Archiv

Damondas da baghegiar dils 9-6-2017
  • Nr. 
    2017/25
  • Di da publicaziun 
    9 da zercladur 2017
  • Petent 
    Benedikt Goldkamp
    Rebstrasse 16
    8426 Lufingen
  • Architect/Representant 
    Boner GmbH
    Via Nova 15
    7017 Flims Dorf
  • Baghetg 
    Tendas da sulegl per la terrassa/curtgin
  • Damondas supplementaras 
    –
  • Parcella / zona 
    513 / W2
  • Quartier/Via 
    Via Samun 7
  • Termin d’ exposiziun 
    09-06-2017 – 29-06-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Serrada dalla via a caschun dalla fiasta da cant sursilvana

Ils 10 da zercladur 2017 ha liug la fiasta da cant sursilvana a Falera. Il Plaz Fontauna vegn era duvraus per quella fiasta da cant. Ord quei motiv sto la via vegnir serrada en quei liug pil traffic naven da mesjamna sera, ils 7 da zercladur entochen gliendisdis endamaun, ils 12 da zercladur 2017.

Nus supplichein da risgaurdar las signalisaziuns corrispundentas ed engraziein per la capientscha.

Temps d’avertura canzlia communala sur Anceinza e Tschuncheismas

L’administraziun communala resta serrada ils suandonts dis:

gievgia, ils 25 da matg 2017
venderdis, ils 26 da matg 2017
gliendisdis, ils 5 da zercladur 2017

Nus supplichein per enconuschientscha.

Sera d’informaziun e presentaziun dil project per ina zona d’indigens a Manduns/Trutg

En num dalla vischnaunca politica, vischnaunca burgheisa e pleiv catolica envidein nus tuttas vischinas e tuts vischins sco era tuts interessai tier ina sera d’informaziun e presentaziun.

La sera d’informaziun e presentaziun ha liug venderdis, ils 2 da zercladur 2017, allas 20.15 uras, la fermata, Stonas I.

Nus selegrassan sin ina stedia participaziun.

Suenter la presentaziun envida la vischnaunca politica tier in aperitiv.

Resultats votaziun dils 21-5-2017

Ils resultats dalla vischnaunca da Falera anfleis Vus cheu.

Damondas da baghegiar dils 19-5-2017
  • Nr.
    2017/18
  • Di da publicaziun
    19 da matg 2017
  • Petent
    Daniel+Corinne Fasnacht-Benker
    Gunnenberg 19
    8917 Oberlunkhofen
  • Architect/Representant
    Gross+Rüegg Dipl. Arch. FH/SIA AG
    Promenada 1
    7018 Flims Waldhaus
  • Baghetg
    Construcziun d’ina finiastra supplementara ella fatschada vest
  • Damondas supplementaras
    –
  • Parcella / zona
    268 / WG3
  • Quartier/Via
    Via Cabriec 14
  • Termin d’ exposiziun
    19-05-2017  – 08-06-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Protocol

Dil protocol dalla radunonza communala dils 5 da matg 2017 sa vegnir priu naven d’immediat envesta sin canzlia communala.

Sch’ei vegn fatg neginas protestas a scret entochen la proxima radunonza communala vala il protocol sco approbaus.

Dumbraziun dallas habitaziuns vitas pigl 1-6-2017

Igl uffeci federal da statistica meina puspei atras ina dumbraziun dallas habitaziuns vitas.

Possessurs da casas ni administraziuns d’immobilias, che han pigl 1 da zercladur 2017 habitaziuns ni casas d’ina famiglia vitas ein obligai da communicar quei per telefon (081 921 35 15) ni a scret alla canzlia communala entochen sil pli tard ils 2 da zercladur 2017.

Sco habitaziuns vitas el senn da quella dumbraziun vegnan tut las habitaziuns mobiliadas ni buca mobiliadas quintadas, las qualas adempleschan las suandontas duas cundiziuns:

– habitaziuns ni casas d’ina famiglia ch’ein il di da controlla (1-6-2017) vitas denton habitablas e

– ch’ein il di da controlla (1-6-2017) screttas ora per schar a tscheins permanent per minimal 3 meins ni venalas.

Nus engraziein per la cooperaziun.

 

Bon d’indigens per retrer igl abonnament digl onn dallas pendicularas Arena Alva SA

Il bon per retrer pli bienmarcau igl abonnament digl onn dallas pendicularas Arena Alva SA (stad 2017 ed unviern 2017/2018) sa vegnir retratgs naven d’immediat sin canzlia communala.

Mo habitontas e habitonts cun domicil sur onn en vischnaunca (tenor dretg civil e fiscal) han il dretg da retrer il bon. En cass ch’ina persuna s’annunzia puspei giu a Falera ei la reducziun per indigens buca pli valeivla. La partenza da Falera vegn annunziada entras la controlla da habitonts allas pendicularas Arena Alva SA.

Igl abonnament digl onn sa vegnir retratgs naven dil matg 2017 tier las cassas dallas pendicularas ni sils biros d’informaziun per in prezi da frs. 250.00. Ei sto vegnir presentau ina carta d’identitad valeivla ed il bon.

Per la reducziun d’indigens sin cartas singulas dil di sto aunc adina la carta cotschna per indigens vegnir presentada. Quella carta sa vegnir retratga per frs. 5.00 sin canzlia communala.

 

Damondas da baghegiar dils 12-5-2017
  • Nr. 
    2017/17
  • Di da publicaziun 
    12 da matg 2017
  • Petent 
    Hotel La Siala
    Via Principala 2
    7153 Falera
  • Architect/Representant 
    Cavigelli und Rinderknecht AG
    Seestrasse 78
    8703 Erlenbach am See
  • Baghetg 
    Baghegiar entuorn ustria/hotel, engrondaziun terrassa
  • Damondas supplementaras 
    –
  • Parcella / zona 
    408 / WG3
  • Quartier/Via 
    Via Principala 2
  • Termin d’ exposiziun 
    12-5-2017  – 1-6-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Resultats radunonza communala dils 5-5-2017

Las decisiuns dalla radunonza communala dils 5 da matg 2017 anfleis Vus cheu.

Votaziuns dils 21 da matg 2017

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 18 da matg 2017                                   15.00-17.00 uras
venderdis, ils 19 da matg 2017                              15.00-17.00 uras
dumengia, ils 21 da matg 2017                              09.45-10.15 uras

Il cedel da dretg da votar (cedel alv) ei da dar giu all’urna.

Votantas ni votants che han buca survegniu tarmess tier il material da votar, san retrer quel entochen venderdis, ils 19 da matg 2017 tier la canzlia communala.

Damondas da baghegiar dils 5-5-2017
  • Nr. 
    2017/14
  • Di da publicaziun 
    5 da matg 2017
  • Petent 
    Gabriel-Casutt Andrea
    Sculmserstrasse 19
    7402 Bonaduz
  • Architect/Representant 
    Cathomen Risch
    Via Bigliac 12
    7153 Falera
  • Baghetg 
    Manteniment dil clavau existent
  • Damondas supplementaras 
    –
  • Parcella / zona 
    803 / LW
  • Quartier/Via 
    Preis
  • Termin d’ exposiziun 
    05-05-2017  – 25-05-2017
  • Profilau 
    –
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Falera – il pli bi vitg dalla Svizra 2017?

La “Schweizer Illustrierte” enquera il pli bi vitg dalla Svizra 2017. Nus selegrein ch’ins sa era eleger la vischnaunca da Falera.

Gidei, che Falera daventa igl onn 2017 il pli bi vitg dalla Svizra.

Votai sut http://www.dasschoenstedorf.ch/ per nossa vischnaunca.

Bien engraziament pil susteniment.

 

Vignetta da moped 2017

La vignetta da moped per igl onn 2017 sa vegnir retratga sin canzlia communala cun presentar il document dil vehichel. El prezi da fr. 43.— ei l’assicuranza da responsabladad civila gia risguardada.
La vignetta digl onn 2016 ei aunc valeivla entochen ils 31 da matg 2017.

Meglieraziun generala Laax – Serrada dalla Senda Sursilvana Falera-Larnags

Duront las lavurs da construcziun dalla meglieraziun generala da Laax vegn la senda sursilvana da Falera – Larnags / Laax serrada naven dil cunfin dalla vischnaunca da Falera / Laax e quei naven digl 1. da matg 2017 entochen la fin d’uost 2017.

In sviament dalla senda da viandar naven da Falera – Larnags / Laax ei signalisaus. Il sviament ei mo per peduns, carrotschas e velos ein scumandai.

Entrada el plazzal ei scumandau, tutta responsabladad vegn refusada.

Nus sperein sin vossa capientscha.

Uffeci da baghegiar Laax

Rimnada pupi e cartun

Nus rimnein pupi vegl e cartun sco suonda:

mardis, ils 16 da matg 2017

Il pupi ni cartun sto vegnir ligiaus ensemen mintgamai separau e deponius beinveseivel sper via. Per la rimnada valan suandontas uras:

cartun, 7.00 uras entras ils luvrers communals

pupi, 8.15 uras entras la scola.

Il pupi ni cartun ch’ei buca sortius in da l’auter e ligiaus mintgamai ensemen vegn buca dismess.

Nus supplichein da setener vid quellas prescripziuns ed engraziein persuenter.

Consorzi da scola scolaviva

 

Controlla aua da beiber

Ils 19 d’avrel 2017 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.

Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.

Dil resultat da quella emprova sa vegnir priu envesta sin canzlia communala ni sut www.falera.net.

Radunonza communala calonda mars

Venderdis, ils 5 da matg 2017, 20.15 uras, Stonas I, la fermata

Tractandas:

  1. Beinvegni, elecziun da dus dumbravuschs
  2. Constataziun dall’approbaziun dil protocol dalla radunonza communala dils 2-12-2016
  3. Rapport annual e rendaquen pils 31-12-2016
    a) Rapport annual dil president
    b) Quen annual 2016
    c) Rapport dalla cumissiun da gestiun
    d) Approbaziun dil rapport e dil quen, descharscha alla suprastonza communala, all’administraziun e funcziunaris
  4. Elecziuns
    a) in commember da suprastonza (demissiun)
    b) in commember cummissun da baghegiar (demissiun)
  5. Damonda da credit per la creaziun da products turistics da stad
  6. Damonda da credit per sanaziuns vias d’uaul/vias da meglieraziun/parcadi Fandrels
  7. Approbaziun damonda per ancras sin la parcella nr. 1439, Via Vallà
  8. Informaziuns e varia

Il rapport e quen annual 2016 vegn tarmess tier els proxims dis a tuttas casadas. Ulteriurs exemplars san vegnir retratgs tier la canzlia communala ni cargai giu sin la pagina d’internet dalla vischnaunca www.falera.net.

Damondas da baghegiar dils 21-4-2017
  • Nr. 
    2017/09
  • Di da publicaziun 
    21 d’avrel 2017
  • Petent 
    Andrina Bonnevie-Svendsen
    Via Bigneras 9
    7153 Falera
  • Architect/Representant 
    –
  • Baghetg 
    Construcziun d’ina finiastra supplementara ella fatschada sid
  • Damondas supplementaras 
    –
  • Parcella / zona 
    23 / W2
  • Quartier/Via 
    Via Bigneras 9
  • Termin d’ exposiziun 
    21-04-2017  – 11-05-2017
  • Profilau 
    –
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala.
  • Nr. 
    2017/10
  • Di da publicaziun 
    21 d’avrel 2017
  • Petent 
    Matthias W. Rickenbach
    Wängirain 64
    8704 Herrliberg
  • Architect/Representant 
    Tarcisi Maissen SA
    Via Resgias 16
    7166 Trun
  • Baghetg
    Construcziun da dus parcadis ordaviert
  • Damondas supplementaras 
    –
  • Parcella / zona 
    1460 / W2
  • Quartier/Via 
    Via Prau da Cuort
  • Termin d’ exposiziun 
    21-04-2017  – 11-05-2017
  • Profilau 
    –
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Schubergiada tumbins d‘entrada

El decuors dil meins matg 2017 vegnan puspei ils differents tumbins d’entrada ch’ein en possess dalla vischnaunca svidai e schubergiai entras la fatschenta Candreja AG cul vehichel special per schubergiar tumbins.

El medem mument savessan era ils numerus tumbins d’entrada privats vegnir schubergiai. Ils cuosts muntan pauschal fr. 40.— per tumbin. Cundiziun ei denton ch’ils tumbins ein contonschibels cul vehichel.

Possessurs che lessan far diever da quella purschida duein s’annunziar entochen sil pli tard ils 3 da matg 2017 tier la canzlia communala (Tel. 081 921 35 15, E-Mail: info@falera.net).

Tagl da lenna Curtgani

Muort lavurs da pinar lenna resta la via d’uaul Val da Cafegns (Senda Sursilvana Falera-Ladir) serrada duront il di naven dallas 7.00 uras entochen las 18.00 uras per tut il traffic sco era per pedunzs. Quei naven dils 18-4-2017 entochen ca. miez matg 2017. La sera naven dallas 18.00 uras sco era sonda e dumengia ei la via mintgamai aviarta. Per motivs da segirtad supplichein nus da risguardar las signalisaziuns.

Tier damondas stat il selvicultur Maurus Cavigelli (079 437 49 37) bugen a disposiziun.

Engraziel per Vossa capientscha.

Canzlia communala – Temps d’avertura sur Pastgas

La canzlia communala resta serrada naven da gievgia, ils 13 d’avrel 2017, suentermiedzi entochen e cun gliendisdis Pastgas, ils 17 d’avrel 2017.

Nus supplichein per enconuschientscha e giavischein a tuts bialas Pastgas.

Adattaziun temps d’avertura sutgera Falera-Curnius

Ils 2 da december 2016 havein nus giu publicau ufficialmein ils temps d’avertura dalla sesiun 2016/17 per la sutgera Falera-Curnius. Quels temps d’avertura ein ussa vegni adattai parzialmein.

Naven da sonda, igl 1. d’avrel 2017 entochen ils 13 d’avrel 2017 valan ils suandonts temps d’avertura:

avonmiezdi, 8.30-9.30 uras
suentermiezdi, 13.30-15.30 uras (niev)

Naven da venderdis sogn, ils 14 d’avrel entochen gliendisdis Pastgas, ils 17 d’avrel 2017 ei la sutgera lu puspei aviarta igl entir di.

Nus supplichein per enconuschientscha.

Menaschi da stad/atun sutgera Falera-Curnius

La sutgera Falera-Curnius ei la proxima stad ed il proxim atun aviarta sco suonda:

Naven digl 1. da fenadur entochen ils 20 d’uost 2017 e naven dils 7 d‘october entochen ils 22 d’october 2017. Medemamein vegn era purschiu in menaschi da restauraziun a Curnius.

Nus supplichein per enconuschienstcha.

Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Serrada dalla via a caschun dalla fiasta da cant sursilvana

Ils 10 da zercladur 2017 ha liug la fiasta da cant sursilvana a Falera. Il Plaz Fontauna vegn era duvraus per quella fiasta da cant. Ord quei motiv sto la via vegnir serrada en quei liug pil traffic naven da mesjamna sera, ils 7 da zercladur entochen gliendisdis endamaun, ils 12 da zercladur 2017.

Nus supplichein da risgaurdar las signalisaziuns corrispundentas ed engraziein per la capientscha.

Elecziun luvrer communal

A caschun dalla sesida da suprastonza dils 13 da mars 2017 ei Marco Pelican da Laax vegnius elegius sco niev luvrer communal. Marco Pelican vegn ad entscheiver sia nova plazza da lavur igl 1. da fenadur 2017.

Nus gratulein a Marco Pelican tier quell’elecziun e giavischein ad el gia oz bia plascher e satisfacziun cun sia nova incumbensa.

Prau da skis per affons a Chinginas

Il prau da skis per affons e l’ustria Mirasteilas ein aunc aviarts entochen e cun dumengia, ils 19 da mars 2017. Naven dils 20 da mars 2017 vegn il menaschi serraus.

Nus supplichein per enconuschientscha.

Prescripziuns pertuccont possess da tgauns

Tenor lescha da tgauns dalla vischnaunca da Falera valan las suandontas prescripziuns:

  • Tgauns ein da tener aschia, ch’els pericliteschen ni disturban buca glieud ni animals e donnegieschan buca possess jester.
  • Ni duront il di ni duront la notg astgan tgauns ir liber entuorn senza survigilonza.
  • Sin implonts publics sco era egl uaul, sin praus e cultiras astgan tgauns buca ir liber entuorn.
  • Il possessur sto dismetter il cac da siu tgaun che vegn fatgs sin vias, passapeis, sendas e plazzas.
  • Medemamein ha el da dismetter il cac da siu tgaun che vegn fatgs sils praus duront il temps da vegetaziun.
  • En fontaunas publicas ei scumandau da schar far bogn ils tgauns.

Nus supplichein tuttas possessuras e tuts possessurs da tgauns da setener vid quellas prescripziuns. Bien engraziament.

Lenna da brisch 2017

La vischnaunca da Falera offerescha lenna da brisch sco suonda:

Liug (plaz da lenna):      Curtgani ni avon casa

Prezi:                                  pégn, plaz da lenna, frs. 54.–/m3

                                             pégn, avon casa, frs. 69.–/m3

                                             lenna dira, plaz da lenna, frs. 92.–/m3

                                             lenna dira, avon casa, frs. 107.–/m3

La surdada succeda en fuorma da lenna liunga. Las empustaziuns ein d’inoltrar entochen ils 17 da mars 2017 a scret all’administraziun communala Falera (E-Mail: info@falera.net).

Damondas da baghegiar dils 3-3-2017
  • Nr. 
    2017/04
  • Di da publicaziun 
    3 da mars 2017
  • Petent
    Daniel Briggen, Eva Nilson
    Seidenparkweg 17
    8712 Stäfa
  • Architect/Representant 
    Allenspach Architekten AG
    Hof 8
    8737 Gommiswald
  • Baghetg 
    Construcziun casa d’ina famiglia (Construcziun d’empremas habitaziuns)
  • Damondas supplementaras 
    –
  • Parcella / zona 
    1628+1629 / W2
  • Quartier/Via 
    Via Prau da Cuort
  • Termin d’ exposiziun 
    03-03-2017  – 23-03-2017
  • Profilau 
    03-03-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Demissiuns ufficials da vischnaunca

Tenor constituziun ei la demissiun d’in uffeci communal stada da far a scret alla suprastonza communala entochen la fin da fevrer 2017. Igl ei vegniu inoltrau las suandontas demissiuns:

  • suprastonza communala, Oliver Darms
  • cumissiun da baghegiar, Mattias Bearth

L’elecziun dils ufficials da vischnaunca ha liug a caschun dalla radunonza communala da calonda mars dils 5 da matg 2017. Persunas che han interess da surprender in da quels posts san s’annunziar tiel president communal, Wendelin Casutt-Cathomen.

Disdetga dalla fiasta dil vitg digl unviern

Muort las relaziuns fetg bletschas e la munconza da neiv silla plazza da ballapei sa quella buca vegnir duvrada so planisau per la fiasta dil vitg digl unviern. Medemamein ei era la prognosa da l’aura buca buna. Ord quels motivs ha la suprastonza communala decidiu da buca menar atras la fiasta dil vitg digl unviern dils 4 da mars 2017.

Nus supplichein per enconuschientscha ed engraziein per la capientscha.

Plazza sco luvrer communal

Muort visada entras il luvrer communal actual enquera la vischnaunca da Falera sigl 1. da zercladur 2017 ni tenor cunvegnientscha in niev luvrer communal (plazza cumpleina).

Ulteriuras informaziuns anfleis Vus egl inserat per la plazza.

 

Pumpiers Laax Falera – Exercezis 2017

Las datas dils exercezis 2017 anfleis Vus cheu.

Preavis – radunonza communala calonda mars

La radunonza communala da calonda mars ha liug venderdis, ils 5 da matg 2017.

Nus supplichein per enconuschientscha.

 

Resultats votaziun dils 12-2-2017

Ils resultats dalla vischnaunca da Falera anfleis Vus cheu.

Niev pedel per il Center communal e la casa da scola

La suprastonza communala ha elegiu signur Guido Heini da Glion sco niev pedel per il Center communal e la casa da scola. Guido Heini vegn ad entscheiver sia nova plazza da lavur ils 13 da fevrer 2017.

Nus gratulein a signur Heini tier quell’elecziun e giavischein ad el bia plascher cun sia nova incumbensa.

Scursalar la sera a Falera

Venderdis, ils 3-2-2017
Venderdis, ils 10-2-2017
Venderdis, ils 17-2-2017
Venderdis, ils 24-2-2017
Venderdis, ils 3-3-2017

Dapli informaziuns

Declaronza da taglia 2016

Dacuort han ils pagataglia retschiert ils formulars ni l’invitaziun per tschentar ora la declaronza da taglia 2016.

Niev ston las declaronzas da taglia vegnir inoltradas all’administraziun da taglia dil cantun Grischun.

adressa:        Kantonale Steuerverwaltung GR

Verarbeitungszentrum 1/KO

Steinbruchstrasse 18, 7001 Chur

Persunas che han buca survegniu ils formulars san retrer tals tier l’administraziun da taglia dil cantun Grischun. Il program Softax 2016 saveis Vus era retrer dalla pagina d’internet www.stv.gr.ch ed installar quel direct sin Vies computer.

Ils termins per inoltrar las declaronzas ein fixai sco suonda:

Ils 31 da mars 2017 per persunas cun activitad da gudogn dependenta, students, pensiunai e disoccupai. Ils 30 da settember 2017 per persunas cun activitad da gudogn independenta, societads semplas e persunas domiciliadas ordeifer il cantun Grischun cun immobiglias el cantun Grischun resp. en vischnaunca.

Prolungaziun dil termin

Damondas per ina prolungaziun dil termin ein da far avon ch’il termin d’inoltraziun scroda (nr. da register, num, prenum e vischnaunca). Niev ei la damonda da tschentar all’administraziun da taglia dil cantun Grischun.

online:           www.stv.gr.ch

via e-mail:    fristgesuche@stv.gr.ch

ni a scret:     Kantonale Steuerverwaltung GR

                       Fristgesuche/KO

                       Steinbruchstrasse 18, 7001 Chur

                       Tel. 081 257 34 93

Suttascripziuns dils conjugals

Conjugals che vivan giuridicamein ed effectivamein en ina lètg nunseparada ein suttamess communablamein alla taglia. Omisdus ein obligai da suttascriver la declaronza da taglia.

Informaziuns

Davart eventualas damondas stat igl uffeci communal da taglia (tel. 081 921 35 15) ni l’allianza da taglia Laax (tel. 081 921 51 13) a disposiziun.

 

Votaziuns dils 12 da fevrer 2017

L’urna ei tschentada sin canzlia communala sco suonda:

gievgia,           ils 9 da fevrer 2017 15.00-17.00 uras
venderdis,      ils 10 da fevrer 2017 15.00-17.00 uras
dumengia,      ils 12 da fevrer 2017 09.45-10.15 uras

Il cedel da dretg da votar (cedel alv) ei da dar giu all’urna.

Votantas ni votants che han buca survegniu tarmess tier il material da votar, san retrer quel entochen venderdis, ils 10 da fevrer 2017 tier la canzlia communala.

Uffeci da militar e protecziun civila – Test da sirenas 2017

Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug

mesjamna, igl 1. da fevrer 2017, denter las 13.30 uras e las 14.50 uras.

Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils differents signals d’alarm cun ils tals la populaziun vegn alarmada en cass da prighel.

Ulteriuras informaziuns e reglas da secuntener anfleis Vus sin la pagina da teletext 680 e sin la pagina d’internet www.sirenentest.ch.

Nus supplichein per enconuschientscha.

Tscheins da retard e da bunificaziun sco era taxas d’incasso e taxas per controllas/examinaziuns pigl onn 2017

Sin fundament digl art. 152 alinea 3 ed art. 153 alinea 3 dalla lescha cantunala da taglia e tenor art. 2 dalla lescha da taglia dalla vischnaunca
da Falera sco era tenor disposiziun dil departament da finanzas e vischnauncas dil cantun Grischun fixescha la suprastonza communala
mintg’onn il tscheins da retard e da bunificaziun.

Il tscheins da retard ei da contribuir dils pagataglias che pagan memia tard ils quens da taglia. Il tscheins da bunificaziun han tals dabien che
han pagau importos memia aults sin fundament d’in quen da taglia provisoric.

La suprastonza communala decida las suandontas taxas per tut las taglias communalas:

Il tscheins da retard pigl onn 2017 munta 4 %.
Il tscheins da bunificaziun pigl onn 2017 vegn fixaus sin 0.2 %.

Las taxas d’incasso muntan:

  • secunda admoniziun fr. 30.—
  • damonda da stumadira fr. 100.—
  • pretensiun d’avertura da dretg, tenor cuosts fr. 80.— tochen fr. 200.—

Plinavon decida la suprastonza communala sin fundament digl art. 2 dalla lescha da taglia dalla vischnaunca da Falera e sin fundament digl
art. 14 dallas disposiziuns executivas tier la lescha per taxas da hosps e turissem las suandontas taxas per las taxas da hosps e turissem:

Il tscheins da retard pigl onn 2017 munta 4 %.

Las taxas d’incasso e las taxas per controllas/examinaziuns muntan:

  • secunda admoniziun fr. 30.—
  • damonda da stumadira fr. 100.—
  • pretensiun d’avertura da dretg, tenor cuosts fr. 80.— tochen Fr. 200.—
  • controllas ed examinaziuns supplementaras fr. 100.—/ura
Protocol

Dil protocol dalla radunonza communala dils 2 da december 2016 sa vegnir priu naven d’immediat envesta sin canzlia communala.

Sch’ei vegn fatg neginas protestas a scret entochen la proxima radunonza communala vala il protocol sco approbaus.

Marcas da tgauns 2017

Las marcas da tgauns per igl onn 2017 ein da retrer naven d’immediat entochen sil pli tard ils 28 da fevrer 2017 tier la canzlia communala.

La taxa per igl emprem tgaun munta frs. 40.—. Per mintga ulteriur tgaun el medem tenercasa munta la taxa frs. 110.—.

 

Plazza sco pedel/pedella

La vischnaunca da Falera enquera per immediat ni tenor cunvegnientscha in/a

pedel/pedella 100 %.

Detagls mira inserat.

 

Dismessa pigneuls da Nadal

Ils pigneuls da Nadal san vegnir dismess mintgamai avon las casettas da rumien ufficialas en vischnaunca.

Ils pigneuls ch’ein deponi en quels loghens vegnan rimnai e dismess dils luvrers communals gratuitamein.

Nus supplichein per enconuschientscha.

Silvester a Falera – Invitaziun tier la midada digl onn

La suprastonza communala envida ensemen cul chor viril tuttas convischinas e convischins sco era tut nos hosps da festivar communablamein la midada digl onn.

Nus s’entupein naven dallas 23.00 uras si Planezzas. Cun bubrondas cauldas ed ina surpresa musicala lein nus dir adia agl onn vegl e da mesanotg communablamein far viva sil niev onn.

Muort la bialaura dallas davosas jamnas ei la cuntrada fetg schetga ed il prighel da fiug ei perquei fetg gronds. Ord quels motivs ha la suprastonza relaschau naven d’immediat ed ad interim in scamond da far fiug e da barschar giu fiugs artificials pigl entir territori communal da Falera.

Nus supplichein per enconuschientscha. Bien engraziament.

Scamond da far fiug e barschar giu fiugs artificials

Muort la bialaura dallas davosas jamnas ei la cuntrada fetg schetga ed il prighel da fiug ei perquei fetg gronds. Ord quels motivs ha la suprastonza relaschau naven d’immediat ed ad interim in scamond da far fiug e da barschar giu fiugs artificials pigl entir territori communal da Falera.

Nus supplichein la populaziun sco era nos hosps da setener vid quei scamond ed engraziein per la capientscha.

Suprastonza communala Falera

Scamond da far fiug