Il prau da skis per affons e l’ustria Mirasteilas ein aunc aviarts entochen e cun dumengia, ils 19 da mars 2017. Naven dils 20 da mars 2017 vegn il menaschi serraus.

Nus supplichein per enconuschientscha.

La vischnaunca da Falera offerescha lenna da brisch sco suonda:

Liug (plaz da lenna):      Curtgani ni avon casa

Prezi:                                  pégn, plaz da lenna, frs. 54.–/m3

                                             pégn, avon casa, frs. 69.–/m3

                                             lenna dira, plaz da lenna, frs. 92.–/m3

                                             lenna dira, avon casa, frs. 107.–/m3

La surdada succeda en fuorma da lenna liunga. Las empustaziuns ein d’inoltrar entochen ils 17 da mars 2017 a scret all’administraziun communala Falera (E-Mail: info@falera.net).

Tenor constituziun ei la demissiun d’in uffeci communal stada da far a scret alla suprastonza communala entochen la fin da fevrer 2017. Igl ei vegniu inoltrau las suandontas demissiuns:

• suprastonza communala, Oliver Darms
• cumissiun da baghegiar, Mattias Bearth

L’elecziun dils ufficials da vischnaunca ha liug a caschun dalla radunonza communala da calonda mars dils 5 da matg 2017. Persunas che han interess da surprender in da quels posts san s’annunziar tiel president communal, Wendelin Casutt-Cathomen.

Muort visada entras il luvrer communal actual enquera la vischnaunca da Falera sigl 1. da zercladur 2017 ni tenor cunvegnientscha in niev luvrer communal (plazza cumpleina).

Ulteriuras informaziuns anfleis Vus egl inserat per la plazza.

La radunonza communala da calonda mars ha liug venderdis, ils 5 da matg 2017.

Nus supplichein per enconuschientscha.

La suprastonza communala ha elegiu signur Guido Heini da Glion sco niev pedel per il Center communal e la casa da scola. Guido Heini vegn ad entscheiver sia nova plazza da lavur ils 13 da fevrer 2017.

Nus gratulein a signur Heini tier quell’elecziun e giavischein ad el bia plascher cun sia nova incumbensa.

Dacuort han ils pagataglia retschiert ils formulars ni l’invitaziun per tschentar ora la declaronza da taglia 2016.

Niev ston las declaronzas da taglia vegnir inoltradas all’administraziun da taglia dil cantun Grischun.

adressa:        Kantonale Steuerverwaltung GR

Persunas che han buca survegniu ils formulars san retrer tals tier l’administraziun da taglia dil cantun Grischun. Il program Softax 2016 saveis Vus era retrer dalla pagina d’internet www.stv.gr.ch ed installar quel direct sin Vies computer.

Ils termins per inoltrar las declaronzas ein fixai sco suonda:

Ils 31 da mars 2017 per persunas cun activitad da gudogn dependenta, students, pensiunai e disoccupai. Ils 30 da settember 2017 per persunas cun activitad da gudogn independenta, societads semplas e persunas domiciliadas ordeifer il cantun Grischun cun immobiglias el cantun Grischun resp. en vischnaunca.

Prolungaziun dil termin

Damondas per ina prolungaziun dil termin ein da far avon ch’il termin d’inoltraziun scroda (nr. da register, num, prenum e vischnaunca). Niev ei la damonda da tschentar all’administraziun da taglia dil cantun Grischun.

online:           www.stv.gr.ch

via e-mail:    fristgesuche@stv.gr.ch

ni a scret:     Kantonale Steuerverwaltung GR

                       Fristgesuche/KO

                       Steinbruchstrasse 18, 7001 Chur

                       Tel. 081 257 34 93

Suttascripziuns dils conjugals

Conjugals che vivan giuridicamein ed effectivamein en ina lètg nunseparada ein suttamess communablamein alla taglia. Omisdus ein obligai da suttascriver la declaronza da taglia.

Informaziuns

Davart eventualas damondas stat igl uffeci communal da taglia (tel. 081 921 35 15) ni l’allianza da taglia Laax (tel. 081 921 51 13) a disposiziun.

Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug

mesjamna, igl 1. da fevrer 2017, denter las 13.30 uras e las 14.50 uras.

Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils differents signals d’alarm cun ils tals la populaziun vegn alarmada en cass da prighel.

Ulteriuras informaziuns e reglas da secuntener anfleis Vus sin la pagina da teletext 680 e sin la pagina d’internet www.sirenentest.ch.

Nus supplichein per enconuschientscha.

Dil protocol dalla radunonza communala dils 2 da december 2016 sa vegnir priu naven d’immediat envesta sin canzlia communala.

Sch’ei vegn fatg neginas protestas a scret entochen la proxima radunonza communala vala il protocol sco approbaus.

La vischnaunca da Falera enquera per immediat ni tenor cunvegnientscha in/a

pedel/pedella 100 %.

Detagls mira inserat.

La suprastonza communala envida ensemen cul chor viril tuttas convischinas e convischins sco era tut nos hosps da festivar communablamein la midada digl onn.

Nus s’entupein naven dallas 23.00 uras si Planezzas. Cun bubrondas cauldas ed ina surpresa musicala lein nus dir adia agl onn vegl e da mesanotg communablamein far viva sil niev onn.

Muort la bialaura dallas davosas jamnas ei la cuntrada fetg schetga ed il prighel da fiug ei perquei fetg gronds. Ord quels motivs ha la suprastonza relaschau naven d’immediat ed ad interim in scamond da far fiug e da barschar giu fiugs artificials pigl entir territori communal da Falera.

Nus supplichein per enconuschientscha. Bien engraziament.

Preziadas convischinas e preziai convischins

La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2016.

Nus giavischein a tuts ina biala e benedida fiasta da Nadal ed egl onn niev bia cletg, ventira e buna sanadad.

• Nr. 
  2016/61
• Di da publicaziun 
  23 da december 2016
• Petent 
  Maurenbrecher Benedikt
  In der Looren 9
  8053 Zürich
• Architect/Representant 
  Holzrausch GmbH
  Albulastrasse 9
  7411 Sils i.D.
• Baghetg 
  Midada d’intent dalla stanza existenta da fitness
• Damondas supplementaras 
  –
• Parcella / zona 
  533 / W2
• Quartier/Via 
  Via Samun 8
• Termin d’ exposiziun 
  23-12-2016  –  12-01-2017
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

Ils pigneuls empustai san vegnir retratgs gievgia, ils 22 da december 2016 naven dallas 12.30 – 13.30 uras sil parcadi Fandrels a Falera.

Ils pigneuls empustai ston vegnir pagai ordavon sin canzlia communala.

La plazza da glatsch a Bigliac ei semtgada ed aviarta naven d’immediat.

La plazza ei aviarta mintgadi dallas 10.00 uras entochen las 21.00 uras.

Las decisiuns dalla radunonza communala dils 2 da december 2016 anfleis Vus cheu.

Ils resultats dalla vischnaunca da Falera anfleis vus cheu.

Ei sa vegnir empustau las suandontas sorts e grondezias:

pégn da Nordmann
80-100 cm
125-150 cm
175-200 cm
225-250 cm
300-350 cm

pégn
80-100 cm
100-150 cm
150-200 cm
200-300 cm

Las empustaziuns san vegnir fatgas tier la canzlia communala (Tel. 081 921 35 15 ni E-Mail: info@falera.net) entochen sil pli tard venderdis, ils 2 da december 2016. Empustaziuns che vegnan fatgas suenter quei termin san deplorablamein buca pli vegnir risguardadas.

Ils pigneuls empustai ston vegnir pagai sin canzlia communala ordavon. Gievgia, ils 22 da december 2016 naven dallas 12.30-13.30 uras san ils pigneuls vegni retratgs sil parcadi Fandrels.

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 24 da november 2016, 15.00-17.00 uras
venderdis, ils 25 da november 2016, 15.00-17.00 uras
dumengia, ils 27 da november 2016, 09.45-10.15 uras

Il cedel da dretg da votar (cedel alv) ei da dar giu all’urna.

Votantas ni votants che han buca survegniu tarmess tier il material da votar, san retrer quel entochen venderdis, ils 25 da november 2016 tier la canzlia communala.

Fatschentas, ustrias e persunas privatas che lessan retrer pil temps d’advent pigneuls ni dascha, san dar si lur empustaziun entochen sil pli tard venderdis, ils 4 da november 2016 tier la canzlia communala (081 921 35 15).

A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias.

Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils cuosts ein da surprender dils pertuccai.

Per purs che pervesan lur animals sin beins buca habitai ord la zona da baghegiar sa la suprastonza communala en cass da basegn far excepziuns e decider sut tgei cundiziuns ch’ina rumida sa vegnir fatga. Per che nus seigien semtgei sigl unviern supplichein nus perquei tals purs da s’annunziar a scret tier la canzlia communala entochen ils 7 da november 2016 cun indicar nua e per tgei temps ina rumida fuss necessaria.

Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers.

Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.

Tenor las disposiziun executivas tier la lescha da pumpiers dalla vischnaunca da Falera entscheiva l’obligaziun da dar pumpiers egl onn, el qual il 20avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.

La taxa da basa per la taxa da cumpensaziun munta per obligai da far pumpiers cun domicil cumplein (di da referenza mintgamai ils 31-12) fr. 280.—/onn. Tier domicil jamnil cun domicil cumplein (di da referenza mintgamai ils 31-12) munta la taxa da basa per la taxa da cumpensaziun fr. 100.—/onn.

Persunas ch’ein obligadas da far pumpiers e che lessan prestar survetsch san retrer il formular d’annunzia tier l’administraziun communala. Il formular ei da returnar puspei all’administraziun communala entochen ils 4 da november 2016. Persunas che prestan gia survetsch e lessan pagar niev la taxa da cumpensaziun enstagl da prestar survetsch activ duein s’annunziar a scret entochen ils 4 da november 2016 tier l’administraziun communala, Via Principala 45c, 7153 Falera (E-Mail: info@falera.net).

Per ulteriuras informaziuns stat il cumandant da pumpiers, Frigg Steinmann (Natel 079 566 99 66 ni E-Mail: feuerwehr.laax@bluewin.ch) bugen a disposiziun.

Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:

Burgheis svizzers cun dimora permanenta
• Scret da patria
• Attest da famiglia
• Cudisch militar / Cudischet dalla protecziun civila
• Mussament da segirada dalla cassa da malsauns

Burgheis svizzers cun dimora jamnila
• Certificat d’origin dalla vischnaunca da domicil

Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns

Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.

Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.

Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.

Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.

Muort lavurs da pinar lenna resta la via d’Alp Dadens naven dalla storta da Paliu Marscha serrada per tut il traffic. Quei naven dils 17-10-2016 entochen ca. miez november. Medemamein resta era la senda da viandar naven da Tegia Sut sur Paliu Marscha entochen la via d’Alp Dado serrada duront quei temps. Priu ora ein sonda e dumengia lu ein las vias aviartas. Per motivs da segirtad supplichein nus da risguardar las signalisaziuns. Engraziel per Vossa capientscha.

Uffeci forestal

Falera erhält Anschluss ans Ultrabreitbandnetz von Swisscom

Swisscom baut Ultrabreitband in Falera. Die Einwohner von Falera erhalten damit Zugang zum modernsten Netz der Schweiz. Bereits im Oktober 2016 beginnt Swisscom mit dem Ausbau der neusten Glasfasertechnologien «Fibre to the Street» (FTTS).

Vielfältige Streaming-Angebote, Videos in HD-Qualität und neue Cloud-Dienste sind nur wenige Beispiele dafür, weshalb Privatkunden und Unternehmen immer mehr Daten mit noch höheren Bandbreiten benötigen. Swisscom baut deshalb ihr Breitbandnetz laufend aus: in der Gemeinde Falera mit den Technologien «Fibre to the Street» (FTTS), bei der Glasfasern bis rund 200 Meter vor die Gebäude gebaut werden. Grössere Liegenschaften werden bis ins Gebäude mit Glasfaserkabel erschlossen (FTTB). Für die restliche Strecke bis in die Wohnungen und Geschäfte kommt das bestehende Kupferkabel zum Einsatz. Diese Technologien ermöglichen ultraschnelles Internet mit bis zu 100 Mbit/s. Damit können künftig Daten blitzschnell übers Internet übertragen werden und die Anschlüsse sind auch für zukünftige Anforderungen bestens gerüstet.

Immer informiert über den Ausbaustand

Auf www.swisscom.ch/checker können Einwohner Ihre Telefonnummer oder Adresse eingeben und prüfen, welche Leistungen und Produkte an Ihrem Standort verfügbar sind. Ebenfalls können Sie sich für die automatische Benachrichtigung für Ihren Standort eintragen. Swisscom wird Sie dann informieren, sobald an Ihrer Wohnadresse neue Informationen zum Ausbau vorliegen.

Der Netzausbau in Falera wird durch die Cablex AG, dem Netzbaupartner von Swisscom AG, im Mandat des Generalunternehmers ausgeführt. Zuerst werden Werklöcher aufgegraben und umgebaut, damit die Glasfaserkabel für die zukünftige Breitbandverbindung eingezogen werden können. Zudem werden Mini-Quartierverteiler in den Schächten verbaut, die via Glasfaser mit der Zentrale verbunden werden. Swisscom ist bestrebt, die Emissionen für die Bevölkerung so gering wie möglich zu halten und wird die Sicherheit der Fussgänger auf den Gehwegen jederzeit gewährleisten.

Voraussichtlich April 2017 werden die ersten Einwohner von ultraschnellem Internet profitieren können – sie verfügen zudem jederzeit über eine freie Anbieterwahl.

Swisscom (Schweiz) AG