La vignetta da moped per igl onn 2017 sa vegnir retratga sin canzlia communala cun presentar il document dil vehichel. El prezi da fr. 43.— ei l’assicuranza da responsabladad civila gia risguardada.
La vignetta digl onn 2016 ei aunc valeivla entochen ils 31 da matg 2017.
Duront las lavurs da construcziun dalla meglieraziun generala da Laax vegn la senda sursilvana da Falera – Larnags / Laax serrada naven dil cunfin dalla vischnaunca da Falera / Laax e quei naven digl 1. da matg 2017 entochen la fin d’uost 2017.
In sviament dalla senda da viandar naven da Falera – Larnags / Laax ei signalisaus. Il sviament ei mo per peduns, carrotschas e velos ein scumandai.
Entrada el plazzal ei scumandau, tutta responsabladad vegn refusada.
Nus sperein sin vossa capientscha.
Uffeci da baghegiar Laax
Nus rimnein pupi vegl e cartun sco suonda:
mardis, ils 16 da matg 2017
Il pupi ni cartun sto vegnir ligiaus ensemen mintgamai separau e deponius beinveseivel sper via. Per la rimnada valan suandontas uras:
cartun, 7.00 uras entras ils luvrers communals
pupi, 8.15 uras entras la scola.
Il pupi ni cartun ch’ei buca sortius in da l’auter e ligiaus mintgamai ensemen vegn buca dismess.
Nus supplichein da setener vid quellas prescripziuns ed engraziein persuenter.
Consorzi da scola scolaviva
Ils 19 d’avrel 2017 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.
Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.
Dil resultat da quella emprova sa vegnir priu envesta sin canzlia communala ni sut www.falera.net.
Venderdis, ils 5 da matg 2017, 20.15 uras, Stonas I, la fermata
Tractandas:
Il rapport e quen annual 2016 vegn tarmess tier els proxims dis a tuttas casadas. Ulteriurs exemplars san vegnir retratgs tier la canzlia communala ni cargai giu sin la pagina d’internet dalla vischnaunca www.falera.net.
El decuors dil meins matg 2017 vegnan puspei ils differents tumbins d’entrada ch’ein en possess dalla vischnaunca svidai e schubergiai entras la fatschenta Candreja AG cul vehichel special per schubergiar tumbins.
El medem mument savessan era ils numerus tumbins d’entrada privats vegnir schubergiai. Ils cuosts muntan pauschal fr. 40.— per tumbin. Cundiziun ei denton ch’ils tumbins ein contonschibels cul vehichel.
Possessurs che lessan far diever da quella purschida duein s’annunziar entochen sil pli tard ils 3 da matg 2017 tier la canzlia communala (Tel. 081 921 35 15, E-Mail: info@falera.net).
Muort lavurs da pinar lenna resta la via d’uaul Val da Cafegns (Senda Sursilvana Falera-Ladir) serrada duront il di naven dallas 7.00 uras entochen las 18.00 uras per tut il traffic sco era per pedunzs. Quei naven dils 18-4-2017 entochen ca. miez matg 2017. La sera naven dallas 18.00 uras sco era sonda e dumengia ei la via mintgamai aviarta. Per motivs da segirtad supplichein nus da risguardar las signalisaziuns.
Tier damondas stat il selvicultur Maurus Cavigelli (079 437 49 37) bugen a disposiziun.
Engraziel per Vossa capientscha.
La canzlia communala resta serrada naven da gievgia, ils 13 d’avrel 2017, suentermiedzi entochen e cun gliendisdis Pastgas, ils 17 d’avrel 2017.
Nus supplichein per enconuschientscha e giavischein a tuts bialas Pastgas.
Ils 2 da december 2016 havein nus giu publicau ufficialmein ils temps d’avertura dalla sesiun 2016/17 per la sutgera Falera-Curnius. Quels temps d’avertura ein ussa vegni adattai parzialmein.
Naven da sonda, igl 1. d’avrel 2017 entochen ils 13 d’avrel 2017 valan ils suandonts temps d’avertura:
avonmiezdi, 8.30-9.30 uras
suentermiezdi, 13.30-15.30 uras (niev)
Naven da venderdis sogn, ils 14 d’avrel entochen gliendisdis Pastgas, ils 17 d’avrel 2017 ei la sutgera lu puspei aviarta igl entir di.
Nus supplichein per enconuschientscha.
La sutgera Falera-Curnius ei la proxima stad ed il proxim atun aviarta sco suonda:
Naven digl 1. da fenadur entochen ils 20 d’uost 2017 e naven dils 7 d‘october entochen ils 22 d’october 2017. Medemamein vegn era purschiu in menaschi da restauraziun a Curnius.
Nus supplichein per enconuschienstcha.
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Ils 10 da zercladur 2017 ha liug la fiasta da cant sursilvana a Falera. Il Plaz Fontauna vegn era duvraus per quella fiasta da cant. Ord quei motiv sto la via vegnir serrada en quei liug pil traffic naven da mesjamna sera, ils 7 da zercladur entochen gliendisdis endamaun, ils 12 da zercladur 2017.
Nus supplichein da risgaurdar las signalisaziuns corrispundentas ed engraziein per la capientscha.
A caschun dalla sesida da suprastonza dils 13 da mars 2017 ei Marco Pelican da Laax vegnius elegius sco niev luvrer communal. Marco Pelican vegn ad entscheiver sia nova plazza da lavur igl 1. da fenadur 2017.
Nus gratulein a Marco Pelican tier quell’elecziun e giavischein ad el gia oz bia plascher e satisfacziun cun sia nova incumbensa.
Il prau da skis per affons e l’ustria Mirasteilas ein aunc aviarts entochen e cun dumengia, ils 19 da mars 2017. Naven dils 20 da mars 2017 vegn il menaschi serraus.
Nus supplichein per enconuschientscha.
Tenor lescha da tgauns dalla vischnaunca da Falera valan las suandontas prescripziuns:
Nus supplichein tuttas possessuras e tuts possessurs da tgauns da setener vid quellas prescripziuns. Bien engraziament.
La vischnaunca da Falera offerescha lenna da brisch sco suonda:
Liug (plaz da lenna): Curtgani ni avon casa
Prezi: pégn, plaz da lenna, frs. 54.–/m3
pégn, avon casa, frs. 69.–/m3
lenna dira, plaz da lenna, frs. 92.–/m3
lenna dira, avon casa, frs. 107.–/m3
La surdada succeda en fuorma da lenna liunga. Las empustaziuns ein d’inoltrar entochen ils 17 da mars 2017 a scret all’administraziun communala Falera (E-Mail: info@falera.net).
Tenor constituziun ei la demissiun d’in uffeci communal stada da far a scret alla suprastonza communala entochen la fin da fevrer 2017. Igl ei vegniu inoltrau las suandontas demissiuns:
L’elecziun dils ufficials da vischnaunca ha liug a caschun dalla radunonza communala da calonda mars dils 5 da matg 2017. Persunas che han interess da surprender in da quels posts san s’annunziar tiel president communal, Wendelin Casutt-Cathomen.
Muort las relaziuns fetg bletschas e la munconza da neiv silla plazza da ballapei sa quella buca vegnir duvrada so planisau per la fiasta dil vitg digl unviern. Medemamein ei era la prognosa da l’aura buca buna. Ord quels motivs ha la suprastonza communala decidiu da buca menar atras la fiasta dil vitg digl unviern dils 4 da mars 2017.
Nus supplichein per enconuschientscha ed engraziein per la capientscha.
Muort visada entras il luvrer communal actual enquera la vischnaunca da Falera sigl 1. da zercladur 2017 ni tenor cunvegnientscha in niev luvrer communal (plazza cumpleina).
Ulteriuras informaziuns anfleis Vus egl inserat per la plazza.
Las datas dils exercezis 2017 anfleis Vus cheu.
La radunonza communala da calonda mars ha liug venderdis, ils 5 da matg 2017.
Nus supplichein per enconuschientscha.
Ils resultats dalla vischnaunca da Falera anfleis Vus cheu.
La suprastonza communala ha elegiu signur Guido Heini da Glion sco niev pedel per il Center communal e la casa da scola. Guido Heini vegn ad entscheiver sia nova plazza da lavur ils 13 da fevrer 2017.
Nus gratulein a signur Heini tier quell’elecziun e giavischein ad el bia plascher cun sia nova incumbensa.
Venderdis, ils 3-2-2017
Venderdis, ils 10-2-2017
Venderdis, ils 17-2-2017
Venderdis, ils 24-2-2017
Venderdis, ils 3-3-2017
Dacuort han ils pagataglia retschiert ils formulars ni l’invitaziun per tschentar ora la declaronza da taglia 2016.
Niev ston las declaronzas da taglia vegnir inoltradas all’administraziun da taglia dil cantun Grischun.
adressa: Kantonale Steuerverwaltung GR
Verarbeitungszentrum 1/KO
Steinbruchstrasse 18, 7001 Chur
Persunas che han buca survegniu ils formulars san retrer tals tier l’administraziun da taglia dil cantun Grischun. Il program Softax 2016 saveis Vus era retrer dalla pagina d’internet www.stv.gr.ch ed installar quel direct sin Vies computer.
Ils termins per inoltrar las declaronzas ein fixai sco suonda:
Ils 31 da mars 2017 per persunas cun activitad da gudogn dependenta, students, pensiunai e disoccupai. Ils 30 da settember 2017 per persunas cun activitad da gudogn independenta, societads semplas e persunas domiciliadas ordeifer il cantun Grischun cun immobiglias el cantun Grischun resp. en vischnaunca.
Prolungaziun dil termin
Damondas per ina prolungaziun dil termin ein da far avon ch’il termin d’inoltraziun scroda (nr. da register, num, prenum e vischnaunca). Niev ei la damonda da tschentar all’administraziun da taglia dil cantun Grischun.
online: www.stv.gr.ch
via e-mail: fristgesuche@stv.gr.ch
ni a scret: Kantonale Steuerverwaltung GR
Fristgesuche/KO
Steinbruchstrasse 18, 7001 Chur
Tel. 081 257 34 93
Suttascripziuns dils conjugals
Conjugals che vivan giuridicamein ed effectivamein en ina lètg nunseparada ein suttamess communablamein alla taglia. Omisdus ein obligai da suttascriver la declaronza da taglia.
Informaziuns
Davart eventualas damondas stat igl uffeci communal da taglia (tel. 081 921 35 15) ni l’allianza da taglia Laax (tel. 081 921 51 13) a disposiziun.
L’urna ei tschentada sin canzlia communala sco suonda:
gievgia, ils 9 da fevrer 2017 15.00-17.00 uras
venderdis, ils 10 da fevrer 2017 15.00-17.00 uras
dumengia, ils 12 da fevrer 2017 09.45-10.15 uras
Il cedel da dretg da votar (cedel alv) ei da dar giu all’urna.
Votantas ni votants che han buca survegniu tarmess tier il material da votar, san retrer quel entochen venderdis, ils 10 da fevrer 2017 tier la canzlia communala.
Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug
mesjamna, igl 1. da fevrer 2017, denter las 13.30 uras e las 14.50 uras.
Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils differents signals d’alarm cun ils tals la populaziun vegn alarmada en cass da prighel.
Ulteriuras informaziuns e reglas da secuntener anfleis Vus sin la pagina da teletext 680 e sin la pagina d’internet www.sirenentest.ch.
Nus supplichein per enconuschientscha.
Sin fundament digl art. 152 alinea 3 ed art. 153 alinea 3 dalla lescha cantunala da taglia e tenor art. 2 dalla lescha da taglia dalla vischnaunca
da Falera sco era tenor disposiziun dil departament da finanzas e vischnauncas dil cantun Grischun fixescha la suprastonza communala
mintg’onn il tscheins da retard e da bunificaziun.
Il tscheins da retard ei da contribuir dils pagataglias che pagan memia tard ils quens da taglia. Il tscheins da bunificaziun han tals dabien che
han pagau importos memia aults sin fundament d’in quen da taglia provisoric.
La suprastonza communala decida las suandontas taxas per tut las taglias communalas:
Il tscheins da retard pigl onn 2017 munta 4 %.
Il tscheins da bunificaziun pigl onn 2017 vegn fixaus sin 0.2 %.
Las taxas d’incasso muntan:
Plinavon decida la suprastonza communala sin fundament digl art. 2 dalla lescha da taglia dalla vischnaunca da Falera e sin fundament digl
art. 14 dallas disposiziuns executivas tier la lescha per taxas da hosps e turissem las suandontas taxas per las taxas da hosps e turissem:
Il tscheins da retard pigl onn 2017 munta 4 %.
Las taxas d’incasso e las taxas per controllas/examinaziuns muntan:
Dil protocol dalla radunonza communala dils 2 da december 2016 sa vegnir priu naven d’immediat envesta sin canzlia communala.
Sch’ei vegn fatg neginas protestas a scret entochen la proxima radunonza communala vala il protocol sco approbaus.
Las marcas da tgauns per igl onn 2017 ein da retrer naven d’immediat entochen sil pli tard ils 28 da fevrer 2017 tier la canzlia communala.
La taxa per igl emprem tgaun munta frs. 40.—. Per mintga ulteriur tgaun el medem tenercasa munta la taxa frs. 110.—.
La vischnaunca da Falera enquera per immediat ni tenor cunvegnientscha in/a
pedel/pedella 100 %.
Detagls mira inserat.
Ils pigneuls da Nadal san vegnir dismess mintgamai avon las casettas da rumien ufficialas en vischnaunca.
Ils pigneuls ch’ein deponi en quels loghens vegnan rimnai e dismess dils luvrers communals gratuitamein.
Nus supplichein per enconuschientscha.
La suprastonza communala envida ensemen cul chor viril tuttas convischinas e convischins sco era tut nos hosps da festivar communablamein la midada digl onn.
Nus s’entupein naven dallas 23.00 uras si Planezzas. Cun bubrondas cauldas ed ina surpresa musicala lein nus dir adia agl onn vegl e da mesanotg communablamein far viva sil niev onn.
Muort la bialaura dallas davosas jamnas ei la cuntrada fetg schetga ed il prighel da fiug ei perquei fetg gronds. Ord quels motivs ha la suprastonza relaschau naven d’immediat ed ad interim in scamond da far fiug e da barschar giu fiugs artificials pigl entir territori communal da Falera.
Nus supplichein per enconuschientscha. Bien engraziament.
Muort la bialaura dallas davosas jamnas ei la cuntrada fetg schetga ed il prighel da fiug ei perquei fetg gronds. Ord quels motivs ha la suprastonza relaschau naven d’immediat ed ad interim in scamond da far fiug e da barschar giu fiugs artificials pigl entir territori communal da Falera.
Nus supplichein la populaziun sco era nos hosps da setener vid quei scamond ed engraziein per la capientscha.
Suprastonza communala Falera
Preziadas convischinas e preziai convischins
La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2016.
Nus giavischein a tuts ina biala e benedida fiasta da Nadal ed egl onn niev bia cletg, ventira e buna sanadad.
La canzlia communala stat serrada ils suandonts dis:
gliendisdis, ils 26 da december 2016
mardis, ils 27 da december 2016
venderdis, ils 30 da december 2016
gliendisdis, ils 2 da schaner 2017
Il prau da skis per affons e l’ustria Mirasteilas ein aviarts naven da sonda, ils 24 da december 2016.
Nus supplichein per enconuschientscha.
Ils pigneuls empustai san vegnir retratgs gievgia, ils 22 da december 2016 naven dallas 12.30 – 13.30 uras sil parcadi Fandrels a Falera.
Ils pigneuls empustai ston vegnir pagai ordavon sin canzlia communala.
La plazza da glatsch a Bigliac ei semtgada ed aviarta naven d’immediat.
La plazza ei aviarta mintgadi dallas 10.00 uras entochen las 21.00 uras.
Las decisiuns dalla radunonza communala dils 2 da december 2016 anfleis Vus cheu.
Sche las relaziuns da neiv a Curnius lein tier ei entscheiva il menaschi dalla sutgera Falera-Curnius sonda, ils 3-12-2016 cun in temps d’avertura reduciu.
Las fin d’jamna dils 3 e 4 da december 2016, 10 ed 11 da december 2016 e 17 e 18 da december 2016 ei la sutgera mintgamai aviarta igl entir di.
Naven da gliendisdis, ils 19-12-2016 entochen venderdis, ils 23-12-2016 ei la sutgera aviarta sco suonda:
avonmiezdi, dallas 8.30-9.30 uras per viadis ensi
suentermiezdi, dallas 14.30-15.30 uras per viadis engiu.
Naven da sonda, ils 24-12-2016 entochen dumengia, ils 26.3.2017 ei la sutgera lu aviarta igl entir di duront ils temps usitai.
Naven da gliendisdis, ils 27-3-2017 entochen gievgia, ils 13-4-2017 valan lu puspei ils suandonts temps d’avertura reduci:
avonmiezdi, dallas 8.30-9.30 uras, per viadis ensi
suentermiezdi, dallas 15.00-16.00 uras, per viadis engiu.
Naven da venderdis sogn, ils 14-4-2017 entochen gliendisdis Pastgas, ils 17-4-2017 ei la sutgera lu puspei aviarta igl entir di.
Nus supplichein per enconuschientscha.
Ils resultats dalla vischnaunca da Falera anfleis vus cheu.
Ei sa vegnir empustau las suandontas sorts e grondezias:
pégn da Nordmann
80-100 cm
125-150 cm
175-200 cm
225-250 cm
300-350 cm
pégn
80-100 cm
100-150 cm
150-200 cm
200-300 cm
Las empustaziuns san vegnir fatgas tier la canzlia communala (Tel. 081 921 35 15 ni E-Mail: info@falera.net) entochen sil pli tard venderdis, ils 2 da december 2016. Empustaziuns che vegnan fatgas suenter quei termin san deplorablamein buca pli vegnir risguardadas.
Ils pigneuls empustai ston vegnir pagai sin canzlia communala ordavon. Gievgia, ils 22 da december 2016 naven dallas 12.30-13.30 uras san ils pigneuls vegni retratgs sil parcadi Fandrels.
Venderdis, ils 2 da december 2016, 20.15 uras, Stonas I, la fermata
Tractandas:
Il preventiv vegn tarmess tier els proxims dis a tuttas casadas. Ulteriurs exemplars san vegnir retratgs tier l’administraziun communala.