Archiv

Santeri Falera: Sligiar si fossas

Per saver cavar vinavon las fossas cun la maschina sto vegnir sligiau si ina nova retscha da fossas.

Tenor artechel 18 digl uorden da sepultura e santeri dalla vischnaunca da Falera sto la suprastonza communala annunziar publicamein la rumida silmeins 6 meins avon il termin da rumida ed era orientar ils vegnentsuenter.

Las suandontas fossas vegnan sligiadas si:

nr. 29 Gieri Cathomen-Solèr
nr. 30 Hermina Cajochen-Girschweiler / Giovanna Sinigaglia-Galino
nr. 31 Toni Casutt-Casutt
nr. 32 Luisa Thom-Mettler
nr. 33 Maria Cathomen-Casutt
nr. 34 O. Maria Barla Cathomen / Margretha Cathomen-Caduff
nr. 35 Maria Casutt-Casutt

Sin fundament digl uorden sura numnau supplichein nus ils vegnentsuenter resp. talas persunas ch’ein responsablas per las fossas numnadas d’allontanar la crusch-fossa sco era la rama-fossa entochen fin avrel 2021.

Succeda la rumida buca enteifer il termin fixau capeta ella per incarica dalla suprastonza communala cun adossar ils cuosts als parents. Cruschs-fossa e ramas-fossa che vegnan buca allontanadas crodan senza indemnisaziun en possess dalla vischnaunca politica.

Nus supplichein per enconuschientscha ed engraziein per l’execuziun da quella ordinaziun.

 

Controlla aua da beiber

Ils 2 d’october 2020 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.

Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.

Dil resultat da quella emprova sa vegnir priu envesta sin canzlia communala ni sut www.falera.net.

Obligaziun da far survetsch da pumpiers 2021

Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers.

Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.

Tenor las disposiziuns executivas tier la lescha da pumpiers dalla vischnaunca da Falera entscheiva l’obligaziun da dar pumpiers egl onn, el qual il 20avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.

La taxa da basa per la taxa da cumpensaziun munta per obligai da far pumpiers cun domicil cumplein (di da referenza mintgamai ils 31-12) fr. 280.—/onn. Tier domicil jamnil cun domicil cumplein (di da referenza mintgamai ils 31-12) munta la taxa da basa per la taxa da cumpensaziun fr. 100.—/onn.

Persunas ch’ein obligadas da far pumpiers e che lessan prestar survetsch san s’annunziar entochen ils 27 da november 2020 cul formular corrispundent. Il formular ei publicaus sin la pagina d’internet https://www.laax-gr.ch/feuerwehr.php.

Persunas che prestan gia survetsch e lessan pagar niev la taxa da cumpensaziun enstagl da prestar survetsch activ duein s’annunziar a scret entochen ils 27 da november 2020 tiel cumandant da pumpiers.

Per ulteriuras informaziuns stat il cumandant da pumpiers, Sebastian Schulz (Natel 079 309 94 98 ni E-Mail: feuerwehr@laax-gr.ch) bugen a disposiziun.

Ordinaziun da traffic, communicaziun publica

1. La suprastonza communala da Falera prevesa d’introducir las suandontas restricziuns da traffic sin territori da vischnaunca:

Scamond per vehichels a motor, motos e mopeds (sig. 2.14)
Tabla supplementara: lubiu per il traffic agricol e forestal e cun ina lubientscha communala
– Falera ordeifer il vitg, la via naven dil cunfin dalla vischnaunca da Ladir resp. Glion tochen alla zona dil vitg Via Bigneras, altezia dalla parcella nr. 972

Zona cun scamond da parcar (sig. 2.59.1)
Tabla supplementara: dano parcadis signalisai/marcai
– Falera, entira zona dil vitg

Zona cun lubientscha da parcar (sig. 4.17) per persunas cun in impediment dad ir (sig. 5.14)
– Falera zona dil vitg, Via Principala 45c/45d, avon il center d’informaziun, parcella nr. 336, 1 parcadi

Parcar cun rudiala da parcar (sig. 4.18)
Tabla supplementara: mo per visitaders dil center d’informaziun, max. 30 min.
– Falera zona dil vitg, Via Principala 45c/45d, avon il center d’informaziun, parcella nr. 336, ca. 6 parcadis

Parcar cun rudiala da parcar (sig. 4.18)
Tabla supplementara: mo per clients dil Volg, max. 30 min.
– Falera zona dil vitg, Via Dual 1‚ altezia dalla parcella nr. 309/436, ca. 6 parcadis

2. Cun quellas mesiras duei il scamond da traffic e da parcar gia existent (1974 resp. 1980) vegnir exequius e signalisaus conform agl uorden tenor las directivas dalla lescha davart il traffic sin via.

3. La restricziun da traffic planisada ei vegnida approbada preliminarmein ils 18 da settember 2020 dalla polizia cantunala sebasond sin art. 7 al. 2 LItLTV.

4. Objecziuns e posiziuns en connex cun l’ordinaziun da traffic planisada san vegnir inoltradas enteifer 30 dis suenter la publicaziun alla suprastonza communala da Falera. Suenter l’examinaziun dallas posiziuns inoltradas decida la vischnaunca e publichescha siu conclus el fegl ufficial dil Grischun ensemen cun in’indicaziun dils mieds legals alla dertgira administrativa.

Damondas da baghegiar dils 2-10-2020
  • Nr.
    2020/73
  • Di da publicaziun
    02 d’october 2020
  • Petent
    Luzi Antoni Darms, Via Bigliac 14, 7153 Falera
  • Architect/Representant
    Manfred Darms, Via Er Liung 9, 7153 Falera
  • Project da construcziun
    Parcellar giu e midada d’intent tegia e stalla
  • Damondas supplementaras
    –
  • Parcella/zona
    780/zona d’agricultura surpostau cun zona per sport d’univiern
  • Quartier/Via
    Cavarschons
  • Termin d’ exposiziun
    02-10-2020 – 22-10-2020
  • Protestas
    Concernent il dretg public ein da far a scret duront il temps d’exposiziun alla suprastonza communala. Investa dils plans sa vegnir priu sin canzlia communala.
Votaziun dils 27-9-2020

Resultats vischnaunca Falera

Votaziun cantunala (negina votaziun)
Votaziun federala 

Tagliar plontas e caglias suenter las vias da meglieraziun

Tenor artechel 4 a) dil reglament pil manteniment dallas ovras da meglieraziun dalla vischnaunca da Falera ston tut las scarpas per liung dallas vias da funs vegnir cultivadas gratuitamein dil cunfinont (segar, tagliar caglias e roma etc.).

Nus supplichein perquei tuts possessurs da terren da mirar che plontas e caglias seigien tagliadas anavos aschia che quellas creschan buca sur ils cunfins ellas vias da meglieraziun. Quellas lavurs ston vegnir exequidas entochen ils 31 d’october 2020.

Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.

 

Tagliar plontas e caglias

Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. ein da deliberar da caglias e roma.

Caglias e roma sco era ulteriuras emplontaziuns (cotoneaster eav.) ein da tagliar anavos sin in’altezia da 4.5 m sur via e cun ina distanza da minimum 50 cm naven dalla via communala.

Nus supplichein privats, administraziuns e pedels da casas da vacanzas da mirar che quellas lavurs vegnan exequidas entochen ils 31 d’october 2020.

Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.

Votaziuns dils 27 da settember 2020

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 24 da settember 2020                 15.00-17.00 uras
venderdis, ils 25 da settember 2020            15.00-17.00 uras
dumengia, ils 27 da settember 2020            09.45-10.15 uras

Il cedel da dretg da votar (cedel alv) ei da dar giu all’urna.

Votantas ni votants che han buca survegniu tarmess tier il material da votar, san retrer quel entochen venderdis, ils 25 da settember 2020 tier la canzlia communala.

Damondas da baghegiar dils 28-8-2020
  • Nr.
    2020/64
  • Di da publicaziun
    28 d’uost 2020
  • Petent
    Orlando + Steffi Steiner, Via Vallà 9, 7153 Falera
  • Architect/Representant
    Orlando + Steffi Steiner, Via Vallà 9, 7153 Falera
  • Project da construcziun
    Suosta da velos e lavurs da contuorn
  • Damondas supplementaras
    –
  • Parcella/zona
    1443 / WE
  • Quartier/Via
    Er Liung
  • Termin d’ exposiziun
    28-08-2020 – 17-09-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr.
    2020/66
  • Di da publicaziun
    28 d’uost 2020
  • Petent
    Andrea Schuster, Hohenrainweg 10, DE-73453 Abtsgmünd
  • Architect/Representant
    Guido Brot, Spengler/Dachdecker, 7151 Schluein
  • Project da construcziun
    Remplazzar fassada da lenn entras fassada d’irom
  • Damondas supplementaras
    –
  • Parcella/zona
    1540 /W2
  • Quartier/Via
    Lavintgin 31
  • Termin d’ exposiziun
    28-08-2020 – 17-09-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Menaschi da stad/atun sutgera Falera-Curnius

La sutgera Falera-Curnius ei la stad ed il proxim atun aviarta sco suonda:

entochen ils 23 d’uost 2020 mintga di;
naven dils 24 d’uost entochen ils 24 da settember 2020 mintgamai la fin d’jamna menaschi prolunghiu venderdis entochen dumengia;
naven dils 25 da settember entochen ils 25 d’october 2020 mintga di.

Nus supplichein per enconuschienstcha.

Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Prescripziuns pertuccont damondas da baghegiar

Nus fagiein attents sin las suandontas prescripziuns en connex cun damondas da baghegiar:

Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.

Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.

Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.

Nus supplichein per enconuschientscha ed engraziein per l’observaziun da quellas prescripziuns.

Obligaziun da vignetta per pegnas mobilas el liber

Tenor las prescripziuns d’energia vertentas dil cantun Grischun ein pegnas mobilas per diever commercial ora el liber lubidas sulettamein, sche las emissiuns da CO2 vegnan cumpensadas. Sco pegnas mobilas valan oravontut ils schi numnai “bulius da scaldar”, cundrez da scaldar per tendas (per exempel exposiziuns, events etc.) era radiaturs e radiaturs d’infratgietschen. Per astgar duvrar pegnas mobilas el liber, basegna ei ina vignetta respectivamein pliras vignettas che ston vegnir renovadas annualmein. Ina vignetta entochen 14kw cuosta 60 francs e sa vegnir retratga sin canzlia communala.

Damonda da baghegiar dils 14-8-2020
  • Vischnaunca 
    Falera
  • Nr. 
    2020/61
  • Di da publicaziun 
    14 d’uost 2020
  • Petent 
    Hans + Pia Speck – Camenisch, Via Dual 4, 7153 Falera
  • Architect/Representant 
    Ivo Speck, Via Vallà 3, 7153 Falera
  • Project da construcziun 
    Sanaziun e midada d’intent stalla Nomens
  • Damondas supplementaras
    –
  • Parcella/zona
    720/Zona per agricultura surpostau cun zona per sport d’unviern
  • Quartier/Via 
    Nomens
  • Termin d’ exposiziun
    14-08-2020 – 03-09-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala.
Damondas da baghegiar dils 7-8-2020
  • Nr. 
    2020/57
  • Di da publicaziun 
    7 d’uost 2020
  • Petent 
    Sunrise Communications AG, Thurgauerstrasse 101B, 8152 Glattpark
  • Architect/Representant 
    TM Concept AG, Delfterstrasse 12, 5000 Aarau
  • Project da construcziun 
    Midada/Cumpletaziun (5G) vid igl indrez per telefonia mobila existent
  • Damondas supplementaras
    –
  • Parcella/zona 
    1292 (1494)/Zona per indrezs turistics
  • Quartier/Via 
    Crap Sogn Gion
  • Termin d’ exposiziun 
    07-08-2020  –  27-08-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala.
  • Nr. 
    2020/62
  • Di da publicaziun 
    7 d’uost 2020
  • Petent 
    Stweg Sper Mulin, Via Bigneras 5, 7153 Falera
  • Architect/Representant 
    Schleich + Collenberg AG, Glennerstrasse 21, 7130 Ilanz
  • Project da construcziun 
    Pumpa da scaldar cun aria ed aua
  • Damondas supplementaras
    –
  • Parcella/zona 
    25 / W2
  • Quartier/Via 
    Bigneras
  • Termin d’ exposiziun 
    07-08-2020 – 27-08-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala.
Plazza d’emprendissadi

La vischnaunca da Falera porscha naven digl uost 2021 ina plazza d’emprendissadi sco commerciant/a (profil E ni M) tier l’administraziun communala.

Annunzias cun ils documents usitai pren la suprastonza communala bugen encunter entochen ils 28 d’uost 2020.

Per dapli informaziuns mira inserat sut www.falera.net.

Inserat

Controllas concepts da protecziun tenor l’ordinaziun davart COVID-19

Tenor disposiziun digl Uffeci da sanadad dil Grischun ein las vischnauncas vegnidas incumbensadas da rinforzar lur activitad da controlla e da controllar pli savens sche concepts da protecziun sufficients ein avon maun en menaschis ed en stabiliments accessibels al public sco era a caschun d’occurrenzas e sche quels concepts vegnan realisai. La vischnaunca sto annunziar jamnil agl Uffeci da sanadad dil Grischun il diember dallas controllas realisadas sco era las mesiras ordinadas (contestaziuns da concepts da protecziun, admoniziuns, serradas eav.).

La suprastonza communala ha incumbensau la fatschenta Securitas SA cun quellas controllas. Collaboraturs dalla Securitas SA vegnan cun quei a controllar els proxims dis pli savens ils concepts da protecziun tenor l’ordinaziun davart COVID-19.

Nus supplichein per enconuschientscha e da setener vid ils concepts da protecziun mintgamai corrispundents.

Bien engraziament.

Plazza da giug e sport Bigliac

Las lavurs da sanaziun vid la plazza da giug cuozzan empau pli ditg che planisadas.

Sche las lavurs san vegnir fatgas ellas proximas jamnas tenor plan ei l’avertura dalla nova plazza da giug e sport planisada probabel entuorn ils 21 d’uost 2020.

Nus supplichein per enconuschientscha ed engraziein per la capientscha.

Protocol

Dil protocol dalla radunonza communala dils 19 da zercladur 2020 sa vegnir priu naven d’immediat envesta sin canzlia communala.

Protestas ston vegnir inoltradas en scret alla suprastonza communala duront il temps d’exposiziun da 30 dis.

Damondas da baghegiar dils 31-7-2020
  • Vischnaunca 
    Falera
  • Nr. 
    2020/55
  • Di da publicaziun 
    31 da fenadur 2020
  • Petent 
    Weisse Arena Bergbahnen AG, Via Murschetg 17, 7032 Laax Murschetg
  • Architect/Representant
    Casutt Wyrsch Zwicky AG, Via Principala 45d, 7153 Falera
  • Project da construcziun 
    Staziun da locaziun
  • Damondas supplementaras 
    –
  • Parcella/zona 
    979/Zona per agricultura surpostau cun zona per sport d’unviern
  • Quartier/Via 
    Mulin, staziun da val
  • Termin d’ exposiziun 
    31.07.2020 – 20.08.2020
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala.
Di dalla fiasta naziunala – Barschar giu fiugs artificials

Il barschar giu fiugs artificials ei adina in prighel per incendis dalla cultira e digl uaul. Perquei sto vegnir iu entuorn precaut cun fiug el liber. Actualas informaziuns pertuccont il prighel da fiug
anfleis Vus sin la pagina d’internet digl uffeci cantunal pigl uaul e prighels dalla natira www.wald.gr.ch.

Ella vischnaunca da Falera astga ord motivs da segirtad vegnir barschau giu negins fiugs artificials.

Nus supplichein per enconuschientscha ed engraziein per la capientscha.

Diever localitads da vischnaunca 2020/2021

Uniuns e persunas che lessan far diever dallas localitads da vischnaunca el Center Communal en casa da scola ni en la fermata ein supplicadas da far ina damonda a scret alla canzlia communala entochen ils 7 d’uost 2020.

Disdetga fiasta naziunala 2020

Muort las prescripziuns actualas ed ils differents concepts da segirtad en connex cul coronavirus, eis ei buca pusseivel dad organisar la fiasta naziunala sco usitau.

Ord quei motiv ha la suprastonza communala a caschun dalla sesida dils 18 da zercladur 2020 decidiu da menar atras negina fiasta naziunala per uonn.

Nus supplichein per enconuschientscha ed engraziein per la capientscha.

Constituziun suprastonza communala

A caschun dalla sesida dils 25 da zercladur 2020 ei la suprastonza communala seconstituida sco suonda:

President communal: Wendelin Casutt-Cathomen
Vicepresident: Gion Cathomen

  1. Administraziun generala, finanzas, taglias, persunal da vischnaunca, provediment social, tgira da malsauns
    Cau: Wendelin Casutt-Cathomen
    Substitut: Orlando Steiner
  2. Fatgs da scola
    Cau: Sandra Chistell Omlin
    Substitut: Wendelin Casutt-Cathomen
  3. Fatgs da baghegiar e planisaziun, vias en vischnaunca, provediment d’aua, canalisaziun, pumpiers
    Cau: Gieri Blumenthal
    Substitut: Gion Cathomen
  4. Agricultura, alps, uffeci forestal, vias da meglieraziun ed uaul, dismessa da rumians, fatgs da santeri, protecziun dalla natira e digl ambient, polizia, militar, schurmetg civil
    Cau: Gion Cathomen
    Substitut: Gieri Blumenthal
  5. Economia, turissem, cultura, sport
    Cau: Orlando Steiner
    Substituta: Sandra Chistell Omlin
Exposiziun d’art

Exposiziun d’art 2020 – 2022

L’exposiziun ei aviarta duront la fiasta da Tschuncheismas: 21 – 24 da matg 2021, 14:00 entochen las 17:00 uras

la fermata

link

Fabian Unteregger “Doktorspiele”

vendiu ora!

ils 4 da december 2020

la fermata

link

Obligaziun da pagar taxas parcadi Fandrels

A caschun dalla sesida da suprastonza dils 18 da zercladur 2020 ha la suparstonza communala decidiu ina obligaziun da pagar taxas pigl entir onn sil parcadi Fandrels all’entschatta dil vitg. L’obligaziun da pagar taxas pigl entir onn vala naven digl 1. da fenadur 2020.

Las taxas da parcar san niev era vegnir pagadas sur ina «Parking-App». Cartas dil meins ni digl onn san vegnir retratgas sco tochen da cheu tier l’administraziun communala.

Nus supplichein per enconuschientscha.

Resultats radunonza communala dils 19-6-2020

Ils resultats dalla radunonza communala anfleis Vus cheu.

Rimnada da rauba blocconta

Sonda, ils 20 da zercladur 2020 dallas 8.00-11.00 uras sa vegnir dismess rauba blocconta.

Ils containers per dismetter la rauba vegnan tschentai si sil parcadi Fandrels.

Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.

Ils suandonts rumians astgan en mintga cass buca vegnir dismess el rom da rimnadas da rauba blocconta:

rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.

Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.

Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:

apparats electrics                                                   gratuit
bischels fluorescents, pérs da cazzola                gratuit
batterias da motos                                                 frs.  5.– per toc
batterias d’auto pign/grond                                 frs. 10.–/20.– per toc
pneus da privats senza gaveglias                        frs. 5.– per toc
pneus da privats cun gaveglias                            frs. 10.– per toc

Quella rauba vegn dismessa separau dalla rauba blocconta entras ils luvrers communals.

Ils luvrers communals han l’incumbensa da visar anavos rauba che corrispunda buca als criteris da rumien bloccont.

Pertuccont il coronavirus supplichein nus tuts, da setener vinavon vid las reglas da cumportament e higiena dalla confederaziun. Nus supplichein da risguardar en quei connex las prescripziuns e signalisaziuns sil plaz.

Radunonza communala

Venderdis, ils 19 da zercladur 2020, 20.15 uras, la fermata

Tractandas:

  1. Beinvegni, elecziun da dus dumbravuschs
  2. Constataziun dall’approbaziun dil protocol dalla radunonza communala dils 13-12-2019
  3. Rapport annual e rendaquen pils 31-12-2019
    a) Rapport annual dil president
    b) Quen annual 2019
    c) Rapport dalla cumissiun da gestiun
    d) Approbaziun dil rapport e dil quen, descharscha alla suprastonza communala, all’administraziun e funcziunaris
  4. Elecziuns
    a) 1 commember da suprastonza (demissiun)
  5. Approbaziun revisiun constituziun da vischnaunca
  6. Damonda da credit per sanaziun vias da meglieraziun
  7. Damonda da credit per infrastructura turistica
  8. Zona da baghegiar per indigens Er Liung: Damonda da dar giu ina parcella en dretg da baghegiar
  9. Informaziuns e varia

La constituziun da vischnaunca sa vegnir retratga sin canzlia communala ni cargada giu dalla pagina d’internet dalla vischnaunca www.falera.net.

Il rapport e quen annual 2019 ei gia vegnius tarmess tier a mintga casada. Ulteriurs exemplars san vegnir retratgs sin canzlia communala ni cargai giu dalla pagina d’internet dalla vischnaunca www.falera.net.

Pertuccont il coronavirus supplichein nus tuts, da setener vinavon vid las reglas da cumportament e higiena dalla confederaziun. Nus supplichein da risguardar en quei connex las prescripziuns e signalisaziuns en la fermata.

Cargar giu constituziun da vischnaunca
Cargar giu rapport e quen annual 2019

Damondas da baghegiar dils 5-6-2020
  • Nr.
    2020/38
  • Di da publicaziun
    5 da zercladur 2020
  • Petent
    Serafin+Lena Winzap, Scalins 1, 7153 Falera
  • Architect/Representant
    –
  • Project da construcziun
    Installaziun fotovoltaica vid la fatschada sid/ost dil clavau existent
  • Damondas supplementaras
    –
  • Parcella/zona
    1222/Zona d’agricultura
  • Quartier/Via
    Scalins
  • Termin d’ exposiziun
    05-06-2020 – 25-06-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Prescripziuns pertuccont damondas da baghegiar

Nus fagiein attents sin las suandontas prescripziuns en connex cun damondas da baghegiar:

Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.

Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.

Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.

Nus supplichein per enconuschientscha ed engraziein per l’observaziun da quellas prescripziuns.

Dumbraziun dallas habitaziuns vitas pigl 1-6-2020

Igl uffeci federal da statistica meina puspei atras ina dumbraziun dallas habitaziuns vitas.

Possessurs da casas ni administraziuns d’immobilias, che han pigl 1 da zercladur 2020 habitaziuns ni casas d’ina famiglia vitas ein obligai da communicar quei per telefon (081 921 35 15) ni a scret alla canzlia communala entochen sil pli tard ils 31 da matg 2020.

Sco habitaziuns vitas el senn da quella dumbraziun vegnan tut las habitaziuns mobiliadas ni buca mobiliadas quintadas, las qualas adempleschan las suandontas duas cundiziuns:

– habitaziuns ni casas d’ina famiglia ch’ein il di da controlla (1-6-2020) vitas denton habitablas e
– ch’ein il di da controlla (1-6-2020 screttas ora per schar a tscheins permanent per minimal 3 meins ni venalas.

 

Aboliziun scamond general da far fiug el liber

Cun decisiun dils 19 da matg 2020 ha la regenza dil cantun puspei sligiau si il scamond general da far fiug el liber.

Nus supplichein per enconuschientscha.

Vignetta da moped 2020

La vignetta da moped per igl onn 2020 sa vegnir retratga naven d’immediat sin canzlia communala cun presentar il document dil vehichel. La taxa munta 43 francs. La vignetta digl onn 2019 ei aunc valeivla entochen ils 31 da matg 2020.

 

Retratga digl abonnament digl onn per indigens dallas pendicularas Arena Alva SA

Ils abonnaments digl onn san vegnir retratgs naven d’immediat tier l’informaziun da hosps Falera. Il bon per la reducziun sto buca pli vegnir retratgs dalla populaziun indigena cun domicil sur onn (tenor dretg civil e fiscal) sill’administraziun communala.

Las pendicularas Arena Alva SA han registrau igl onn vargau en lur sistem da cassa las persunas indigenas legitimadas aschia che quellas san vegnir clamadas giu. La persuna legitimada sto mo pli s’identificar cun la carta d’identitad.

Tier ina eventuala partenza dalla vischnaunca scada la legitimaziun per indigens. La partenza vegn annunziada entras la controlla da habitonts allas pendicularas Arena Alva SA.

Novas persunas indigenas, ch’ein aunc buca registradas el sistem da cassa, ston presentar per l’identificaziun singular la carta cotschna per indigens che sto esser bullada dall’administraziun communala. La carta cotschna sa vegnir retratga sill’administraziun communala.

Duront la sesiun da stad ed unviern san indigens retrer da tut temps cartas dil di, cartas per singuls viadis e cartas per pedunzs per in tarif reduciu d’indigens. Sin omisduas reducziuns per indigens – cartas dil di e cartas digl onn – vegn concediu neginas ulteriuras reducziuns.

 

Temps d’avertura sur Anceinza e Tschuncheismas

L’administraziun communala resta serrada ils suandonts dis:

gievgia, ils 21 da matg 2020
venderdis, ils 22 da matg 2020
gliendisdis, igl 1. da zercladur 2020

 

Damondas da baghegiar dils 15-5-2020
  • Nr.
    2020/31
  • Di da publicaziun
    15 da matg 2020
  • Petent
    Gion Cathomen, Tuaul 1, 7153 Falera
  • Architect/Representant
    pally+partenari, architectura sa, Via Principala 9, 7031 Laax
  • Project da construcziun
    Renovaziun ed engrondiment dalla tegia existenta
  • Damondas supplementaras
    –
  • Parcella/zona
    839/Zona d’agricultura surpostau cun zona per sport d’unviern
  • Quartier/Via
    Pardi Sura
  • Termin d’ exposiziun
    15-05-2020 – 04-06-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Plazza da giug e sport Bigliac

Las lavurs da sanaziun vid la plazza da giug e sport a Bigliac vegnan proximamein instradadas.

La plazza da giug e sport stat perquei serrada entochen probabel il davos da fenadur 2020.

Nus supplichein per enconuschientscha ed engraziein per la capientscha.

Avertura spurtegl administraziun communala

Il spurtegl dall’administraziun communala ei puspei aviarts naven da gliendisdis, ils 11 da matg 2020 duront ils temps d’avertura usitai.

Muort il coronavirus ston las reglas da higiena e cumportament denton vegnir tenidas en vinavon. Perquei astga mintgamai mo 1 persuna consultar el medem mument il spurtegl dall’administraziun communala.

Nus spplichein per enconuschientscha ed engraziein per l’observaziun da quellas prescripziuns.

Ellas localitads dall’administraziun communala vala in obligatori da purtar mascras.

 

Damondas da baghegiar dils 8-5-2020
  • Nr.
    2020/30
  • Di da publicaziun
    8 da matg 2020
  • Petent
    Pascal+Anna Randegger, Via Vallà 12, 7153 Falera
  • Architect/Representant
    –
  • Baghetg
    Construcziun d’ina casa da termagliar per affons
  • Damondas supplementaras
    –
  • Parcella/zona
    1451/WE
  • Quartier/Via
    Er Liung
  • Termin d’ exposiziun
    08-05-2020 – 28-05-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Damondas da baghegiar digl 1. da matg 2020
  • Nr.
    2020/25
  • Di da publicaziun
    1. da matg 2020
  • Petent
    Weisse Arena Bergbahnen AG, Via Murschetg 17, 7032 Laax
  • Architect/Representant
    Casutt Wyrsch Zwicky AG, Via Principala 45d, 7153 Falera
  • Baghetg
    Sanaziun dil magazin per siglientar existent
  • Damondas supplementaras
    –
  • Parcella/zona
    1292/Zona d’agricultura surpostau cun zona per sport d’unviern
  • Quartier/Via
    Crap Sogn Gion
  • Termin d’ exposiziun
    01-05-2020 – 21-05-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Serrada dalla via da quartier a Samun

Muort lavurs da construcziun vid la casa sin parcella nr. 536 (Via Samun 18) sto la via vegnir serrada en quei liug pil traffic naven dils 11 da matg 2020 entochen ils 17 da matg 2020.

Silsuenter sto la via sill’altezia dalla parcella nr. 525/526 (Via Samun 45) era muort lavurs da construcziun vegnir serrada pil traffic naven dils 18 da matg 2020 entochen ils 20 da matg 2020.

Nus supplichein per enconuschientscha ed engraziein per la capientscha.

Controlla aua da beiber

Ils 16 d’avrel 2020 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.

Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.

Dil resultat da quella emprova sa vegnir priu envesta sin canzlia communala ni sut www.falera.net.

Rimnada da pupi vegl e cartun

Muort il coronavirus vegn il proxim temps rimnau negin pupi vegl e cartun entras ils scolars ni luvrers communals.

La deponia a Bigliac resta denton vinavon aviarta.

Nus supplichein per enconuschientscha ed engraziein per la capientscha.

Damondas da baghegiar dils 17 d’avrel 2020
  • Nr.
    2020/20
  • Di da publicaziun
    17 d’avrel 2020
  • Petent
    Casutt Immobilien AG, Via Principala 68, 7153 Falera
  • Architect/Representant
    M. Gross & W. Rüegg, Dipl. Arch. FH/SIA AG, Promenada 1, 7018 Flims Waldhaus
  • Baghetg
    Spazzada dalla casa da pliras famiglias existenta e construcziun nova casa da pliras famiglias cun halla da parcar
  • Damondas supplementaras
    –
  • Parcella/Zona
    31/W2
  • Quartier/Via
    Via Manduns 14
  • Termin d’ exposiziun
    17-04-2020 – 07-05-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr.
    2020/21
  • Di da publicaziun
    17 d’avrel 2020
  • Petent
    StWEG Casa Maleunas, c/o Sunside Treuhand und Verwaltungs AG, Via Prada 1, 7032 Laax
  • Architect/Representant
    Sunside Treuhand und Verwaltungs AG, Herr Otmar Seiler, Via Prada 1, 7032 Laax
  • Baghetg
    Remplazzar pegna existenta dad ieli cun ina pumpa da scaldar cun aria ed aua
  • Damondas supplementaras
    –
  • Parcella/Zona
    1432/WG2
  • Quartier/Via
    Via Giaus sut 8
  • Termin d’ exposiziun
    17-04-2020 – 07-05-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Disdetga rimnada da rauba blocconta

Muort il coronavirus vegn la rimnada da rauba blocconta planisada per sonda, ils 2 da matg 2020 buca menada atras.

Sco che la situaziun lai tier ina rimnada vegn mirau dad organisar in niev termin.

Nus supplichein per enconuschientscha ed engraziein per la capientscha.

Damondas da baghegiar dils 9 d’avrel 2020
  • Nr.
    2020/14
  • Di da publicaziun
    9 d’avrel 2020
  • Petent
    Wendelin Casutt-Cathomen, Chintguns 4, 7153 Falera
  • Architect/Representant
    Risch Cathomen, Via Bigliac 12, 7153 Falera
  • Baghetg
    Construcziun annexa nuegl liber
  • Damondas supplementaras
    –
  • Parcella/zona
    1236/Zona d’agricultura
  • Quartier/Via
    Chintguns
  • Termin d’ exposiziun
    9-04-2020 – 29-04-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr.
    2020/17
  • Di da publicaziun
    9 d’avrel 2020
  • Petent
    Wendelin Casutt-Cathomen, Chintguns 4, 7153 Falera
  • Architect/Representant
    –
  • Baghetg
    Sanaziun fundaments clavau existent
  • Damondas supplementaras
    –
  • Parcella/zona
    724/Zona d’agricultura
  • Quartier/Via
    Prau da Punt
  • Termin d’ exposiziun
    9-04-2020 – 29-04-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr.
    2020/18
  • Di da publicaziun
    9 d’avrel 2020
  • Petent
    Alexander+Adriana Jörger, Via Lavintgin 25, 7153 Falera
  • Architect/Representant
    Jean Claude Mahler, Architekt FH, Bromstrasse 20, 8598 Bottighofen
  • Baghetg
    Construcziun nova casa d’ina famiglia: Midada da project contuorn
  • Damondas supplementaras
    –
  • Parcella/zona
    511+1675/W2
  • Quartier/Via
    Via Chistiala
  • Termin d’ exposiziun
    09-04-2020 – 29-04-2020
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.