Damondas da baghegiar dils 2-9-2016
  • Nr.
    2016/44
  • Di da publicaziun
    2 da settember 2016
  • Petent
    Vischnaunca Sagogn
    Via Vitg dado 23
    7152 Sagogn
  • Architect/Representant
    Casutt Wyrsch Zwicky AG
    Via Principala 45d
    7153 Falera
  • Baghetg
    Albiert d’urgenza per persunal d’alp e viandonts sigl implont da pumadi existent
  • Damondas supplementaras
  • Parcella / zona
    1291 / Zona d’agricultura surpostau cun zona per sport d’unviern
  • Quartier/Via
    Sur Crap
  • Termin d’ exposiziun
    02-09-2016 – 22-09-2016
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

  • Nr.
    2016/45
  • Di da publicaziun
    2 da settember 2016
  • Petent
    Borgo Marcel
    Reutlenweg 31
    8302 Kloten
  • Architect/Representant
    Ragettli Metallbau AG
    Via Punt la Reisga 14
    7017 Flims Dorf
  • Baghetg
    Construcziun d’in paravent sil balcun existent
  • Damondas supplementaras
  • Parcella / zona
    67 / WG2
  • Quartier/Via
    Via Manduns 1
  • Termin d’ exposiziun
    02-09-2016 – 22-09-2016
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

  • Nr.
    2016/47
  • Di da publicaziun
    2 da settember 2016
  • Petent
    Gion Lechmann, Anita Wehrle Lechmann
    Via Manduns 24
    7153 Falera
  • Architect/Representant
    Cavegn Architekten
    Bahnstrasse 54
    FL-9494 Schaan
  • Baghetg
    Construcziun casa d’ina famiglia
    (Construcziun d’empremas habitaziuns)
  • Damondas supplementaras
  • Parcella / zona
    153 / W2
  • Quartier/Via
    Via Chistiala
  • Termin d’ exposiziun
    02-09-2016 – 22-09-2016
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Scaldaments mobils el liber (“bulius da scaldar”, radiaturs, radiaturs d’infratgietschen e.a.v.)

Situaziun da partenza
Tenor las prescripziuns d’energia dil cantun Grischun eis ei mo lubiu da duvrar scaldaments mobils el liber per intents commercials, sche l’emissiun da CO2 caschunada vegn cumpensada. Sco scaldaments mobils el liber crodan en special ils schi numnai “bulius da scaldar”, cundrez da scaldar per tendas (per exempel exposiziuns, events etc.) era radiaturs e radiaturs d’infratgietschen. Per attestar l’admissibladad dall’utilisaziun ston ils scaldaments mobils el liber vegnir muni cun ina ni pliras vignettas.

Cumpetenza
Per emetter las vignettas ein las vischnauncas cumpetentas.

Variantas per survegnir ina vignetta
Varianta 1: Il possessur cumpra ina ni pliras vignettas tier la vischnaunca.

Varianta 2: Il possessur sa retrer gratuitamein ina vignetta tier la vischnaunca, sch’el

• muossa si che l’emissiun da CO2 che vegn caschunada directamein ni indirectamein d’in apparat che funcziunescha cun fossils carburonts ni cun electricitad vegn cumprovadamein cumpensada d’ina organisaziun ch’ei specialisada per quei (p.ex. myclimate), ni

• cumprova ch’il consum d’electricitad d’in apparat electric vegn cumpensaus cun retrer electricitad ch’ei vegnida producida cun energias regenerablas (attestaziun dall’ovra electrica).

Varianta 1
Il prezi dalla vignetta importa 60 francs. Apparats entochen e cun ina prestaziun da scaldar maximala da 14 kilowatt (kW) ston vegnir muni cun ina vignetta per apparat. Sche la prestaziun da scaldar maximala d’in apparat surpassa 14 kilowatt drovan ins ulteriuras vignettas, dependent dalla forza digl indrez da scaldar.

Varianta 2
En cass d’apparats che funcziuneschan cun fossils carburonts ni cun electricitad cun ina prestaziun tochen e cun 14 kilowat (kW) sto vegnir cumpensada ina tonna CO2 per onn. Sche la prestaziun da scaldar maximala d’in apparat surpassa 14 kW ston pliras tonnas CO2 dependet dalla prestaziun maximala vegnir cumpensadas. Silmeins 20 pertschien dall’emissiun da CO2 ston vegnir cumpensai en Svizra. En cass d’apparats electrics eis ei era pusseivel da cumprovar ch’ei vegn retratg mintga onn silmeins 4’500 uras da kilowatt (kWh) d’electricitad ch’ei vegnida producida cun energias regenerablas, e quei per mintga apparat entochen e cun ina prestaziun da scaldar maximala da 14 kW.

Las vischnauncas ston surlaschar il recav dalla vendita dallas vignettas ad in’organisaziun ch’ei specialisada per la cumpensaziun da CO2.

Valeivladad dallas vignettas
La vignetta vala mintgamai in onn (igl 1. da settember entochen ils 31 d’uost). L’obligaziun da cumprar ina vignetta exista naven dall’emprema gada ch’igl apparat da scaldar mobil vegn mess en funcziun ella perioda da valeivladad respectiva.

Disposiziuns penalas
Sche l’obligaziun da cumprar ina vignetta vegn buca observada, ha la vischnanca il dretg da prender sancziuns resp. d’incassar multas (art. 36 f. dalla lescha d’energia dil cantun Grischun).

7153 Falera, 26-8-2016                                        Suprastonza communala Falera

Damondas da baghegiar dils 26-8-2016
  • Nr.
    2016/43
  • Di da publicaziun
    26 d’uost 2016
  • Petent
    Peter Widmer
    Landstrasse 9
    8472 Seuzach
  • Architect/Representant
    Jörimann Daniel – Falera Holz
    Via Canal 18
    7153 Falera
  • Baghetg
    Construcziun d’ina lucarna
  • Damondas supplementaras
  • Parcella / zona
    644 / W2
  • Quartier/Via
    Via Bigneras 27
  • Termin d’ exposiziun
    26-08-2016 – 15-09-2016
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Da schar a tscheins habitaziun da 4 1/2 stanzas

La vischnaunca da Falera lai a tscheins el Center communal tenor cunvegnientscha ina

habitaziun da 4 ½ stanzas

Tscheins meinsil inclus cuosts supplementars ed in parcadi ordaviert: fr. 1‘600.—.

Interessents san s’annunziar tier l’ administraziun communala, Via Principala 45c, 7153 Falera.

Per ulteriuras informaziuns stat l’administraziun communala bugen a disposiziun (Tel. 081 921 35 15, E-Mail: info@falera.net).

Resultats radunonza communala dils 19-8-2016

Ils resultats dalla sura numnada radunonza communala anfleis Vus cheu.

Invitaziun allas uniuns da Falera – Sesida da coordinaziun occurrenzas

La suprastonza communala envida las uniuns dil vitg tier ina sesida da coordinaziun pertuccont occurrenzas 2017.

La sesida ha liug sco suonda:

mesjamna, ils 31-08-2016, allas 20:00 uras, la fermata, Gonda.

Nus sperein che mintga uniun sappi tarmetter silmeins in delegau dalla suprastonza.

Seccapescha ein era persunas privatas, ch’ein interessadas dad organisar occurrenzas, envidadas tier quella sesida.

Obligaziun d’annunzia controlla da habitonts

Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:

Burgheis svizzers cun dimora permanenta
• Scret da patria
• Attest da famiglia
• Cudisch militar / Cudischet dalla protecziun civila
• Mussament da segirada dalla cassa da malsauns

Burgheis svizzers cun dimora jamnila
• Certificat d’origin dalla vischnaunca da domicil

Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns

Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.

Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.

Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.

Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.

Controlla da habitonts Falera

Meldepflicht Einwohnerkontrolle

Gemäss den geltenden Bestimmungen sind Personen, die in der Gemeinde Wohnsitz nehmen, verpflichtet ihren Zuzug innerhalb von 14 Tagen der Gemeindekanzlei zu melden und folgende Unterlagen zu deponieren:

Festanmeldung Schweizer Staatsangehörige
• Heimatschein
• Familienausweis
• Dienst- / Zivilschutzbüchlein
• Versicherungsbestätigung der Krankenkasse

Wochenaufenhalt Schweizer Staatsangehörige
• Wohnsitzausweis der Wohnsitzgemeinde

Ausländische Staatsangehörige
• Reisepass oder Personalausweis
• Ausländerausweis (wenn vorhanden)
• Gesuch Ausländerbewilligung A1/B1
• Versicherungsbestätigung der Krankenkasse

Abmeldung
Personen, die aus der Gemeinde Falera wegziehen, haben sich im Voraus abzumelden und das Wegzugsdatum sowie die neue Wohnadresse anzugeben.

Umzug
Umzüge innerhalb der Gemeinde Falera müssen ebenfalls innert 14 Tagen der Gemeindekanzlei gemeldet werden. Diese Meldepflicht besteht auch bei Umzug innerhalb desselben Gebäudes.

Meldepflicht Vermieter
Vermieter von Wohnhäusern, Wohnungen, Zimmern, Maiensässhütten usw. haben der Gemeindekanzlei jeden Ein- und Auszug von Mietern zu melden.

Weitere Informationen betreffend der Meldepflicht finden Sie auf unserer Homepage www.falera.net.

Einwohnerkontrolle Falera

Radunonza communala

Venderdis, ils 19 d’uost 2016, 20.15 uras, Stonas I, la fermata

Tractandas:

  1. Beinvegni, elecziun da dus dumbravuschs
  2. Constataziun dall’approbaziun dil protocol dalla radunonza communala dils 10-5-2016
  3. Damonda da credit per sanaziun dil tetg resgia/mulin
  4. Damonda da credit per sanaziun donns da malaura
  5. Damonda da credit per luvrar ora concept pil traffic
  6. Damonda da credit per plazza da glatsch a Bigliac
  7. Zona da baghegiar per indigens Er Liung:
    Damonda da dar giu ina parcella en dretg da baghegiar
  8. Approbaziun damondas per ancras sin las parcellas nr. 500 e nr. 1439
  9. Informaziuns e varia

 

Administraziun communala

Muort il firau da Nossadunna d’uost resta l’administraziun communala serrada gliendisdis, ils 15 d’uost 2016.

Nus supplichein per enconuschientscha. Bien engraziament.

Damondas da baghegiar

Nus fagiein attents sin las suandontas prescripziuns en connex cun damondas da baghegiar:

Tenor nova lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir anunziai all’instanza da construcziun.

Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.

Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.

Nus supplichein per enconuschientscha ed engraziein per l’observaziun da quellas prescripziuns.

Damondas da baghegiar dils 29-7-2016
  • Nr.
    2016/39
  • Di da publicaziun
    29 da fenadur 2016
  • Petent
    Casutt-Cathomen Wendelin
    Chintguns 4
    7153 Falera
  • Architect/Representant
    Heidi Casutt-Cathomen
    Chintguns 4
    7153 Falera
  • Baghetg
    Baghegiar en 2 finiastras el clavau existent, baghetg nr. 124
  • Damondas supplementaras
  • Parcella / zona
    81 / Zona dil vitg
  • Quartier/Via
    Via Dual sut
  • Termin d’ exposiziun
    29-07-2016 – 18-08-2016
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala.
Diever localitads da vischnaunca 2016/2017

Uniuns e persunas che lessan far diever dallas localitads da vischnaunca el Center Communal en casa da scola ni en la fermata ein supplicadas da far ina damonda a scret alla canzlia communala entochen ils 5 d’uost 2016.

Fiasta naziunala 2016 a Falera

Naven dallas 09.00 uras brunch cun products d’alp sill’Alp Dadens sura e silsuenter ustria cun grilladas organisau entras la corporaziun d’alp Falera cun susteniment dalla vischnaunca. Embellida vegn la fiasta cul plaid digl 1. d’uost entras Wendelin Casutt, president communal Falera, dil chor viril Falera, dalla societad da musica Falera e dils sunatibas.

Naven dallas 08.00 uras transport gratuit cun bus naven dil plaz posta Falera entochen sill’Alp Dadens sura. Transport anavos tenor communicaziun.

La fiasta ha liug mo da bialaura! Sclariment sut numera da telefon 1600, RegioInfo, rubrica 5 (ils 31-7-2016 naven dallas 17.00 uras).

La sera naven dallas 18.00 uras continuescha la fiasta naziunala a Laax spel lag. La vischnaunca da Falera ha organisau in bus gratuit che circulescha naven dallas 18.00 uras entochen las 24.00 uras denter Falera e Laax.

Fiasta naziunala – Barschar giu fiugs artificials

Il barschar giu fiugs artificials ei adina in prighel per incendis dalla cultira e digl uaul. Perquei sto vegnir iu entuorn precaut cun fiug el liber. Actualas informaziuns pertuccont il prighel da fiug anfleis Vus sin la pagina d’internet digl uffeci cantunal pigl uaul e prighels dalla natira www.wald.gr.ch.

Ella vischnaunca da Falera astga ord motivs da segirtad vegnir barschau giu negins fiugs artificials el vitg.

Fiugs artificials astgan mo vegnir barschai giu alla fin dil parcadi a Fandrels.

Nus supplichein per enconuschientscha.

Constituziun suprastonza communala

A caschun dalla sesida dils 7 da fenadur 2016 ei la suprastonza communala seconstituida sco suonda:

President communal: Wendelin Casutt-Cathomen
Vicepresident: Christian Schütz

  1. Administraziun generala, finanzas, taglias, persunal da vischnaunca, provediment social, tgira da malsauns
    Cau: Wendelin Casutt-Cathomen
    Substitut: Christian Schütz
  2. Fatgs da scola
    Cau: Pia Däscher-Casutt
    Substitut: Wendelin Casutt-Cathomen
  3. Fatgs da baghegiar e planisaziun, vias en vischnaunca, provediment d’aua, canalisaziun
    Cau: Patric Casutt
    Substitut: Oliver Darms
  4. Agricultura, alps, uffeci forestal, vias da meglieraziun ed uaul, dismessa da rumians, fatgs da santeri, protecziun dalla natira e digl ambient, polizia, pumpiers, militar, schurmetg civil
    Cau: Oliver Darms
    Substitut: Patric Casutt
  5. Economia, turissem, cultura, sport
    Cau: Christian Schütz
    Substituta: Pia Däscher-Casutt
Damondas da baghegiar dils 8-7-2016
  • Nr.
    2016/33
  • Di da publicaziun
    8 da fenadur 2016
  • Petent
    Marco+Monique Brasseur
    Im Boge 9
    8332 Russikon
  • Architect/Representant
    Müller&Truniger Architekten, Andreas Müller,
    Hardturmstrasse 169
    8005 Zürich
  • Baghetg
    Renovaziun dalla casa existenta e construcziun annexa terrassa
  • Damondas supplementaras
  • Parcella / zona
    340 / Zona dil vitg
  • Quartier/Via
    Via Paliu 22
  • Termin d’ exposiziun
    08-07-2016 – 28-07-2016
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Avis pertuccont tener schuber las vias communalas

Mintgin che siaga pastg ni taglia caglias dils curtgins e pastgets cunfinonts cun vias communalas duei far aschi bien ed era schubergiar il pastg ni il tschuffergnem che vegn sprizzaus en via communala ni ella chinetta.

Nus engraziein ch‘era Vus gideis da tener schuber nossa vischnaunca.

Novas prescripziuns lescha da baghegiar pertuccont immissiuns da canera

Art. 51
Mesiras tier lavurs/lavurs da construcziun e pil menaschi d’indrezs mecanics:

Duront il temps da stad ein tut ils disturbis da canera entras lavurs d‘industria e privatas scumandai naven dallas 20.00 – 07.00 uras e naven dallas 12.00 – 13.00 uras e duront il temps d’unviern naven dallas 17.00 – 08.00 uras e dallas 12.00 – 13.00 uras, cun excepziun dil survetsch d’unviern.

Duront dumengias e firaus locals ein tut las lavurs/lavurs da construcziun scumandadas.

Naven dils 20.12. entochen ils 31.3. astga vegnir fatg neginas lavurs da terren.

Naven dallas 21.30 – 07.00 uras ei scumandau il menaschi d’indrezs mecanics (maschinas, ventilaziuns eav.) ni d‘autras occupaziuns che caschunan canera.

Nus supplichein tuts da setener vid quellas prescripziuns.

TEXAID – Container per resti vegl

A Prau da Cuort, Falera (liug da rimnada da rumien) sesanfla NIEV e naven d’ immediat in container per resti vegl da TEXAID.
Cun quella nova purschida saveis Vus dismetter Vies resti vegl a moda sempla ed ecologica. Metti la vestgadira, ils calzers e las textilias dil percasa en in ferm sac da plastic e ligiei quel.

TEXAID rimna:
• vestgadira schubra da dunnas, umens ed affons
• vestgadira da curom e peil
• calzers schubers e purtabels (ligiai a pèr)
• tuaglias , resti da letg e textilias dil percasa schubras
• resti-suten e soccas schubras
• tschentas e teschas
• cozzas e plumatschs da plemas

TEXAID rimna buc:
• auters materials che textilias
• vestgadira e textilias tschuffas
• vanzadiras da textilias
• madrazzas, plumatschs da seser, teppis ed isolaziun
• calzers da skis, scursalets, inlineskates, stivlas da gummi
• singuls calzers

Dapli informaziuns partenent TEXAID anfleis Vus sin www.texaid.ch

Protocol

Dil protocol dalla radunonza communala dils 10 da matg 2016 sa vegnir priu naven d’immediat envesta sin canzlia communala.

Sch’ei vegn fatg neginas protestas a scret entochen la proxima radunonza communala vala il protocaol sco approbaus.

Obligaziun d’annunzia controlla da habitonts

Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:

Burgheis svizzers cun dimora permanenta
•    Scret da patria
•    Attest da famiglia
•    Cudisch militar / Cudischet dalla protecziun civila
•    Mussament da segirada dalla cassa da malsauns

Burgheis svizzers cun dimora jamnila
•    Certificat d’origin dalla vischnaunca da domicil

Burgheis da tiaras jastras
•    Passaport ni carta d’identitad
•    Legitimaziun d‘jasters (sche avon maun)
•    Damonda per lubientscha d’jasters A1/B1
•    Mussament da segirada dalla cassa da malsauns

Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.

Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.

Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.

Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.

Canzlia communala – Sontgilcrest

Muort il firau da Sontgilcrest resta la canzlia communala serrada gievgia, ils 26 da matg 2016.

Nus supplichein per enconuschientscha.

Votaziuns dils 5 da zercladur 2016

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 2 da zercladur 2016          15.00-17.00 uras
venderdis, ils 3 da zercladur 2016    15.00-17.00 uras
dumengia, ils 5 da zercladur 2016    09.45-10.15 uras

Il cedel da dretg da votar (cedel alv) ei da dar giu all’urna.

Votantas ni votants che han buca survegniu tarmess tier il material da votar, san retrer quel entochen venderdis, ils 3 da zercladur 2016 tier la canzlia communala.

Dumbraziun dallas habitaziuns vitas pigl 1-6-2016

Igl uffeci federal da statistica meina puspei atras pigl 1.6. ina dumbraziun dallas habitaziuns vitas.

Possessurs da casas ni administraziuns d’immobilias, che han pigl 1. da zercladur 2016 habitaziuns ni casas d’ina famiglia vitas ein obligai da communicar quei per telefon (081 921 35 15) ni a scret alla canzlia communala entochen sil pli tard ils 3 da zercladur 2016.

Sco habitaziuns vitas el senn da quella dumbraziun vegnan tut las habitaziuns mobiliadas ni buca mobiliadas quintadas, las qualas adempleschan las suandontas duas cundiziuns:

  • Habitaziuns ni casas d’ina famiglia ch’ein il di da controlla (1-6-2016) vitas denton habitablas e
  • ch’ein il di da controlla (1-6-2016) screttas ora per schar a tscheins permanent per minimal 3 meins ni venalas.

Nus engraziein per la cooperaziun.

Niev persunal

Nova pedella per la fermata
Niev pedel per il Center communal e casa da scola

A caschun dalla sesida da suprastonza dils 7 d’avrel 2016 ei dunna Pia Däscher-Casutt da Falera vegnida elegida sco nova pedella per la fermata. Pia Däscher-Casutt vegn ad entscheiver sia nova plazza da lavur igl 1. da schaner 2017.

A caschun dalla sesida da suprastonza dils 3 da matg 2016 ei signur Fredi Büchler da Schluein vegnius elegius sco niev pedel per il Center communal e la casa da scola. Fredi Büchler vegn ad entscheiver sia nova plazza da lavur igl 1. da december 2016.

Nus gratulein a dunna Däscher-Casutt sco era a signur Büchler tier quell’elecziun e giavischein ad els gia oz bia plascher cun lur novas incumbensas.

Vignetta da moped 2016

La vignetta da moped per igl onn 2016 sa vegnir retratga sin canzlia communala cun presentar il document dil vehichel. El prezi da fr. 50.— ei la l’assicuranza da responsabladad civila gia risguardada.

La vignetta digl onn 2015 ei aunc valeivla entochen ils 31 da matg 2016.

Damondas da baghegiar dils 13-05-2016
  • Nr.
    2016/26
  • Di da publicaziun
    13 da matg 2016
  • Petent
    Weisse Arena Bergbahnen AG
    Via Murschetg 17
    7032 Laax
  • Architect/Representant
    Casutt Wyrsch Zwicky AG
    Via Principala 45d
    7153 Falera
  • Baghetg
    Correctura da pista/Correctura dil terren
  • Damondas supplementaras
  • Parcella / zona
    1292 / Zona d’agricultura surpostau cun zona per sport d’unviern
  • Quartier/Via
    Muladera
  • Termin d’ exposiziun
    13-05-2016 – 02-06-2016
  • Profilau
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala.

 


 

  • Nr.
    2016/27
  • Di da publicaziun
    13 da matg 2016
  • Petent
    Weisse Arena Bergbahnen AG
    Via Murschetg 17
    7032 Laax
  • Architect/Representant
    Casutt Wyrsch Zwicky AG
    Via Principala 45d
    7153 Falera
  • Baghetg
    Correctura da pista/Correctura dil terren
  • Damondas supplementaras
  • Parcella / zona
    1291 / Zona d’agricultura surpostau cun zona per sport d’unviern
  • Quartier/Via
    Alp Fuorcla
  • Termin d’ exposiziun
    13-05-2016 – 02-06-2016
  • Profilau
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala.

 


 

  • Nr.
    2016/28
  • Di da publicaziun
    13 da matg 2016
  • Petent
    Arpagaus Pieder Antoni
    Via Muschna liunga 16
    7153 Falera
  • Architect/Representant
    Krattiger Holzbau AG
    Sommeristrasse 28
    8580 Amriswil
  • Baghetg
    Sanaziun dil tetg e construcziun da duas lucarnas
  • Damondas supplementaras
  • Parcella / zona
    358 / Zona dil vitg
  • Quartier/Via
    Via Principala 19
  • Termin d’ exposiziun
    13-05-2016 – 02-06-2016
  • Profilau
  • Protestas
    Concernent il dretg public ein da far a scret duront il temps d’ exposiziun alla suprastonza communala.
    Investa dils plans sa vegnir priu sin canzlia communala.
Radunonza communala dils 10 da matg 2016

Ils resultats dalla radunonza communala anfleis Vus cheu.

Revisiun totala dalla planisaziun locala – publicaziun

Cun il conclus dils 12 d’avrel 2016 ha la regenza dil cantun Grischun (protocol nr. 338) approbau la revisiun totala dalla planisaziun locala per la vischnaunca da Falera, decidida dalla radunonza communala ils 25 da zercladur 2015, cun las suandontas excepziuns, sistidas, resalvas, ordinaziuns ed indicaziuns:

Lescha da baghegiar art. 22: Per la zona turistica “La Mutta” restan la limitaziun temporara da 10 onns dapi l’approbaziun dalla zona igl onn 2011 e la cundiziun concernent ina cumissiun accumpignonta vinavon valeivlas;

La nova enzonaziun ad “Er Liung” inclusiv l’obligaziun da far in plan da quartier vegn buc approbada. La surfatscha vegn attribuida alla zona per l’utilisaziun futura da construcziun. Persuenter vegnan las novas zonas a “Trutg” che astgan buca vegnir surbaghegiadas puspei attribuidas senza midadas alla zona da baghegiar da tochen ussa;

La zona da baghegiar per igl anteriur stan da sittar el territori da “La Mutta” vegn buc approbada. La parcella nr. 458 ei da considerar sco zona digl ulteriur territori communal, tochen ch’ella vegn attribuida dalla vischnaunca ad ina zona che astga buca vegnir surbaghegiada;

La zona dad auas sper igl “Ual da Mulin” vegn renviada el sectur dalla zona da baghegiar per surluvrar;

Las zonas per indrezs turistics sper “l’Alp Dado” e sper igl implont da pumpadi (lag artificial) vegnan buc approbadas. Ellas ein da considerar sco zonas d’agricultura, tochen che la vischnaunca ha fixau ina zona che astga buca vegnir surbaghegiada;

Las zonas per indrezs turistics a “Crap Sogn Gion” ed a “Curnius” vegnan sistidas, tochen che las premissas per attribuir ellas ad ina zona da baghegiar ein ademplidas;

La nova zona da sport d’unviern en direcziun da “Munt Sura” vegn sistida, tochen ch’ina cuntinuaziun approbabla sin il territori communal da Laax ei avon maun;

Sin fundament d’in recuors da planisaziun pendent vegnan las suandontas determinaziuns sistidas:
– determinaziun per la W2 (schema da zonas) sco era la schraffura digl augment d’altezia sin las parcellas nr. 536, 1651 e 539 a “Samun”;
– determinaziun dalla zona per baghetgs pigns e stabiliments annexs el sectur sid dallas parcellas nr. 1651 e 537.

Dallas actas approbadas e dil conclus dalla regenza san ins prender envesta en canzlia communala duront las uras d’avertura usitadas ni sin la pagina d’internet dalla vischnaunca www.falera.net.

Persunas autorisadas san recuorer encunter il conclus d’approbaziun dalla planisaziun locala enteifer 30 dis dapi la publicaziun a norma dalla lescha davart la giurisdicziun administrativa (LGA) tier la Dertgira administrativa dil cantun Grischun, Via dalla Plessur Sura 1, 7000 Cuera. La decisiun contestada sco era eventuals mieds da cumprova ein d’aschuntar.

Actas d’exposiziun

Decisiun regenza
Rapport da planisaziun e cooperaziun
Lescha da baghegiar
Plan da zonas e plan general da furmaziun 1:2000
Plan da zonas e plan general da furmaziun 1:10000
Plan general d’avertura traffic ed equipament 1:2000
Plan general d’avertura provediment ed allontanament 1:2000
Plan general d’avertura 1:10000