9 da matg 2020
Concert ha buca liug!
9 da matg 2020
Concert ha buca liug!
Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug
mesjamna, ils 5 da fevrer 2020, denter las 13.30 uras e las 15.00 uras.
Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils differents signals d’alarm cun ils tals la populaziun vegn alarmada en cass da prighel.
Ulteriuras informaziuns e reglas da secuntener anfleis Vus sin las paginas d’internet https://www.babs.admin.ch/de/alarm/alarmierung.html e https://www.alert.swiss/de/home.html e sin las paginas da teletext 680/681.
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 6 da fevrer 2020 15.00-17.00 uras
venderdis, ils 7 da fevrer 2020 15.00-17.00 uras
dumengia, ils 9 da fevrer 2020 09.45-10.15 uras
Il cedel da dretg da votar (cedel alv) ei da dar giu all’urna.
Votantas ni votants che han buca survegniu tarmess tier il material da votar, san retrer quel entochen venderdis, ils 7 da fevrer 2020 tier la canzlia communala.
Las marcas da tgauns per igl onn 2020 ein da retrer naven d’immediat entochen sil pli tard ils 29 da fevrer 2020 tier la canzlia communala.
La taxa per igl emprem tgaun munta a frs. 40.—. Per mintga ulteriur tgaun el medem tenercasa munta la taxa frs. 110.—.
Preziadas habitontas e preziai habitonts
Preziai hosps
Venderdis, ils 31 da schaner 2020, naven dallas 17.00 uras, la fermata orientescha la vischnaunca ensemen cun representants dalla Weisse Arena Gruppe, Senn Resources AG ed igl architect prof. Gion A. Caminada sur dil project «La Mutta» e la nova colligiaziun cun ina pendiculara pil territori da skis.
Bugen envidein nus Vus tier quella orientaziun. Vus retscheveis informaziuns tiel project e saveis sebrattar ora culs iniziants dil project. Suenter l’informaziun vegn offeriu in aperitiv.
Nus selegrein sin biaras visitadras e biars visitaders.
A caschun dalla radunonza communala dils 13 da december 2019 ha la vischnaunca orientau sur dil model directiv dil territori communal. Sco communicau da lezzas uras ha ussa liug ina exposiziun publica.
L’exposiziun per la collaboraziun tier la formaziun dil model directiv dil territori communal (KRL) cuozza naven dils 25 da schaner entochen ils 13 da fevrer 2020.
Ils documents ein publicai sin canzlia communala. Medemamein ein ils documents era publicai sin la pagina d’internet dalla vischnaunca www.falera.net.
Inoltraziuns ein da far a scret alla suparstonza communala Falera, Via Principala 45c, 7153 Falera duront l’exposiziun currenta.
Nus encurin sigl 1. da matg 2020 ni tenor cunvegnientscha in/a collaboratur/a uffeci da baghegiar 20 %.
Sin fundament digl art. 152 alinea 3 ed art. 153 alinea 3 dalla lescha cantunala da taglia e tenor art. 2 dalla lescha da taglia dalla vischnaunca da Falera sco era tenor disposiziun dil departament da finanzas e vischnauncas dil cantun Grischun fixescha la suprastonza communala mintg’onn il tscheins da retard e da bunificaziun.
Il tscheins da retard ei da contribuir dils pagataglias che pagan memia tard ils quens da taglia. Il tscheins da bunificaziun han tals dabien che han pagau importos memia aults sin fundament d’in quen da taglia provisoric.
La suprastonza communala decida las suandontas taxas per tut las taglias communalas:
Las taxas d’incasso muntan:
Plinavon decida la suprastonza communala sin fundament digl art. 2 dalla lescha da taglia dalla vischnaunca da Falera e sin fundament digl art. 14 dallas disposiziuns executivas tier la lescha per taxas da hosps e turissem las suandontas taxas per las taxas da hosps e turissem:
Las taxas d’incasso e las taxas per controllas/examinaziuns muntan:
Dil protocol dalla radunonza communala dils 13 da december 2019 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
Ils pigneuls da Nadal san vegnir dismess mintgamai sper ils posts da rimnada da rumien ufficials en vischnaunca.
Ils pigneuls ch’ein deponi en quels loghens vegnan rimnai e dismess dils luvrers communals gratuitamein.
Nus supplichein per enconuschientscha.
La suprastonza communala envida ensemen cun l’uniun da dunnas Falera tuttas convischinas e convischins sco era tut nos hosps tier in aperitiv da Daniev.
Nus s’entupein igl 1. da schaner 2020 naven dallas 16.00 – 18.00 uras sil prau davos la fermata. Communablamein lein nus far in viva sil niev onn.
Nus selegrein sin biaras visitadras e biars visitaders.
La canzlia communala stat serrada ils suandonts dis:
mardis, ils 24 da december 2019
mesjamna, ils 25 da december 2019
gievgia, ils 26 da december 2019
mardis, ils 31 da december 2019
mesjamna, igl 1. da schaner 2020
gievgia, ils 2 da schaner 2020
Preziadas convischinas e preziai convischins
La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2019.
Nus giavischein a tuts ina biala e benedida fiasta da Nadal ed egl onn niev bia cletg, ventira e buna sanadad.
Ils resultats dalla radunonza communala dils 13-12-2019 anfleis Vus cheu.
Ils pigneuls empustai san vegnir retratgs venderdis, ils 20 da december 2019 naven dallas 12.30 – 13.00 uras sil parcadi Fandrels a Falera.
Ils pigneuls empustai ston vegnir pagai ordavon sin canzlia communala.
La suprastonza communala ha a caschun dalla sesida dils 21 da november 2019 elegiu Pius Winzap da Falera sco niev luvrer communal. Pius Winzap vegn ad entscheiver sia nova plazza da lavur igl 1. da fevrer 2020.
Nus gratulein a Pius Winzap tier quell’elecziun e giavischein ad el bia plascher cun sia nova incumbensa.
Venderdis, ils 13 da december 2019, 20.15 uras, Stonas I, la fermata
Tractandas:
Il preventiv vegn tarmess tier els proxims dis a tuttas casadas. Ulteriurs exemplars san vegnir retratgs tier l’administraziun communala ni cargai giu dalla pagina d’internet dalla vischnaunca.
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Ei sa vegnir empustau las suandontas sorts e grondezias:
pégn da Nordmann:
80-100 cm
125-150 cm
175-200 cm
225-250 cm
300-350 cm
pégn:
80-100 cm
100-150 cm
150-200 cm
200-300 cm
Las empustaziuns ein d’inoltrar alla canzlia communala (tel. 081 921 35 15 ni e-mail: info@falera.net) entochen sil pli tard venderdis, ils 29 da november 2019. Empustaziuns che vegnan fatgas suenter quei termin san deplorablamein buca pli vegnir risguardadas.
Ils pigneuls empustai ston vegnir pagai sin canzlia communala ordavon. Venderdis, ils 20 da december 2019 naven dallas 12.30-13.00 uras san ils pigneuls vegni retratgs sil parcadi Fandrels.
Fatschentas, ustrias e persunas privatas che lessan retrer pil temps d’advent pigneuls ni dascha, san dar si lur empustaziun entochen sil pli tard venderdis, ils 8 da November 2019 tier la canzlia communala (081 921 35 15)
Nus encurin sigl 1. da fevrer 2020 ni tenor cunvegnientscha in
luvrer communal 100 %.
Dapli informaziuns sut www.falera.net.
Applicond art. 49 dalla lescha da planisaziun cantunala (KRG) ha la regenza dil cantun Grischun approbau cun conclus nr. 743 dils 15 d’october 2019 la revisiun parziala dalla planisaziun locala per la vischnaunca da Falera, decidida dalla radunonza communala dils 10 da matg 2019.
Dils acts da planisaziun approbai (plan da zonas dad auas 1:5000, rapport da planisaziun e cooperaziun, rapport accumpignont), sco era digl entir conclus dalla regenza sa vegnir priu envesta duront 30 dis sin canzlia communala.
Sonda, ils 9 da november 2019 dallas 8.00-11.00 uras sa vegnir dismess rauba blocconta.
Ils containers per dismetter la rauba vegnan tschentai si sil parcadi Fandrels.
Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.
Ils suandonts rumians astgan en mintga cass buca vegnir dismess el rom da rimnadas da rauba blocconta:
rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.
Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.
Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:
apparats electrics gratuit
bischels fluorescents, pérs da cazzola gratuit
batterias da motos frs. 5.— per toc
batterias d’auto frs. 10.— per toc
pneus da privats senza gaveglias frs. 5.— per toc
pneus da privats cun gaveglias frs. 10.— per toc
Quella rauba vegn dismessa separau dalla rauba blocconta entras ils luvrers communals.
Ils luvrers communals han l’incumbensa da visar anavos rauba che corrispunda buca als criteris da rumien bloccont.
Nus supplichein per enconuschientscha.
A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias.
Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils cuosts ein da surprender dils pertuccai.
Per purs che pervesan lur animals sin beins buca habitai ord la zona da baghegiar sa la suprastonza communala en cass da basegn far excepziuns e decider sut tgei cundiziuns ch’ina rumida sa vegnir fatga. Per che nus seigien semtgei sigl unviern supplichein nus il purs pertuccai da s’annunziar a scret tier la canzlia communala entochen ils 8 da november 2019 cun indicar nua e per tgei temps ina rumida fuss necessaria.
Nus rimnein pupi vegl e cartun sco suonda:
mesjamna, ils 13 da november 2019
Il pupi ni cartun sto vegnir ligiaus ensemen mintgamai separau e deponius beinveseivel sper via. Per la rimnada valan suandontas uras:
cartun, 7.00 uras entras ils luvrers communals
pupi, 8.15 uras entras la scola.
Il pupi ni cartun ch’ei buca sortius in da l’auter e ligiaus mintgamai ensemen vegn buca dismess.
Nus supplichein da setener vid quellas prescripziuns ed engraziein persuenter.
Consorzi da scola scolaviva
La suprastonza communala envida las uniuns dil vitg tier ina sesida da coordinaziun pertuccont occurrenzas 2020.
La sesida ha liug sco suonda:
gliendisdis, ils 4-11-2019, allas 20:00 uras, la fermata, Gonda.
Nus sperein che mintga uniun sappi tarmetter silmeins in delegau dalla suprastonza.
Seccapescha ein era persunas privatas, ch’ein interessadas dad organisar occurrenzas, envidadas tier quella sesida.
Ils 3 d’october 2019 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.
Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.
Dil resultat da quella emprova sa vegnir priu envesta sin canzlia communala ni sut www.falera.net.
Muort il firau da Numnasontga resta l’administraziun communala serrada venderdis, igl 1. da november 2019 igl entir di.
Gliendisdis, ils 4 da november 2019 essan nus bugen puspei cheu per Vus.
Nus supplichein per enconuschientscha.
Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers.
Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.
Tenor las disposiziun executivas tier la lescha da pumpiers dalla vischnaunca da Falera entscheiva l’obligaziun da dar pumpiers egl onn, el qual il 20avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.
La taxa da basa per la taxa da cumpensaziun munta per obligai da far pumpiers cun domicil cumplein (di da referenza mintgamai ils 31-12) fr. 280.—/onn. Tier domicil jamnil cun domicil cumplein (di da referenza mintgamai ils 31-12) munta la taxa da basa per la taxa da cumpensaziun fr. 100.—/onn.
Persunas ch’ein obligadas da far pumpiers e che lessan prestar survetsch san s’annunziar entochen ils 29 da november 2019 cul formular corrispundent. Il formular ei publicaus sin la pagina d’internet https://www.laax-gr.ch/feuerwehr.php.
Persunas che prestan gia survetsch e lessan pagar niev la taxa da cumpensaziun enstagl da prestar survetsch activ duein s’annunziar a scret entochen ils 29 da november 2019 tiel cumandant da pumpiers.
Per ulteriuras informaziuns stat il cumandant da pumpiers, Adrian Walser (Natel 076 574 47 85 ni E-Mail: feuerwehr@laax-gr.ch) bugen a disposiziun.
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 17 d’october 2019 15.00-17.00 uras
venderdis, ils 18 d’october 2019 15.00-17.00 uras
dumengia, ils 20 d’october 2019 09.45-10.15 uras
Il cedel da dretg da votar (cedel alv) ei da dar giu all’urna.
Votantas ni votants che han buca survegniu tarmess tier il material da votar, san retrer quel entochen venderdis, ils 18 d’october 2019 tier la canzlia communala.
Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. ein da deliberar da caglias e roma.
Caglias e roma sco era ulteriuras emplontaziuns (cotoneaster eav.) ein da tagliar anavos sin in’altezia da 4.5 m sur via e cun ina distanza da minimum 50 cm naven dalla via communala.
Nus supplichein privats, administraziuns e pedels da casas da vacanzas da mirar che quellas lavurs vegnan exequidas entochen ils 31 d’october 2019.
Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.
Tenor artechel 4 a) dil reglament pil manteniment dallas ovras da meglieraziun dalla vischnaunca da Falera ston tut las scarpas per liung dallas vias da funs vegnir cultivadas gratuitamein dil cunfinont (segar, tagliar caglias e roma etc.).
Nus supplichein perquei tuts possessurs da terren da mirar che plontas e caglias seigien tagliadas anavos aschia che quellas creschan buca sur ils cunfins ellas vias da meglieraziun. Quellas lavurs ston vegnir exequidas entochen ils 31 d’october 2019.
Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Attest da famiglia
• Cudisch militar / Cudischet dalla protecziun civila
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.
Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Tenor las prescripziuns d’energia vertentas dil cantun Grischun ein pegnas mobilas per diever commercial ora el liber lubidas sulettamein, sche las emissiuns da CO2 vegnan cumpensadas. Sco pegnas mobilas valan oravontut ils schi numnai “bulius da scaldar”, cundrez da scaldar per tendas (per exempel exposiziuns, events etc.) era radiaturs e radiaturs d’infratgietschen. Per astgar duvrar pegnas mobilas el liber, basegna ei ina vignetta respectivamein pliras vignettas che ston vegnir renovadas annualmein. Ina vignetta entochen 14kw cuosta 60 francs e sa vegnir retratga sin canzlia communala.
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Muort il firau da Nossadunna d’uost resta l’administraziun communala serrada gievgia, ils 15 d’uost 2019.
Uniuns e persunas che lessan far diever dallas localitads da vischnaunca el Center Communal, en casa da scola ni en la fermata ein supplicadas da far ina damonda a scret alla canzlia communala entochen ils 2 d’uost 2019.
Administraziun communala Falera
Via Principala 45c
7153 Falera/GR
Tel. +41 81 921 35 15
Fax +41 81 921 41 31
E-Mail info@falera.net
Numera da conto: 70-9604-7
IBAN: CH08 0900 0000 7000 9604 7
BIC: POFICHBEXXX
gliendisdis - venderdis
avonmiezdi dallas 09.00 - 11.00 uras
suentermiezdi dallas 15.00 - 17.00 uras