Haveis Vus damondas en connex culla virola? Vuleis Vus saver tgei reacziun secundara ch’ina virola sa haver?
Archiv
La suprastonza communala envida la populaziun tier ina occurrenza d’informaziun pertuccont engrondida dil consorzi da scola dallas vischnauncas da Falera, Laax, Sagogn e Schluein.
Quell’informaziun ha liug, gievgia, ils 11 da november 2021, allas 19.30 uras, la fermata.
Per l’occurrenza ei in certificat da COVID obligatoric.
Nus supplichein per enconuschientscha.
A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias.
Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils cuosts ein da surprender dils pertuccai.
Per purs che pervesan lur animals sin beins buca habitai ord la zona da baghegiar sa la suprastonza communala en cass da basegn far excepziuns e decider sut tgei cundiziuns ch’ina rumida sa vegnir fatga. Per che nus seigien semtgei sigl unviern supplichein nus il purs pertuccai da s’annunziar a scret tier la canzlia communala entochen ils 8 da november 2021 cun indicar nua e per tgei temps ina rumida fuss necessaria.
Fatschentas, ustrias e persunas privatas che lessan retrer pil temps d’advent pigneuls ni dascha, san dar si lur empustaziun entochen sil pli tard venderdis, ils 5 da november 2021 tier la canzlia communala (081 921 35 15).
Sonda, ils 6 da november 2021 dallas 8.00-11.00 uras sa vegnir dismess rauba blocconta.
Ils containers per dismetter la rauba vegnan tschentai si sil parcadi Fandrels.
Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.
Ils suandonts rumians astgan en mintga cass buca vegnir dismess el rom da rimnadas da rauba blocconta:
rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.
Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.
Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:
apparats electrics gratuit
batterias da motos frs. 5.– per toc
batterias d’auto pign/grond frs. 10.–/20.– per toc
pneus da privats senza gaveglias frs. 5.– per toc
pneus da privats cun gaveglias frs. 10.– per toc
Quella rauba vegn dismessa separau dalla rauba blocconta entras ils luvrers communals.
Ils luvrers communals han l’incumbensa da visar anavos rauba che corrispunda buca als criteris da rumien bloccont.
Pertuccont il coronavirus supplichein nus tuts, da setener vinavon vid las reglas da cumportament e higiena dalla confederaziun. Nus supplichein da risguardar en quei connex las prescripziuns e signalisaziuns sil plaz.
Ils 5 d’october 2021 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.
Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.
Dil resultat da quella emprova sa vegnir priu envesta sin canzlia communala ni sut www.falera.net.
Venderdis, ils 22 d’october 2021 resta la canzlia communala serrada.
Nus supplichein per enconuschientscha.
- Vischnaunca
Falera - Nr.
2021/79 - Di da publicaziun
15 d’october 2021 - Petent
Wendelin Casura
Via Manduns 9, 7153 Falera - Architect/Representant
– - Baghetg
Damonda da midada d‘utilisaziun emprema habitaziun en ina habitaziun commercialisada turisticamein - Damondas supplementaras
– - Parcella/zona
60/WG2 - Quartier/Via
Via Manduns 9 - Termin d’ exposiziun
15-10-2021 – 04-11-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers.
Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.
Tenor las disposiziuns executivas tier la lescha da pumpiers dalla vischnaunca da Falera entscheiva l’obligaziun da dar pumpiers egl onn, el qual il 20avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.
La taxa da basa per la taxa da cumpensaziun munta per obligai da far pumpiers cun domicil cumplein (di da referenza mintgamai ils 31-12) fr. 280.—/onn. Tier domicil jamnil cun domicil cumplein (di da referenza mintgamai ils 31-12) munta la taxa da basa per la taxa da cumpensaziun fr. 100.—/onn.
Persunas ch’ein obligadas da far pumpiers e che lessan prestar survetsch san s’annunziar entochen ils 26 da november 2021 cul formular corrispundent. Il formular ei publicaus sin la pagina d’internet https://www.laax-gr.ch.
Persunas che prestan gia survetsch e lessan pagar niev la taxa da cumpensaziun enstagl da prestar survetsch activ duein s’annunziar a scret entochen ils 26 da november 2021 tiel cumandant da pumpiers.
Per ulteriuras informaziuns stat il cumandant da pumpiers, Sebastian Schulz (Natel 079 309 94 98 ni E-Mail: feuerwehr@laax-gr.ch) bugen a disposiziun.
Ils 8 d’october 2021, allas 20.00 uras, ha liug en la fermata in’occurrenza publica davart il tema «terren da baghegiar a Falera».
L’occurrenza sedrezza principalmein a persunas che vulan habitar a Falera egl avegnir e che drovan perquei terren da baghegiar. Nus beneventein denton bugen tut las persunas interessadas.
La vischnaunca da Falera e prof. Gion A. Caminada informeschan davart il stan dil project dallas parcellas buca surbaghegiadas a Falera gia tematisaus a caschun dalla radunonza communala. Suenter ha liug ina runda da discussiun che dat la caschun da sebrattar davart ideas, visiuns e sfidas. Per damondas dalla planisaziun dil territori stat nies planisader dil territori O. Menghini dalla firma Stauffer & Studach Raumentwicklung a disposiziun.
Il semester d’atun 2021 entscheiva il project «Falera, Dorf – Versuche nach der Schicksalsgemeinschaft» da prof. Gion A. Caminada al D-ARCH dalla SPF/ETH Turitg. La descripziun dil project anfleis Vus silla pagina d’internet dalla vischnaunca www.falera.net.
Nus selegrein sin in grond public interessau!
Per l’occurrenza ein in certificat da COVID obligatoric.
Project «Falera, Dorf – Versuche nach der Schicksalsgemeinschaft»
Resultats vischnaunca Falera
Votaziun cantunala (negina votaziun)
Votaziun federala
- termin: gievgia, ils 30 da settember 2021, 14.00-16.00 uras
- termin: gievgia, ils 28 d’october 2021, 14.00-16.00 uras
Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. ein da deliberar da caglias e roma.
Caglias e roma sco era ulteriuras emplontaziuns (cotoneaster eav.) ein da tagliar anavos sin in’altezia da 4.5 m sur via e cun ina distanza da minimum 50 cm naven dalla via communala.
Nus supplichein privats, administraziuns e pedels da casas da vacanzas da mirar che quellas lavurs vegnan exequidas entochen ils 31 d’october 2021.
Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 23 da settember 2021 15.00-17.00 uras
venderdis, ils 24 da settember 2021 15.00-17.00 uras
dumengia, ils 26 da settember 2021 09.45-10.15 uras
Igl attest da votar ei da dar giu persunalmein all’urna. Tier ina votaziun per correspndenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 24 da settember 2021 tier la canzlia communala.
Tenor artechel 4 a) dil reglament pil manteniment dallas ovras da meglieraziun dalla vischnaunca da Falera ston tut las scarpas per liung dallas vias da funs vegnir cultivadas gratuitamein dil cunfinont (segar, tagliar caglias e roma etc.).
Nus supplichein perquei tuts possessurs da terren da mirar che plontas e caglias seigien tagliadas anavos aschia che quellas creschan buca sur ils cunfins ellas vias da meglieraziun. Quellas lavurs ston vegnir exequidas entochen ils 31 d’october 2021.
Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.
- Vischnaunca
Falera - Nr.
2021/65 - Di da publicaziun
27-8-2021 - Petent
Pascal Darms
Via Giaus Sut 9, 7153 Falera - Architect/Representant
DeLaval Planungsbüro, Ueli Forrer
Säntisstrasse 15, 9230 Flawil - Baghetg
Construcziun nova nuegl liber - Damondas supplementaras
– - Parcella/zona
1161/LW+Wi - Quartier/Via
Badugns - Termin d’ exposiziun
27-8-2021 – 16-9-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
- Vischnaunca
Falera - Nr.
2021/66 - Di da publicaziun
27-8-2021 - Petent
Renatus Casutt
Via Canal 20, 7153 Falera - Architect/Representant
– - Baghetg
Spazzada e construcziun nova tegia - Damondas supplementaras
– - Parcella/zona
1166/LW+Wi - Quartier/Via
Tuaul - Termin d’ exposiziun
27-8-2021 – 16-9-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
- Vischnaunca
Falera - Nr.
2021/67 - Di da publicaziun
20 d’uost 2021 - Petent
Aluis Caduff-Cortesi
Via Lavintgin 11, 7153 Falera - Architect/Representant
– - Baghetg
Pumpa da scaldar cun aria ed aua - Damondas supplementaras
– - Parcella/zona
507/WG2 - Quartier/Via
Via Lavintgin 11 - Termin d’ exposiziun
20-08-2021 – 09-09-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Tenor las prescripziuns d’energia vertentas dil cantun Grischun ein pegnas mobilas per diever commercial ora el liber lubidas sulettamein, sche las emissiuns da CO2 vegnan cumpensadas. Sco pegnas mobilas valan oravontut ils schi numnai “bulius da scaldar”, cundrez da scaldar per tendas (per exempel exposiziuns, events etc.) era radiaturs e radiaturs d’infratgietschen. Per astgar duvrar pegnas mobilas el liber, basegna ei ina vignetta respectivamein pliras vignettas che ston vegnir renovadas annualmein. Ina vignetta entochen 14kw cuosta 60 francs e sa vegnir retratga sin canzlia communala.
Dalla sesida dils 10 d’uost 2021 ha la regenza dil cantun Grischun approbau cun conclus nr. 718/2021 la revisiun parziala dalla planisaziun locala – lescha da baghegiar, art. 22 (zona turis-tica Hotel La Mutta) tenor decisiun dalla radunonza communala dils 26 da mars 2021.
Dallas actas da planisaziun approbadas e dalla decisiun cumpletta dalla regenza sa vegnir priu envesta sin canzlia communala duront 30 dis.
Muort lavurs da construcziun vid la casa nr. 194 sin parcella nr. 248 (Via Canal 6) sto la via da quartier vegnir serrada en quei liug pil traffic mardis, ils 24 d’uost 2021 igl entir di.
Nus supplichein per enconuschientscha ed engraziein per la capientscha.
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.
- Vischnaunca
Falera
- Nr.
2021/60 - Di da publicaziun
6 d’uost 2021 - Petent
Annika Fünfschilling & Peter Vogt
Im Füchsli 6, 8180 Bülach
- Architect/Representant
–
- Baghetg
Pumpa da scaldar cun aria ed aua
- Damondas supplementaras
–
- Parcella/zona
537/W2
- Quartier/Via
Via Samun 70C
- Termin d’ exposiziun
6-8-2021 – 26-8-2021
- Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
La vischnaunca da Falera lai a tscheins sur onn las localitads d’ustria egl Observatori Mirasteilas.
Persunas ch’ein interessadas da prender a tscheins las localitads e da surprender in menaschi d’ustria sur onn a Chinginas san inoltrar lur annunzia a scret entochen ils 13 d’uost 2021 alla suprastonza communala, Via Principala 45c, 7153 Falera ni per E-Mail sin info@falera.net.
Per ulteriurs sclariments statt Orlando Steiner, commember suprastonza communala (E-Mail: osteiner@falera.net) bugen a disposiziun.
Dapli informaziuns:
Dil protocol dalla radunonza communala dils 18 da zercladur 2021 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
A caschun dalla sesida dils 22 da fenadur 2021 ei la suprastonza communala seconstituida sco suonda:
President communal: Wendelin Casutt-Cathomen
Vicepresident: Gion Cathomen
- Administraziun generala, persunal da vischnaunca, provediment social, tgira da malsauns, fatgs da scola
Cau: Wendelin Casutt-Cathomen
Substitut: Orlando Steiner - Finanzas, taglias, svilup dil vitg
Cau: Maurus Candreja
Substitut: Wendelin Casutt-Cathomen - Fatgs da baghegiar e planisaziun, vias en vischnaunca, provediment d’aua, canalisaziun, pumpiers
Cau: Gieri Blumenthal
Substitut: Gion Cathomen - Agricultura, alps, uffeci forestal, vias da meglieraziun ed uaul, dismessa da rumians, fatgs da santeri, protecziun dalla natira e digl ambient, polizia, militar, schurmetg civil
Cau: Gion Cathomen
Substitut: Gieri Blumenthal - Economia, turissem, cultura, sport
Cau: Orlando Steiner
Substitut: Maurus Candreja
- Nr.
2021/58 - Di da publicaziun
23 da fenadur 2021 - Petent
SuttCASA AG, Via Manduns 7, 7153 Falera - Architect/Representant
Silvia + Carli Casutt, Via Manduns 7, 7153 Falera - Baghetg
Remisa - Damondas supplementaras
– - Parcella/zona
1674/WG2 - Quartier/Via
Via Giaus sut 4 - Termin d’ exposiziun
23-07-2021 – 12-08-2021 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
- Nr.
2021/59 - Di da publicaziun
23 da fenadur 2021 - Petent
STWEG Sul Vitg, c/o Confidar Treuhand AG, Postfach 98, 7130 Ilanz - Architect/Representant
db Garten- und Sportanlagen, Via Isla 11, Postfach 81, 7130 Ilanz - Baghetg
Preit da protecziun encunter la canera - Damondas supplementaras
– - Parcella/zona
206/W2 - Quartier/Via
Via Stonas 16 - Termin d’ exposiziun
23-07-2021 – 12-08-2021 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Uniuns e persunas che lessan far diever dallas localitads da vischnaunca el Center Communal en casa da scola ni en la fermata ein supplicadas da far ina damonda a scret alla canzlia communala entochen ils 6 d’uost 2021.
- Vischnaunca
Falera - Nr.
2021/54 - Di da publicaziun
16 da fenadur 2021 - Petent
Aluis+Rita Casutt
Via Chistiala 66, 7153 Falera - Architect/Representant
Vincenz Weishaupt Architekten
Obere Giesslistrasse 6, 7130 Ilanz/Glion - Baghetg
Garaga annexa cun plaz da seser - Damondas supplementaras
– - Parcella/zona
118/D - Quartier/Via
Via Chistiala 66 - Termin d’ exposiziun
16-7-2021 – 5-8-2021 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
- Vischnaunca
Falera - Nr.
2021/56 - Di da publicaziun
16 da fenadur 2021 - Petent
Stefan Oesch + Irene Marti
Via Samun 24, 7153 Falera - Architect/Representant
Oesch Architektur GmbH
Alte Badenerstrasse 8, 8173 Neerach - Baghetg
Dus pumpas da scaldar cun aria ed aua - Damondas supplementaras
– - Parcella/zona
537/W2 - Quartier/Via
Via Samun 24 - Termin d’exposiziun
16-7-2021 – 5-8-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
- Vischnaunca
Falera - Nr.
2021/49 - Di da publicaziun
09 da fenadur 2021 - Petent
Regula+Patrick Caduff-Blumenthal, Via Canal 30, 7153 Falera - Architect/Representant
– - Baghetg
Manteniment stalla - Damondas supplementaras
– - Parcella/zona
1680/LW+Wi - Quartier/Via
Badugns, Falera - Termin d’ exposiziun
09-07-2021 – 29-07-2021 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
Dacuort ha nossa emprendista Aileen Dermond terminau cun fetg bien success ils examens finals sco commercianta tier l’administraziun communala Falera. Nus gratulein ad Aileen per quei success e giavischein pil futur bia plascher e satisfacziun en sia veta privata e professiunala.
La suprastonza communala ha tenor decisiun dils 21 da zercladur 2021 elegiu Guido Casutt, Falera e Roman Capaul, Falera sco novs luvrers communals.
Guido Casutt surpren naven digl 1. d’october 2021 l’incumbensa sco menader dils luvrers communals. Medemamein naven digl 1. d’october 2021 surpren Roman Capaul la responsabladad pil provediment d’aua e l’incumbensa sco substitut dil menader dils luvrers communals.
Nus gratulein a Guido Casutt e Roman Capaul tier quell’elecziun e giavischein ad els bia plascher cun lur novas incumbensas.
Il terren da baghegiar ei daventaus scarts a Falera. Per l’ina eis ei vegniu construiu bia ils davos onns. Per l’autra prevesa la nova politica territoriala il mument neginas enzonaziuns da terren da baghegiar – ils vitgs duein vegnir concentrai. Quei ei ina gronda sfida – ton dil pugn da vesta dalla planisaziun dil territori sco era dil pugn da vesta social. Malgrad quellas circumstanzias vul la vischnaunca da Falera far tut il pusseivel per possibilitar in dacasa allas persunas che vesan lur futur en nies vitg.
La vischnaunca politica, la vischnaunca burgheisa e la pleiv disponan d’entginas parcellas aunc buca surbaghegiadas. Ussa vala ei da planisar quellas precautamein. En quei senn fa la vischnaunca ponderaziuns davart fuormas futuras da surbaghegiar e da habitar.
A caschun dalla proxima radunonza communala informescha la vischnaunca corrispundentamein e presenta las ideas arisguard il project per novas zonas da baghegiar per indigens.
En connex cun quei project vul la suprastonza communala sclarir, sch’igl interess per terren da baghegiar ed eventualmein era per habitaziuns per tscheins per indigens ei avon maun.
Per saver giudicar sch’ei dat in interess per terren da baghegiar ed eventualmein era per habitaziuns per tscheins per indigens, vul la suprastonza dar la pusseivladad allas persunas interessadas da s’annunziar tier la vischnaunca. Perquei prendein nus bugen encunter intenziuns e giavischs da persunas interessadas tochen ils 15 da fenadur 2021, e quei en scret all’adressa dad e-mail info@falera.net.
Ils resultats dalla radunonza communala anfleis Vus cheu.
Dil protocol dalla radunonza communala dils 28 da matg 2021 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
Mesjamna ils 6 d’ october 2021 allas 20:00 uras
Resultats vischnaunca Falera
La suprastonza communala ha stuiu constattar ch’ei vegn dismess da certas persunas material sintetic en scudera e quei en sacs buca ufficials resp. senza taxas.
Nus fagiein aunc inagada attents sin las suandontas prescripziuns:
La dismessa dil material sintetic sto succeder els sacs ufficials blaus cun taxas dalla Regiun Surselva (rollas da 5 sacs à fr. 2.20/sac). Ils sacs per rimnar material sintetic san vegnir retratgs el Volg ni tier l’administraziun communala.
Nus sperein che quellas prescripziuns vegnan tenidas en egl avegnir. Cass cuntrari sto la suprastonza communala serrar quei niev post da rumida per material sintetic.
Nus encurin pigl 1-8-2021 ni tenor cunvegnientscha dus
luvrers communals (mintgamai 100 %).
Dapli informaziuns sut www.falera.net.
Adressa
Administraziun communala Falera
Via Principala 45c
7153 Falera/GR
Tel. +41 81 921 35 15
Fax +41 81 921 41 31
E-Mail info@falera.net
Schec postal
Numera da conto: 70-9604-7
IBAN: CH08 0900 0000 7000 9604 7
BIC: POFICHBEXXX
Uras da spurtegl administraziun communala
gliendisdis - venderdis
avonmiezdi dallas 09.00 - 11.00 uras
suentermiezdi dallas 15.00 - 17.00 uras