Protocol
Dil protocol dalla radunonza communala dils 26 da mars 2021 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
Teater “Ina Emilie Kempin-Spyri. Tuttas Emilie”
Sonda, ils 5 da zercladur allas 20:00 uras
Rimnada da rauba blocconta
Sonda, ils 1 da matg 2021 dallas 8.00-11.00 uras sa vegnir dismess rauba blocconta.
Ils containers per dismetter la rauba vegnan tschentai si sil parcadi Fandrels.
Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.
Ils suandonts rumians astgan en mintga cass buca vegnir dismess el rom da rimnadas da rauba blocconta:
rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.
Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.
Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:
apparats electrics gratuit
batterias da motos frs. 5.– per toc
batterias d’auto pign/grond frs. 10.–/20.– per toc
pneus da privats senza gaveglias frs. 5.– per toc
pneus da privats cun gaveglias frs. 10.– per toc
Quella rauba vegn dismessa separau dalla rauba blocconta entras ils luvrers communals.
Ils luvrers communals han l’incumbensa da visar anavos rauba che corrispunda buca als criteris da rumien bloccont.
Pertuccont il coronavirus supplichein nus tuts, da setener vinavon vid las reglas da cumportament e higiena dalla confederaziun. Nus supplichein da risguardar en quei connex las prescripziuns e signalisaziuns sil plaz.
Vischnaunca Falera – exposiziun da recuors planisaziun locala
Applicond igl art 48 alinea 4 dalla lescha cantunala davart la planisaziun dil territori ha liug ina exposiziun da recuors pertuccont la revisiun parziala dalla planisaziun locala, decidida dalla radunonza communala dils 26 da mars 2021.
- Caussa:
Revisiun parziala lescha da baghegiar - Actas d’exposiziun:
Lescha da baghegiar, art. 22 (zona turistica Hotel La Muta) - Basas:
Rapport da planisaziun e cooperaziun - Termin d’exposiziun:
ils 9 d’avrel 2021 entochen ils 10 da matg 2021 - Liug e temps d’exposiziun:
Administraziun communala Falera, Via Principala 45c, 7153 Falera, duront las uras d’avertura ordinarias. - Recuors da planisaziun:
Persunas che han in interess persunal dign da protecziun ni ch’ein legitimadas tenor dretg federal da contestar in cuntegn dalla planisaziun, san inoltrar alla regenza en scret enteifer 30 dis in recuors da planisaziun encunter la planisaziun locala. - Organisaziuns per la protecziun digl ambient:
Organsiaziuns per la protecziun digl ambient san far diever da lur dretg da recuors tenor mesira digl art. 104 alinea 2 dalla lescha cantunala davart la planisaziun dil territori, quei vul dir ei s’annunzian enteifer il termin da recuors tiegl uffeci cantunal per il svilup dil territori ed inoltreschan silsuenter eventualmein ina posiziun.
Damondas da baghegiar dils 9-4-2021
- Vischnaunca
Falera - Nr.
2021/21 - Di da publicaziun
9 d’avrel 2021 - Petent
Andriu Bonnevie-Svendsen e Viktoria Nikulshyna, Giacomettistrasse 19, 8049 Zürich - Architect/Representant
Hartmann Architekten, Chlus 5, 7240 Küblis - Baghetg
Sanaziun casa da vacanzas - Damondas supplementaras
– - Parcella/zona
248/D - Quartier/Via
Via Canal 9 - Termin d’ exposiziun
9-4-2021 – 29-4-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
- Vischnaunca
Falera - Nr.
2021/22 - Di da publicaziun
9 d’avrel 2021 - Petent
Marcel Borgo, Via Lavintgin 29, 7153 Falera - Architect/Representant
Marcel Borgo, Via Lavintgin 29, 7153 Falera - Baghetg
Pumpa da scaldar cun aria ed aua - Damondas supplementaras
– - Parcella/zona
1541/W2 - Quartier/Via
Lavintgin - Termin d’ exposiziun
9-4-2021 – 29-4-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
Vischnaunca da Falera – planisaziun locala – relaschada d’ina zona da planisaziun
A caschun da sia seduta digl 1. d’avrel 2021 ha la suprastonza communala, sebasond sin igl art. 21 dalla lescha davart la planisaziun dil territori dil cantun Grischun (LPTGR), relaschau ina zona da planisaziun sur igl entir territori communal. Quella ha las suandontas finamiras:
- a) examinar ed adattar las zonas da construcziun (zonas da habitar, zonas mischedadas e zonas dil center) tenor las directivas digl art. 15 al. 1 e 2 LPT sco era a basa dil plan directiv cantunal – habitadi (PDChant-A);
- b) realisar las ulteriuras directivas digl art. 15 LPT sco era dil PDChant-A, surtut per promover internamein in svilup da habitadis qualitativamein ault ord vesta architectonica;
- c) transposiziun dallas prescripziuns dalla LPT revedida.
Ella zona da planisaziun astga vegnir realisau nuot che savess difficultar ni impedir la nova planisaziun. Surtut astgan projects da construcziun vegnir lubi mo, sch’els cunterfan ni allas planisaziuns e prescripziuns vertentas ni allas planisaziuns e prescripziuns novas (art. 21 al. 2 LPT).
La suprastonza communala seresalva il dretg da concretisar resp. d’adattar da tut temps la zona da planisaziun al stan da planisaziun actual.
La zona da planisaziun vala ad interim per dus onns ed entra en vigur cun la publicaziun dad oz.
La relaschada dalla zona da planisaziun sa vegnir contestada cun recuors da planisaziun tier la Regenza enteifer 30 dis dapi la communicaziun publica (art. 101 al. 1 LPT).
Vischnancas Laax, Falera: Procedura d’approvaziun dals plans per installaziuns a current ferm
Exposiziun publica dals plans
- Project nr. L-232778.1 Lingia da 60 kV, sutstaziun Laax
– mongetta Staderas (Prau Pulte) – encablament parzial - Project nr. L-232780.1 Lingia da 60 kV, sutstaziun Laax
– pitga d’auta tensiun 38 da la lingia L-232779 - Project nr. L-231452.1 Lingia da 60 kV, OE Frisal
– mongetta Staderas (Panaduz) – bischens vids
A l’inspecturat federal d’installaziuns a current ferm è vegnida inoltrada la dumonda d’approvaziun dals plans ch’è menziunada qua survart.
- Dumonda da:
Repower AG Surselva ; Glennerstrasse 22; 7130 Ilanz - Exposiziun publica:
Ils documents da dumonda vegnan exponids publicamain dals 8 da avrigl 2021 fin ils 11 da matg 2021 en las Administraziuns communala da Laax e Falera. Prender invista pon ins mintgamai durant las uras d’avertura ordinarias. L’exposiziun publica chaschuna in scumond d’expropriaziun tenor ils artitgels 42 a 44 da la lescha federala d’expropriaziun (LExpr; CS 711). - Protestas:
Tgi ch’è partida tenor las prescripziuns da la lescha federala davart la procedura administrativa (CS 172.021) u da la lescha federala d’expropriaziun (LExpr; CS 711), po far protesta durant il termin d’exposiziun tar l’inspecturat federal d’installaziuns a current ferm, projects, Luppmenstrasse 1, 8320 Fehraltorf. Tgi che na fa betg protesta, è exclus da l’ulteriura procedura.Entaifer il termin d’exposiziun ston er vegnir fatgas valair tut las objecziuns dal dretg d’expropriaziun sco er dumondas d’indemnisaziun u da prestaziuns materialas. Er protestas e dumondas posteriuras tenor ils artitgels 39 a 41 LExpr ston vegnir inoltradas a l’inspecturat federal d’installaziuns a current ferm. Sche Vus n’avais betg la pussaivladad da prender invista dals documents al lieu u sche quai è pussaivel mo en moda restrenschida pervia da las mesiras vertentas da COVID-19, As annunziai per plaschair tar l’Inspecturat federal d’installaziuns a current ferm (tel. 058 595 18 50, planvorlagen@esti.ch).
Inspecturat federal d’installaziuns a current ferm
Projects, Luppmenstrasse 1
8320 Fehraltorf
Cuira, ils 8 da avrigl 2021
Uffizi d’energia e da traffic dal Grischun
Partiziun per la producziun ed il provediment d’energia
Decisiuns radunonza communala dils 26-3-2021
Las decisiuns dalla radunonza communala anfleis Vus cheu.
Baugesuche vom 26.03.2021
- Gemeinde
Falera - Nr.
2021/18 - Datum der Publikation
26. März 2021 - Gesuchsteller
Nicole Höppner+Kurt Meier, Lindenstrasse 29, 8606 Nänikon - Architekt/Vertreter
Cavelti Derungs AG, Glennerstrasse 18, 7130 Ilanz - Bauvorhaben
Errichtung einer neuen Schlepplukarne Whg. DG West - Zusatzbewilligungen
– - Parzelle/Zone
303/WG3 - Quartier/Strasse
Via Suriert 5 - Auflagefrist
26.03.2021 – 15.04.2021 - Einsprachen
Oeffentlich-rechtliche Einsprachen schriftlich während der Auflagefrist zuhanden des Gemeindevorstandes einzureichen.
Die Pläne können auf der Gemeindekanzlei eingesehen werden.
- Gemeinde
Falera - Nr.
2021/19 - Datum der Publikation
26. März 2021 - Gesuchsteller
Michael Obermayer, Seeuferstrasse 56, Breitbrunn, D-82211 Hersching - Architekt/Vertreter
Cavelti Derungs AG, Glennerstrasse 18, 7130 Ilanz - Bauvorhaben
Errichtung einer neuen Schlepplukarne Whg. DG Ost - Zusatzbewilligungen
– - Parzelle/Zone
303/WG3 - Quartier/Strasse
Via Suriert 5 - Auflagefrist
26.03.2021 – 15.04.2021 - Einsprachen
Oeffentlich-rechtliche Einsprachen schriftlich während der Auflagefrist zuhanden des Gemeindevorstandes einzureichen.
Die Pläne können auf der Gemeindekanzlei eingesehen werden.
- Gemeinde
Falera - Nr.
2021/20 - Datum der Publikation
26. März 2021 - Gesuchsteller
Marcel Borgo, Via Lavintgin 29, 7153 Falera - Architekt/Vertreter
Marcel Borgo, Via Lavintgin 29, 7153 Falera - Bauvorhaben
Verlängerung Unterboden-Keller - Zusatzbewilligungen
– - Parzelle/Zone
1541/W2 - Quartier/Strasse
Lavintgin - Auflagefrist
26.03.2021 – 15.04.2021 - Einsprachen
Oeffentlich-rechtliche Einsprachen schriftlich während der Auflagefrist zuhanden des Gemeindevorstandes einzureichen.
Die Pläne können auf der Gemeindekanzlei eingesehen werden.
Canzlia communala – Temps d’avertura sur Pastgas
La canzlia communala resta serrada naven da venderdis, ils 2 d’avrel 2021 entochen e cun gliendisdis Pastgas, ils 5 d’avrel 2021.
Nus supplichein per enconuschientscha e giavischein a tuts bialas Pastgas.
Reit da sanadad Surselva – retscherca online SanaSurselva
La SanaSurselva lantschescha in project visiunari per scaffir in provediment da sanadad integrau en Surselva.
Schei a nus Vies meini e separticipei alla retscherca online (entochen ils 10 d’avrel).
Tuttas informaziuns anfleis Vus silla pagina d’internet www.sanasurselva.ch.
Il team da project selegra da Vossa participaziun!
Canzlia communala – Temps d’avertura Sogn Giusep
Muort il firau da Sogn Giusep resta l’administraziun communala serrada venderdis, ils 19 da mars 2021 igl entir di.
Nus supplichein per enconuschientscha.
Radunonza communala
Venderdis, ils 26 da mars 2021, 20.15 uras, la fermata
Tractandas:
- Beinvegni, elecziun da dus dumbravuschs
- Constataziun dall’approbaziun dil protocol dalla radunonza communala dils 9-12-2020
- Approbaziun revisiun parziala lescha da baghegiar, art. 22 – zona turistica „Hotel La Mutta“
- Approbaziun revisiun reglament per far diever dallas vias e sendas communalas
- Informaziun evaluaziun scientifica Parc La Mutta
- Presentaziun quen final sanaziun plazza da giug e sport e damonda da credit supplementar
- Informaziuns e varia
Il reglament per far diever dallas vias e sendas communalas sa vegnir retratgs tier l’administraziun communala ni cargaus giu dalla pagina d’internet dalla vischnaunca.
En connex cun COVID-19 supplichein nus da far attenziun e setener vid las prescripziuns da segirtad.
Ellas localitads dalla la fermata e duront la radunonza communala vala plinavont in obligatori da purtar mascras.
La destinaziun instradescha ils 16 d’avrel 2021 la primavera ella muntogna
Resultats votaziun dils 7-3-2021
Damondas da baghegiar dils 5-3-2021
- Vischnaunca
Falera - Nr.
2021/10 - Di da publicaziun
05 da mars 2021 - Petent
Maria + Tarcisi Chistell, Via Fuorns 21, 7153 Falera - Architect/Representant
Valentin Heynen, Bitschibielstrasse 1, 3938 Ausserberg VS - Baghetg
Manteniment e midada d’intent stalla e clavau - Damondas supplementaras
– - Parcella/zona
881/LW - Quartier/Via
Schallas Dado, Falera - Termin d’ exposiziun
05-03-2021 – 25-03-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
- Vischnaunca
Falera - Nr.
2021/14 - Di da publicaziun
05 da mars 2021 - Petent
Alexandra+Severin Hirzel, Via Vitg Sura 1, 7017 Flims Dorf - Architect/Representant
BHP Architekten AG, Grabenstrasse 4, 7304 Maienfeld - Baghetg
Construcziun nova casa d’ina famiglia , (construcziun d’empremas habitaziuns) - Damondas supplementaras
– - Parcella/zona
1449(1684)/WE - Quartier/Via
Er Liung - Termin d’ exposiziun
05-03-2021 – 25-03-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
Damondas da baghegiar dils 26-2-2021
- Vischnaunca
Falera - Nr.
2021/05 - Di da publicaziun
26 da fevrer 2021 - Petent
William Bollinger, 92 Wanton Street, London SW3 2HH - Architect/Representant
Cavelti Derungs AG,Glennerstrasse 18, 7130 Ilanz - Baghetg
Midada d’intent lautga en curtgin d’unviern scaldau - Damondas supplementaras
– - Parcella/zona
59/WG2 - Quartier/Via
Giaus - Termin d’ exposiziun
26-02-2021 – 18-03-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
- Vischnaunca
Falera - Nr.
2021/09 - Di da publicaziun
26 da fevrer 2021 - Petent
Renaldo Capeder, Via Er Liung 7, 7153 Falera - Architect/Representant
MT Architektur & Baumanagement, Via Isla 37, Schluein - Baghetg
Construcziun annexa local da deposit - Damondas supplementaras
– - Parcella/zona
1456/WE - Quartier/Via
Er Liung - Termin d’ exposiziun
26-02-2021 – 18-03-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
Votaziuns dils 7 da mars 2021
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 4 da mars 2021 15.00-17.00 uras
venderdis, ils 5 da mars 2021 15.00-17.00 uras
dumengia, ils 7 da mars 2021 09.45-10.15 uras
Igl attest da votar ei da dar giu persunalmein all’urna. Tier ina votaziun per correspndenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 5 da mars 2021 tier la canzlia communala.
Prescripziuns per locaturs
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Prescripziuns pertuccont damondas da baghegiar
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Lenna da brisch 2021
La vischnaunca da Falera offerescha lenna da brisch sco suonda:
Liug (plaz da lenna):
Curtgani ni avon casa
Prezi:
pégn, plaz da lenna, frs. 60.–/m3
pégn, avon casa, frs. 75.–/m3 (access cun camiun sto esser pusseivel)
lenna dira, plaz da lenna, frs. 92.–/m3
lenna dira, avon casa, frs. 107.–/m3 (access cun camiun sto esser pusseivel)
La surdada succeda en fuorma da lenna liunga. Las empustaziuns ein d’inoltrar entochen ils 5 da mars 2021 a scret all’administraziun communala Falera (E-Mail: info@falera.net).
Declaronza da taglia 2020
Ils formulars da taglia per igl onn 2020 ein vegni tarmess dall’administraziun cantunala da taglia il meins schaner. Tgi che ha buca survegniu ils formulars, sa pretender quels tier igl uffeci communal da taglia. Il program da tschentar ora la declaronza SofTax 2020 sa vegnir cargaus giu dalla pagina d’internet sut www.stv.gr.ch.
Las declaronzas da taglia ein da tarmetter alla suandonta adressa:
Kantonale Steuerverwaltung GR
Verarbeitungszentrum 1/KO
Steinbruchstrasse 18, 7001 Chur
Ils termins per inoltrar las declaronzas ein fixai sco suonda:
Ils 31 da mars 2021 per persunas cun activitad da gudogn dependenta, students, pensiunai e disoccupai. Ils 30 da settember 2021 per persunas cun activitad da gudogn independenta, societads semplas e persunas domiciliadas ordeifer il cantun Grischun cun immobiglias el cantun Grischun resp. en vischnaunca.
Prolungaziun dil termin
Damondas per ina prolungaziun dil termin ein da far avon ch’il termin d’inoltraziun scroda (nr. da register, num, prenum e vischnaunca). La damonda ei da tschentar sco suonda:
online: www.stv.gr.ch
via e-mail: fristgesuche@stv.gr.ch
ni a scret: Kantonale Steuerverwaltung GR
. Fristgesuche/KO
. Steinbruchstrasse 18, 7001 Chur
Suttascripziuns dils conjugals
Conjugals che vivan giuridicamein ed effectivamein en ina lètg nunseparada ein suttamess communablamein alla taglia. Omisdus ein obligai da suttascriver la declaronza da taglia.
Informaziuns
Davart eventualas damondas stat igl uffeci communal da taglia (tel. 081 921 35 15) ni l’allianza da taglia Laax (tel. 081 921 51 13) a disposiziun.
Vischnaunca Falera – Exposiziun publica da cooperaziun planisaziun locala
Applicond igl art 13 dall’ordinaziun cantunala davart la planisaziun dil territori ha liug ina exposiziun publica da cooperaziun pertuccont ina revisiun parziala dalla lescha da baghegiar dalla vischnaunca da Falera.
- Caussa:
Revisiun parziala lescha da baghegiar, art. 22 – zona turistica Hotel La Mutta - Actas d’exposiziun:
Lescha da baghegiar, art. 22 – zona turistica Hotel La Muta - Basas:
Rapport da planisaziun e cooperaziun - Termin d’exposiziun:
ils 12 da fevrer 2021 entochen ils 15 da mars 2021 - Liug e temps d’exposiziun:
Administraziun communala Falera, Via Principala 45c, 7153 Falera, duront las uras d’avertura ordinarias. Tut las actas da planisaziun san ins era cargar giu dalla pagina d’internet dalla vischnaunca www.falera.net. - Propostas ed objecziuns:
Duront il termps d’exposiziun sa mintgin inoltrar a scret propostas ed objecziuns giustificadas alla suprastonza communala.
Lescha da baghegiar, art. 22 – zona turistica Hotel La Mutta
Rapport da planisaziun e cooperaziun
Damonda da baghegiar dils 12-2-2021
- Nr.
2021/02 - Di da publicaziun
12 da fevrer 2021 - Petent
Simon e Paula Bearth
Brändligasse 43
7000 Chur - Architect/Representant
Spacial design / Patrick Rothmund
Via Principala 67
7166 Trun - Baghetg
Construcziun nova casa d’ina famiglia , (construcziun d’empremas habitaziuns) - Damondas supplementaras
– - Parcella/zona
1448/WE - Quartier/Via
Er Liung - Termin d’ exposiziun
12-02-2021 – 04-03-2021 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Uffeci da militar e protecziun civila – Test da sirenas 2021
Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug
mesjamna, ils 3 da fevrer 2021, denter las 13.30 uras e las 15.00 uras.
Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils differents signals d’alarm cun ils tals la populaziun vegn alarmada en cass da prighel.
Ulteriuras informaziuns e reglas da secuntener anfleis Vus sin la pagina d’internet digl uffeci federal per la protecziun dalla populaziun BABS, la pagina d’internet dad Alertswiss sco era sin teletext dils emetturs dad SSR, paginas 680 e 681.
Nus supplichein per enconuschientscha.
Marcas da tgauns 2021
Las marcas da tgauns per igl onn 2021 ein da retrer naven d’immediat entochen sil pli tard ils 28 da fevrer 2021 tier la canzlia communala.
La taxa per igl emprem tgaun munta a frs. 40.—. Per mintga ulteriur tgaun el medem tenercasa munta la taxa frs. 110.—.
Tscheins da retard e da bunificaziun sco era taxas d’incasso e taxas per controllas/examinaziuns pigl onn 2021
Sin fundament digl art. 152 alinea 3 ed art. 153 alinea 3 dalla lescha cantunala da taglia e tenor art. 2 dalla lescha da taglia dalla vischnaunca da Falera sco era tenor disposiziun dil departament da finanzas e vischnauncas dil cantun Grischun fixescha la suprastonza communala mintg’onn il tscheins da retard e da bunificaziun.
Il tscheins da retard ei da contribuir dils pagataglias che pagan memia tard ils quens da taglia. Il tscheins da bunificaziun han tals dabien che han pagau importos memia aults sin fundament d’in quen da taglia provisoric.
La suprastonza communala decida las suandontas taxas per tut las taglias communalas:
Il tscheins da retard pigl onn 2021 munta 4 %
Il tscheins da bunificaziun pigl onn 2021 vegn fixaus sin 0.0 %
Las taxas d’incasso muntan:
secunda admoniziun fr. 30.—
damonda da stumadira fr. 100.—
pretensiun d’avertura da dretg fr. 200.—
stizzada concedida d’ina inscripziun el register da stumaziun fr. 30.—
Quellas tariffas valan era per tut las ulteriuras pretensiuns dalla vischnaunca.
Plinavon decida la suprastonza communala sin fundament digl art. 2 dalla lescha da taglia dalla vischnaunca da Falera e sin fundament digl art. 14 dallas disposiziuns executivas tier la lescha per taxas da hosps e turissem las suandontas taxas per las taxas da hosps e turissem:
Il tscheins da retard pigl onn 2021 munta 4 %
Las taxas d’incasso e las taxas per controllas/examinaziuns muntan:
secunda admoniziun fr. 30.—
damonda da stumadira fr. 100.—
pretensiun d’avertura da dretg fr. 200.—
stizzada concedida d’ina inscripziun el register da stumaziun fr. 30.—
controllas ed examinaziuns supplementaras fr. 100.—/ura
Da schar a tscheins habitaziun
La vischnaunca da Falera lai a tscheins el Center communal naven digl 1. da matg 2021 ina habitaziun da 4 ½ stanzas.
Dapli informaziuns sut www.falera.net.
Protocol
Dil protocol dalla radunonza communala dils 9 da december 2020 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
Virolaziun regiunala – informaziun
En stretga collaboraziun cul cantun ein las vischnauncas dalla destinaziun Flem, Laax, Falera e Trin vidlunder dad organisar e preparar ina acziun da virolaziun regiunala encunter Covid-19. Quella virolaziun ei planisada ellas proximas duas entochen treis jamnas. Avon che nus savein entscheiver communablamein sto denton aunc vegnir fatg entginas lavurs preparativas ed examinaziuns. Ulteriuras informaziuns tier quella virolaziun regiunala (premissas, liug eav.) anfleis Vus ad uras sin la pagina d’internet corrispundenta da Vossa vischnaunca. Aschi spert che nus havein ils detgals corrispundents vegnan quels publicai sin las paginas d’internet dallas vischnauncas.
Nus engrazein per Vies interess e stai sauns!
Las vischnauncas dalla destinaziun Flem, Laax, Falera e Trin
Dismessa pigneuls da Nadal
Ils pigneuls da Nadal san vegnir dismess mintgamai sper ils posts da rimnada da rumien ufficials (molocs) en vischnaunca.
Ils pigneuls ch’ein deponi en quels loghens vegnan rimnai e dismess dils luvrers communals gratuitamein. Pigneuls ch’ein buca dismess sper ils post da rimnada da rumien ufficials (molocs) vegnan buca rimnai dils luvrers communals.
Nus supplichein per enconuschientscha.
Tests da COVID en las vischnauncas da Flem, Laax e Falera
Concept da segirtad vischnaunca Falera
Prau da skis per affons a Chinginas
Il prau da skis per affons ei aviarts naven da sonda, ils 19 da december 2020.
Pertuccont il menaschi d’ustria supplichein da risguardar las indicaziuns al liug.
Nus supplichein per enconuschientscha.
Silvester – Scamond da barschar giu fiugs artificials
En connex cun COVID-19 less la suprastonza communala evitar fuolas da glieud pli grondas. Ord quels motivs ei era buca vegniu definau sco ils davos onns in plaz per barschar giu fiugs artificials.
La suprastonza communala ha enstagl decidiu in scamond da barschar giu fiugs artificials. Il scamond vala pigl entir territori da vischnaunca da Falera.
Nus supplichein per enconuschientscha ed engraziein per la capientscha.
Engraziament ed auguris
Preziadas convischinas e preziai convischins
La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2020.
Nus giavischein a tuts ina biala e benedida fiasta da Nadal ed egl onn niev bia cletg, ventira ed oravontut buna sanadad.
Damonda da baghegiar dils 18-12-2020
- Vischnaunca
Falera - Nr.
2020/93 - Di da publicaziun
18 da december 2020 - Petent
Benedetg Chistell, Via Fuorns 38, 7153 Falera - Architect/Representant
– - Project da construcziun
Sanaziun stalla Las Sorts - Damondas supplementaras
– - Parcella/zona
892/Zona per agricultura surpostau cun zona per sport d’unviern - Quartier/Via
Las Sorts - Termin d’ exposiziun
18-12-2020 – 07-01-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
Pumpiers da Laax/Falera Pumpiers – incorporaziun da novs commembers 2021
Nus pumpiers duvrein commembers giuvens!
Nus essan ina squadra da ver 60 pumpiers (dunnas ed umens) che s’engaschan duront il temps liber per la segirtad en nos vitgs. Per che nus contonschien puspei il diember da commembers necessari, encurin nus persunas che vulan far part dil corp da pumpiers. Nus duvrein uonn enzacons novs commembers per il survetsch da pumpiers.
L’incorporaziun da novs commembers ha liug uonn venderdis, ils 15 da schaner 2021 allas 19.30 avon il local da pumpiers da Laax. Nus havessen plascher da saver beneventar era habitontas e habitonts pli giuvens.
Igl onn 2021 han da cumparer all’incorporaziun nova: dunnas ed umens dallas annadas 1979 tochen 2001 (42–20 onns) che han lur domicil a Falera e che fan tochen ussa negin survetsch da pumpiers activ.
Tenor las leschas da pumpiers dalla vischnaunca da Falera (art. 5) ein umens e dunnas cun domicil ella vischnaunca da Falera obligai da far survetsch da pumpiers. Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far survetsch da pumpiers tenor la vegliadetgna dil conjugal che gudogna il pli bia. Il medem principi vala per persunas digl exteriur cun ina lubientscha da domicil ed ina lubientscha da dimora (lubientscha C e B). Ei dat denton negin dretg da vegnir incorporaus el survetsch da pumpiers activ (art. 9). Tut ils pumpiers che han fatg survetsch activ tochen ussa, valan sco incorporai.
Las habitontas ed ils habitonts che han tochen ussa adempliu lur obligaziun cun pagar la taxa da cumpensaziun san medemamein separticipar alla recrutaziun.
Persunas che san buc esser presentas quella sera, duein contactar il cumandant S. Schulz-Freywald (079 309 94 98) ni il cumandant substitut G. Walser (078 634 28 44).
Il commando da pumpiers
Retratga dils pigneuls da Nadal empustai
Ils pigneuls empustai san vegnir retratgs mardis, ils 22 da december 2020 naven dallas 12.30 – 13.00 uras sil parcadi Fandrels a Falera.
Ils pigneuls empustai ston vegnir pagai ordavon sin canzlia communala.
Canzlia communala – Temps d’avertura sur Nadal e Daniev
La canzlia communala stat serrada ils suandonts dis:
gievgia, ils 24 da december 2020
venderdis, ils 25 da december 2020
gievgia, ils 31 da december 2020
venderdis, igl 1. da schaner 2021
Resultats radunonza communala dils 9-12-2020
Ils resultats dalla radunonza communala anfleis Vus cheu.
Resultats votaziun dils 29-11-2020
Resultats vischnaunca Falera
Votaziun cantunala (negina votaziun)
Votaziun federala
Damondas da baghegiar dils 27-11-2020
- Nr.
2020/88 - Di da publicaziun
27 da november 2020 - Petent
Monika Rüthers Mahler, Bromstrasse 20, 8598 Bottighofen - Architect/Representant
Jean Claude Mahler Architekt FH, Bromstrasse 20, 8598 Bottighofen - Baghetg
Construcziun nova casa da pliras famiglias (construcziun d’empremas habitaziuns) - Damondas supplementaras
– - Parcella/zona
518/W2 - Quartier/Via
Via Samun - Termin d’ exposiziun
27-11-2020 – 17-12-2020 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
- Nr.
2020/89 - Di da publicaziun
27 da november 2020 - Petent
Toni Cathomen, Via Plaunca 9A, 7153 Falera - Architect/Representant
– - Baghetg
Sanaziun stalla Pardi - Damondas supplementaras
– - Parcella/zona
841/Zona per agricultura surpostau cun zona per sport d’unviern - Quartier/Via
Pardi - Termin d’ exposiziun
27-11-2020 – 17-12-2020 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
Preproject “Fusiun dallas vischnauncas Laax, Sagogn, Falera e Schluein”
Il settember 2020 han las suprastonzas communalas da Laax e Sagogn priu il conclus d’instradar in preproject per la fusiun dallas duas vischnauncas. Basa dalla discussiun ein las diversas collaboraziuns ch’existan dapi onns e che funcziunan senza problems els secturs scola (scalem superiur), pumpiers, spitex, forestalesser, parc da maschinas e fatgs da taglia. Aunc tier ulteriuras spartas dat ei adina puspei puncts, intersecziuns ed incumbensas communablas. Vitier creschan las pretensiuns dalla vart da habitonts, Cantun ed organisaziuns regiunalas enviers las vischnauncas pli e pli pervia dallas novas prescripziuns e regulaziuns.
En connex cul preproject ein las duas vischnauncas Laax e Sagogn vegnidas perina da suandar finamiras strategicas e cundiziuns generalas ch’empermettan in futur communabel. Las discussiuns ella gruppa da project sco era resuns da diversas varts han denton mussau ch’ei fagessi senn d’integrar, sche l’interess commensurau ei cheu, era las duas vischnauncas Falera e Schluein el preproject «fusiun dallas vischnauncas». Avon paucs gis han ton la suprastonza da Falera sco era quella da Schluein rispundiu da maniera positiva la damonda d’ina participaziun al preproject.
La moda d’agir e las cundiziuns generalas elaboradas denter Laax e Sagogn dueien valer era per discuors che suondan cun Falera e Schluein. Las examinaziuns necessarias e las lavurs supplementaras ella gruppa da project caschunan in retard el plan da termins. Aschia sa il preproject buca vegnir presentaus e mess en votaziun alla populaziun sco annunziau la fin digl onn current 2020. Nova finamira ei la primavera 2021. Cun ina decisiun positiva ellas vischnauncas savess’ins entscheiver silsuenter il project da fusiun e las lavurs da detagl tochen tier in contract da fusiun. Finamira fuss ei da preparar in tal en tuttas quater vischnauncas schi datier sco pusseivel alla votaziun. Cunquei han las votantas ed ils votants ina secunda gada la pusseivladad da decider davart ina fusiun dallas vischnauncas.
Per elaborar il preproject accumpogna e sustegn quellas resp. la gruppa da project la firma Contoura SA dad Adrian Wolf da Cuera sco era gl’Uffeci cantunal da vischnauncas.
Per las suprastonzas communalas Laax, Sagogn, Falera e Schluein
Ils presidents communals, Franz Gschwend, Hans Peter Casutt, Wendelin Casutt, Ralf Schlaepfer
Radunonza communala
Mesjamna, ils 9 da december 2020, 20.15 uras, la fermata
Tractandas:
- Beinvegni, elecziun da dus dumbravuschs
- Constataziun dall’approbaziun dil protocol dalla radunonza communala dils 19-6-2020
- Presentaziun niev CEO Weisse Arena Gruppe e diversas informaziuns
- Presentaziun niev planisader da vischnaunca ed informaziuns sur dil stan dallas lavurs planisaziun locala
- Presentaziun ed approbaziun preventiv 2021
- Fixar il pei da taglia 2021
a) Taglia sin gudogn e facultad
b) Taglia sin schischom - Damonda da credit per sanaziun provediment d’aua
- Damonda da credit per sanaziun tetg stalla Alp Dadens sut
- Zona da baghegiar per indigens Er Liung: Damonda da dar giu ina parcella en dretg da baghegiar
- Informaziuns e varia
Il preventiv vegn tarmess tier els proxims dis a tuttas casadas. Ulteriurs exemplars san vegnir retratgs tier l’administraziun communala ni cargai giu dalla pagina d’internet dalla vischnaunca.
En connex cun COVID-19 supplichein nus da far attenziun e setener vid las prescripcziuns da segirtad.
Ellas localitads dalla la fermata e duront la radunonza communala vala plinavont in obligatori da purtar mascras.
Prescripziuns per locaturs
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.
Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Prescripziuns pertuccont damondas da baghegiar
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Votaziuns dils 29 da november 2020
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 26 da november 2020 15.00-17.00 uras
venderdis, ils 27 da november 2020 15.00-17.00 uras
dumengia, ils 29 da november 2020 09.45-10.15 uras
Igl attest da votar ei da dar giu persunalmein all’urna. Tier ina votaziun per correspndenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 27 da november 2020 tier la canzlia communala.
Empustaziun pigneuls da Nadal
Ei sa vegnir empustau las suandontas sorts e grondezias:
pégn da Nordmann:
80-100 cm
125-150 cm
175-200 cm
225-250 cm
300-350 cm
pégn:
80-100 cm
100-150 cm
150-200 cm
200-300 cm
Las empustaziuns ein d’inoltrar alla canzlia communala (tel. 081 921 35 15 ni e-mail: info@falera.net) entochen sil pli tard venderdis, ils 27 da november 2020. Empustaziuns che vegnan fatgas suenter quei termin san deplorablamein buca pli vegnir risguardadas.
Ils pigneuls empustai ston vegnir pagai sin canzlia communala ordavon. Mardis, ils 22 da december 2020 naven dallas 12.30-13.00 uras san ils pigneuls vegni retratgs sil parcadi Fandrels.
Plazza da glatsch Falera
La plazza da glatsch Falera ei promta!
Temps d’avertura mira flyer.
Stan actual mira Flims Laax Falera