Adressa da contact
Administraziun communala Falera
Uffeci da taglia
Via Principala 45c
7153 Falera
Tel. +41 81 921 35 15
Fax +41 81 921 41 31
E-Mail info@falera.net
Uras da spurtegl
gliendisdis – venderdis
avonmiezdi dallas 09.00 – 11.00 uras
suentermiezdi dallas 15.00 – 17.00 uras
Tut las taxaziuns da taglia per Falera vegnan fatgas entras l’allianza da taglia Laax e per part entras l’administraziun da taglia dil cantun Grischun.
Lescha da taglia
Declaraziuns da taglia 2024
Per inoltrar la declaronza da taglia 2024 valan ils termins suandonts:
- 31 da mars 2025 per persunas cun gudogn dependent, scolars, sudents, rentiers, disoccupai sco era cuminonzas d’artavels
- 30 da settember 2025 persunas cun gudogn independent, societads semplas e per persunas domiciliadas ordeifer il cantun cun loghens da menaschi el Grischun
- 30 da settember 2025 per persunas domiciliadas ordeifer il cantun cun schischom el cantun Grischun (obligaziun da taglia limitada)
Ulteriuras informaziuns pertuccont las taglias survegnis Vus silla homepage dall’ administraziun da taglia cantunala.
Tariffas da taglia
- Taglia sin entrada e facultad
Il pei da taglia dalla vischnaunca da Falera munta 65% dalla taglia cantunala sempla. - Taglia sin schischom
La taglia sin schischom importa 1.25 ‰ dalla valeta fiscala. - Taglia da baselgia
Taglia da baselgia catolica 13%, taglia da baselgia evangelica 15%. La taliga vegn calculada sin fundament digl import dalla taglia cantunala. - Taglia sin midada da maun
La taglia sin midada da maun munta a 2% dil prezi da vendita. - Taglia sin gudogn da vendita da schischom
La vischnaunca incassescha ina taglia sin gudogn da vendita da schischom ell’altezia dalla taglia cantunala. Dapli informaziuns pertuccont la taglia sin gudogn da vendita da schischom anfleis sin la pagina d’internet dall’administraziun da taglia cantunala. - Taglia sin la part d’ierta e sin donaziuns
En la vischnaunca da Falera valan las suandontas tariffas:
per il tschep dils geniturs 2 %
per il tschep da tat e tatta 5 %
per las ulteriuras persunas favorisadas 20 %. - Taglia alla fontauna
Luvrers digl exteriur senza permissiun da domicil dalla polizia d’jasters, che han el cantun domicil ni dimora da dretg fiscal e che sededicheschan ad ina activitad da gudogn dependenta, ein suttamess alla taglia alla fontauna. Dapli informaziuns pertuccont la taglia alla fontauna anfleis sin la pagina d’internet dall’administraziun da taglia cantunala. - Taglia da tgauns
La taglia per igl emprem tgaun munta a fr. 40.–. Per mintga ulteriur tgaun el medem tenercasa importa la taglia fr. 110.–. Tenor la lescha da tgauns dalla vischnaunca da Falera ein ils possessurs obligai d’annunziar lur tgauns. L’annunzia ha da succeder mintgamai tochen ils 28 da fevrer.