Archiv

Empustaziun pigneuls da Nadal

Ei sa vegnir empustau las suandontas sorts e grondezias:

pégn da Nordmann
80-100 cm
125-150 cm
175-200 cm
225-250 cm
300-350 cm

pégn
80-100 cm
100-150 cm
150-200 cm
200-300 cm

Las empustaziuns ein d’inoltrar alla canzlia communala (tel. 081 921 35 15 ni e-mail: info@falera.net) entochen sil pli tard venderdis, ils 1 da december 2017. Empustaziuns che vegnan fatgas suenter quei termin san deplorablamein buca pli vegnir risguardadas.

Ils pigneuls empustai ston vegnir pagai sin canzlia communala ordavon. Gievgia, ils 21 da december 2017 naven dallas 12.30-13.30 uras san ils pigneuls vegni retratgs sil parcadi Fandrels.

 

Service gratuit per possessuras e possessurs da habitaziuns da vacanzas

Preziadas possessuras, preziai possessurs da habitaziuns da vacanzas

Il „Fegl ufficial – Regiun Surselva“ ei igl organ da publicaziun ufficial dalla regiun Surselva e dalla vischnaunca da Falera. El cumpara mintgamai il venderdis e vegn repartgius alla populaziun cun domicil en vischnaunca.

El „Fegl ufficial – Regiun Surselva“ anfleis Vus publicaziuns ufficialas, damondas da baghegiar, informaziuns dalla suprastonza communala e dallas uniuns ed ulteriuras caussas interessantas da Vossa vischnaunca e dalla regiun.

La suprastonza communala porscha ussa a Vus sco possessur/a d’ina habitaziun da vacanzas la pusseivladad d’abonnar gratuit l’ediziun digitala digl fegl ufficial. Sin nossa pagina d’internet www.falera.net sut la rubrica actual anfleis Vus il link corrispundent. Sur quei link saveis Vus seregistrar. Suenter che Vus essas registrai survegnis Vus tarmess tier per E-Mail mintga venderdis il fegl ufficial el format da PDF.

Nus selegrein, da saver porscher a Vus quei survetsch naven digl 1. da december 2017.

Pigneuls e dascha pil temps d’advent

Fatschentas, ustrias e persunas privatas che lessan retrer pil temps d’advent pigneuls ni dascha, san dar si lur empustaziun entochen sil pli tard, ils 3 da november 2017 tier la canzlia communala (081 921 35 15).

Obligaziun da far survetsch da pumpiers 2018

Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers.

Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.

Tenor las disposiziun executivas tier la lescha da pumpiers dalla vischnaunca da Falera entscheiva l’obligaziun da dar pumpiers egl onn, el qual il 20avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.

La taxa da basa per la taxa da cumpensaziun munta per obligai da far pumpiers cun domicil cumplein (di da referenza mintgamai ils 31-12) fr. 280.—/onn. Tier domicil jamnil cun domicil cumplein (di da referenza mintgamai ils 31-12) munta la taxa da basa per la taxa da cumpensaziun fr. 100.—/onn.

Persunas ch’ein obligadas da far pumpiers e che lessan prestar survetsch san retrer il formular d’annunzia tier l’administraziun communala. Il formular ei da returnar puspei all’administraziun communala entochen ils 15 da december 2017.

Persunas che prestan gia survetsch e lessan pagar niev la taxa da cumpensaziun enstagl da prestar survetsch activ duein s’annunziar a scret entochen ils 15 da december 2017 tier l’administraziun communala, Via Principala 45c, 7153 Falera (E-Mail: info@falera.net).

Per ulteriuras informaziuns stat il cumandant da pumpiers, Adrian Walser (Natel 076 574 47 85 ni E-Mail: adrian.walser@hotmail.com) bugen a disposiziun.

Rumida da neiv sin vias da meglieraziun

A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias.

Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils cuosts ein da surprender dils pertuccai.

Per purs che pervesan lur animals sin beins buca habitai ord la zona da baghegiar sa la suprastonza communala en cass da basegn far excepziuns e decider sut tgei cundiziuns ch’ina rumida sa vegnir fatga. Per che nus seigien semtgei sigl unviern supplichein nus perquei tals purs da s’annunziar a scret tier la canzlia communala entochen ils 7 da november 2017 cun indicar nua e per tgei temps ina rumida fuss necessaria.

Rimnada da rauba blocconta

Sonda, ils 4 da november 2017 dallas 8.00-11.00 uras sa vegnir dismess rauba blocconta.

Ils containers per dismetter la rauba vegnan tschentai si sil parcadi Fandrels.

Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.

Ils suandonts rumians astgan en mintga cass buca vegnir dismess el rom da rimnadas da rauba blocconta:

rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.

Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.

Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:

apparats electrics                                                             gratuit
bischels fluorescents, pérs da cazzola                          gratuit
batterias d’auto                                             frs.              10.— per toc
pneus da privats senza gaveglias               frs.                5.— per toc
pneus da privats cun gaveglias                   frs.              10.— per toc

Quella rauba vegn dismessa separau dalla rauba blocconta entras ils luvrers communals.

Ils luvrers communals han l’incumbensa da visar anavos rauba che corrispunda buca als criteris da rumien bloccont.

Nus supplichein per enconuschientscha.

Invitaziun allas uniuns da Falera – Sesida da coordinaziun occurrenzas

La suprastonza communala envida las uniuns dil vitg tier ina sesida da coordinaziun pertuccont occurrenzas 2018.

La sesida ha liug sco suonda: gliendisdis, ils 30-10-2017, allas 20:00 uras, la fermata, Gonda.

Nus sperein che mintga uniun sappi tarmetter silmeins in delegau dalla suprastonza.

Seccapescha ein era persunas privatas, ch’ein interessadas dad organisar occurrenzas, envidadas tier quella sesida.

Tagl da lenna Cugnauls

Muort lavurs da pinar lenna resta la via d’Alp Dadens naven dall’entschatta digl uaul da Cugnauls serrada per tut il traffic sco era per pedunz. Quei naven dils 18-10-2017 entochen ca. entschatta november 2017. Per pedunz ei il trapas sur sonda e dumengia pusseivels. Per motivs da segirtad supplichein nus da risguardar las signalisaziuns. Engraziel per Vossa capientscha.

Tier damondas stat il selvicultur Maurus Cavigelli (079 437 49 37) bugen a disposiziun.

Engraziel per Vossa capientscha.

Uffeci forestal Falera

Controlla aua da beiber

Ils 5 d’october 2017 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.

Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.

Dil resultat da quella emprova sa vegnir priu envesta sin canzlia communala ni sut www.falera.net.

Resultats

Serrada dalla via denter Falera-Ladir

Las lavurs da sanaziun ella Val da Cafegns silla via denter Falera e Ladir entscheivan gliendisdis, ils 23 d’october 2017. Duront ca. duas jamnas resta la via serrada pil traffic motorisau. Pil trraffic plaun e per pedunz eis ei pusseivel da passar il plazzal. Nus supplichein da setener vid las instrucziuns dils luvrers.

Bien engraziament per la capientscha.

Obligaziun d’annunzia controlla da habitonts

Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:

Burgheis svizzers cun dimora permanenta
• Scret da patria
• Attest da famiglia
• Cudisch militar / Cudischet dalla protecziun civila
• Mussament da segirada dalla cassa da malsauns

Burgheis svizzers cun dimora jamnila
• Certificat d’origin dalla vischnaunca da domicil

Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns

Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.

Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.

Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.

Resultats votaziun dils 24-9-2017

Ils resultats dalla vischnaunca da Falera anfleis Vus cheu.

Damondas da baghegiar dils 22-9-2017
  • Nr. 
    2017/45
  • Di da publicaziun 
    22 da settember 2017
  • Petent 
    Weisse Arena Bergbahnen AG
    Via Murschetg 17
    7032 Laax
  • Architect/Representant 
    Casutt Wyrsch Zwicky AG
    Via Principala 45d
    7153 Falera
  • Baghetg 
    Correctura da pista
  • Damondas supplementaras 
    –
  • Parcella/zona 
    1306+847/Zona d’agricultura surpostau cun zona per sport d’unviern
  • Quartier/Via 
    Val Marina
  • Termin d’ exposiziun 
    22-09-2017 – 12-10-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Plazza d’emprendissadi

La vischnaunca da Falera porscha naven digl uost 2018 ina plazza d’emprendissadi sco commerciant/a (profil E ni M) tier l’administraziun communala.

Annunzias cun ils documents usitai pren la suprastonza communala encunter entochen ils 6 d’october 2017.

Per dapli informaziuns mira inserat.

Protocol

Dil protocol dalla radunonza communala dils 25 d’uost 2017 sa vegnir priu naven d’immediat envesta sin canzlia communala.

Sch’ei vegn fatg neginas protestas a scret entochen la proxima radunonza communala vala il protocol sco approbaus.

Mulestas da canera e donns entras fiergnas, uolps e tais

Il davos temps datti bia reclamaziuns en connex cun mulestas da canera e donns che fiergnas, uolps e tais caschunan en nossa vischnaunca. En certas parts dil vitg ein entirs marighels s’ignivai. Tenor il survigilader da catscha vegnan quels animals carmalai entras la maglia dils animals da casa e sacs da rumien che vegnan deponi ordaviert.

Ord quei motiv supplichescha la suprastonza communala, da perver naven d’immediat negins animals avon esch casa ni ordaviert ed era da deponer negins sacs da rumien ordaviert.

Nus engraziein per l’observaziun da quellas mesiras.

Tagliar plontas e caglias suenter las vias da meglieraziun

Tenor artechel 4 a) dil reglament pil manteniment dallas ovras da meglieraziun dalla vischnaunca da Falera ston tut las scarpas per liung dallas vias da funs vegnir cultivadas gratuitamein dil cunfinont (segar, tagliar caglias e roma etc.).

Nus supplichein perquei tuts possessurs da terren da mirar che plontas e caglias seigien tagliadas anavos aschia che quellas creschan buca sur ils cunfins ellas vias da meglieraziun. Quellas lavurs ston vegnir exequidas entochen ils 30 da november 2017.

Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.

Meglieraziun generala Laax

Duront las lavurs da construcziun dalla meglieraziun generala da Laax vegn la via Giratsch serrada, e quei naven dils 11 da settember 2017 entochen la fin d’october 2017. Entrada el plazzal ei scumandau, tutta responsabladad vegn refusada.
Nus sperein sin vossa capientscha.

Uffeci da baghegiar Laax

Tagliar plontas e caglias

Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. ein da deliberar da caglias e roma.

Las caglias e roma sco era ulteriuras emplontaziuns (cotoneaster eav.) ein da tagliar anavos sin in’altezia da 4.5 m sur via e cun ina distanza da minimum 50 cm naven dalla via communala.

Nus supplichein privats, administraziuns e pedels da casas da vacanzas da mirar che quellas lavurs vegnan exequidas entochen ils 31 d’october 2017.

Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.

Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Votaziuns dils 24 da settember 2017

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 21 da settember 2017                     15.00-17.00 uras
venderdis, ils 22 da settember 2017                15.00-17.00 uras
dumengia, ils 24 da settember 2017                09.45-10.15 uras

Il cedel da dretg da votar (cedel alv) ei da dar giu all’urna.

Votantas ni votants che han buca survegniu tarmess tier il material da votar, san retrer quel entochen venderdis, ils 22 da settember 2017 tier la canzlia communala.

Meglieraziun generala Laax – Senda Sursilvana Falera/Larnags

Duront las lavurs da construcziun dalla meglieraziun generala da Laax ei il passadi dalla Senda sursilvana da Falera-Larnags/Laax naven dalla vischnaunca da Falera/Laax pil difficils, e quei digl 1. da settember 2017 entochen la fin d’october 2017. In sviament dalla senda da viandar naven dil cunfin da Falera-Larnags/Laax ei signalisaus.

Nus sperein sin vossa capientscha.
Uffeci da baghegiar Laax

Carta

Publicaziun «Die Menhire auf Planezzas/Falera»

El num da dunna Greti Büchi savein nus dar giu a mintga casada da Falera in exemplar dil sura numnau cudisch.

Habitontas e habitonts san retrer quei cudisch gratuit tier l’administraziun communala.

La suprastonza communala engrazia a dunna Büchi per metter a disposiziun quei cudisch allas habitontas ed als habitonts da Falera.

Rimnada pupi e cartun

Nus rimnein pupi vegl e cartun sco suonda:

gievgia, ils 21 da settember 2017

Il pupi ni cartun sto vegnir ligiaus ensemen mintgamai separau e deponius beinveseivel sper via. Per la rimnada valan suandontas uras:

cartun, 7.00 uras entras ils luvrers communals
pupi, 8.15 uras entras la scola.

Il pupi ni cartun ch’ei buca sortius in da l’auter e ligiaus mintgamai ensemen vegn buca dismess.

Nus supplichein da setener vid quellas prescripziuns ed engraziein persuenter.

Consorzi da scola scolaviva

 

Resultats radunonza communala dils 25-8-2017

Las decisiuns dalla radunonza communala dils 25-8-2017 anfleis Vus cheu.

Scaldaments mobils el liber (“bulius da scaldar”, radiaturs, radiaturs d’infratgietschen e.a.v.)

Situaziun da partenza
Tenor las prescripziuns d’energia dil cantun Grischun eis ei mo lubiu da duvrar scaldaments mobils el liber per intents commercials, sche l’emissiun da CO2 caschunada vegn cumpensada. Sco scaldaments mobils el liber crodan en special ils schi numnai “bulius da scaldar”, cundrez da scaldar per tendas (per exempel exposiziuns, events etc.) era radiaturs e radiaturs d’infratgietschen. Per attestar l’admissibladad dall’utilisaziun ston ils scaldaments mobils el liber vegnir muni cun ina ni pliras vignettas.

Cumpetenza
Per emetter las vignettas ein las vischnauncas cumpetentas.

Variantas per survegnir ina vignetta
Varianta 1: Il possessur cumpra ina ni pliras vignettas tier la vischnaunca.
Varianta 2: Il possessur sa retrer gratuitamein ina vignetta tier la vischnaunca, sch’el
• muossa si che l’emissiun da CO2 che vegn caschunada directamein ni indirectamein d’in apparat che funcziunescha cun fossils carburonts ni cun electricitad vegn cumprovadamein cumpensada d’ina organisaziun ch’ei specialisada per quei (p.ex. myclimate), ni
• cumprova ch’il consum d’electricitad d’in apparat electric vegn cumpensaus cun retrer electricitad ch’ei vegnida producida cun energias regenerablas (attestaziun dall’ovra electrica).

Varianta 1
Il prezi dalla vignetta importa 60 francs. Apparats entochen e cun ina prestaziun da scaldar maximala da 14 kilowatt (kW) ston vegnir muni cun ina vignetta per apparat. Sche la prestaziun da scaldar maximala d’in apparat surpassa 14 kilowatt drovan ins ulteriuras vignettas, dependent dalla forza digl indrez da scaldar.

Varianta 2
En cass d’apparats che funcziuneschan cun fossils carburonts ni cun electricitad cun ina prestaziun tochen e cun 14 kilowat (kW) sto vegnir cumpensada ina tonna CO2 per onn. Sche la prestaziun da scaldar maximala d’in apparat surpassa 14 kW ston pliras tonnas CO2 dependet dalla prestaziun maximala vegnir cumpensadas. Silmeins 20 pertschien dall’emissiun da CO2 ston vegnir cumpensai en Svizra. En cass d’apparats electrics eis ei era pusseivel da cumprovar ch’ei vegn retratg mintga onn silmeins 4’500 uras da kilowatt (kWh) d’electricitad ch’ei vegnida producida cun energias regenerablas, e quei per mintga apparat entochen e cun ina prestaziun da scaldar maximala da 14 kW.

Las vischnauncas ston surlaschar il recav dalla vendita dallas vignettas ad in’organisaziun ch’ei specialisada per la cumpensaziun da CO2.

Valeivladad dallas vignettas
La vignetta vala mintgamai in onn (igl 1. da settember entochen ils 31 d’uost). L’obligaziun da cumprar ina vignetta exista naven dall’emprema gada ch’igl apparat da scaldar mobil vegn mess en funcziun ella perioda da valeivladad respectiva.

Disposiziuns penalas
Sche l’obligaziun da cumprar ina vignetta vegn buca observada, ha la vischnanca il dretg da prender sancziuns resp. d’incassar multas (art. 36 f. dalla lescha d’energia dil cantun Grischun).

Plazza d’emprendissadi

La vischnaunca da Falera porscha naven digl uost 2018 ina plazza d’emprendissadi sco commerciant/a (profil E ni M) tier l’administraziun communala.

Annunzias cun ils documents usitai pren la suprastonza communala encunter entochen ils 8 da settember 2017.

Per dapli informaziuns mira inserat.

Radunonza communala

Venderdis, ils 25 d’uost 2017, 20.15 uras, Stonas I, la fermata

Tractandas:

  1. Beinvegni, elecziun da dus dumbravuschs
  2. Constataziun dall’approbaziun dil protocol dalla radunonza communala dils 5-5-2017
  3. Damonda da credit per plazza da glatsch a Bigliac
  4. Damonda da credit per la cumpra dalla parcella nr. 978 a Bigneras
  5. Damonda da credit per sanaziun provediment d’aua
  6. Damonda da credit honorar per gestiun da manteniment vias/conducts d’ovra e calculaziun hidraulica dalla reit provediment d’aua
  7. Informaziuns e varia
Administraziun communala

Muort il firau da Nossadunna d’uost resta l’administraziun communala serrada mardis, ils 15 d’uost 2017.

Nus supplichein per enconuschientscha. Bien engraziament.

47avla fin d’jamna cuorsa d’orientaziun grischuna Falera/Flem

La fin d’jamna dils 4 – 6 d’uost 2017 organisescha la gruppa da cuorsa d’orientaziun Cuera la 47avla fin d’jamna da cuorsa d’orientaziun. Il center da concurrenza sesanfla il venderdis e la sonda ella halla plurivalenta a Falera. Ei vegn quintau cun rodund 500 curridras e curriders d’orientaziun. Il sprint da cuorsa d’orientaziun dil venderdis sera meina atras il vitg cun plirs posts en differents loghens.

Nus supplichein per enconuschientscha ed engraziein per Vossa capientscha en cass ch’ei havess da dar eventuals impedimens. Ils differents posts vegnan mess e puspei allontanai entras la gruppa da cuorsa d’orientaziun Cuera.

Program:
venderdis, 4-8-2017, 18.00-20.30 uras, sprint a Falera el vitg
sonda, 5-8-2017, cuorsa d’orientaziun dalla Surselva (Crap Sogn Gion/Curnius)
dumengia, 6-8-2017, cuorsa d’orientaziun da Flem (Foppa/Runca)

Damondas da baghegiar dils 28-7-2017
  • Nr. 
    2017/34
  • Di da publicaziun 
    28 da fenadur 2017
  • Petent 
    Weisse Arena Bergbahnen AG
    Via Murschetg 17
    7032 Laax Murschetg
  • Architect/Representant 
    Casutt Wyrsch Zwicky AG
    Via Principala 45d
    7153 Falera
  • Baghetg 
    Correctura da pista
  • Damondas supplementaras 
    –
  • Parcella/zona 
    1292 / Zona d’agricultura surpostau cun zona per sport d’unviern
  • Quartier/Via 
    Crap Sogn Gion
  • Termin d’ exposiziun 
    28-07-2017  – 17-08-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr. 
    2017/35
  • Di da publicaziun 
    28 da fenadur 2017
  • Petent 
    Weisse Arena Bergbahnen AG
    Via Murschetg 17
    7032 Laax Murschetg
  • Architect/Representant 
    Casutt Wyrsch Zwicky AG
    Via Principala 45d
    7153 Falera
  • Baghetg
    Correctura da pista
  • Damondas supplementaras 
    –
  • Parcella/zona 
    1292 / Zona d’agricultura surpostau cun zona per sport d’unviern
  • Quartier/Via 
    Crap Sogn Gion
  • Termin d’ exposiziun 
    28-07-2017  – 17-08-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr. 
    2017/36
  • Di da publicaziun 
    28 da fenadur 2017
  • Petent 
    Weisse Arena Bergbahnen AG
    Via Murschetg 17
    7032 Laax Murschetg
  • Architect/Representant 
    Casutt Wyrsch Zwicky AG
    Via Principala 45d
    7153 Falera
  • Baghetg 
    Correctura dalla senda
  • Damondas supplementaras 
    –
  • Parcella/zona 
    1292 / Zona d’agricultura surpostau cun zona per sport d’unviern
  • Quartier/Via 
    Crest La Siala
  • Termin d’ exposiziun 
    28-07-2017  – 17-08-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Falera – il pli bi vitg dalla Svizra 2017?

La “Schweizer Illustrierte” enquera il pli bi vitg dalla Svizra 2017. Nus selegrein che nossa vischnaunca ei vegnida elegida en in’emprema runda denter las 12 vischnauncas finalistas. Nus engraziein a tuts che han votau per nossa vischnaunca.

Susteni nus vinavon e votei da niev per nossa vischnaunca aschia che Falera daventa igl onn 2017 il pli bi vitg dalla Svizra.

Votei sut http://www.dasschoenstedorf.ch per nossa vischnaunca.

Bien engraziament pil susteniment.

1. d’uost 2017 – fiasta naziunala a Falera

1. d’uost 2017, naven dallas 9.00 entochen ca. las 16.30 uras, Tegia Curnius

Naven dallas 9.00 entochen las 11.30 uras
Ensolver da purs (Reservaziun necessaria sut la numera da telefon 081 927 99 30). Prezis: Carschi CHF 20.−, affons 6−14 onns CHF 14.−, affons sut 6 onns CHF 2.−/onn da vegliadetgna.

Naven dallas 11.30 entochen ca. las 16.30 uras
Festivitads d’emprem d’uost cun divertiment musical, producziuns chor viril Falera, societad da musica Falera e sunatibas. Plaid digl emprem d’uost entras Wendelin Casutt, president communal Falera. Il team dalla Tegia Curnius procura pil beinstar corporal dils hosps. Nova plazza da termagliar per affons cun diversas attracziuns (ruschnera, trampolins, zoo da carsinar eav.).

La pendiculara Falera—Curnius ei aviarta naven dallas 8.30 entochen las 17.00 uras.
Indigens, possessurs da habitaziuns da vacanzas e loca taris dallas vischnauncas da Falera e Laax che possedan neginas cartas digl onn ni negins abonnaments valeivels san retrer cartas dil di specialas entochen ils 31 da fenadur 2017 tier las administraziuns communalas Falera e Laax.

La fiasta ha liug da tutt’aura. La sera ha la fi asta naziunala liug a Laax spel lag. Denter Falera, Laax e Flem cursescha in bus da shuttle gratuit.

Nus selegrein sin biaras visitadras e biars visitaders

Vischnauncas Falera e Laax

Flyer

Deponia per rumien verd a Pardi

La suprastonza communala fa attents sin las suandontas prescripziuns:

Sin la deponia per rumien verd a Pardi astga vegnir deponiu mo rauba cumpostabla sco per exempel pastg, fluras e caglias eav. Nus supplichein da risguardar las signalisaziuns corrispundentas sin la deponia. Lenna veglia sco per exempel lenna da seivs eav. sco era autra rauba buca cumpostabla astgan buca vegnir dismess a Pardi. Allas fatschentas da horticultura eis ei scumandau da deponer rauba cumpostabla ord autras vischnauncas sin la deponia dalla vischnaunca da Falera.

Nus supplichein per enconuschientscha e da setener vid las prescripziuns.

Diever localitads da vischnaunca 2017/2018

Uniuns e persunas che lessan far diever dallas localitads da vischnaunca el Center Communal en casa da scola ni en la fermata ein supplicadas da far ina damonda a scret alla canzlia communala entochen ils 4 d’uost 2017.

 

Fiasta naziunala – Barschar giu fiugs artificials

Il barschar giu fiugs artificials ei adina in prighel per incendis dalla cultira e digl uaul. Perquei sto vegnir iu entuorn precaut cun fiug el liber. Actualas informaziuns pertuccont il prighel da fiug anfleis Vus sin la pagina d’internet digl uffeci cantunal pigl uaul e prighels dalla natira www.wald.gr.ch.

Ella vischnaunca da Falera astga ord motivs da segirtad vegnir barschau giu negins fiugs artificials el vitg. Fiugs artificials astgan mo vegnir barschai giu alla fin dil parcadi a Fandrels.

Nus supplichein per enconuschientscha.

Constituziun suprastonza communala

A caschun dalla sesida dils 29 da zercladur 2017 ei la suprastonza communala seconstituida sco suonda:

President communal: Wendelin Casutt-Cathomen
Vicepresident: Christian Schütz

  1. Administraziun generala, finanzas, taglias, persunal da vischnaunca, provediment social, tgira da malsauns
    Cau:  Wendelin Casutt-Cathomen
    Substitut: Christian Schütz
  2. Fatgs da scola
    Cau: Pia Däscher-Casutt
    Substitut: Wendelin Casutt-Cathomen
  3. Fatgs da baghegiar e planisaziun, vias en vischnaunca, provediment d’aua, canalisaziun
    Cau: Patric Casutt
    Substitut: Gion Cathomen
  4. Agricultura, alps, uffeci forestal, vias da meglieraziun ed uaul, dismessa da rumians, fatgs da santeri, protecziun dalla natira e digl ambient, polizia, pumpiers, militar, schurmetg civil
    Cau: Gion Cathomen
    Substitut: Patric Casutt
  5. Economia, turissem, cultura, sport
    Cau: Christian Schütz
    Substituta: Pia Däscher-Casutt
Damondas da baghegiar dils 30-6-2017
  • Nr.
     2017/31
  • Di da publicaziun 
    30 da zercladur 2017
  • Petent 
    Behrendt Rosa
    Freudenbergstrasse 101
    8044 Zürich
  • Architect/Representant 
    Architectura Bearth + Cavegn
    Via Spineus 14
    7165 Breil
  • Baghetg 
    Construcziun d’ina lucarna
  • Damondas supplementaras 
    –
  • Parcella / zona 
    300 / WG3
  • Quartier/Via 
    Via Cabriec 8
  • Termin d’ exposiziun 
    30-06-2017 – 20-07-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
    ___________________________________________________________________________________________________________________________________
  • Nr.
     2017/32
  • Di da publicaziun 
    30 da zercladur 2017
  • Petent 
    Marco e Monique Brasseur
    Im Boge 9
    8332 Russikon
  • Architect/Representant 
    Müller & Truniger Architekten, Andreas Müller
    Hardturmstrasse 169
    8005 Zürich
  • Baghetg 
    Sanaziun lautga existenta ost cun midadas finiastras
  • Damondas supplementaras 
    –
  • Parcella / zona 
    340 / zona dil vitg
  • Quartier/Via 
    Via Paliu 22
  • Termin d’ exposiziun 
    30-06-2017 – 20-07-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
    ___________________________________________________________________________________________________________________________________
  • Nr.
     2017/33
  • Di da publicaziun 
    30 da zercladur 2017
  • Petent 
    Balz Halter e Christina Marie Oppelt
    Ackerweg 3
    8907 Wettswil
  • Architect/Representant 
    cavelti derungs ag
    Glennerstrasse 18
    7130 Ilanz
  • Baghetg 
    Lavurs da manteniment casa da vacanzas e sanaziun tetg
  • Damondas supplementaras 
    –
  • Parcella / zona 
    1462 / W2
  • Quartier/Via 
    Via Bigliac 26
  • Termin d’ exposiziun 
    30-06-2017 – 20-07-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

 

Damondas da baghegiar dils 23-6-2017
  • Nr. 
    2017/27
  • Di da publicaziun 
    23 da zercladur 2017
  • Petent 
    Heini Ursina
    Kiefernweg 9
    8057 Zürich
  • Architect/Representant 
    Josef+Doris Heini-Stadelmann
    Via Bigneras 17
    7153 Falera
  • Baghetg 
    Construcziun nova annexa entrada e diversas lavurs da manteniment, casa existenta
  • Damondas supplementaras 
    –
  • Parcella / zona 
    20 / W2
  • Quartier/Via 
    Via Bigneras 17
  • Termin d’ exposiziun 
    23-06-2017 – 13-07-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr. 
    2017/28
  • Di da publicaziun 
    23 da zercladur 2017
  • Petent 
    René+Yvette Ehrenbold
    Wettsteinstrasse 77
    8332 Russikon
  • Architect/Representant 
    Architectura Bearth+Cavegn
    Via Spineus 14
    7165 Breil/Brigels
  • Baghetg 
    Engrondaziun habitaziun existenta
  • Damondas supplementaras 
    –
  • Parcella / zona 
    587 / W2
  • Quartier/Via 
    Via Bigneras 10
  • Termin d’ exposiziun 
    23-06-2017 – 13-07-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

________________________________________________________________________________________________________________________________

  • Nr.
     2017/30
  • Di da publicaziun 
    23 da zercladur 2017
  • Petent 
    Jürg Keller
    Via Suriert 24
    7153 Falera
  • Architect/Representant 
    Jürg Keller
    Via Suriert 24
    7153 Falera
  • Baghetg 
    Annexa suosta plaz da seser ost
  • Damondas supplementaras 
    –
  • Parcella / zona 
    397 / W2
  • Quartier/Via 
    Via Suriert 24
  • Termin d’ exposiziun 
    23-06-2017 – 13-07-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

 

Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Damondas da baghegiar dils 16-6-2017
  • Nr. 
    2017/23
  • Di da publicaziun 
    16 da zercladur 2017
  • Petent 
    Benedetg Chistell
    Via Fuorns 38
    7153 Falera
  • Architect/Representant
    –
  • Baghetg 
    Renovaziun dalla tegia existenta
  • Damondas supplementaras 
    –
  • Parcella / zona 
    892 / Zona d’agricultura
  • Quartier/Via 
    Sorts
  • Termin d’ exposiziun 
    16-06-2017 – 06-07-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Temps d’avertura canzlia communala – Firau da Sontgilcrest

L’administraziun communala resta serrada gievgia, ils 15 da zercladur 2017.

Nus supplichein per enconuschientscha.

Damondas da baghegiar dils 9-6-2017
  • Nr. 
    2017/25
  • Di da publicaziun 
    9 da zercladur 2017
  • Petent 
    Benedikt Goldkamp
    Rebstrasse 16
    8426 Lufingen
  • Architect/Representant 
    Boner GmbH
    Via Nova 15
    7017 Flims Dorf
  • Baghetg 
    Tendas da sulegl per la terrassa/curtgin
  • Damondas supplementaras 
    –
  • Parcella / zona 
    513 / W2
  • Quartier/Via 
    Via Samun 7
  • Termin d’ exposiziun 
    09-06-2017 – 29-06-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Serrada dalla via a caschun dalla fiasta da cant sursilvana

Ils 10 da zercladur 2017 ha liug la fiasta da cant sursilvana a Falera. Il Plaz Fontauna vegn era duvraus per quella fiasta da cant. Ord quei motiv sto la via vegnir serrada en quei liug pil traffic naven da mesjamna sera, ils 7 da zercladur entochen gliendisdis endamaun, ils 12 da zercladur 2017.

Nus supplichein da risgaurdar las signalisaziuns corrispundentas ed engraziein per la capientscha.

Temps d’avertura canzlia communala sur Anceinza e Tschuncheismas

L’administraziun communala resta serrada ils suandonts dis:

gievgia, ils 25 da matg 2017
venderdis, ils 26 da matg 2017
gliendisdis, ils 5 da zercladur 2017

Nus supplichein per enconuschientscha.

Sera d’informaziun e presentaziun dil project per ina zona d’indigens a Manduns/Trutg

En num dalla vischnaunca politica, vischnaunca burgheisa e pleiv catolica envidein nus tuttas vischinas e tuts vischins sco era tuts interessai tier ina sera d’informaziun e presentaziun.

La sera d’informaziun e presentaziun ha liug venderdis, ils 2 da zercladur 2017, allas 20.15 uras, la fermata, Stonas I.

Nus selegrassan sin ina stedia participaziun.

Suenter la presentaziun envida la vischnaunca politica tier in aperitiv.

Resultats votaziun dils 21-5-2017

Ils resultats dalla vischnaunca da Falera anfleis Vus cheu.

Damondas da baghegiar dils 19-5-2017
  • Nr.
    2017/18
  • Di da publicaziun
    19 da matg 2017
  • Petent
    Daniel+Corinne Fasnacht-Benker
    Gunnenberg 19
    8917 Oberlunkhofen
  • Architect/Representant
    Gross+Rüegg Dipl. Arch. FH/SIA AG
    Promenada 1
    7018 Flims Waldhaus
  • Baghetg
    Construcziun d’ina finiastra supplementara ella fatschada vest
  • Damondas supplementaras
    –
  • Parcella / zona
    268 / WG3
  • Quartier/Via
    Via Cabriec 14
  • Termin d’ exposiziun
    19-05-2017  – 08-06-2017
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Protocol

Dil protocol dalla radunonza communala dils 5 da matg 2017 sa vegnir priu naven d’immediat envesta sin canzlia communala.

Sch’ei vegn fatg neginas protestas a scret entochen la proxima radunonza communala vala il protocol sco approbaus.

Dumbraziun dallas habitaziuns vitas pigl 1-6-2017

Igl uffeci federal da statistica meina puspei atras ina dumbraziun dallas habitaziuns vitas.

Possessurs da casas ni administraziuns d’immobilias, che han pigl 1 da zercladur 2017 habitaziuns ni casas d’ina famiglia vitas ein obligai da communicar quei per telefon (081 921 35 15) ni a scret alla canzlia communala entochen sil pli tard ils 2 da zercladur 2017.

Sco habitaziuns vitas el senn da quella dumbraziun vegnan tut las habitaziuns mobiliadas ni buca mobiliadas quintadas, las qualas adempleschan las suandontas duas cundiziuns:

– habitaziuns ni casas d’ina famiglia ch’ein il di da controlla (1-6-2017) vitas denton habitablas e

– ch’ein il di da controlla (1-6-2017) screttas ora per schar a tscheins permanent per minimal 3 meins ni venalas.

Nus engraziein per la cooperaziun.