur ils cunfins ellas vias da meglieraziun. Quellas lavurs ston vegnir exequidas entochen ils 31 d’october 2019.
Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Attest da famiglia
• Cudisch militar / Cudischet dalla protecziun civila
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.
Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Tenor las prescripziuns d’energia vertentas dil cantun Grischun ein pegnas mobilas per diever commercial ora el liber lubidas sulettamein, sche las emissiuns da CO2 vegnan cumpensadas. Sco pegnas mobilas valan oravontut ils schi numnai “bulius da scaldar”, cundrez da scaldar per tendas (per exempel exposiziuns, events etc.) era radiaturs e radiaturs d’infratgietschen. Per astgar duvrar pegnas mobilas el liber, basegna ei ina vignetta respectivamein pliras vignettas che ston vegnir renovadas annualmein. Ina vignetta entochen 14kw cuosta 60 francs e sa vegnir retratga sin canzlia communala.
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Muort il firau da Nossadunna d’uost resta l’administraziun communala serrada gievgia, ils 15 d’uost 2019.
Uniuns e persunas che lessan far diever dallas localitads da vischnaunca el Center Communal, en casa da scola ni en la fermata ein supplicadas da far ina damonda a scret alla canzlia communala entochen ils 2 d’uost 2019.
Sin fundament d’in incap tragic enteifer la corporaziun d’alp vegn il brunch sill’Alp Dadens sura buca menaus atras.
Nus supplichein per enconuschientscha ed engraziein per la capientscha.
Alternativas:
Brunch ella Tegia Curnius. Dapli informaziuns sut www.curnius.ch ni tel. 081 927 99 30.
Era ils menaschis da restauraziun en vischnaunca han aviert e selegran sin Vossa viseta. Per dapli informaziuns contactei per plascher directamein ils menaschis corripsundents.
La sera ha la fiasta naziunala liug a Laax sper il lag (flyer). Urari bus gratuit.
Il barschar giu fiugs artificials ei adina in prighel per incendis dalla cultira e digl uaul. Perquei sto vegnir iu entuorn precaut cun fiug el liber. Actualas informaziuns pertuccont il prighel da fiug anfleis Vus sin la pagina d’internet digl uffeci cantunal pigl uaul e prighels dalla natira www.wald.gr.ch.
Ella vischnaunca da Falera astga ord motivs da segirtad vegnir barschau giu negins fiugs artificials el vitg. Fiugs artificials astgan mo vegnir barschai giu alla fin dil parcadi a Fandrels.
Nus supplichein per enconuschientscha.
A caschun dalla sesida dils 19 da zercladur 2019 ei la suprastonza communala seconstituida sco suonda:
President communal: Wendelin Casutt-Cathomen
Vicepresident: Patric Casutt
Sin fundament d’in incap tragic enteifer la corporaziun d’alp vegn il brunch sill’Alp Dadens sura buca menaus atras.
Nus supplichein per enconuschientscha ed engraziein per la capientscha.
Alternativas:
Brunch ella Tegia Curnius. Dapli informaziuns sut www.curnius.ch ni tel. 081 927 99 30.
Era ils menaschis da restauraziun en vischnaunca han aviert e selegran sin Vossa viseta. Per dapli informaziuns contactei per plascher directamein ils menaschis corripsundents.
La sera ha la fiasta naziunala liug a Laax sper il lag (flyer). Urari bus gratuit.
Sebasond sil conclus dalla suprastonza communala dils 13 da zercladur 2019 fixescha igl uffeci social Falera ils suandonts limits maximals per la finanziaziun dil tscheins casa (inclusiv cuosts accessorics) per ils retscheviders d’agid social. Per las locaziuns gia en vigur suonda l’adattaziun pil proxim termin da visada cun in’informaziun allas parts contrahentas.
Muort il firau da Sontgilcrest resta l’administraziun communala serrada gievgia, ils 20 da zercladur 2019 igl entir di.
Venderdis, ils 21 da zercladur 2019 essan nus bugen puspei cheu per Vus.
Nus supplichein per enconuschientscha.
Dil protocol dalla radunonza communala dils 10 da matg 2019 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
L’administraziun communala resta serrada ils suandonts dis:
gievgia, ils 30 da matg 2019
venderdis, ils 31 da matg 2019
gliendisdis, ils 10 da zercladur 2019
Nus supplichein per enconuschientscha.
Naven digl 1. da schaner 2020 vegnan ils funs dalla vischnaunca politica, dalla vischnaunca burgheisa e dalla pervenda puspei schai vi da niev per 6 onns.
Interessents ein supplichei da s’annunziar a scret tier l’administraziun communala entochen ils 7 da zercladur 2019 cun indicar tgei funs che vegn
giavischau.
Las suandontas parcellas stattan a disposiziun:
Vischnaunca politica:
parcella nr. 55, Giaus
parcella nr. 192, Lamadetsch
parcella nr. 204, Stonas
parcella nr. 231, Stonas
parcella nr. 858, Con da Cuts
parcella nr. 978, Bigneras
parcella nr. 1114, Tiert
parcella nr. 1122, Prau da Val/Runs
parcella nr. 1205, Er Liung
parcella nr. 1228, Travanaus
parcella nr. 1229, Travanaus
parcella nr. 1447, Er Liung
parcella nr. 1448, Er Liung
parcella nr. 1449, Er Liung
Vischnaunca burgheisa:
parcella nr. 39, Trutg
parcella nr. 61, Giaus
parcella nr. 718, Nomens/Tgerblada
parcella nr. 763, Preis
parcella nr. 797, Schlaccas (Chischluns)
parcella nr. 849, Val da Begls
parcella nr. 868, Runca/Val da Begls
parcella nr. 894, Pardi sut/Clasgieri
parcella nr. 912, Nomens
parcella nr. 913, Nomens
parcella nr. 960, Curtgani
parcella 1287, Val da Begls
Pervenda:
parcella nr. 54, Giaus
parcella nr. 146, Fancrengia
parcella nr. 151, Fancrengia
parcella nr. 197, Stonas
parcella nr. 209, Stonas
parcella nr. 418, Fandrels
parcella nr. 870, Val da Begls
parcella nr. 883, Schallas
parcella nr. 884, Schallas
parcella nr. 1195, Cuschanera/Planatsch
parcella nr. 1207, Puz/Fuorns
parcella nr. 1241, Fandrels
parcella nr. 1243, Denter Caglias
Applicond igl art. 48 alinea 4 dalla lescha davart la planisaziun dil territori pil cantun Grischun ha liug l’exposiziun da recuors pertuccont la revisiun parziala dalla planisaziun locala. La radunonza communala dils 10 da matg 2019 ha approbau quella revisiun parziala.
Caussa:
Revisiun parziala planisaziun locala
Actas d’exposiziun:
Plan da zonas dad auas 1:5000
Sco informaziun:
Rapport da planisaziun e cooperaziun
Rapport accumpignont
Termin d’exposiziun:
30 dis naven dalla publicaziun dils 17 da matg 2019
Liug e temps d’exposiziun:
Administraziun communala Falera, Via Principala 45c, 7153 Falera duront las uras d’avertura ordinarias ni tenor cunvegnientscha
Recuors da planisaziun:
Persunas che han in interess persunal dign da protecziun ni ch’ein legitimadas tenor dretg federal da contestar in cuntegn dalla planisaziun, san inoltrar alla regenza en scret enteifer 30 dis naven dalla publicaziun dad oz in recuors da planisaziun encunter la revisiun parziala dalla planisaziun locala.
Organisaziuns per la protecziun digl ambient:
Organsiaziuns per la protecziun digl ambient san far diever da lur dretg da recuors tenor mesira digl art. 104 alinea 2 dalla lescha cantunala per la planisaziun dil territori, quei vul dir ei s’annunzian enteifer il termin da recuors tiegl uffeci cantunal per il svilup dil territori ed inoltreschan silsuenter eventualmein ina posiziun.
Igl uffeci federal da statistica meina puspei atras ina dumbraziun dallas habitaziuns vitas.
Possessurs da casas ni administraziuns d’immobilias, che han pigl 1 da zercladur 2019 habitaziuns ni casas d’ina famiglia vitas ein obligai da communicar quei per telefon (081 921 35 15) ni a scret alla canzlia communala entochen sil pli tard ils 31 da matg 2019.
Sco habitaziuns vitas el senn da quella dumbraziun vegnan tut las habitaziuns mobiliadas ni buca mobiliadas quintadas, las qualas adempleschan las suandontas duas cundiziuns:
– habitaziuns ni casas d’ina famiglia ch’ein il di da controlla (1-6-2019) vitas denton habitablas e
– ch’ein il di da controlla (1-6-2019) screttas ora per schar a tscheins permanent per minimal 3 meins ni venalas.
Ils resultats dalla radunonza communala dils 10-5-2019 anfleis Vus cheu.
Ils abonnaments digl onn san vegnir retratgs naven d’immediat tier l’informaziun da hosps Falera. Il bon per la reducziun sto buca pli vegnir retratgs dalla populaziun indigena cun domicil sur onn (tenor dretg civil e fiscal) sill’administraziun communala.
Las pendicularas Arena Alva SA han registrau igl onn vargau en lur sistem da cassa las persunas indigenas legitimadas aschia che quellas san vegnir clamadas giu. La persuna legitimada sto mo pli s’identificar cun la carta d’identitad.
Tier ina eventuala partenza dalla vischnaunca scada la legitimaziun per indigens. La partenza vegn annunziada entras la controlla da habitonts allas pendicularas Arena Alva SA.
Novas persunas indigenas, ch’ein aunc buca registradas el sistem da cassa, ston presentar per l’identificaziun singular la carta cotschna per indigens che sto esser bullada dall’administraziun communala. La carta cotschna sa vegnir retratga sill’administraziun communala.
Duront la sesiun da stad ed unviern san indigens retrer da tut temps cartas dil di, cartas per singuls viadis e cartas per pedunzs per in tarif reduciu d’indigens. Sin omisduas reducziuns per indigens – cartas dil di e cartas digl onn – vegn concediu neginas ulteriuras reducziuns.
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 16 da matg 2019 15.00-17.00 uras
venderdis, ils 17 da matg 2019 15.00-17.00 uras
dumengia, ils 19 da matg 2019 09.45-10.15 uras
Il cedel da dretg da votar (cedel alv) ei da dar giu all’urna.
Votantas ni votants che han buca survegniu tarmess tier il material da votar, san retrer quel entochen venderdis, ils 17 da matg 2019 tier la canzlia communala.
La vignetta da moped per igl onn 2019 sa vegnir retratga naven d’immediat sin canzlia communala cun presentar il document dil vehichel. La taxa munta 43 francs. La vignetta digl onn 2018 ei aunc valeivla entochen ils 31 da matg 2019.
Venderdis, ils 10 da matg 2019, 20.15 uras, Stonas I, la fermata
Tractandas:
Il rapport e quen annual 2018 vegn tarmess tier els proxims dis a tuttas casadas. Ulteriurs exemplars san vegnir retratgs tier la canzlia communala ni cargai giu dalla pagina d’internet dalla vischnaunca www.falera.net.
Nus rimnein pupi vegl e cartun sco suonda:
mardis, ils 14 da matg 2019
Il pupi ni cartun sto vegnir ligiaus ensemen mintgamai separau e deponius beinveseivel sper via. Per la rimnada valan suandontas uras:
cartun, 7.00 uras entras ils luvrers communals
pupi, 8.15 uras entras la scola.
Il pupi ni cartun ch’ei buca sortius in da l’auter e ligiaus mintgamai ensemen vegn buca dismess.
Nus supplichein da setener vid quellas prescripziuns ed engraziein persuenter.
Consorzi da scola scolaviva
Sonda, ils 04 da matg 2019 dallas 8.00-11.00 uras sa vegnir dismess rauba blocconta.
Ils containers per dismetter la rauba vegnan tschentai si sil parcadi Fandrels.
Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.
Ils suandonts rumians astgan en mintga cass buca vegnir dismess el rom da rimnadas da rauba blocconta:
rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.
Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.
Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:
apparats electrics gratuit
bischels fluorescents, pérs da cazzola gratuit
batterias da motos frs. 5.— per toc
batterias d’auto frs. 10.— per toc
pneus da privats senza gaveglias frs. 5.— per toc
pneus da privats cun gaveglias frs. 10.— per toc
Quella rauba vegn dismessa separau dalla rauba blocconta entras ils luvrers communals.
Ils luvrers communals han l’incumbensa da visar anavos rauba che corrispunda buca als criteris da rumien bloccont.
Nus supplichein per enconuschientscha.
El decuors dil meins matg 2019 vegnan puspei ils differents tumbins d’entrada ch’ein en possess dalla vischnaunca svidai e schubergiai entras la fatschenta M. C. Transports SA cul vehichel special per schubergiar tumbins.
El medem mument savessan era ils numerus tumbins d’entrada privats vegnir schubergiai. Ils cuosts muntan pauschal fr. 40.— per tumbin. Cundiziun ei denton ch’ils tumbins ein contonschibels cul vehichel.
Possessurs che lessan far diever da quella purschida duein s’annunziar entochen sil pli tard ils 3 da matg 2019 tier la canzlia communala (Tel. 081 921 35 15, E-Mail: info@falera.net).
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
La canzlia communala resta serrada naven da venderdis, ils 19 d’avrel 2019 entochen e cun gliendisdis Pastgas, ils 22 d’avrel 2019.
Nus supplichein per enconuschientscha e giavischein a tuts bialas Pastgas.
Ils 3 d’avrel 2019 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.
Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.
Dil resultat da quella emprova sa vegnir priu envesta sin canzlia communala ni sut www.falera.net.