Dumengia, ils 12 da fevrer 2023

link

Sonda, ils 4 da fevrer 2023

link

Sonda, ils 7 da matg 2022 dallas 8.00-11.00 uras sa vegnir dismess rauba blocconta.

Ils containers per dismetter la rauba vegnan tschentai si sil parcadi Fandrels.

Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.

Ils suandonts rumians astgan en mintga cass buca vegnir dismess el rom da rimnadas da rauba blocconta:

rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.

Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.

Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:

apparats electrics                                    gratuit
batterias da motos                                  frs. 5.– per toc
batterias d’auto pign/grond                   frs. 10.–/20.– per toc
pneus da privats senza gaveglias          frs. 5.– per toc
pneus da privats cun gaveglias              frs. 10.– per toc

Quella rauba vegn dismessa separau dalla rauba blocconta entras ils luvrers communals.

Ils luvrers communals han l’incumbensa da visar anavos rauba che corrispunda buca als criteris da rumien bloccont.

Nus supplichein per enconuschientscha.

• Nr.
  2022/23
• Di da publicaziun
  08-04-2022
• Petent
  Gion und Lukretia Candreja, Valserstrasse 29A, 7130 Ilanz
• Architect/Representant
  CAMINADA, Architekten ETH SIA, Via Principala 59, 7014 Trin
• Baghetg
  Construcziun nova casa d’ina famiglia (construcziun d’empremas habitaziuns)
• Damondas supplementaras
  –
• Parcella/zona
  135/W2
• Quartier/Via
  Via Chistiala
• Termin d’ exposiziun
  08-04-2022 – 28-04-2022
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

• Nr.
  2022/19
• Di da publicaziun
  01-04-2022
• Petent
  Max Bachofen, Blüemlisalpstrasse 22, 8006 Zürich, Rolf + Franziska Fallegger, Himmelrichstr. 20, 6340 Baar
• Architect/Representant
  MT Architektur & Baumanagement, Via Isla 37, 7151 Schluein
• Baghetg
  Diversas lavurs da sanaziun dadens/dado e contuorn
• Damondas supplementaras
  –
• Parcella/zona
  19/W2
• Quartier/Via
  Via Manduns 24
• Termin d’ exposiziun
  01-04-2022 – 21-04-2022
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

• Nr.
  2022/12
• Di da publicaziun
  18 da mars 2022
• Petent
  StWEG Casa Scaletta c/o Gerd Sieger, Schornäglenstrasse 38, 8623 Wetzikon
• Architect/Representant
  Casutt AG sanitär und heizung, Via Principala 18, 7151 Schluein
• Baghetg
  Pumpa da scaldar cun sondas ella tiara
• Damondas supplementaras
  –
• Parcella/zona
  113/W2
• Quartier/Via
  Via Chistiala 39
• Termin d’ exposiziun
  18-03-2022 – 07-04-2022
• Protestas
  Concernent il dretg public ein da far a scret duront il temps d’ exposiziun alla suprastonza communala.
  Investa dils plans sa vegnir priu sin canzlia communala.

Tenor il conclus dils 13 da december 2021 intenziunescha la suprastonza communala, sebasond sin igl art. 63 dalla Lescha davart la planisaziun dil territori per il cantun Grischun (LPTGR) ed ils art. 22 ss. dall’Ordinaziun davart la planisaziun dil territori per il cantun Grischun (OPTGR), d’introducir la pro-cedura da contribuziun per sanar las vias da rimnada el sectur dil center dil vitg («basa») sco suonda:

• Ovra:
  l’ovra che vegn sanada cumpeglia la Via Principala denter la colligiaziun dil parcadi La Mutta e Plaz Fontauna, la Via Encarna tochen la fermata e la Via Bigliac (marcada sin il plan d’introducziun cun ner).
• Schazetg approximativ dils cuosts:
  CHF 1’700’000.— (nunligiont)
• Parts dils cuosts:
  part dalla vischnaunca (part dall’interessenza publica): 50 %
  part privata (part dall’interessenza privata): 50 %
• Territori da contribuziun:
  tut las zonas da construcziun
  menaschis agricols da gudogn principal
• Actas d’exposiziun:
  text da publicaziun
  plan «Procedura da contribuziun per sanar las vias da rimnada el sec-tur dil center dil vitg 1:5’000» (plan d’introducziun)
• Termin d’exposiziun:
  naven dils 4 da mars 2022 tochen ils 4 d’avrel 2022 (30 dis)
• Liug d’exposiziun/temps:
  Administraziun communala Falera, Via Principala 45c, 7153 Falera, du-ront las uras d’avertura dil spurtegl. Ins sa era prender envesta dallas actas sin la pagina d’internet dalla vischnaunca www.falera.net.
• Protestas:
  Encunter l’introducziun dalla procedura da contribuziun intenziunada, encunter l’ovra che duei vegnir sanada, encunter il perimeter da con-tribuziun sco era encunter las parts dall’interessenza publica e privata sa vegnir fatg recuors duront l’exposiziun publica alla suprastonza communala, e quei en scret e cun indicar ils motivs. Suenter la termi-naziun dalla procedura d’exposiziun relai la suprastonza communala il conclus d’introducziun e communichescha quel allas parts participadas ed ad eventualas parts recurrentas.

• Plan «Procedura da contribuziun per sanar las vias da rimnada el sectur dil center dil vitg 1:5’000» (plan d’introducziun)

ils 12 e 13 da mars 2022 en la fermata

flyer

Nus fagiein attents sin las suandontas prescripziuns en connex cun damondas da baghegiar:

Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.

Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.

Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.

Nus supplichein per enconuschientscha ed engraziein per l’observaziun da quellas prescripziuns.

La vischnaunca da Falera offerescha lenna da brisch sco suonda:

Liug (plaz da lenna):            Curtgani ni avon casa

Prezi:                                    pégn, plaz da lenna, frs. 71.–/m3
g                                               pégn, avon casa, frs. 86.–/m3
g                                               (access cun camiun sto esser pusseivel)

g                                                lenna dira, plaz da lenna, frs. 103.–/m3
g                                                lenna dira, avon casa, frs. 118.–/m3
g                                                (access cun camiun sto esser pusseivel)

La surdada succeda en fuorma da lenna liunga. Las empustaziuns ein d’inoltrar entochen ils 4 da mars 2022 a scret all’administraziun communala Falera (E-Mail: info@falera.net).

Stelleninserat

• Nr.
  2022/06
• Di da publicaziun
  11-02-2022
• Petent
  Eva+Michael Schaub Eberle, Lyrenweg 21a, 8047 Zürich
• Architect/Representant
  –
• Baghetg
  Construcziun gallaria da durmir ord lenn e diversas lavurs da sanaziun
• Damondas supplementaras
  –
• Parcella/zona
  1589/W2
• Quartier/Via
  Prau da Cuort 13
• Termin d’ exposiziun
  11-02-2022 – 03-03-2022
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

Termins spital regiunal Surselva, Glion

Informaziuns pagina d’internet cantun Grischun

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 10 da fevrer 2022                    15.00-17.00 uras
venderdis, ils 11 da fevrer 2022               15.00-17.00 uras
dumengia, ils 13 da fevrer 2022               09.45-10.15 uras

Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.

Votantas ni votants che han buca survegniu tarmess tier il material da votar, san retrer quel entochen venderdis, ils 11 da fevrer 2022 tier la canzlia communala.

Ils formulars da taglia per igl onn 2021 ein vegni tarmess dall’administraziun cantunala da taglia il meins schaner. Tgi che ha buca survegniu ils formulars, sa pretender quels tier igl uffeci communal da taglia. Il program da tschentar ora la declaronza SofTax 2021 sa vegnir cargaus giu dalla pagina d’internet sut www.stv.gr.ch.

Ils termins per inoltrar las declaronzas ein fixai sco suonda:
Ils 31 da mars 2022 per persunas cun activitad da gudogn dependenta, students, pensiunai e disoccupai. Ils 30 da settember 2022 per persunas cun activitad da gudogn independenta, societads semplas e persunas domiciliadas ordeifer il cantun Grischun cun immobiglias el cantun Grischun resp. en vischnaunca.

Naven dils 1 da schaner 2022 san las declaronzas da taglia (naven da la perioda da taglia 2021) inoltradas niev senza suttascripziun electronica. Per la transmissiun electronica da mintga declaronza da taglia 2021 drova ei in agen code. Vus anfleis quel sin l’invitaziun d’inoltrar la declaronza da taglia 2021 ni sin il formular principal pagina 1 giudem. La quittanza che vus retschevis suenter la suttascripziun electronica, sto buca pli vegnida squitschada ora, suttascreta e tarmessa per posta all’administraziun cantunala da taglia, ella ei sulet per voss’atgna documentaziun.

Prolungaziun dil termin
Damondas per ina prolungaziun dil termin ein da far avon ch’il termin d’inoltraziun scroda (nr. da register, num, prenum e vischnaunca). La damonda ei da tschentar sco suonda:
online:                                www.stv.gr.ch
via e-mail:                          fristgesuche@stv.gr.ch
ni a scret:                           Kantonale Steuerverwaltung GR
k                                          Fristgesuche/KO
k                                          Steinbruchstrasse 18, 7001 Chur

Informaziuns
Davart eventualas damondas stat igl uffeci communal da taglia (tel. 081 921 35 15) ni l’allianza da taglia Laax (tel. 081 921 51 13) a disposiziun.

• Nr.
  2022/01
• Di da publicaziun
  21-01-2022
• Petent
  B.+H. Casutt-Brüschweiler, Via dual Sut 16, 7153 Falera
• Architect/Representant
  Hesaplan AG, Via Isla 37, 7151 Schluein
• Baghetg
  Pumpa da scaldar cun aria ed aua
• Damondas supplementaras
  –
• Parcella/zona
  71/D
• Quartier/Via
  Via dual Sut 16
• Termin d’ exposiziun
  21-01-2022 – 10-02-2022
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

Dil protocol dalla radunonza communala dils 10 da december 2021 sa vegnir priu naven d’immediat envesta sin canzlia communala.

Protestas ston vegnir inoltradas en scret alla suprastonza communala duront il temps d’exposiziun da 30 dis.

Sin fundament digl art. 152 alinea 3 ed art. 153 alinea 3 dalla lescha cantunala da taglia e tenor art. 2 dalla lescha da taglia dalla vischnaunca da Falera sco era tenor disposiziun dil departament da finanzas e vischnauncas dil cantun Grischun fixescha la suprastonza communala mintg’onn il tscheins da retard e da bunificaziun.

Il tscheins da retard ei da contribuir dils pagataglias che pagan memia tard ils quens da taglia. Il tscheins da bunificaziun han tals dabien che han pagau importos memia aults sin fundament d’in quen da taglia provisoric.

La suprastonza communala decida las suandontas taxas per tut las taglias communalas:

Il tscheins da retard pigl onn 2022 munta 4 %
Il tscheins da bunificaziun pigl onn 2022 vegn fixaus sin 0.0 %

Las taxas d’incasso muntan:

secunda admoniziun fr. 30.—
damonda da stumadira fr. 100.—
pretensiun d’avertura da dretg fr. 200.—
stizzada concedida d’ina inscripziun el register da stumaziun fr. 30.—

Quellas tariffas valan era per tut las ulteriuras pretensiuns dalla vischnaunca.

Plinavon decida la suprastonza communala sin fundament digl art. 2 dalla lescha da taglia dalla vischnaunca da Falera e sin fundament digl art. 14 dallas disposiziuns executivas tier la lescha per taxas da hosps e turissem las suandontas taxas per las taxas da hosps e turissem:

Il tscheins da retard pigl onn 2022 munta 4 %

Las taxas d’incasso e las taxas per controllas/examinaziuns muntan:

secunda admoniziun fr. 30.—
damonda da stumadira fr. 100.—
pretensiun d’avertura da dretg fr. 200.—
stizzada concedida d’ina inscripziun el register da stumaziun fr. 30.—
controllas ed examinaziuns supplementaras fr. 100.—/ura

Las lavurs da semester «terren da baghegiar buca surbaghegiau a Falera» dils students dil departament architectura dall’ETH Turitg han saviu vegnir serradas giu cun success il december 2021. Entgins interessents han gia saviu contemplar ils projects. Cun bia passiun ein fetg differents ed interessants projects vegni realisai sin las singulas parcellas. Ussa mein nus ella proxima fasa. Bugen lein nus discutar cun indigens ed interessents ils projects. Nus lein anflar ora, sche la populaziun da Falera sa sidentificar cun talas fuormas da habitar.

Venderdis, ils 14 da schaner 2022 envidein nus Vus cordialmein da vistiar l’exposiziun dils projects. L’exposiziun vegn aviarta naven dallas 16.00 uras en la fermata. Entgins students ein medemamein presents per declarar ils projects.

Naven dallas 19.00 uras vegn lu ad haver liug ina discussiun. Signur prof. Gion A. Caminada vegn a discutar e presentar ils projects.

Silsuenter astgeis Vus bugen appurtar Vossas propostas ed ideas. Nus sperein aschia, che la proxima fasa survegni gleiti ina fuorma concreta.

Nus essan spannegiai e selegrein nus!

Per l’occurrenza vala 2G (vaccinau ni guari) ed in obligatori da mascras.

• Nr.
  2021/89
• Di da publicaziun
  24-12-2021
• Petent
  Finanz Infra AG, Via Murschetg 17, 7032 Laax
• Architect/Representant
  Casutt Wyrsch Zwicky AG, Via Principala 45d, 7153 Falera
• Baghetg
  Sanaziun indrez da bischar e nova staziun da pumpar
• Damondas supplementaras
  –
• Parcella/zona
  Diversas / Zona d’agricultura, securclont cun zona per sport d‘ unviern e zona da bischar
• Quartier/Via
  Curnius – Fatschas – Larnags – Murschetg
• Termin d’ exposiziun
  24-12-2021 – 13-01-2022
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

Sco gia communicau dalla radunonza communala dils 10 da december 2021 ha liug ils 21 da december 2021 naven dallas 9.00 uras entochen las 21.00 uras en la fermata la presentaziun finala dallas lavurs da semester «terren da baghegiar buca surbaghegiau a Falera» dil project dil departament D-ARCH (ETH Turitg) cun signur prov. Gion A. Caminada.

Vus essas tuts envidai cordialmein da contemplar quei di ils projects.

Ils projects ein daventai bials! Igl ei vegniu luvrau ora cun bia premura e breigia numerus models e plans.

Bugen discutein nus cun Vus quella sera sur dallas ideas ed ils resultats ch’ein vegni luvrai ora.

Per l’occurrenza vala 2G (vaccinau ni guari) ed in obligatori da mascras.

Preziadas convischinas e preziai convischins

La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2021.

Nus giavischein a tuts ina biala e benedida fiasta da Nadal ed egl onn niev bia cletg, ventira ed oravontut buna sanadad.

Ils pigneuls empustai san vegnir retratgs mesjamna, ils 22 da december 2021 naven dallas 12.30 – 13.00 uras sil parcadi Fandrels a Falera.

Ils pigneuls empustai ston vegnir pagai ordavon sin canzlia communala.

La canzlia communala stat serrada ils suandonts dis:

venderdis, ils 24 da december 2021
gliendisdis, ils 27 da december 2021

venderdis, ils 31 da december 2021

A caschun dalla radunonza communala dils 26 da mars 2021 ei vegniu approbau la revisiun dil reglament per l’utilisaziun dallas vias e sendas communalas.

En quei connex ei era vegniu adattau e cumplettau la signalisaziun da traffic. Per habitonts, proprietaris da terren, migiurs e fittaders permanents vegn ei era a dar naven digl 1. da schaner 2022 novas lubientschas da carrar limitadas.

Las lubientschas cotschnas actualas ein cun quei mo aunc pli valeivlas entochen ils 31 da december 2021.

Las novas lubientschas da carrar per habitonts, proprietaris da terren, migiurs e fittaders permanents valeivlas pils onns 2022-2024 san vegnir retratgas naven digl 1. da december 2021 per fr. 10.— tier l’administraziun communala. Quellas ein valeivlas naven digl 1. da schaner 2022.

Per saver retrer quella lubientscha da carrar pigl agen vehichel ston las persunas legitimadas (habitonts, proprietaris da terren, migiurs e fittaders permanents) presentar il certificat dil vehichel. Las lubientschas melnas per visitaders/hosps e las lubientschas/vignettas pil traffic da lavur vegnan buca midadas e restan vinavon valeivlas.

Las prescripziuns da traffic corrispundentas ed il reglament per far diever dallas vias e sendas communalas ein publicai sin la pagina d’internet dalla vischnaunca www.falera.net.

Nus supplichein per enconuschientscha.