Archiv

Optional

Presidi communal Falera

Norbert Good vegn buca pli a candidar sco president communal il zercladur 2027.

Interessents per ina candidatura ein supplicai da s’annunziar tier la suprastonza communala.

Lavurs da catram Via Prau da Cuort

Gievgia, ils 17-09-2026, naven dallas 07.00 entochen ca. las 17.00 uras, vegn la Via Prau da Cuort serrada per tut traffic muort lavurs da catram.
Termin en cass da spustada pervia dall’aura: Venderdis, ils 18-09-2026 .
Duront las lavurs da preparaziun e da finiziun eis ei da quintar cun ulteriurs impediments da traffic.
Proprietaris pertuccai san parcar lur vehichels gratuitamein sil parcadi «Fandrels». Per plascher parcar entuorn ad uras Vos vehichels e risguardar la signalisaziun el liug. Bien engraziament per Vossa capientscha.

Invitaziun allas uniuns da Falera sesida da coordinaziun occurrenzas

La suprastonza communala envida las uniuns dil vitg tier ina sesida da coordinaziun pertuccont occurrenzas 2027.

La sesida ha liug sco suonda:

Mardis, ils 22-09-2026, allas 20:15 uras, la fermata, Gonda

Nus sperein che mintga uniun sappi tarmetter silmeins in delegau dalla suprastonza.

Seccapescha ein era persunas privatas, ch’ein interessadas dad organisar occurrenzas, envidadas tier quella sesida.

Damonda da baghegiar dils 11-09-2026
  • Nr.
    2026-0027
  • Petent
    Nadia und Corina Lombriser, Via Plaunca 2, 7153 Falera
  • Proprietari da terren
    Nadia und Corina Lombriser, Via Plaunca 2, 7153 Falera
  • Architect/Representant
    Krattiger Holzbau AG, Sommeristrasse 28, 8580 Amriswil
  • Baghetg
    Remplazzament casa da duas famiglias
  • Damondas supplementaras
    Damonda da permissiun da la polizia da fiug,
    Damonda per plazzas da protecziun obligatoricas che ston buca vegnir construidas
  • Parcella/zona
    341 / zona dil vitg
  • Quartier/Via
    Via Principala 31
  • Termin d’exposiziun
    11-09-2026 – 01-10-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Votaziuns dils 27-09-2026

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 24 da settember 2026                         15.00-17.00 uras
venderdis, ils 25 da settember 2026                     15.00-17.00 uras
dumengia, ils 27 da settember 2026                     09.45-10.15 uras

Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.

Votantas ni votants che han buca survegniu tarmess tier il material da votar, san retrer quel entochen venderdis, ils 25 da settember 2026 tier la canzlia communala.

Obligaziun da vignetta per pegnas mobilas el liber

Tenor las prescripziuns d’energia vertentas dil cantun Grischun ein pegnas mobilas per diever commercial ora el liber lubidas sulettamein, sche las emissiuns da CO2 vegnan cumpensadas. Sco pegnas mobilas valan oravontut ils schi numnai “bulius da scaldar”, cundrez da scaldar per tendas (per exempel exposiziuns, events etc.) era radiaturs e radiaturs d’infratgietschen. Per astgar duvrar pegnas mobilas el liber, basegna ei ina vignetta respectivamein pliras vignettas che ston vegnir renovadas annualmein. Ina vignetta entochen 14kw cuosta 60 francs e sa vegnir retratga sin canzlia communala.

Damonda da baghegiar dils 28-08-2026
  • Nr.
    2026-0026
  • Petent
    Marcus Casutt, Via Baluns 1, 7153 Falera
  • Proprietari da terren
    Marcus Casutt, Via Baluns 1, 7153 Falera
  • Baghetg
    Midada d’intent en diever buca agricol
  • Parcella/zona
    719 / zona d’agricultura
  • Quartier/Via
    Tgerblada / Via Nomens 1
  • Termin d’exposiziun
    28-08-2026 – 17-09-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.

Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

 

Vischnaunca Falera – Prolungaziun dil termin per la zona turistica Hotel La Mutta

En applicaziun digl art. 19 al. 2 dalla lescha davart la planisaziun dil territori per il cantun Grischun (LPTGR) ha la suprastonza communala da Falera a caschun da sia seduta dils 3 d’uost 2026 ponderau e decidiu:

El plan da zonas legalmein valeivels dalla vischnaunca da Falera ein ils suloms parcellas nr. 363, 411, 414, 416, 417, 418, 419, 420, 421, 466, 1227, 1228, 1229, 1241, 1244 (parzialmein) e 1612 (parzialmein) dil cudisch funsil Falera attribui alla zona turistica Hotel La Mutta sco era attestai cun in’obligaziun da planisaziun d’areal e regruppament da terren. Igl art. 22 Lescha da baghegiar Falera (LBA) che appartegn alla zona turistica Hotel La Mutta ei vegnius approbaus cun il conclus dalla Regenza (RB) nr. 718 dils 10 d’uost 2021. Tenor art. 22 al. 5 LBa vala la zona turistica Hotel La Mutta sco limitada el senn digl art. 19h dalla lescha davart la planisaziun dil territori per il cantun Grischun (KRG). Il termin cuoza tschun onns entochen ils 10 d’uost 2026.

Pil mument occuoran las lavurs per evaluar ils resultats davart l’exposiziun publica da cooperaziun e da protesta dil plan d’areal cun regruppament da terren. L’exposiziun ha giu liug duront 45 dis naven dils 26 da fevrer entochen ils 13 d’avrel 2026. La tractaziun dallas inoltraziuns e dallas protestas cuoza aunc. Il relasch dil project da planisaziun d’areal e da regruppament da terren entras la suprastonza communala dalla vischnaunca da Falera ei en preparaziun e prevesibel ils proxims meins. Daferton ein la planisaziun d’investiziun e da menaschi, la projectaziun da construcziun, la procedura per la lubientscha da baghegiar, la planisaziun d’execuziun sco era l’entschatta dalla construcziun aunc pendentas. Quels pass da process cuozan tenor experientscha tochen treis onns e dapli. Cun in’entschatta da baghegiar sa realisticamein sin fundament dallas valurs d’experientscha vegnir quintau circa igl onn 2030. Il termin da tschun onns fixaus en art. 22 al. 5 lescha da baghegiar entochen ils 10 d’uost 2026 (entschatta dallas lavurs da construcziun) ei aschia calculaus evidentamein memia cuort.

Tenor art. 19h al. 2 KRG sa la suprastonza communala prolunghir ils termins el cass singul per maximalmein la mesadad dils termins oriunds. Ils termins stattan eri aschiditg che l’entschatta dalla construcziun ni la terminaziun dalla construcziun s’entardan per motivs ch’il obligà da baghegiar ha buca da responsar (art. 19h al. 2 secunda construcziun LBC).

Suenter haver fatg la projectaziun directiva e las preparativas da planisaziun necessarias, ha la suprastonza communala relaschau ils 8 da schaner 2024 sebasond sin art. 22 LB, art. 65 ss. LPTGR ed art. 29 dall’ordinaziun davart la planisaziun dil territori per il cantun Grischun (OPTGR) il conclus davart l’introducziun dalla procedura per regruppaments da terren e rectificaziuns da cunfins e davart la procedura pil plan d’areal per il territori La Mutta. Ils 13 da fevrer 2024 ha la Dertgira administrativa dil cantun Grischun (da niev Dertgira superiura dil cantun Grischun) informau la suprastonza communala davart l’entrada d’in recuors dils 6 da fevrer 2024 encunter il conclus d’introducziun dils 8 da schaner 2024. Cun sentenzia VR3 24 14 dils 9 da matg 2025, communicada ils 13 da matg 2025, ha la Dertgira superiura dil cantun Grischun renviau il recuors. Suenter che la sentenzia ei buca vegnida tratga vinavon tier il Tribunal federal enteifer 30 dis, ei il conclus d’introducir la procedura entraus en vigur legala ils 13 da zercladur 2025. Cunquei ch’il recuors ei buca staus ella responsabladad dalla suprastonza communala ni dalla La Mutta SA, ei il termin da tschun onns fixaus egl art. 22 al. 5 LBau el senn digl art. 19h al. 2 LCR staus eri duront quei temps per 486 dis resp. per 16 meins (naven dils 13 da fevrer 2024 entochen ils 13 da zercladur 2025). Dil termin da tschun onns entochen ils 10 d’uost 2026 (60 meins ni 1’826 dis) vegn aschia ad esser vargau strusch 44 meins (exact 1’340 dis) resp. ei resta suenter ils 10 d’uost 2026 in termin da 486 dis. Il di da referenza calculau decisiv per la scadenza dil termin ei aschia da niev ils 9 da december 2027 (10 d’uost 2026 plus 486 dis).

En vesta ad in ulteriur cuoz da planisaziun prevesibel da silmeins treis onns e per garantir ina megliera segirtad da planisaziun pusseivla per la vischnaunca e per la La Mutta SA preveda la suprastonza communala cheu da far diever dalla pusseivladad da prolungir il termin tenor art. 19h al. 2 LPT aunc avon la scadenza dil termin legal da scadenza dils 10 d’uost 2026 tenor art. 22 al. 5 LPT. La suprastonza dalla vischnaunca da Falera ei aschibein en applicaziun digl art. 22 al. 5 L da baghegiar en cumbinaziun cun igl art. 19h al. 2 LPTGR sco era sin fundament dallas circumstanzias motivadas e effectivas sura autorisada da prolunghir il termin adequatamein entochen maximalmein la mesadad dil termin oriund da tschun onns per maximalmein 2.5 onns.
Il termin colligiaus cun la zona turistica Hotel La Mutta tenor art. 22 al. 5 lescha da baghegiar Falera vegn silsuenter prolungius naven dil termin da scadenza dils 9 da december 2027 ch’ei calculaus da niev cun risguardar la pausa da termin da 16 meins per dus onns e miez (913 dis) entochen ils 21 da zercladur 2030.
La suprastonza communala resalva en mintga cass da relaschar en cass d’eventualas ulteriuras suspensiuns da termins en consequenza da proceduras d’approbaziun ni giudizialas el decuors dil plan d’areal ni dil regruppament da terren sco era en cass da proceduras giudizialas sin fundament d’ina lubientscha da baghegiar concedida danovamein ina disposiziun motivada cun indicaziun d’in niev termin decisiv per la scadenza dil termin.
Quella prolungaziun dil termin sa vegnir contestada enteifer 30 dis dapi il datum da publicaziun tenor la lescha davart las obligaziuns dil dretg administrativ (LDA) tier la dertgira superiura dil cantun Grischun.
Falera, 7-8-2026

Diever localitads da vischnaunca 2026/2027

Uniuns e persunas che lessan far diever dalla halla plurivalenta el center communal ni dallas localitads en la fermata ein supplicadas da far ina damonda a scret alla canzlia communala entochen ils 7 d’uost 2026.

Damondas da baghegiar dils 17-07-2026
  • Nr.
    2025-0016
  • Petent
    Rita & Danilo Arpagaus, Via Suriert 7, 7153 Falera
  • Proprietari da terren
    Parvenda Falera
  • Architect/Representant
    Albertin Architekten, Schloss Haldenstein, 7023 Haldenstein
  • Baghetg
    Pergola aviarta sin la terrassa
  • Damondas supplementaras
    –
  • Parcella/zona
    Parcella en dretg da baghegiar 1698, parcella principala 151 | zona da habitar 2
  • Quartier/Via
    Via Fancrengia 11
  • Termin d’exposiziun
    17-07-2026  –  06-08-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.

 

  • Nr.
    2026-0024
  • Petent
    Roland Casutt, Mettmenriedstrasse 5, 8606 Nänikon
  • Proprietari da terren
    Roland Casutt, Mettmenriedstrasse 5, 8606 Nänikon
  • Architect/Representant
    Tarcisi Maissen SA, Via Resgias 16, 7166 Trun
  • Baghetg
    Sanaziun energetica dil tetg cun ina nova construcziun da fotovoltaic integrada
  • Damondas supplementaras
    Damonda da permissiun da la polizia da fiug
  • Parcella/zona
    290 | Dorfzone
  • Quartier/Via
    Via Principala 70
  • Termin d’exposiziun
    17-07-2026 – 06-08-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.

 

  • Nr.
    2026-0025
  • Petent
    StWEG Cavriel, c/o Addissa AG, Poststrasse 3, 7130 Ilanz
  • Architect/Representant
    Caduff Haustechnik AG, Via Santeri 1, 7130 Ilanz
  • Baghetg
    Remplazzament dil scaldament cun ina pumpa da scaldar cun sondas geotermicas
  • Damondas supplementaras
    ANU: Damonda da permissiun per in ina pumpa da scaldar cun sondas geotermicas
  • Parcella/zona
    49 / zona da habitar 2
  • Quartier/Via
    Via Manduns 25
  • Termin d’exposiziun
    17-07-2026 – 06-08-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Lescha davart la restricziun da fiugs artificials

Alla radunonza communala dils 4-10-2024 ei la lescha davart la limitaziun da fiugs artificials vegnida approbada.

Tenor questa lescha vala:
Arder fiugs artificials che fan canera ei buca lubiu sigl entir territori communal.
Buca sut quei scamond s’audan fiugs artificials pli pigns sco fiugs artificials da meisa, candeilas miraculusas, fiugs bengals, vulcans sco era siets da saluts e petardas a caschun da fiastas grondas ecclesiasticas.

Muort il prighel actual d’incendis d’uaul eis ei da desister da barschar tut ils fiugs artificials. La populaziun vegn supplicada d’observar consequentamein quella disposiziun.

Nus supplichein da setener vid las restricziuns ed engraziein per la capientscha.

Summer University

Naven dils 23 d’uost entochen ils 4 da settember 2026

Fiasta naziunala a Falera e Laax

Sonda, igl 1. d’uost 2026 naven dallas 16.00 entochen las 18.00 uras a Falera

flyer

La sera ha la fiasta naziunala liug a Laax

flyer Laax

Damonda da baghegiar dils 10-07-2026
  • Nr.
    2026-0023
  • Petent
    Johannes Pieroth, Steubenstrasse 11B, D-65189 Wiesbaden
  • Proprietari da terren
    Johannes Pieroth, Steubenstrasse 11B, D-65189 Wiesbaden
  • Representant
    Tarcisi Maissen SA, Via Resgias 16, 7166 Trun
  • Baghetg
    Remplazzament dil scaldament cun ina pumpa da scaldar cun aria ed aua plazzau el liber
  • Damondas supplementaras
    –
  • Parcella/zona
    47 / zona da habitar mischedada 2
  • Quartier/Via
    Via Giaus sura 20
  • Termin d’exposiziun
    10-07-2026 – 30-07-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Termins lavurs da cuvrida Via Dual sut entochen Via Prau da Cuort

Termins

Protocol radunonza communala dils 12-6-2026

Dil protocol dalla radunonza communala dils 12 da zercladur 2026 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.

Damonda da baghegiar dils 26-06-2026
  • Nr.
    2026-0022
  • Petent
    Hotel La Siala AG, Via Principala 2, 7153 Falera
  • Proprietari da terren
    Stweg La Siala AG, c/o ADDISSA, Poststrasse 3, 7130 Ilanz
  • Architect/Representant
    Rüegg Architects, Promenada 1, 7018 Flims Waldhaus
  • Baghetg
    Midada d’intent dil hotel La Siala en 6 habitaziuns
  • Damondas supplementaras
    Damonda da permissiun da la polizia da fiug
  • Parcella/zona
    408 / zona da habitar mischedada 3
  • Quartier/Via
    Via Principala 2
  • Termin d’exposiziun
    26-06-2026 – 16-07-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Adatg scamond absolut da far fiug

Naven d’immediat e tochen l’aboliziun dalla mesira exista muort la schitgira cuntinuonta en Surselva in fetg grond prighel d’incendis d’uaul. Nus supplichein la populaziun da prender serius la situaziun e da setener strictamein vid las suandontas instrucziuns:
Tuts fiugs el liber ein scumandai.
Negins fiugs da grillar
Negins fiugs ella fueina
Negins fiugs da camp
Negins fiugs ellas schalas
Neginas lavurs da barschar giu
Nus supplichein tuts per attenziun augmentada e sedepurtar cun responsabladad. Mo aschia savein nus proteger nos uauls, la natira e la segirtad dalla populaziun.
Bien engraziament per Vies agid.

Damonda da baghegiar dils 19-06-2026
  • Nr.
    2026-0021
  • Petent
    Confidar Treuhand AG, Schulstrasse 59, 7130 Ilanz
  • Architect/Representant
    Caduff Haustechnik AG, Via Santeri 1, 7130 Ilanz
  • Baghetg
    Remplazzament dil scaldament cun ina pumpa da scaldar cun sondas geotermicas
  • Damondas supplementaras
    ANU: Damonda da permissiun per in ina pumpa da scaldar cun sondas geotermicas
  • Parcella/zona
    53 / zona da habitar 2, zona da habitar mischedada 2
  • Quartier/Via
    Via Giaus sura 6 + 8
  • Termin d’exposiziun
    19-06-2026 – 09-07-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Resultats radunonza communala 12-6-2026
Ils resultats dalla radunonza communala anfleis Vus cheu.
Votaziuns ed elecziuns dils 14-06-2026

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 11 da zercladur 2026             15.00-17.00 uras
venderdis, ils 12 da zercladur 2026         15.00-17.00 uras
dumengia, ils 14 da zercladur 2026         09.45-10.15 uras

Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.

Votantas ni votants che han buca survegniu tarmess tier il material da votar, san retrer quel entochen venderdis, ils 12 da zercladur 2026 tier la canzlia communala.

Radunonza communala – venderdis, ils 12 da zercladur 2026, 20.15 uras, la fermata

Tractandas:

  1. Beinvegni, elecziun da dus dumbravuschs
  2. Constataziun dall’approbaziun dils protocols dallas radunonzas communalas dils 23-10-2025 e 12-12-2025
  3. Rapport annual e rendaquen pils 31-12-2025
    – Rapport annual dil president
    – Quen annual 2025
    – Rapport dalla cumissiun da gestiun
    – Approbaziun dil rapport e dil quen, descharscha alla suprastonza communala, all’administraziun e funcziunaris
  4. Elecziuns
    – 1 commember suprastonza communala (reelecziun)
    – 1 commember cumissiun da baghegiar (reelecziun)
    – 1 commember cumissiun da gestiun (demissiun)
  5. Fundaziun dil menaschi forestal “Revier forestal Gonda” cun las vischnauncas da Laax, Sagogn e Falera
  6. Informaziuns e varia

Il rapport e quen annual 2025 vegnan tarmess tier a mintga casada. Ulteriurs exemplars sco era il messadi per la radunonza communala san ins reter sin canzlia communala ni cargar giu dalla pagina d’internet dalla vischnaunca www.falera.net.

Messadi 

Rapport e quen annual 2025

Plazza da giugs Falera

Naven da quest’jamna stat in niev sortiment da termagls a disposiziun. Era la sablunera sco era la plazza da giug ein secapescha semtgadas per biaras uras da giug plein tensiun. Il trampolin grond da Curnius ei gia dapi 14 dis en funcziun e gauda gronda popularitad tier affons dalunsch e damaneivel.

Supplementarmein purschin nus:

plazza da ballapei, bastuns d’unihoc cun gol, set bal da plemas cun reit, pingpong, ballabasket, giug da cornhole, Kubb (Vikinger-Schach), Jenga XXL

Era vegn construiu proximamein in plaz da boccia.

Dumbraziun dallas habitaziuns vitas pigl 1 da zercladur 2026

Igl uffeci federal da statistica meina puspei atras ina dumbraziun dallas habitaziuns vitas.

Possessurs da casas ni administraziuns d’immobilias, che han pigl 1 da zercladur 2026 habitaziuns ni casas d’ina famiglia vitas ein obligai da communicar quei per telefon (081 921 35 15) ni a scret alla canzlia communala entochen sil pli tard ils 29 da matg 2026.

Sco habitaziuns vitas el senn da quella dumbraziun vegnan tut las habitaziuns mobiliadas ni buca mobiliadas quintadas, las qualas adempleschan las suandontas duas cundiziuns:

– habitaziuns ni casas d’ina famiglia ch’ein il di da controlla (1-6-2026) vitas denton habitablas e
– ch’ein il di da controlla (1-6-2026) screttas ora per schar a tscheins permanent per minimal 3 meins ni venalas.

Nus engraziein per la cooperaziun.

Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.

Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Cordiala gratulaziun alla societad da musica Falera

La societad da musica Falera ha contonschiu alla fiasta federala da musica a Bienna igl oreifer 1. rang. Cun siu dirigent Duri Cathomen ha la societad da musica saviu festivar in success extraordinari ed aschia emplenir la vischnaunca da Falera cun luschezia.
En num dall’entira vischnaunca da Falera gratulescha la suprastonza communala
cordialmein alla societad da musica Falera ed a Duri Cathomen per quei grondius
success e giavischa vinavon bia plascher vid la musica sco era egl avegnir
biars ulteriurs puncts culminonts e success musicals.

Damonda da baghegiar dils 15-05-2026
  • Nr.
    2026-0020
  • Petent
    StWEG Via Fuorns 45
  • Proprietari da terren
    StWEG Via Fuorns 45
  • Architect/Representant
    Willi Gebäudetechnik AG, William Pleisch, Industriestrasse 19, 7000 Chur
  • Baghetg
    Remplazzament dil scaldament cun ina pumpa da scaldar cun aria ed aua plazzau el liber
  • Parcella/zona
    391 | zona da habitar 2, zona per edifecis pigns ed annexas
  • Quartier/Via
    Via Fuorns 45
  • Termin d’exposiziun
    15-05-2026 – 05-06-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Jamna da cuser

Naven dils 31 da matg entochen ils 5 da zercladur 2026 en la fermata

link

Temps d’avertura canzlia communala sur Anceinza, Tschuncheismas e Sontgilcrest

L’administraziun communala resta serrada ils suandonts dis:

gievgia, ils 14 da matg 2026
venderdis, ils 15 da matg 2026
gliendisdis, ils 25 da matg 2026
gievgia, ils 4 da zercladur 2026

Nus supplichein per enconuschientscha.

Damondas da baghegiar dils 08-05-2026
  • Nr.
    2026-0017
  • Petent
    Weisse Arena Bergbahnen AG, Via Murschetg 17, 7032 Laax Murschetg
  • Architect/Representant
    Weisse Arena Bergbahnen AG, Via Murschetg 17, 7032 Laax Murschetg
  • Baghetg
    Nova construcziun horizontala da fotovoltaic sin in tetg grad
  • Parcella/zona
    1496 / zona d’agricultura
  • Quartier/Via
    Via Crest la Siala 1
  • Termin d’exposiziun
    08-05-2026 – 28-05-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.

 

  • Nr.
    2026-0018
  • Petent
    Weisse Arena Bergbahnen AG, Via Murschetg 17, 7032 Laax Murschetg
  • Architect/Representant
    Weisse Arena Bergbahnen AG, Via Murschetg 17, 7032 Laax Murschetg
  • Baghetg
    Nova construcziun horizontala da fotovoltaic sin in tetg grad
  • Parcella/zona
    1717 / zona d’agricultura
  • Quartier/Via
    Via Treis Palas 2
  • Termin d’exposiziun
    08-05-2026 – 28-05-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.

 

  • Nr.
    2026-0019
  • Petent
    Weisse Arena Bergbahnen AG, Via Murschetg 17, 7032 Laax Murschetg
  • Architect/Representant
    Weisse Arena Bergbahnen AG, Via Murschetg 17, 7032 Laax Murschetg
  • Baghetg
    Nova construcziun horizontala da fotovoltaic sin in tetg grad
  • Parcella/zona
    850 / zona d’agricultura
  • Quartier/Via
    Via Curnius 15
  • Termin d’exposiziun
    08-05-2026 – 28-05-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Salvament d`anseuls-cavriel cun camera termica

Era uonn porschan ils catschadurs dalla secziun Vorab als purs dallas vischnauncas Schluein, Sagogn, Laax e Falera il salvament d`anseuls-cavriel cun drona.
Naven dils 11 da matg entochen ils 30 da zercladur san ils purs annunziar lur parcella la sera avon entochen las 19.00 uras sin la numera da pichet 079 831 81 41.
Il vernderdis ei la centrala buca adina occupada. Ei vegn denton telefonau anavos.
Cordial engraziament per il sustegn.

Novs temps d’avertura informaziun da hosps / agentura da posta Falera

Naven digl 1. da matg 2026 valan ils suandonts temps d’avertura per l’informaziun da hosps e la agentura da posta Falera:
Temps da spurtegl:
Gliendisdis entochen venderdis: 08.30 – 11.30 e las 14.00 – 17.00 uras
Sonda: 8.30 – 11.30 uras
Engraziel fetg per l’enconuschientscha e capientscha

Damonda da baghegiar dils 01-05-2026
  • Nr.
    2026-0014
  • Petent
    Serafin Winzap, Via Falera 54, 7153 Falera
  • Architect/Representant
    MBRsolar AG, Frauenfelderstrasse 12, 9545 Wängi
  • Baghetg
    Baghetg annex cun battarias per magasinar energia
  • Damondas supplementaras
    Damonda da permissiun da la polizia da fiug
  • Parcella/zona
    1222 / zona d’agricultura
  • Quartier/Via
    Via Falera 54a
  • Termin d’exposiziun
    01-05-2026 – 21-05-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.

 

  • Nr.
    2026-0016
  • Petent
    StWEG Prau Sut, c/o Confidar Treuhand AG, Schulstrasse 59, 7130 Ilanz
  • Architect/Representant
    Hesaplan AG, Via Isla 37, 7151 Schluein
  • Baghetg
    Remplazzament dil scaldament cun ina pumpa da scaldar cun sondas geotermicas
  • Damondas supplementaras
    Damonda da permissiun da la polizia da fiug,
    ANU: Damonda da permissiun per in ina pumpa da scaldar cun sondas geotermicas
  • Parcella/zona
    70 | zona da habitar mischedada 2
  • Quartier/Via
    Via Giaus sut 2
  • Termin d’exposiziun
    01-05-2026 – 21-05-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Damondas da baghegiar dils 24-04-2026
  • Nr.
    2026-0012
  • Petent
    Bernard Gartmann, Via Bigneras 3, 7153 Falera
  • Baghetg
    Midada d’utilisaziun da mistregn en duas habitaziuns
  • Damondas supplementaras
    Damonda da permissiun da la polizia da fiug,
    Damonda per plazzas da protecziun obligatoricas che ston buca vegnir construidas
  • Parcella/zona
    26 / zona da habitar 2
  • Quartier/Via
    Via Bigneras 3
  • Termin d’exposiziun
    24-04-2026 – 15-05-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.

 

  • Nr.
    2026-0013
  • Petent
    Michael Baltensperger, Aehrenweg 3, 8405 Winterthur
  • Architect/Representant
    Solpic AG, Via Mulin 2, 7130 Ilanz
  • Baghetg
    Cundrez fotovoltaic vid il mir da crap da bloc
  • Parcella/zona
    42 / zona da habitar 2
  • Quartier/Via
    Via Manduns 35
  • Termin d’exposiziun
    24-04-2026 – 15-05-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.

 

  • Nr.
    2026-0015
  • Petent
    Carla und Marcus Fritz-Cathomen, Stoltenweg 11, 5703 Seon
  • Architect/Representant
    Hesaplan AG, Via Isla 37, 7151 Schluein,
    Casutt AG, Via Principala 18, 7151 Schluein
  • Baghetg
    Remplazzament dil scaldament cun ina pumpa da scaldar cun aria ed aua plazzau el liber
  • Parcella/zona
    1601 / zona dil vitg
  • Quartier/Via
    Via Principala 66
  • Termin d’exposiziun
    24-04-2026 – 15-05-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Vischnaunca Falera – communicaziun dalla decisiun da permissiun per planisaziun locala
La regenza dil cantun Grischun ha approbau ils 17 da mars 2026, cun la decisiun nr. 218 e tenor l’art. 49 dalla lescha da planisaziun dil territori, las zonas per stabiliments turistics Crap Sogn Gion e Curnius. Quellas zonas eran vegnidas decididas dalla radunonza communala ils 25 da zercladur 2015, duront la revisiun totala.
La decisiun cumpleta dalla regenza ei publicada sin canzlia communala e sa vegnir consultada.
Klapperlapapp el parc la Mutta

Dumengia, ils 2 d’uost 2026 naven dallas 10:00 uras

tickets

 

Rimnada da rauba blocconta

Sonda, ils 2 da matg 2026 dallas 8.00-11.00 uras sa vegnir dismess rauba blocconta.

Ils containers per dismetter la rauba vegnan tschentai si sil parcadi Fandrels.

Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.

Ils suandonts rumians astgan en mintga cass buca vegnir dismess el rom da rimnadas da rauba blocconta:

rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.

Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.

Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:

apparats electrics                                  gratuit
batterias da motos                                frs. 5.– per toc
batterias d’auto pign/grond                   frs. 10.–/20.– per toc
pneus da privats senza gaveglias         frs. 5.– per toc
pneus da privats cun gaveglias             frs. 10.– per toc

Quella rauba vegn dismessa separau dalla rauba blocconta entras ils luvrers communals.

Ils luvrers communals han l’incumbensa da visar anavos rauba che corrispunda buca als criteris da rumien bloccont.

Nus supplichein per enconuschientscha.

 

Localitad da biro el Center communal

La vischnaunca da Falera lai a tscheins el Center communal sigl 1. d’october 2026
ni tenor cunvegnientscha ina

localitad da biro

per persunas ni fatschentas indigenas.

Interessents san s’annunziar a scret entochen ils 30. d’avrel 2026 tier l’ administraziun communala, Via Principala 45c, 7153 Falera.
Per ulteriuras informaziuns stat l’administraziun communala bugen a disposiziun (Tel. 081 921 35 15, E-Mail: info@falera.net).

 

Damonda da baghegiar dils 17-04-2026
  • Nr.
    2026-0011
  • Petent
    Johannes Pieroth, Steubenstrasse 11B, D-65189 Wiesbaden
  • Proprietari da terren
    Johannes Pieroth, Steubenstrasse 11B, D-65189 Wiesbaden
  • Architect/Representant
    Tarcisi Maissen SA, Via Resgias 16, 7166 Trun
  • Baghetg
    Engrondiment d’ina casa d’ina famiglia
  • Damondas supplementaras
    Damonda da permissiun da la polizia da fiug
  • Parcella/zona
    47 /zona da habitar 2
  • Quartier/Via
    Via Giaus sura 20
  • Termin d’exposiziun
    17-04-2026 – 07-05-2026
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Informaziun davart igl abonnament d’indigens – pendicularas Arena Alva SA

Naven digl 1 da matg 2026 pon ils abonnaments per ils indigens dalla vischnaunca da Falera vegnir retratgs. Tut ils abonnaments d’indigens vegnan cargai si exclusivamein sin las cartas d’indigens che vegnan emessas dalla vischnaunca.

• Stad 2026 + unviern 2026/27 «carschi» naven da 17 onns CHF 250.00
• Stad 2026 + unviern 2026/27 «scolars» 6 – 16 onns gratuit

Regulaziun per persunas indigenas davart la retratga da cartas dil di per la tariffa d’indigens:
Duront la stagiun da stad e d’unviern pon las persunas indigenas retrer da tut temps cartas dil di, viadis singuls sco era cartas da pedunzs per la tariffa reducida d’indigens. Per la reducziun sto vegnir presentau la carta d’indigens. Sin cartas dil di d’indigens sco era sin abonnaments da stagiun sa vegni concediu neginas ulteriuras reducziuns.

Administraziun communala Falera / cassa dallas pendicularas Laax

Canzlia communala – Temps d’avertura sur Pastgas

La canzlia communala resta serrada naven da venderdis, ils 3 d’avrel 2026 entochen e cun gliendisdis Pastgas, ils 6 d’avrel 2026.

Nus supplichein per enconuschientscha e giavischein a tuts bialas Pastgas.

 

Zona da ruaus Gonda
En coordinaziun cul uffezi da chatscha e pesca sa la zona da ruaus per la
selvaschina «Gonda» muort la vegetaziun avanzada vegnir abolida gia sil 1. d’avrel 2026.
Bien engraziament per enconuschientscha.
Damondas da baghegiar 20-3-2026
  • Nr. 
    2026-0008
  • Petent
    Stweg Casa Sur Crap c/o Leonhard Ammon, Leskowstrasse 1B, 91475 Nürnberg
  • Proprietari da terren
    Stweg Casa Sur Crap c/o Leonhard Ammon, Leskowstrasse 1B, 91475 Nürnberg
  • Architect/Representant
     Cathomen Haustechnik AG, Via Pardanal 6, 7031 Laax
  • Baghetg
    Remplazzament dil scaldament cun ina pumpa da scaldar cun aria ed aua plazzau el liber
  • Damondas supplementaras
    –
  • Parcella/zona
    394 /Wohnzone 2
  • Quartier/Via
    Via Fuorns 40
  • Termin d’ exposiziun
    Amtsblatt – 20. März 2026 bis 09. April 2026
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.

 

  • Nr.
    2026-0009
  • Petent
    Patrick und Karin Wili, Unterer Schöttler 20, 9050 Appenzell
  • Proprietari da terren
    Patrick und Karin Wili, Unterer Schöttler 20, 9050 Appenzell
    Roger Märki, Kesslergasse 8, 5707 Seengen
  • Architect/Representant
    Caderas Heizung Sanitär AG, Via Lieptgas 18, 7031 Laax
  • Baghetg
    Remplazzament dil scaldament cun ina pumpa da scaldar cun aria ed aua plazzau el liber
  • Damondas supplementaras
    –
  • Parcella/zona
    1461 /Wohnzone 2
  • Quartier/Via
    Via Giaus sura 11
  • Termin d’ exposiziun
    20.03.26 – 09.04.26
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.

 

  • Nr.
    2026-0010
  • Petent
     Jürg und Manuela Schäppi, Paradiesweg 23, 8645 Jona
  • Proprietari da terren
    Jürg und Manuela Schäppi, Paradiesweg 23, 8645 Jona
  • Architect/Representant
    Caderas Heizung Sanitär AG, Via Lieptgas 18, 7031 Laax
  • Baghetg
    Remplazzament dil scaldament cun ina pumpa da scaldar cun aria ed aua plazzau el liber
  • Damondas supplementaras
    –
  • Parcella/zona
    56 /Wohnzone 2
  • Quartier/Via
    Via Giaus sura 13
  • Termin d’ exposiziun
    20.03.26 – 09.04.26
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Serrada trapass Via Fancrengia – Plaz Gliendras

Muort las lavurs da construcziun vid la casa d’ina famiglia (Arpagaus Bearth) resta la colligiaziun denter la Via Fancrengia – Plaz Gliendras duront il temps dils 30-03-2026 entochen ils 08-06-2026 serrada. La serrada ei necessaria ord motivs da segirtad. Il temps da bloccada exacta sa semidar tut tenor il progress da construcziun. Risguardei per plascher las signalisaziuns.
Nus engraziein per Vossa capientscha

Ura da consultaziun cun il president communal

Per saver porscher alla populaziun, mistergn, uniuns ed possessurs da habitaziuns da vacanzas in sempel post da consultaziun per discuors davart la vischnaunca, dat ei ina ura da consultaziun cun la direcziun.
La proxima consultaziun ha liug al suandont termin:
Gievgia, ils 26 da mars 2026, dallas 8.00 fin las 9.30 uras.
Per garantir in discuors productiv supplichein nus per preannunzia e indicaziun dil tema sut ispeck@falera.net.

Informaziuns sanaziun dalla Via Samun – Via Prau da Cuort

Actualisaziun dils 22-6-2026: Las lavurs da crappa per la cuvrida han saviu vegnir instradadas gia avon la planisaziun.

Informaziuns actualas anfleis cheu.

 

Demissiuns autoritads communalas

Tenor constituziun da vischnaunca ein las demissiuns stadas d’inoltrar alla
suprastonza communala entochen la fin da fevrer 2026. Igl ei vegniu inoltrau la
suandonta demissiun:

  • Cumissiun da gestiun: Kristin Bonderer

Las elecziuns dallas autoritads communalas han liug a caschun d’ina proxima
radunonza communala resp. mintgamai egl emprem miez onn.