Muort pensiunament encurin nus per immediat ni tenor cunvegnientscha in niev luvrer communal 100 %.
Dapli informaziuns sut www.falera.net.
Muort pensiunament encurin nus per immediat ni tenor cunvegnientscha in niev luvrer communal 100 %.
Dapli informaziuns sut www.falera.net.
Muort lavurs da cuvrida, Via Principala, eis ei da quintar mardis ils 18 da fenadur 2023 igl entir di cun impediments da traffic e temps da spetga.
Data da reserva en cass da malaura: Mesjamna, ils 19 da fenadur 2023
Nus supplichein per enconuschientscha ed engraziein per la capientscha.
Sonda, ils 27 da schaner 2024
Ord motivs dalla polizia da fiug ha la suprastonza communala decidiu in scamond da fiugs artificials per il di dalla fiasta naziunala. Il scamond da fiugs artificials vala pigl entir territori da vischnaunca.
Ils pumpiers vegnan a far controllas corrispundentas.
Nus supplichein per enconuschientscha ed engraziein per l’observaziun da quei scamond da fiugs artificials.
Mardis, igl 1. d’uost 2023
Sonda, ils 3 da fevrer 2024
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
A caschun dalla sesida dils 26 da zercladur 2023 ei la suprastonza communala seconstituida sco suonda:
President communal: Norbert Good
Vicepresident: Maurus Candreja
Dil protocol dalla radunonza communala dils 16 da zercladur 2023 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
La radunonza communala dils 16 da zercladur 2023 ha lubiu la lescha davart la cessiun da terren en dretg da construcziun. Sut resalva dall’approbaziun dalla lescha entras la pleiv san cun quei las parcellas pertuccadas vegnir cedidas en dretg da construcziun a giuvnas famiglias ni a giuvens pèrs.
La vischnaunca porscha la suandonta parcella en dretg da construcziun:
parcella nr. 204, Stonas duas partidas resp. dus suloms
La pleiv sa, sut resalva dall’approbaziun dalla lescha corrispundenta, ceder la suandonta parcella en dretg da construcziun:
cumpart parcella nr. 151 Fancrenga ina partida resp. in sulom
Tgi che ha interess d’ina sura numnada parcella en dretg da construcziun ed ademplescha las cundiziuns tenor la lescha dalla vischnaunca davart la cessiun da terren en dretg da construcziun sa inoltrar la damonda corrispundenta entochen ils 7-7-2023 alla suprastonza communala.
La lescha cun las cundiziuns corrispundentas ed il formular d’annunzia san vegnir retratgs sill’administraziun communala ni cargai giu dalla pagina d’internet dalla vischnaunca.
Lescha davart la cessiun da terren en dretg da construcziun
Formular d’annunzia
Ils resultats dalla radunonza communala anfleis cheu.
Muort demontascha dalla crana da construcziun ella Via Samun 17, sto la via vegnir serrada en quei liug pil traffic gievgia, ils 15 da zercladur 2023 naven dallas 7.00 entochen ca. las 17.00 uras.
Nus supplichein da risgaurdar las signalisaziuns corrispundentas ed engraziein per la capientscha.
Per survigilar meglier la Val da Schluein en cass d’urezis/aua gronda vegn montau el decuors dalla stad in sistem da camera nua la punt denter Ladir – Falera.
Nus supplichein da prender enconuschientscha.
Suprastonza communala Schluein
Sonda, ils 24 da zercladur 2023
Tractandas:
Il rapport e quen annual 2022 vegnan tarmess tier a mintga casada. Ulteriurs exemplars san vegnir retratgs sin canzlia communala ni cargai giu dalla pagina d’internet dalla vischnaunca www.falera.net.
La lescha da salarisaziun, la lescha per dar giu terren da baghegiar en dretg da baghegiar sco era ils messadis per la radunonza communala san medemamein vegnir retatgs sin canzlia communala ni cargai giu dalla pagina d’internet dalla vischnaunca.
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 15 da zercladur 2023 15.00-17.00 uras
venderdis, ils 16 da zercladur 2023 15.00-17.00 uras
dumengia, ils 18 da zercladur 2023 09.45-10.15 uras
Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 16 da zercladur 2023 tier la canzlia communala.
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.
Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Igl uffeci federal da statistica meina puspei atras ina dumbraziun dallas habitaziuns vitas.
Possessurs da casas ni administraziuns d’immobilias, che han pigl 1 da zercladur 2023 habitaziuns ni casas d’ina famiglia vitas ein obligai da communicar quei per telefon (081 921 35 15) ni a scret alla canzlia communala entochen sil pli tard ils 31 da matg 2023.
Sco habitaziuns vitas el senn da quella dumbraziun vegnan tut las habitaziuns mobiliadas ni buca mobiliadas quintadas, las qualas adempleschan las suandontas duas cundiziuns:
– habitaziuns ni casas d’ina famiglia ch’ein il di da controlla (1-6-2023) vitas denton habitablas e
– ch’ein il di da controlla (1-6-2023) screttas ora per schar a tscheins permanent per minimal 3 meins ni venalas.
Nus engraziein per la cooperaziun.
Sonda, ils 10 da fevrer 2024
Venderdis, ils 29 da december 2023
Sonda, ils 17 da fevrer 2024
Sonda, ils 16 da december 2023
Tenor il conclus dils 8 da matg 2023 vul la suprastonza communala iniziar il proceder per la planisaziun dil quatier per il territori Manduns. Sin basa digl art. 53 dalla Lescha davart la planisaziun dil territori per il cantun Grischun (LPTGR) ed igl art. 16 dall’Ordinaziun davart la planisaziun dil territori per il cantun Grischun (OPTGR) vegn igl intent communicaus suandontamein:
L’administraziun communala resta serrada ils suandonts dis:
gievgia, ils 18 da matg 2023
venderdis, ils 19 da matg 2023
gliendisdis, ils 29 da matg 2023
gievgia, ils 8 da zercladur 2023
Nus supplichein per enconuschientscha.
Dil protocol dalla radunonza communala dils 18 d’avrel 2023 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
Sonda, ils 6 da matg 2023 dallas 8.00-11.00 uras sa vegnir dismess rauba blocconta.
Ils containers per dismetter la rauba vegnan tschentai si sil parcadi Fandrels.
Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.
Ils suandonts rumians astgan en mintga cass buca vegnir dismess el rom da rimnadas da rauba blocconta:
rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.
Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.
Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:
apparats electrics nnnnnnnnnnnnnnnnnnnnnnnnnnngratuit
batterias da motos nnnnnnnnnnnnnnfrs. nnnnnnn5.– per toc
batterias d’auto pign/grond nnnnnnnfrs. nnn10.–/20.– per toc
pneus da privats senza gaveglias nnntfrs.nnnnnnn5.– per toc
pneus da privats cun gaveglias nnnnnfrs. nnnnnn10.– per toc
Quella rauba vegn dismessa separau dalla rauba blocconta entras ils luvrers communals.
Ils luvrers communals han l’incumbensa da visar anavos rauba che corrispunda buca als criteris da rumien bloccont.
Nus supplichein per enconuschientscha.
Ils resultats dalla radunonza communala anfleis cheu.
Muort lavurs da pinar lenna resta la via d’uaul ella Val da Cafegns (Senda Sursilvana) serrada per tut il traffic motorisau. Quei naven da ca. ils 17.04.2023 entochen ca. ils 30. 04.2023.
Per pedunts sco era per velocipedists ei in trapass cun impediments pusseivels. Ord motivs da segirtad ei impurtont da risguardar las signalisaziuns ed instrucziuns dil persunal sil plaz da lavur.
Tier damondas stat il selvicultur Maurus Cavigelli (079 437 49 37) bugen a disposiziun.
Engraziel per Vossa capientscha.
La suprastonza communala ha dau la lubientscha da tschentar si temporar sil parcadi a Fandrels naven dils 22 da mars entochen entschatta settember 2023 in container da bastiment. Quei container vegn duvraus dil musicist svizzer Dodo sco studio da tun.
Dapli informaziuns anfleis Vus sut publicaziuns sin nossa pagina d’internet www.falera.net.
Cun in container da bastiment ch’ei vegnius baghegiaus entuorn tier in studio da tun, vuleva il musicist svizzer Dodo, sa metter silla tscherca da sias ragischs africanas. El ei numnadamein naschius en Kenia nua ch’el ha passentau ils emprems sis onns da sia veta alla Costa d’Ivur.
Denton ei tut vegniu auter. Entras la pandemia da COVID-19 era ei buca pusseivel dad viagiar ad Africa. Anstagl da traversar l’ocean, ei el aschia sa decidius da traversar las alps sivzras. Incantaus dad ir cun aissa, ha Dodo già empriu d’enconuscher la destinaziun Flem Laax Falera duront il temps d’unviern. Ussa betta el per l’emprema ga ora l’ancra duront la stad. Dodo vegn ad esser hosp a Falera naven dils 22 da mars entochen entschatta settember 2023. Circumdaus dalla pezza encuera el inspiraziun per finir las davosas registraziuns da tun. Planisai ein divers concerts, registraziuns da film e musica, denter auter in film da kino che vegn producius dalla fatschenta svizzra „Royal Films Basel“.
Per l’Arena Alva eis ei fetg impurtont dad esser in’interlocutura transparenta e da procurar in project, che vegn speronza a scuntrar ina resonanza positiva tier Vus sco habitontas e habitonts da Falera. Encass da damondas stattan ils responsabels per il project bugen a Vossa disposiziun ed ein contonschibels sut la numra da telefon: 081 927 70 22.
En cas: sia arrivada festivescha Dodo cun siu concert „AfriLAAX“ la sonda, ils 15 da mars 2023 silla gronda plazza aviarta dil rocksresort a Murschetg. Era da veser sin bina, sias novas amitgas ed amitgs dall’africa, ch’ein sez fetg talentai musicistas e musicists. Il concert entscheiva dallas 20:00 uras, entrada gratuita. Segies era Vus dalla partida!
Gruppa Arena Alva
Mardis, ils 18 d’avrel 2023, 20.15 uras, la fermata
Tractandas:
Il messadi corrispundent e la constituziun san vegnir retratgs sin canzlia communala ni cargai giu dalla pagina d’internet dalla vischnaunca www.falera.net.
Per il presidi communal ein actual las candidaturas da Alexander Jörger e Norbert Good avon maun.
Ils 11 d’avrel 2023 entscheivan las lavurs da construcziun en connex cun la sanaziun dalla Via Principala a Falera (part Plaz Gliendras entochen spartida Via Canal). Las lavurs da construcziun vegnan fatgas en treis etappas cun entscheiver ella part davos (Ustria Casa Seeli). Il temps da construcziun planisaus da tuttas 3 etappas munta rodund 3 meins (finiziun dallas lavurs ei probabel ils 14 da fenadur 2023).
Eventuals sviaments vegnan signalisai entras la fatschenta da baghegiar. Nus supplichein da risguardar las signalisaziuns e suandar als muossavias.
Ils possessurs pertuccai ed habitonts vegnan informai aschi spert sco pusseivel sur dils termins, menaschi e sviaments. Plinavon ein tuttas informaziuns cun program da construcziun publicai naven dad oz sin nossa pagina d’internet www.falera.net. Las actas ed ils programs da construcziun vegnan actualisai cuntinuadamein tenor andament ed influenzas da l’aura.
Bien engraziament per la capientscha.
Las actas ed ils programs da construcziun vegnan actualisai cuntinuadamein tenor andament ed influenzas da l’aura.
Ella vischnaunca da Falera ei vertenta ina zona da planisaziun relaschada dalla suprastonza communala igl 1. d’avrel 2021 ed en vigur dapi ils 8 d’avrel 2021 che cumpeglia igl entir territori communal en connex cun la revisiun dalla planisaziun locala. Sin basa d’art. 21 dalla Lescha davart la planisaziun dil territori per il cantun Grischun (LPTGR) ha la suprastonza communala decidiu alla seduta dils 20 da fevrer 2023 da prolungir la zona da planisaziun ad interim per dus onns sco suonda:
Intent dalla zona da planisaziun
La zona da planisaziun ha cunzun ils intents suandonts:
Territoris pertuccai dalla zona da planisaziun
La zona da planisaziun cumpeglia igl entir territori communal.
Il Departament d’economia publica e fatgs socials ha approbau la prolungaziun dalla zona da planisaziun cun decret dils 13 da mars 2023.
Ella zona da planisaziun astga vegnir fatg nuot che savess engrevegiar ni cuntrariar la planisaziun nova. En special astgan projects da construcziun vegnir lubi mo sch’els cunterfan buc allas planisaziuns e prescripziuns vertentas ni allas planisaziuns e prescripziuns novas previdas (art. 21 al. 2 LPTGR).
La suprastonza communala seresalva da concretisar da tut temps la zona da planisaziun tenor il stan da planisaziun mintgamai actual resp. d’adattar ella al stan da planisaziun actual.
La prolungaziun dalla zona da planisaziun vala ad interim per dus onns e va en vigur cun la communicaziun dad oz.
La prolungaziun dalla zona da planisaziun sa vegnir contestada cun recuors da planisaziun alla regenza dil cantun Grischun enteifer 30 dis suenter la publicaziun (art. 101 al. 1 LPTGR).
La canzlia communala resta serrada naven da gievgia miezdi, ils 6 d’avrel 2023 entochen e cun gliendisdis Pastgas, ils 10 d’avrel 2023.
Nus supplichein per enconuschientscha e giavischein a tuts bialas Pastgas.
Il prau da skis per affons e l’ustria Mirasteilas ein aunc aviarts entochen e cun dumengia, ils 19 da mars 2023. Naven dils 20 da mars 2023 vegn il menaschi serraus.
Nus supplichein per enconuschientscha.
Tenor constituziun ein las demissiuns stadas d’inoltrar alla suprastonza communala entochen la fin da fevrer 2023. Igl ei vegniu inoltrau las suandontas demissiuns:
L’elecziun dallas autoritads communalas ha liug a caschun d’ina proxima radunonza communala.
Sonda, ils 18 da mars 2023
Dumengia, ils 19 da mars 2023
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Administraziun communala Falera
Via Principala 45c
7153 Falera/GR
Tel. +41 81 921 35 15
Fax +41 81 921 41 31
E-Mail info@falera.net
Numera da conto: 70-9604-7
IBAN: CH08 0900 0000 7000 9604 7
BIC: POFICHBEXXX
gliendisdis - venderdis
avonmiezdi dallas 09.00 - 11.00 uras
suentermiezdi dallas 15.00 - 17.00 uras