Archiv

Optional

Votaziuns dils 12 da mars 2023

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 9 da mars 2023 bbbbbbbbbbbb15.00-17.00 uras
venderdis, ils 10 da mars 2023 bbbbbbbbb15.00-17.00 uras
dumengia, ils 12 da mars 2023 bbbbbbbbb09.45-10.15 uras

Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.

Votantas ni votants che han buca survegniu tarmess tier il material da votar, san retrer quel entochen venderdis, ils 10 da mars 2023 tier la canzlia communala.

Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.

Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Lenna da brisch 2023

La vischnaunca da Falera offerescha lenna da brisch sco suonda:

Liug (plaz da lenna): nnnnnnnlCurtgani ni avon casa

Prezi: nnnnnnnnnnnnnnnnnnnpégn, plaz da lenna, frs. 76.–/m3
nnnnnnnnnnnnnnnnnnnnnnnnpégn, avon casa, frs. 91.–/m3
nnnnnnnnnnnnnnnnnnnnnnnn(access cun camiun sto esser pusseivel)

nnnnnnnnnnnnnnnnnnnnnnnnlenna dira, plaz da lenna, frs. 114.–/m3
nnnnnnnnnnnnnnnnnnnnnnnnlenna dira, avon casa, frs. 129.–/m3
nnnnnnnnnnnnnnnnnnnnnnnn(access cun camiun sto esser pusseivel)

La surdada succeda en fuorma da lenna liunga. Las empustaziuns ein d’inoltrar entochen ils 3 da mars 2023 a scret all’administraziun communala Falera (E-Mail: info@falera.net).

Damonda da baghegiar dils 10-02-2023
  • Nr.
    2023/11
  • Di da publicaziun
    10-02-2023
  • Petent
    André Graf, Wiesenweg 33, 5415 Nussbaumen
  • Architect/Representant
    Nicola Graf, Mäderstr. 5, 5400 Baden
  • Baghetg
    Annexa laterala per intent da habitar e sanaziun dil tetg
  • Damondas supplementaras
    –
  • Parcella/zona
    199/W2
  • Quartier/Via
    Casa Cagliettas, Muschna liunga 8
  • Termin d’exposiziun
    10-02-2023 – 02-03-2023
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Plazza da lavur sco menadra/menader construcziun ed infrastructura (80 % – 100 %)

La vischnaunca enquera per immediat ni tenor cunvegnientscha ina/in

menadra/menader construcziun ed infrastructura (80 % – 100 %)

Per dapli informaziuns mira inserat da plazza sut www.falera.net.

Inserat da plazza

Damondas da baghegiar dils 03-02-2023
  • Nr.
    2023/07
  • Di da publicaziun
    03-02-2023
  • Petent
    Gremlich Marcel, Kanzleistrasse 127, 8004 Zürich
  • Architect/Representant
    Falera Holz, Schreinerei Via canal 18, 7153 Falera
  • Baghetg
    Reuniun da duas habitaziuns e sanaziun bogns
  • Damondas supplementaras
    –
  • Parcella/zona
    408/WG3
  • Quartier/Via
    Davos Cantieni
  • Termin d’ exposiziun
    03-02-2023 – 23-02-2023
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

 

  • Nr.
    2023/08
  • Di da publicaziun
    03-02-2023
  • Petent
    STWEG Flura Sulegl c/o Karin Knecht, Via Muschna Liunga 13, 7153 Falera
  • Architect/Representant
    Cathomen Haustechnik AG, Via Pardanal 6, 7031 Laax
  • Baghetg
    Remplazzament e sanaziun pumpa da aria ed aua per scaldament
  • Damondas supplementaras
    –
  • Parcella/zona
    212/W2
  • Quartier/Via
    Via Muschna Liunga 13
  • Termin d’ exposiziun
    03-02-2023 – 23-02-2023
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

 

  • Nr.
    2023/09
  • Di da publicaziun
    03.02.2023
  • Petent
    Eckart Seith / Elisabeth Beck – Seith, Wernhaldenstrasse 68, DE 70184 Stuttgart
  • Architect/Representant
    MT Architektur / Baumanagement, Via Isla 37, 7151 Schluein
  • Baghetg23
    Renovaziun Casa
  • Damondas supplementaras
    –
  • Parcella/zona
    508/W2
  • Quartier/Via
    Via Lavintgin 13
  • Termin d’ exposiziun
    03-02-2023 – 23-02-2023
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Declaronza da taglia 2022

Ils formulars da taglia per igl onn 2022 ein vegni tarmess dall’administraziun cantunala da taglia il meins schaner. Tgi che ha buca survegniu ils formulars, sa pretender quels tier igl uffeci communal da taglia. Il program da tschentar ora la declaronza SofTax 2022 sa vegnir cargaus giu dalla pagina d’internet sut www.stv.gr.ch.

Ils termins per inoltrar las declaronzas ein fixai sco suonda:
Ils 31 da mars 2023 per persunas cun activitad da gudogn dependenta, students, pensiunai e disoccupai. Ils 30 da settember 2023 per persunas cun activitad da gudogn independenta, societads semplas e persunas domiciliadas ordeifer il cantun Grischun cun immobiglias el cantun Grischun resp. en vischnaunca.

Naven dils 1 da schaner 2022 san las declaronzas da taglia (naven da la perioda da taglia 2021) inoltradas niev senza suttascripziun electronica. Per la transmissiun electronica da mintga declaronza da taglia 2022 drova ei in agen code. Vus anfleis quel sin l’invitaziun d’inoltrar la declaronza da taglia 2022 ni sin il formular principal pagina 1 giudem. La quittanza che vus retschevis suenter la suttascripziun electronica, sto buca pli vegnida squitschada ora, suttascreta e tarmessa per posta all’administraziun cantunala da taglia, ella ei sulet per voss’atgna documentaziun.

Prolungaziun dil termin
Damondas per ina prolungaziun dil termin ein da far avon ch’il termin d’inoltraziun scroda (nr. da register, num, prenum e vischnaunca).
La damonda ei da tschentar sco suonda:
online: vvvvvvvvvvvvvvwww.stv.gr.ch
via e-mail: vvvvvvvvvvvfristgesuche@stv.gr.ch
ni a scret:vvvvvvvvvvvvKantonale Steuerverwaltung GR
vvvvvvvvvvvvvvvvvvvviFristgesuche/KO
vvvvvvvvvvvvvvvvvvvviSteinbruchstrasse 18, 7001 Chur

Informaziuns
Davart eventualas damondas stat igl uffeci communal da taglia (tel. 081 921 35 15) ni l’allianza da taglia Laax (tel. 081 921 51 13) a disposiziun.

Damondas da baghegiar dils 27-01-2023
  • Nr.
    2023/03
  • Di da publicaziun
    27-01-2023
  • Petent
    Rumetg Cathomen, Sur Striettas, 7153 Falera
  • Architect/Representant
    Strüby Konzept AG, Steinbislin 2, 6423 Seewen SZ
  • Baghetg
    Engrondaziun platta da betun per animals
  • Damondas supplementaras
    –
  • Parcella/zona
    1165/LW+Wi
  • Quartier/Via
    Clasgieri
  • Termin d’ exposiziun
    27-01-2023 – 16-02-2023
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

 

  • Nr.
    2023/04
  • Di da publicaziun
    27-01-2023
  • Petent
    Sabrina und Claude Baumgartner, Feldpark 27, 6300 Zug
  • Architect/Representant
    –
  • Baghetg
    Reuniun e renovaziun da duas habitaziuns
  • Damondas supplementaras
    –
  • Parcella/zona
    408/WG3
  • Quartier/Via
    Davos Cantieni
  • Termin d’ exposiziun
    27-01-2023 – 16-02-2023
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

 

  • Nr.
    2023/05
  • Di da publicaziun
    27-01-2023
  • Petent
    STWEG Casa Dalia, Via Fancrengia 7, 7153 Falera
  • Architect/Representant
    Cavelti derungs ag, c/o Livio Arpagaus, Stelleweg 4 , 7000 Chur
  • Baghetg
    Renovaziun Casa Dalia e sanaziun habitaziun existenta.
  • Damondas supplementaras
    –
  • Parcella/zona
    128/W2
  • Quartier/Via
    Via Fancrengia 7
  • Termin d’ exposiziun
    27-01-2023 – 16-02-2023
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Uffeci da militar e protecziun civila – Test da sirenas 2023

Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug

mesjamna, igl 1. da fevrer 2023, denter las 13.30 uras e las 15.00 uras.

Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils differents signals d’alarm cun ils tals la populaziun vegn alarmada en cass da prighel.

Ulteriuras informaziuns e reglas da secuntener anfleis Vus sin la pagina d’internet digl uffeci federal per la protecziun dalla populaziun BABS, la pagina d’internet dad Alertswiss sco era sin teletext dils emetturs dad SSR, paginas 680 e 681.

Nus supplichein per enconuschientscha.

Trenament da hockey cun Patrick Fischer

Venderdis, ils 3 da fevrer 2023

flyer

Prelecziun cun Arno Camenisch

Dumengia, ils 19 da fevrer 2023

link

Prelecziun cun Laura Schütz

Dumengia, ils 5 da fevrer 2023

link

Prelecziun cun Paula Casutt-Vincenz

Dumengia, ils 22 da schaner 2023

link

Taglia da tgauns 2023

Las marcas da tgauns per igl onn 2023 ein da retrer naven d’immediat entochen sil pli tard ils 28 da fevrer 2023 tier la canzlia communala.

La taxa per igl emprem tgaun munta a frs. 40.—. Per mintga ulteriur tgaun el medem tenercasa munta la taxa frs. 110.—.

Protocol

Dil protocol dalla radunonza communala dils 20 da december 2022 sa vegnir priu naven d’immediat envesta sin canzlia communala.

Protestas ston vegnir inoltradas en scret alla suprastonza communala duront il temps d’exposiziun da 30 dis.

Tscheins da retard e da bunificaziun sco era taxas d’incasso e taxas per controllas/examinaziuns pigl onn 2023

Sin fundament digl art. 152 alinea 3 ed art. 153 alinea 3 dalla lescha cantunala da taglia e tenor art. 2 dalla lescha da taglia dalla vischnaunca da Falera sco era tenor disposiziun dil departament da finanzas e vischnauncas dil cantun Grischun fixescha la suprastonza communala mintg’onn il tscheins da retard e da bunificaziun.

Il tscheins da retard ei da contribuir dils pagataglias che pagan memia tard ils quens da taglia. Il tscheins da bunificaziun han tals dabien che han pagau importos memia aults sin fundament d’in quen da taglia provisoric.

La suprastonza communala decida las suandontas taxas per tut las taglias communalas:

Il tscheins da retard pigl onn 2023 munta 4 %
Il tscheins da bunificaziun pigl onn 2023 vegn fixaus sin 0.0 %

Las taxas d’incasso muntan:

  • secunda admoniziun fr. 30.—
  • damonda da stumadira fr. 100.—
  • pretensiun d’avertura da dretg fr. 200.—
  • stizzada concedida d’ina inscripziun el register da stumaziun fr. 30.—

Quellas tariffas valan era per tut las ulteriuras pretensiuns dalla vischnaunca.

Plinavon decida la suprastonza communala sin fundament digl art. 2 dalla lescha da taglia dalla vischnaunca da Falera e sin fundament digl art. 14 dallas disposiziuns executivas tier la lescha per taxas da hosps e turissem las suandontas taxas per las taxas da hosps e turissem:

Il tscheins da retard pigl onn 2023 munta 4 %

Las taxas d’incasso e las taxas per controllas/examinaziuns muntan:

  • secunda admoniziun fr. 30.—
  • damonda da stumadira fr. 100.—
  • pretensiun d’avertura da dretg fr. 200.—
  • stizzada concedida d’ina inscripziun el register da stumaziun fr. 30.—
  • controllas ed examinaziuns supplementaras fr. 100.—/ura

 

Damonda da baghegiar dils 13-01-2023
  • Nr.
    2023/01
  • Di da publicaziun
    13-01-2023
  • Petent
    Stefan Vogel, Via Fuorns 9, 7153 Falera
  • Architect/Representant
    Hofmann&Durisch AG, Via Nova 17, 7017 Flims Dorf
  • Baghetg
    Construcziun ed engrondaziun finiastras da tetg
  • Damondas supplementaras
    –
  • Parcella/zona
    232/W2
  • Quartier/Via
    Via Fuorns 9
  • Termin d’ exposiziun
    13-01-2023 – 02-02-2023
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Plazza da lavur sco menadra/menader construcziun ed infrastructura

La vischnaunca enquera per immediat ni tenor cunvegnientscha ina/in

menadra/menader construcziun ed infrastructura (80 % – 100 %)

Per dapli informaziuns mira inserat da plazza sut www.falera.net.

Inserat da plazza

Dismessa pigneuls da Nadal

Ils pigneuls da Nadal san vegnir dismess mintgamai sper ils posts da rimnada da rumien ufficials (molocs) en vischnaunca.

Ils pigneuls ch’ein deponi en quels loghens vegnan rimnai e dismess dils luvrers communals gratuitamein. Pigneuls ch’ein buca dismess sper ils post da rimnada da rumien ufficials (molocs) vegnan buca rimnai dils luvrers communals.

Nus supplichein per enconuschientscha.

Engraziament ed auguris

Preziadas convischinas e preziai convischins

La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2022.

Nus giavischein a tuts ina biala e benedida fiasta da Nadal ed egl onn niev bia cletg, ventira ed oravontut buna sanadad.

 

Invitaziun aperitiv da Daniev

La suprastonza communala envida ensemen cun l’uniun da dunnas Falera tuttas convischinas e tuts convischins sco era tuts hosps tier in aperitiv da Daniev.

Nus s’entupein igl 1. da schaner 2023 naven dallas 10.00 – 12.00 uras sil Plaz Fontauna. Communablamein lein nus far in viva sil niev onn.

Nus selegrein sin biaras visitadras e biars visitaders.

Temps d’avertura sur Nadal e Daniev

La canzlia communala stat serrada ils suandonts dis:

gliendisdis, ils 26 da december 2022
mardis, ils 27 da december 2022

venderdis, ils 30 da december 2022
gliendisdis, ils 2 da schaner 2023

Prau da skis per affons a Chinginas

Il prau da skis per affons ei aviarts naven da sonda, ils 24 da december 2022. Era l’Ustria Mirasteilas vegn aviarta naven da quei di.

Nus supplichein per enconuschientscha.

Decisiuns radunonza communala dils 20-12-2022

Las decisiuns dalla radunonza communala dils 20-12-2022 anfleis Vus cheu.

Cant dils sogns Retgs

Sonda, ils 7 da schaner 2023

flyer

Silvester – Scamond da fiugs artificials

Ord motivs dalla polizia da fiug ha la suprastonza communala decidiu in scamond da fiugs artificials per ils dis avon e suenter Silvester. Il scamond da fiugs artificials vala pigl entir territori da vischnaunca.

Ils pumpiers vegnan a far controllas corrispundentas.

Nus supplichein per enconuschientscha ed engraziein per l’observaziun da quei scamond da fiugs artificials.

Protocol

Dil protocol dalla radunonza communala dils 18 da november 2022 sa vegnir priu naven d’immediat envesta sin canzlia communala.

Protestas ston vegnir inoltradas en scret alla suprastonza communala duront il temps d’exposiziun da 30 dis.

Retratga dils pigneuls da Nadal empustai

Ils pigneuls empustai san vegnir retratgs venderdis, ils 23 da december 2022 naven dallas 12.30 – 13.00 uras sil parcadi Fandrels a Falera.

Ils pigneuls empustai ston vegnir pagai ordavon sin canzlia communala.

Damonda da baghegiar dils 2-12-2022
  • Nr.
    2022/67
  • Di da publicaziun
    2-12-2022
  • Petent
    Swisscom (Schweiz) AG, Ringstrasse 32, 7000 Chur
  • Architect/Representant
    Axians Schweiz AG, Obermühleweg 9, 7302 Landquart
  • Baghetg
    Baghegiar entuorn indrez per telefonia mobilia existenta cun niev mast e novas antennas da 5G
  • Damondas supplementaras
    –
  • Parcella/zona
    979/LW+Wi
  • Quartier/Via
    Clis 1
  • Termin d’ exposiziun
    2-12-2022 – 22-12-2022
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Radunonza communala 20-12-2022

Mardis, ils 20 da december 2022, 20.15 uras, la fermata

Tractandas:

  1. Beinvegni, elecziun da dus dumbravuschs
  2. Presentaziun ed approbaziun preventiv 2023
  3. Fixar il pei da taglia 2023
    a) Taglia sin gudogn e facultad
    b) Taglia sin schischom
  4. Damonda da credit per sanaziun vias communalas
  5. Damonda da credit per dumbraders d’aua
  6. Damonda da credit per sanaziun mir santeri
  7. Presentaziun renovaziun Crap Sogn Gion
  8. Informaziuns e varia

Il preventiv vegn tarmess tier els proxims dis a tuttas casadas. Ulteriurs exemplars san ins retrer tier l’administraziun communala ni cargar giu dalla pagina d’internet dalla vischnaunca.

Preventiv 2023

Resultats votaziun dils 27-11-2022

Resultats vischnaunca Falera

Votaziun cantunala

Votaziun federala (negina votaziun)

Damondas da baghegiar dils 25-11-2022
  • Nr.
    2022/68
  • Di da publicaziun
    25-11-2022
  • Petent
    Eduard Fehr, Teckstrasse 7, DE-71638 Ludwigsburg
  • Architect/Representant
    Sphära Rolf Bachmann, Oberdorfstrasse 33, 8810 Horgen
  • Baghetg
    Construcziun d’ina lucarna
  • Damondas supplementaras
    –
  • Parcella/zona
    268/WG3
  • Quartier/Via
    Via Cabriec 14
  • Termin d’ exposiziun
    25-11-2022 – 15-12-2022
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

 

  • Nr.
    2022/69
  • Di da publicaziun
    25-11-2022
  • Petent
    Sunside Treuhand und Verwaltung AG, Via Prada 1, 7032 Laax GR
  • Architect/Representant
    Caduff Haustechnik AG, Via Santeri 1, 7130 Ilanz
  • Baghetg
    Sanaziun dil scaldament entras pumpa da scaldar cun sondas ella tiara
  • Damondas supplementaras
    –
  • Parcella/zona
    57/WG2
  • Quartier/Via
    Via Giaus Sura 9
  • Termin d’ exposiziun
    25-11-2022 – 15-12-2022
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Prescripziuns pertuccont damondas da baghegiar

Nus fagiein attents sin las suandontas prescripziuns en connex cun damondas da baghegiar:

Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.

Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.

Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.

Nus supplichein per enconuschientscha ed engraziein per l’observaziun da quellas prescripziuns.

Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.

Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Decisiuns radunonza communala dils 18-11-2022

Las decisiuns dalla radunonza communala anfleis Vus cheu.

Controlla aua da beiber

Ils 8 da november 2022 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.

Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.

Dil resultat da quella emprova sa vegnir priu envesta sin canzlia communala ni sut www.falera.net.

Rapport da controlla

Damondas da baghegiar dils 18-11-2022
  • Nr.
    2022/65
  • Di da publicaziun
    18-11-2022
  • Petent
    StWEG Trutg, Via Giaus Sura 1 und 3, 7153 Falera
  • Architect/Representant
    Schneller Immobilienverwaltung, Altbruggweg 14, 7012 Felsberg
  • Baghetg
    Pumpa da scaldar cun aria ed aua
  • Damondas supplementaras
    –
  • Parcella/zona
    59/WG2
  • Quartier/Via
    Via Giaus Sura 1 + 3
  • Termin d’exposiziun
    18-11-2022 – 08-12-2022
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

 

  • Nr.
    2022/66
  • Di da publicaziun
    18-11-2022
  • Petent
    StWEG Casa Castellan, c/o Confidar Treuhand AG, Schulstrasse 59, 7130 Ilanz
  • Architect/Representant
    Hunger Bauplanung GmbH, Plauns 4, 7104 Versam
  • Baghetg
    Sanaziun dil tetg casa da pliras famiglias
  • Damondas supplementaras
    –
  • Parcella/zona
    103/D
  • Quartier/Via
    Via Plaunca 5
  • Termin d’ exposiziun
    18-11-2022 – 08-12-2022
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Invitaziun allas uniuns da Falera – Sesida da coordinaziun occurrenzas

La suprastonza communala envida las uniuns dil vitg tier ina sesida da coordinaziun pertuccont occurrenzas 2023.

La sesida ha liug sco suonda:

gliendisdis, ils 28-11-2022, allas 20:00 uras, la fermata, Gonda.

Nus sperein che mintga uniun sappi tarmetter silmeins in delegau dalla suprastonza.

Seccapescha ein era persunas privatas, ch’ein interessadas dad organisar occurrenzas, envidadas tier quella sesida.

Empustaziun pigneuls da Nadal

Ei sa vegnir empustau las suandontas sorts e grondezias:

pégn da Nordmann:
80/100 cm
125/150 cm
175/200 cm
225/250 cm
300/350 cm

pégn:
80/100 cm
100/150 cm
150/200 cm
200/300 cm

Las empustaziuns ein d’inoltrar alla canzlia communala (tel. 081 921 35 15 ni e-mail: info@falera.net) entochen sil pli tard venderdis, ils 2 da december 2022. Empustaziuns che vegnan fatgas suenter quei termin san deplorablamein buca pli vegnir risguardadas.

Ils pigneuls empustai ston vegnir pagai sin canzlia communala ordavon. Venderdis, ils 23 da december 2022 naven dallas 12.30-13.00 uras san ils pigneuls vegni retratgs sil parcadi Fandrels.

Votaziuns dils 27 da november 2022

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 24 da november 2022                 15.00-17.00 uras
venderdis, ils 25 da november 2022            15.00-17.00 uras
dumengia, ils 27 da november 2022            09.45-10.15 uras

Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.

Votantas ni votants che han buca survegniu tarmess tier il material da votar, san retrer quel entochen venderdis, ils 25 da november 2022 tier la canzlia communala.

Radunonza communala 18-11-2022

Venderdis, ils 18 da november 2022, 20.15 uras, la fermata

Tractandas:

  1. Beinvegni, elecziun da dus dumbravuschs
  2. Constataziun dall’approbaziun dils protocols dallas radunonzas communalas dils 19-8-2022 e 31-8-2022
  3. Concept da svilup «La Mutta»
    a) Approbaziun aquist da terren ed ulteriurs cuosts
    b) Approbaziun participaziun La Mutta SA
  4. Informaziuns e varia
Mesiras coordinadas da spargnar energia per la destinaziun Flem-Laax-Falera

Las suprastonzas communalas dallas vischnauncas dalla destinaziun turistica Flem, Laax e Falera han, ensemen cull’interessenza turistica e las pleivs, discutau ed approbau mesiras da spargnar energia. Igl ei talas che selaian realisar bein e fan senn. Las suprastonzas communalas ein perschuadidas ch’il maun public contribuescha cheutras cun in emprem pass allas mesiras equilibradas dalla Confederaziun. La politica supplichescha la populaziun dad esser attenta da spargnar era en siu agen contuorn e da contribuir cunquei als impuls ed als sforzs da confederaziun e cantun. Da cuminonza vegnin nus era a dumignar quellas sfidas. Las autoritads communalas dallas treis vischnauncas engrazian a Vus pil sustegn e per la contribuziun a favur da tuts.

La gliesta dallas mesiras coordinadas san ins scargar dallas paginas d’internet dallas treis vischnauncas.

Suprastonzas communalas da Flem, Laax e Falera

Gliesta da mesiras

Communicaziun decisiun model directiv dil territori communal (MDTC)

La suprastonza communala ha a caschun dalla sesida dils 10 d’october 2022 concludiu il model directiv dil territori communal (MDTC). Il MDTC concludiu cul rapport da cooperaziun respectiv ein publicai sin la pagina d’internet dalla vischnaunca www.falera.net.

Sin fundament dil MDTC vegn la suprastonza communala ad instradar la revisiun dalla planisaziun d’utilisaziun. La procedura per l’adattaziun dalla planisaziun d’utilisaziun sedrezza tenor la lescha davart la planisaziun dil territori per il cantun Grischun (LPTGR; Art. 47 ss).

Model directiv dil territori communal (MDTC)
Rapport da cooperaziun

Santeri Falera: Sligiar si fossas

Per saver cavar vinavon las fossas cun la maschina sto vegnir sligiau si ina nova retscha da fossas.

Tenor artechel 18 digl uorden da sepultura e santeri dalla vischnaunca da Falera sto la suprastonza communala annunziar publicamein la rumida silmeins 6 meins avon il termin da rumida ed era orientar ils vegnentsuenter.

Las suandontas fossas vegnan sligiadas si:

nr. 36 Giacun Casutt-Winzap
nr. 37 Josef Casutt-Winzap
nr. 38 Christian Casutt-Casutt
nr. 39 Gion Chistell-Casutt
nr. 40 Benedicta Chistell
nr. 41 Margaretha Casutt-Casutt

Sin fundament digl uorden sura numnau supplichein nus ils vegnentsuenter resp. talas persunas ch’ein responsablas per las fossas numnadas d’allontanar la crusch-fossa sco era la rama-fossa entochen fin avrel 2023.

Succeda la rumida buca enteifer il termin fixau capeta ella per incarica dalla suprastonza communala cun adossar ils cuosts als parents. Cruschs-fossa e ramas-fossa che vegnan buca allontanadas crodan senza indemnisaziun en possess dalla vischnaunca politica.

Nus supplichein per enconuschientscha ed engraziein per l’execuziun da quella ordinaziun.

Cumissiun da recrutaziun per anflar ina candidata ni in candidat per il presidi communal

Ils 30 da zercladur 2023 vegn il president communal actual a demissiunar pervia dalla limitaziun dil temps d’uffeci. Cun la communicaziun dils 17 da zercladur 2022 (fegl ufficial) ha la suprastonza communala informau corrispundentamein las habitontas ed ils habitonts e communicau che persunas che s’interesseschien per il post dil presidi communal sappien s’annunziar. Tochen uss ei negin s’annunziaus tier la vischnaunca.

Alla sesida dils 24 d’october 2022 ha la suprastonza communala perquei decidiu d’installar ina cumissiun da recrutaziun.

La cumissiun da recrutaziun, menada dil vicepresident communal Maurus Candreja, ha las suandontas finamiras:

  • plidentar eventualas persunas che s’interesseschan per il post dil presidi communal ed informar davart pusseivladads d’adattar il profil dalla funcziun;
  • rimnar ideas, damondas e spetgas d’eventualas persunas che s’interesseschan per il presidi communal.

Quei pass duei gidar ad endriescher las damondas e las spetgas d’eventualas candidatas e d’eventuals candidats ed a prender en vesta ina midada senza interrupziun sin ils 30 da zercladur 2023.

Tut las votantas e tut ils votants che vulan participar alla cumissiun da recrutaziun ein supplicadas e supplicai da s’annunziar tochen il pli tard dumengia, ils 13 da november 2022, tier l’administraziun communala (info@falera.net / 081 921 35 15). La cumissiun vegn limitada ad ina grondezia adequata.

Pigneuls e dascha pil temps d’advent

Fatschentas, ustrias e persunas privatas che lessan retrer pil temps d’advent pigneuls ni dascha, san dar si lur empustaziun entochen sil pli tard venderdis, ils 4 da november 2022 tier la canzlia communala (081 921 35 15).

Rumida da neiv sin vias da meglieraziun

A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias.

Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils cuosts ein da surprender dils pertuccai.

Per purs che pervesan lur animals sin beins buca habitai ord la zona da baghegiar sa la suprastonza communala en cass da basegn far excepziuns e decider sut tgei cundiziuns ch’ina rumida sa vegnir fatga. Per che nus seigien semtgei sigl unviern supplichein nus il purs pertuccai da s’annunziar a scret tier la canzlia communala entochen ils 7 da november 2022 cun indicar nua e per tgei temps ina rumida fuss necessaria.

 

Obligaziun da far survetsch da pumpiers 2023

Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers.

Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.

Tenor las disposiziuns executivas tier la lescha da pumpiers dalla vischnaunca da Falera entscheiva l’obligaziun da dar pumpiers egl onn, el qual il 20avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.

La taxa da basa per la taxa da cumpensaziun munta per obligai da far pumpiers cun domicil cumplein (di da referenza mintgamai ils 31-12) fr. 280.—/onn. Tier domicil jamnil cun domicil cumplein (di da referenza mintgamai ils 31-12) munta la taxa da basa per la taxa da cumpensaziun fr. 100.—/onn.

Persunas ch’ein obligadas da far pumpiers e che lessan prestar survetsch san s’annunziar entochen ils 25 da november 2022 cul formular corrispundent. Il formular ei publicaus sin la pagina d’internet https://www.laax-gr.ch.

Persunas che prestan gia survetsch e lessan pagar niev la taxa da cumpensaziun enstagl da prestar survetsch activ duein s’annunziar a scret entochen ils 25 da november 2022 tiel cumandant da pumpiers.

Per ulteriuras informaziuns stat il cumandant da pumpiers, Sebastian Schulz (Natel 079 309 94 98 ni E-Mail: feuerwehr@laax-gr.ch) bugen a disposiziun.

Numnasontga-Temps d’avertura canzlia communala

Muort il firau da Numnasontga resta l’administraziun communala serrada mardis, igl 1. da november 2022 igl entir di.

Nus supplichein per enconuschientscha.