Dil protocol dalla radunonza communala dils 12 da zercladur 2026 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
Naven d’immediat e tochen l’aboliziun dalla mesira exista muort la schitgira cuntinuonta en Surselva in fetg grond prighel d’incendis d’uaul. Nus supplichein la populaziun da prender serius la situaziun e da setener strictamein vid las suandontas instrucziuns:
Tuts fiugs el liber ein scumandai.
Negins fiugs da grillar
Negins fiugs ella fueina
Negins fiugs da camp
Negins fiugs ellas schalas
Neginas lavurs da barschar giu
Nus supplichein tuts per attenziun augmentada e sedepurtar cun responsabladad. Mo aschia savein nus proteger nos uauls, la natira e la segirtad dalla populaziun.
Bien engraziament per Vies agid.
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 11 da zercladur 2026 15.00-17.00 uras
venderdis, ils 12 da zercladur 2026 15.00-17.00 uras
dumengia, ils 14 da zercladur 2026 09.45-10.15 uras
Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 12 da zercladur 2026 tier la canzlia communala.
Tractandas:
Il rapport e quen annual 2025 vegnan tarmess tier a mintga casada. Ulteriurs exemplars sco era il messadi per la radunonza communala san ins reter sin canzlia communala ni cargar giu dalla pagina d’internet dalla vischnaunca www.falera.net.
Naven da quest’jamna stat in niev sortiment da termagls a disposiziun. Era la sablunera sco era la plazza da giug ein secapescha semtgadas per biaras uras da giug plein tensiun. Il trampolin grond da Curnius ei gia dapi 14 dis en funcziun e gauda gronda popularitad tier affons dalunsch e damaneivel.
Supplementarmein purschin nus:
plazza da ballapei, bastuns d’unihoc cun gol, set bal da plemas cun reit, pingpong, ballabasket, giug da cornhole, Kubb (Vikinger-Schach), Jenga XXL
Era vegn construiu proximamein in plaz da boccia.
Igl uffeci federal da statistica meina puspei atras ina dumbraziun dallas habitaziuns vitas.
Possessurs da casas ni administraziuns d’immobilias, che han pigl 1 da zercladur 2026 habitaziuns ni casas d’ina famiglia vitas ein obligai da communicar quei per telefon (081 921 35 15) ni a scret alla canzlia communala entochen sil pli tard ils 29 da matg 2026.
Sco habitaziuns vitas el senn da quella dumbraziun vegnan tut las habitaziuns mobiliadas ni buca mobiliadas quintadas, las qualas adempleschan las suandontas duas cundiziuns:
– habitaziuns ni casas d’ina famiglia ch’ein il di da controlla (1-6-2026) vitas denton habitablas e
– ch’ein il di da controlla (1-6-2026) screttas ora per schar a tscheins permanent per minimal 3 meins ni venalas.
Nus engraziein per la cooperaziun.
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.
Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
La societad da musica Falera ha contonschiu alla fiasta federala da musica a Bienna igl oreifer 1. rang. Cun siu dirigent Duri Cathomen ha la societad da musica saviu festivar in success extraordinari ed aschia emplenir la vischnaunca da Falera cun luschezia.
En num dall’entira vischnaunca da Falera gratulescha la suprastonza communala
cordialmein alla societad da musica Falera ed a Duri Cathomen per quei grondius
success e giavischa vinavon bia plascher vid la musica sco era egl avegnir
biars ulteriurs puncts culminonts e success musicals.
Naven dils 31 da matg entochen ils 5 da zercladur 2026 en la fermata
L’administraziun communala resta serrada ils suandonts dis:
gievgia, ils 14 da matg 2026
venderdis, ils 15 da matg 2026
gliendisdis, ils 25 da matg 2026
gievgia, ils 4 da zercladur 2026
Nus supplichein per enconuschientscha.
Era uonn porschan ils catschadurs dalla secziun Vorab als purs dallas vischnauncas Schluein, Sagogn, Laax e Falera il salvament d`anseuls-cavriel cun drona.
Naven dils 11 da matg entochen ils 30 da zercladur san ils purs annunziar lur parcella la sera avon entochen las 19.00 uras sin la numera da pichet 079 831 81 41.
Il vernderdis ei la centrala buca adina occupada. Ei vegn denton telefonau anavos.
Cordial engraziament per il sustegn.
Naven digl 1. da matg 2026 valan ils suandonts temps d’avertura per l’informaziun da hosps e la agentura da posta Falera:
Temps da spurtegl:
Gliendisdis entochen venderdis: 08.30 – 11.30 e las 14.00 – 17.00 uras
Sonda: 8.30 – 11.30 uras
Engraziel fetg per l’enconuschientscha e capientscha
Sonda, ils 2 da matg 2026 dallas 8.00-11.00 uras sa vegnir dismess rauba blocconta.
Ils containers per dismetter la rauba vegnan tschentai si sil parcadi Fandrels.
Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.
Ils suandonts rumians astgan en mintga cass buca vegnir dismess el rom da rimnadas da rauba blocconta:
rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.
Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.
Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:
apparats electrics gratuit
batterias da motos frs. 5.– per toc
batterias d’auto pign/grond frs. 10.–/20.– per toc
pneus da privats senza gaveglias frs. 5.– per toc
pneus da privats cun gaveglias frs. 10.– per toc
Quella rauba vegn dismessa separau dalla rauba blocconta entras ils luvrers communals.
Ils luvrers communals han l’incumbensa da visar anavos rauba che corrispunda buca als criteris da rumien bloccont.
Nus supplichein per enconuschientscha.
La vischnaunca da Falera lai a tscheins el Center communal sigl 1. d’october 2026
ni tenor cunvegnientscha ina
localitad da biro
per persunas ni fatschentas indigenas.
Interessents san s’annunziar a scret entochen ils 30. d’avrel 2026 tier l’ administraziun communala, Via Principala 45c, 7153 Falera.
Per ulteriuras informaziuns stat l’administraziun communala bugen a disposiziun (Tel. 081 921 35 15, E-Mail: info@falera.net).
Naven digl 1 da matg 2026 pon ils abonnaments per ils indigens dalla vischnaunca da Falera vegnir retratgs. Tut ils abonnaments d’indigens vegnan cargai si exclusivamein sin las cartas d’indigens che vegnan emessas dalla vischnaunca.
• Stad 2026 + unviern 2026/27 «carschi» naven da 17 onns CHF 250.00
• Stad 2026 + unviern 2026/27 «scolars» 6 – 16 onns gratuit
Regulaziun per persunas indigenas davart la retratga da cartas dil di per la tariffa d’indigens:
Duront la stagiun da stad e d’unviern pon las persunas indigenas retrer da tut temps cartas dil di, viadis singuls sco era cartas da pedunzs per la tariffa reducida d’indigens. Per la reducziun sto vegnir presentau la carta d’indigens. Sin cartas dil di d’indigens sco era sin abonnaments da stagiun sa vegni concediu neginas ulteriuras reducziuns.
Administraziun communala Falera / cassa dallas pendicularas Laax
La canzlia communala resta serrada naven da venderdis, ils 3 d’avrel 2026 entochen e cun gliendisdis Pastgas, ils 6 d’avrel 2026.
Nus supplichein per enconuschientscha e giavischein a tuts bialas Pastgas.
Muort las lavurs da construcziun vid la casa d’ina famiglia (Arpagaus Bearth) resta la colligiaziun denter la Via Fancrengia – Plaz Gliendras duront il temps dils 30-03-2026 entochen ils 08-06-2026 serrada. La serrada ei necessaria ord motivs da segirtad. Il temps da bloccada exacta sa semidar tut tenor il progress da construcziun. Risguardei per plascher las signalisaziuns.
Nus engraziein per Vossa capientscha
Per saver porscher alla populaziun, mistergn, uniuns ed possessurs da habitaziuns da vacanzas in sempel post da consultaziun per discuors davart la vischnaunca, dat ei ina ura da consultaziun cun la direcziun.
La proxima consultaziun ha liug al suandont termin:
Gievgia, ils 26 da mars 2026, dallas 8.00 fin las 9.30 uras.
Per garantir in discuors productiv supplichein nus per preannunzia e indicaziun dil tema sut ispeck@falera.net.
Tenor constituziun da vischnaunca ein las demissiuns stadas d’inoltrar alla
suprastonza communala entochen la fin da fevrer 2026. Igl ei vegniu inoltrau la
suandonta demissiun:
Las elecziuns dallas autoritads communalas han liug a caschun d’ina proxima
radunonza communala resp. mintgamai egl emprem miez onn.
La vischnaunca da Falera offerescha lenna da brisch sco suonda:
Liug (plaz da lenna): Curtgani ni avon casa
Prezi:
pégn, plaz da lenna, frs. 76.–/m3
pégn, avon casa, frs. 91.–/m3 (access cun camiun sto esser pusseivel)
La surdada succeda en fuorma da lenna liunga. Las empustaziuns ein d’inoltrar entochen ils 20 da mars 2026 a scret all’administraziun communala Falera (E-Mail: info@falera.net).
Muort il firau da Sogn Giusep resta l’administraziun communala serrada gievgia, ils 19 da mars 2026.
Nus supplichein per enconuschientscha. Bien engraziament.
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.
Applicond art. 13, art. 28 al. 2, art. 31 al. 5, art. 32, art. 33 ed art. 33a dall’Ordinaziun davart la planisaziun dil territori per il cantun Grischun (OPTGR) ha l’exposiziun publica arisguard la planisaziun digl areal cun regruppament dil terren per il torritori La Mutta liug ella vischnaunca da Falera.
Object:
Plan d’areal cun regruppament dil terren La Mutta
Actas d’exposiziun plan d’areal:
– prescripziuns per il plan d’areal (documents PA 01) cun project directiv
– plan da formaziun 1:1000 (document PA 02)
– plan d’avertura dil terren 1:1000 (document PA 03)
– plan davart las midadas digl uorden fundamental 1:1000 (document PA 04)
Actas d’exposiziun regruppament dil terren:
– prescripziuns per il regruppament dil terren (PRT) cun aschuntas 1-3 (tabellas digl inventari e dalla nova repartiziun, extracts dil register funsil) (documents RT 01)
– regruppament dil terren plan digl inventari 1:1000 (document RT 02)
– regruppament dil terren plan dalla nova repartiziun 1:1000 (document RT 03)
Documents da basa:
Rapports da planisaziun e da cooperaziun cun aschuntas ed annexas
Termin d’exposiziun:
Dils 26 da fevrer tochen ils 13 d’avrel 2026
Liug e temps d’exposiziun:
Ell’administraziun communala duront las uras d’avertura.
Las actas d’exposiziun ed ils documents da basa san ins era consultar sin la pagina-web dalla vischnaunca da Falera (www.falera.net).
Propostas ed objecziuns / protestas:
Duront il termin d’exposiziun sa mintga persuna inoltrar alla suprastonza communala en scret ed indicond ils motivs propostas ed objecziuns davart il plan d’areal tenor art. 13 dall’OPTGR e protestas tenor art. 33 dall’OPTGR davart il regruppament dil terren.
Basa plan d’areal
AP05_Planungsbericht Arealplan La Mutta_Mitwirkung
AP05_PMB_Beilage 1 Bericht Richtprojekt Falera La Mutta Gion A. Caminada
AP05_PMB_Beilage 2 Nutzungsplanung-Parzellierung Bestandsplan_1-1000
AP05_PMB_Beilage 3a Vermessung La Mutta Situation 1-500
AP05_PMB_Beilage 3b Vermessung La Mutta Werkleitungen 1-500
AP05_PMB_Beilage 3c Vermessung La Mutta Fixpunkte 1-500
AP05 PMB_Beilage 4 Protokoll Fachexpertengremium 18.09.2025 mit weiteren Beilagen
Instrument plan d’areal
AP01_APV_Arealplan La Mutta_Mitwirkung
AP01_APV-Beilage_Richtprojekt_Mitwirkung
AP02_Gestaltungsplan_Arealplan_LaMutta_1-1000_Mitwirkung
AP03_Erschliessungsplan_Arealplan_LaMutta_1-1000_Mitwirkung
AP04_Plan-Änderungen-ZP-GEP_Arealplan_LaMutta_1-1000_Mitwirkung
Basa regruppament dil terren
LU04_Bericht-Landumlegung La Mutta_Mitwirkung und öff. Einspracheauflage
LU04_Bericht-Landumlegung-Beilage 1 Plan Beizugsgebiet 1-1000
LU04_Bericht-Landumlegung-Beilage 2 Publikation kA LU La Mutta 13.10.2023
LU04_Bericht-Landumlegung-Beilage 3 Beschluss Einleitung-LU La Mutta 08.01.2024
LU04_Bericht-Landumlegung-Beilage 4 Gutachten Bodenwerte 04.05.2012
LU04_Bericht-Landumlegung-Beilage 5a Entwurf Gesuch GZ-Grundstück P.1227
LU04_Bericht-Landumlegung-Beilage 5b Entwurf Gesuch GZ-Grundstück P.1228
Instrument regruppament dil terren
LU01_LUV_Landumlegung La Mutta_Mitwirkung-öff.Einspracheauflage
LU01_LUV-Anhang 1 Plan-Tabelle Bestand_Mitwirkung-öff.Einspracheauflage
LU01_LUV-Anhang 2 Plan-Tabelle Neuzuteilung_Mitwirkung-öff.Einspracheauflage
LU01_LUV-Anhang 3 Grundbuchauszüge La Mutta_Mitwirkung-öff.Einspracheauflage
LU02_Landumlegung_Bestandesplan_1-1000_Mitwirkung-öff.Einspracheauflage
LU03_Landumlegung_Neuzuteilungsplan_1-1000_Mitwirkung-öff.Einspracheauflage
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 5 da mars 2026 15.00-17.00 uras
venderdis, ils 6 da mars 2026 15.00-17.00 uras
dumengia, ils 8 da mars 2026 09.45-10.15 uras
Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 6 da mars 2026 tier la canzlia communala.
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.
Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Per saver porscher alla populaziun, mistergn, uniuns ed possessurs da habitaziuns da vacanzas in sempel post da consultaziun per discuors davart la vischnaunca, dat ei puspei ina ura da consultaziun cun la direcziun.
Quella ha liug als suandonts termins:
gievgia, ils 26 da mars 2026, dallas 8.00 fin las 9.30 uras
gievgia, ils 8 d’ october 2026, dallas 8.00 fin las 9.30 uras.
Per garantir in discuors productiv supplichein nus per preannunzia e indicaziun dil tema sut ispeck@falera.net.
sonda, ils 21 da fevrer 2026
La direcziun ha elegiu dunna Irina Camenisch Schmidli da Falera sco nova collaboratura per l’informaziun da hosps Falera. Ella entscheiva sia lavur igl 1. d’avrel 2026.
Nus gratulein a Irina Camenisch Schmidli per l’elecziun e giavischein ad ella bia plascher culla nova incumbensa
Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug
mesjamna, ils 4 da fevrer 2026, denter las 13.30 uras e las 15.00 uras.
Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils differents signals d’alarm cun ils tals la populaziun vegn alarmada en cass da prighel.
Ulteriuras informaziuns e reglas da secuntener anfleis Vus sin la pagina d’internet digl uffeci federal per la protecziun dalla populaziun BABS, la pagina d’internet dad Alertswiss sco era sin teletext dils emetturs dad SSR, paginas 680 e 681.
Nus supplichein per enconuschientscha.
Sin fundament digl art. 152 alinea 3 ed art. 153 alinea 3 dalla lescha cantunala da taglia e tenor art. 2 dalla lescha da taglia dalla vischnaunca da Falera sco era tenor disposiziun dil departament da finanzas e vischnauncas dil cantun Grischun fixescha la suprastonza communala mintg’onn il tscheins da retard e da bunificaziun.
Il tscheins da retard ei da contribuir dils pagataglias che pagan memia tard ils quens da taglia. Il tscheins da bunificaziun han tals dabien che han pagau importos memia aults sin fundament d’in quen da taglia provisoric.
La suprastonza communala decida las suandontas taxas per tut las taglias communalas:
Il tscheins da retard pigl onn 2026 munta 4 %.
Il tscheins da bunificaziun pigl onn 2026 vegn fixaus sin 0.25 %.
Las taxas d’incasso muntan:
Secunda admoniziun CHF 30.—
Damonda da stumadira CHF 100.—
Pretensiun d’avertura da dretg CHF 200.—
Stizzada concedida d’ina inscripziun el register da stumaziun CHF 30.—
Quellas tariffas valan era per tut las ulteriuras pretensiuns dalla vischnaunca.
Plinavon decida la suprastonza communala sin fundament digl art. 2 dalla lescha da taglia dalla vischnaunca da Falera e sin fundament digl art. 14 dallas disposiziuns executivas tier la lescha per taxas da hosps e turissem las suandontas taxas per las taxas da hosps e turissem:
Il tscheins da retard pigl onn 2026 munta 4 %.
Las taxas d’incasso e las taxas per controllas/examinaziuns muntan:
Secunda admoniziun CHF 30.—
Damonda da stumadira CHF 100.—
Pretensiun d’avertura da dretg CHF 200.—
Stizzada concedida d’ina inscripziun el register da stumaziun CHF 30.—
Controllas ed examinaziuns supplementaras CHF 100.—/ura
La taglia da tgauns per igl onn 2026 ei da pagar naven d’immediat entochen sil pli tard ils 28 da fevrer 2026 al spurtegl dalla canzlia communala.
La taxa per igl emprem tgaun munta a frs. 40.—. Per mintga ulteriur tgaun el medem tenercasa munta la taxa frs. 110.—.
sonda, ils 17 da schaner 2026 dallas 18.00 uras en la fermata