Fiugs artificials da Silvester
Ord motivs da segirtad eis ei scumandau da barschar giu fiugs artificials egl entir vitg.
Fiugs artificials astgan vegnir barschai giu mo si Planezzas.
Nus supplichein per enconuschientscha. Bien engraziament.
Pretensiuns per las zonas da baghegiar a Falera – Sera d’informaziun
La vischnaunca e lur planisadra informeschan sur dallas novas cundiziuns da basa per la planisaziun dil territori e sur dallas incumbensas per la vischnaunca da Falera che seresultan ordlunder.
La sera d’informaziun ha liug venderdis, ils 11 da schaner 2019, 20.15 uras, la fermata, Stonas I.
Tuts interessai ein cordialmein envidai da schar s’informar.
Invitaziun aperitiv da Daniev
Enstagl digl aperitiv da Silvester ha la suprastonza communala decidiu da menar atras in aperitiv da Daniev.
Ord quei motiv envida la suprastonza communala ensemen cun l’uniun samaritana tuttas convischinas e tuts convischins sco era tut nos hosps tier in aperitiv da Daniev.
Nus s’entupein igl 1. da schaner 2019 naven dallas 17.00 – 19.00 uras sil prau davos la fermata. Communablamein lein nus far in viva sil niev onn.
Nus selegrein sin biaras visitadras e biars visitaders.
Damonda da baghegiar dils 21-12-2018
- Nr.
2018/76 - Di da publicaziun
21 da december 2018 - Petent
Müller Philipp, Neuwies 26, 8700 Küsnacht - Architect/Representant
Küchencenter Surselva, Simon Lutz,
Via S. Clau sura 9, 7130 Ilanz - Baghetg
Baghegiar entuorn habitaziun existenta
Finiastra supplementara fatschada encunter sid - Damondas supplementaras
– - Parcella / zona
166 / W2 - Quartier/Via
Via Chistiala 15 - Termin d’ exposiziun
21-12-2018 – 10-01-2019 - Protestas
Concernent il dretg public ein da far a scret duront il temps d’ exposiziun alla suprastonza communala.
Investa dils plans sa vegnir priu sin canzlia communala.
Temps d’avertura sur Nadal e Daniev
La canzlia communala stat serrada ils suandonts dis:
gliendisdis, ils 24 da december 2018
mardis, ils 25 da december 2018
mesjamna, ils 26 da december 2018
gliendisdis, ils 31. da december 2018
mardis, igl 1. da schaner 2019
mesjamna, ils 2 da schaner 2019
Engraziament ed auguris
Preziadas convischinas e preziai convischins
La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2018.
Nus giavischein a tuts ina biala e benedida fiasta da Nadal ed egl onn niev bia cletg, ventira e buna sanadad.
Resultats radunonza communala dils 14-12-2018
Ils resultats dalla radunonza communala dils 14-12-2018 anfleis Vus cheu.
Cant dils sogns Retgs
sonda, ils 5 da schaner 2019
Prescripziuns pertuccont damondas da baghegiar
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Retratga dils pigneuls da Nadal empustai
Ils pigneuls empustai san vegnir retratgs venderdis, ils 21 da december 2018 naven dallas 12.30 – 13.00 uras sil parcadi Fandrels a Falera.
Ils pigneuls empustai ston vegnir pagai ordavon sin canzlia communala.
Prescripziuns per locaturs
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Scursalar la sera a Falera
venderdis, ils 8 da mars 2019
Scursalar la sera a Falera
Scursalar la sera a Falera
venderdis, ils 22 da fevrer 2019
Scursalar la sera a Falera
venderdis, ils 15 da fevrer 2019
Scursalar la sera a Falera
venderdis, ils 8 da fevrer 2019
Aboliziun plans da quartier en connex cun la digitalisaziun
Tut ils plans da quartier cun vigur legala el cantun Grischun ston vegnir tschaffai niev digital ensemen cun las determinaziuns corrispundentas ed ulteriurs documents entochen miez digl onn 2019 (prescripziun «ÖREB-Kataster»). La suprastonza communala ha decidiu da sligiar si plans da quartier sche quels cuntegnan buca pli caussas relevontas. La procedura sedrezza tenor las prescripziuns dalla legislaziun cantunala davart la planisaziun dil territori. La suprastonza ha preparau las actas per l’aboliziun e schau examinar quellas entras il cudisch funsil. Tut ils possessurs pertuccai vegnan informai a scret sur digl intent e cuntegn.
Actas d’exposiziun:
– Aboliziun plan da quartier Samun (decret 1985)
– Aboliziun plan da quartier Chistiala (decret 1978)
– Aboliziun plan da quartier Chistiala-Fancrengia (decret 1979)
– Aboliziun plan da quartier Manduns (decret 1974)
– Aboliziun plan da quartier Bigneras (decret 1978)
– Aboliziun plan da quartier Suriert (decret 1978)
– Aboliziun plan da quartier Giaus (decret 1979)
Las actas d’exposiziun cumpeglian il rapport material per l’aboliziun, extracts dil cudisch funsil cun la rectificaziun funsila ed in plan da survesta cun las parcellas pertuccadas. Ils terrritoris cumpigliai seresultan dallas remarcas dils plans da quartier el cudisch funsil.
Termin d’exposiziun:
30 dis dapi la publicaziun dils 30-11-2018
Liug e temps d’exposiziun:
Administraziun communala Falera, Via Principala 45C, 7153 Falera duornt las uras d’avertura ordinarias.
Sclariments:
Tier damondas saveis contactar la canzlia communala ni la planisadra (tanja.bischofberger@plan-idee.ch).
Protestas:
Encunter il conclus d’introcudziun, l’aboliziun previda e las consequenzas materialas en connex cun l’execuziun funsila sa vegnir inoltrau protesta a scret e motivau entochen ils 31 da december 2018 (bul postal) alla suprastonza communala, Via Principala 45c, 7153 Falera.
Radunonza communala
Venderdis, ils 14 da december 2018, 20.15 uras, Stonas I, la fermata
Tractandas:
- Beinvegni, elecziun da dus dumbravuschs
- Informaziuns pertuccont Flims Laax Falera Management SA
- Informaziun pertuccont il rapport davart l’adattaziun dalla bilanza muort HRM2
- Presentaziun ed approbaziun preventiv 2019
- Fixar il pei da taglia 2019
a) Taglia sin gudogn e facultad
b) Taglia sin schischom - Damonda da credit per niev vehichel luvrers communals
- Damonda da credit per sanaziun provediment d’aua
- Damonda da credit per sanaziun clavau Val Marina
- Informaziuns e varia
Suenter la radunonza communala ein tuts envidai tier in pign aperitiv.
Il preventiv vegn tarmess tier els proxims dis a tuttas casadas. Ulteriurs exemplars san vegnir retratgs tier l’administraziun communala ni cargai giu dalla pagina d’internet dalla vischnaunca.
Resultats votaziun dils 25-11-2018
Ils resultats dalla vischnaunca da Falera anfleis Vus cheu.
Damondas da baghegiar dils 23-11-2018
- Nr.
2018/75 - Di da publicaziun
23 da november 2018 - Petent
Raphael+Eveline Roth-Casutt, Via Vitg dado 2, 7152 Sagogn - Architect/Representant
Swisshaus AG, Bahnhofstrasse 4, 5600 Lenzburg - Baghetg
Disfar part clavau e construcziun nova casa d’ina famiglia (Construcziun d’empremas habitaziuns) - Damondas supplementaras
– - Parcella/zona
1673 / D - Quartier/Via
Via Dual sut - Termin d’ exposiziun
23-11-2018 – 13-12-2018 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Protocol
Dil protocol dalla radunonza communala dils 23 d’october 2018 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
Damondas da baghegiar dils 16-11-2018
- Nr.
2018/74 - Di da publicaziun
16 da november 2018 - Petent
Irena Winzap Schütz, Christian Schütz, Via Fancrengia 12, 7153 Falera - Architect/Representant
ARTHAUS green living, Via Davitg 4, 7403 Rhäzuns - Baghetg
Construcziun annexa d’ina suosta/bargia e pergola - Damondas supplementaras
– - Parcella/zona
144/W2 - Quartier/Via
Via Fancrengia 12 - Termin d’ exposiziun
16-11-2018 – 06-12-2018 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Empustaziun pigneuls da Nadal
Ei sa vegnir empustau las suandontas sorts e grondezias:
pégn da Nordmann:
80-100 cm
125-150 cm
175-200 cm
225-250 cm
300-350 cm
pégn:
80-100 cm
100-150 cm
150-200 cm
200-300 cm
Las empustaziuns ein d’inoltrar alla canzlia communala (tel. 081 921 35 15 ni
e-mail: info@falera.net) entochen sil pli tard venderdis, ils 30 da november 2018. Empustaziuns che vegnan fatgas suenter quei termin san deplorablamein buca pli vegnir risguardadas.
Ils pigneuls empustai ston vegnir pagai sin canzlia communala ordavon. Venderdis, ils 21 da december 2018 naven dallas 12.30-13.00 uras san ils pigneuls vegni retratgs sil parcadi Fandrels.
Votaziuns dils 25 da november 2018
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 22 da november 2018 15.00-17.00 uras
venderdis, ils 23 da november 2018 15.00-17.00 uras
dumengia, ils 25 da november 2018 09.45-10.15 uras
Il cedel da dretg da votar (cedel alv) ei da dar giu all’urna.
Votantas ni votants che han buca survegniu tarmess tier il material da votar, san retrer quel entochen venderdis, ils 23 da november 2018 tier la canzlia communala.
Obligaziun d’annunzia controlla da habitonts
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Attest da famiglia
• Cudisch militar / Cudischet dalla protecziun civila
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.
Rumida da neiv sin vias da meglieraziun
A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias.
Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils
cuosts ein da surprender dils pertuccai.
Per purs che pervesan lur animals sin beins buca habitai ord la zona da baghegiar sa la suprastonza communala en cass da basegn far excepziuns e decider sut tgei cundiziuns ch’ina rumida sa vegnir fatga. Per che nus seigien semtgei sigl unviern supplichein nus il purs pertuccai da s’annunziar a scret tier la canzlia communala entochen ils 9 da november 2018 cun indicar nua e per tgei temps ina rumida fuss necessaria.
Falera, 26-10-2018 La suprastonza communala
Pigneuls e dascha pil temps d’advent
Fatschentas, ustrias e persunas privatas che lessan retrer pil temps d’advent pigneuls ni dascha, san dar si lur empustaziun entochen sil pli tard venderdis, ils 2 da november 2018 tier la canzlia communala (081 921 35 15).
Resultats radunonza communala dils 23-10-2018
Il resultats dalla radunonza communala dils 23-10-2018 anfleis Vus cheu.
Inauguraziun scoletta e plaz pausa
Las lavurs da construcziun vid la scoletta ed il plaz pausa ein serradas giu.
La suprastonza less presentar las novas localitads ed envida perquei tuts interessai tier in di dallas portas aviartas:
sonda, ils 27 d’october 2018, dallas 11.00 uras – 13.00 uras.
Per il beinstar corporal ei procurau.
Nus selegrein sin biaras visitadras e biars visitaders.
Santeri Falera: Sligiar si fossas
Per saver cavar vinavon las fossas cun la maschina sto vegnir sligiau si ina nova retscha da fossas. Ord quei motiv ha la suprastonza communala decidiu da sligiar si ina ulteriura retscha ella part davos dil santeri.
Tenor artechel 18 digl uorden da sepultura e santeri dalla vischnaunca da Falera sto la suprastonza communala annunziar publicamein la rumida silmeins 6 meins avon il termin da rumida ed era orientar ils vegnentsuenter.
Las suandontas fossas vegnan sligiadas si:
nr. 22 Agatha Casutt-Casutt
nr. 23 Gieri Casutt
nr. 24 Rest Giusep Gartmann-Patt / Venanzi Gartmann-Mazetta
nr. 25 Maria Ursula Arpagaus-Casura
nr. 26 Gion Gieri Solèr
nr. 27 Marianna Gürber-Cabrin
nr. 28 Margretha Cathomen-Casutt / Lionel Jarraud
Sin fundament digl uorden sura numnau supplichein nus ils vegnentsuenter resp. talas persunas ch’ein responsablas per las fossas numnadas d’allontanar la crusch-fossa sco era la rama-fossa entochen fin avrel 2019.
Succeda la rumida buca enteifer il termin fixau capeta ella per incarica dalla suprastonza communala cun adossar ils cuosts als parents. Cruschs-fossa e ramas-fossa che vegnan buca allontanadas crodan senza indemnisaziun en possess dalla vischnaunca politica.
Nus supplichein per enconuschientscha ed engraziein per l’execuziun da quella ordinaziun.
Rimnada pupi e cartun
Nus rimnein pupi vegl e cartun sco suonda:
mardis, ils 23 d’october 2018
Il pupi ni cartun sto vegnir ligiaus ensemen mintgamai separau e deponius beinveseivel sper via. Per la rimnada valan suandontas uras:
cartun, 7.00 uras entras ils luvrers communals
pupi, 8.15 uras entras la scola.
Il pupi ni cartun ch’ei buca sortius in da l’auter e ligiaus mintgamai ensemen vegn buca dismess.
Nus supplichein da setener vid quellas prescripziuns ed engraziein persuenter.
Consorzi da scola scolaviva
Controlla aua da beiber
Ils 3 d’october 2018 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.
Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.
Dil resultat da quella emprova sa vegnir priu envesta sin canzlia communala ni sut www.falera.net.
Rimnada da rauba blocconta
Sonda, ils 3 da november 2018 dallas 8.00-11.00 uras sa vegnir dismess rauba blocconta.
Ils containers per dismetter la rauba vegnan tschentai si sil parcadi Fandrels.
Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.
Ils suandonts rumians astgan en mintga cass buca vegnir dismess el rom da rimnadas da rauba blocconta:
rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.
Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.
Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:
apparats electrics gratuit
bischels fluorescents, pérs da cazzola gratuit
batterias da motos frs. 5.— per toc
batterias d’auto frs. 10.— per toc
pneus da privats senza gaveglias frs. 5.— per toc
pneus da privats cun gaveglias frs. 10.— per toc
Quella rauba vegn dismessa separau dalla rauba blocconta entras ils luvrers communals.
Ils luvrers communals han l’incumbensa da visar anavos rauba che corrispunda buca als criteris da rumien bloccont.
Nus supplichein per enconuschientscha.
Invitaziun allas uniuns da Falera – Sesida da coordinaziun occurrenzas
La suprastonza communala envida las uniuns dil vitg tier ina sesida da coordinaziun pertuccont occurrenzas 2019.
La sesida ha liug sco suonda:
gliendisdis, ils 29-10-2018, allas 20:00 uras, la fermata, Gonda.
Nus sperein che mintga uniun sappi tarmetter silmeins in delegau dalla suprastonza.
Seccapescha ein era persunas privatas, ch’ein interessadas dad organisar occurrenzas, envidadas tier quella sesida.
Tagls da lenna Barsegl e Schallas
Muort lavurs da pinar lenna restan la via da meglieraziun Schallas (naven da Schallas Dadens) e la senda da viandar ora Munt serradas per tut il traffic sco era per pedunz naven dils 22-10-2018 per ca. entochen miez november.
Tier damondas stat il selvicultur Maurus Cavigelli (079 437 49 37) bugen a disposiziun.
Nus supplichein da risguardar las signalisaziuns ed engrazien per Vossa capientscha.
Obligaziun da far survetsch da pumpiers 2019
Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers.
Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.
Tenor las disposiziun executivas tier la lescha da pumpiers dalla vischnaunca da Falera entscheiva l’obligaziun da dar pumpiers egl onn, el qual il 20avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.
La taxa da basa per la taxa da cumpensaziun munta per obligai da far pumpiers cun domicil cumplein (di da referenza mintgamai ils 31-12) fr. 280.—/onn. Tier domicil jamnil cun domicil cumplein (di da referenza mintgamai ils 31-12) munta la taxa da basa per la taxa da cumpensaziun fr. 100.—/onn.
Persunas ch’ein obligadas da far pumpiers e che lessan prestar survetsch san s’annunziar entochen ils 14 da december 2018 cul formular corrispundent. Il formular ei publicaus sin la pagina d’internet https://www.laax-gr.ch/feuerwehr.php.
Persunas che prestan gia survetsch e lessan pagar niev la taxa da cumpensaziun enstagl da prestar survetsch activ duein s’annunziar a scret entochen ils 14 da december 2018 tiel cumandant da pumpiers.
Per ulteriuras informaziuns stat il cumandant da pumpiers, Adrian Walser (Natel 076 574 47 85 ni E-Mail: feuerwehr@laax-gr.ch) bugen a disposiziun.
Radunonza communala
Mardis, ils 23 d’october 2018, 20.15 uras, Stonas I, la fermata
Tractandas:
- Beinvegni, elecziun da dus dumbravuschs
- Constataziun dall’approbaziun dil protocol dalla radunonza communala dils 9-5-2018
- Decisiun pertuccont cuntinuaziun cun la plazza da glatsch
- Damonda da credit per sanaziun vias d’uaul
- “Falera, in vitg cun bia potenzial” – Presentaziun analisa Quant SA
- Damonda da credit infrastructura Chinginas
- Informaziuns e varia
Suenter la radunonza communala ein tuts envidai tier in pign aperitiv.
Resultats votaziun dils 23-9-2018
Ils resultats dalla vischnaunca Falera anfleis Vus cheu.
Damondas da baghegiar dils 21-9-2018
- Nr.
2018/61 - Di da publicaziun
21 da settember 2018 - Petent
Giachen Cagienard, Via Principala 64, 7031 Laax - Architect/Representant
Architectura G. Cagienard, Via Principala 64, 7031 Laax - Baghetg
Disfar part casa e reconstrucziun casa - Damondas supplementaras
– - Parcella/zona
91/W2 - Quartier/Via
Via Chistiala 67 - Termin d’ exposiziun
21-09-2018 – 11-10-2018 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Tagl da lenna Prau da Punt
Muort lavurs da pinar lenna restan la via d’uaul Prau da Punt e la senda da viandar (via veglia) Alp Dadens serrada per tut il traffic sco era per pedunzs naven digl 1-10-2018 entochen ils 12-10-2018.
Tier damondas stat il selvicultur Maurus Cavigelli (079 437 49 37) bugen a disposiziun.
Engraziel per Vossa capientscha.
Uffeci forestal Sagogn-Laax
Prescripziuns per locaturs
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns
Damondas da baghegiar dils 14-9-2018
- Nr.
2018/60 - Di da publicaziun
14 da settember 2018 - Petent
Olivier Caduff, Via Pardanal 10, 7031 Laax - Architect/Representant
– - Baghetg
Manteniment dil clavau existent - Damondas supplementaras
– - Parcella/zona
1174/Zona d’agricultra - Quartier/Via
Fuorns - Termin d’ exposiziun
14-09-2018 – 04-10-2018 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Obligaziun d’annunzia controlla da habitonts
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Attest da famiglia
• Cudisch militar / Cudischet dalla protecziun civila
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.
Damondas da baghegiar dils 7-9-2018
- Nr.
2018/58 - Di da publicaziun
7 da settember 2018 - Petent
William Bollinger, 92, Walton Street, GB-London SW3 2HH - Architect/Representant
cavelti derungs ag, Glennerstrasse 18, 7130 Ilanz - Baghetg
Engrondir finiastras existentas - Damondas supplementaras
– - Parcella/zona
59/WG2 - Quartier/Via
Via Giaus sura 1 - Termin d’ exposiziun
07-09-2018 – 27-09-2018 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Votaziuns dils 23 da settember 2018
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 20 da settember 2018 15.00-17.00 uras
venderdis, ils 21 da settember 2018 15.00-17.00 uras
dumengia, ils 23 da settember 2018 09.45-10.15 uras
Il cedel da dretg da votar (cedel alv) ei da dar giu all’urna.
Votantas ni votants che han buca survegniu tarmess tier il material da votar, san retrer quel entochen venderdis, ils 21 da settember 2018 tier la canzlia communala.
Tagliar plontas e caglias
Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. ein da deliberar da caglias e roma.
Caglias e roma sco era ulteriuras emplontaziuns (cotoneaster eav.) ein da tagliar anavos sin in’altezia da 4.5 m sur via e cun ina distanza da minimum 50 cm naven dalla via communala.
Nus supplichein privats, administraziuns e pedels da casas da vacanzas da mirar che quellas lavurs vegnan exequidas entochen ils 31 d’october 2018.
Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.
Sligiau si scamond da far fiug e d’inflammar fiugs artificials e rachetas
Il scamond absolut da far fiug e d’inflammar fiugs artificialas e rachetas pigl entir territori da vischnaunca ei naven d’immediat sligiaus si.
Nus supplichein per enconuschientscha.
Communicaziuns actualas pertuccont il prighel d’incendis d’uaul e scamond da far fiug anfleis silla pagina d’internet www.wald.gr.ch.
Tagliar plontas e caglias suenter las vias da meglieraziun
Tenor artechel 4 a) dil reglament pil manteniment dallas ovras da meglieraziun dalla vischnaunca da Falera ston tut las scarpas per liung dallas vias da funs vegnir cultivadas gratuitamein dil cunfinont (segar, tagliar caglias e roma etc.).
Nus supplichein perquei tuts possessurs da terren da mirar che plontas e caglias seigien tagliadas anavos aschia che quellas creschan buca sur ils cunfins ellas vias da meglieraziun. Quellas lavurs ston vegnir exequidas entochen ils 31 d’october 2018.
Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.
Damondas da baghegiar dils 31-8-2018
- Nr.
2018/57 - Di da publicaziun
31 d’uost 2018 - Petent
Winzap-Halter Serafin, Scalins 1, 7153 Falera - Architect/Representant
LBA Architekturbüro, Malinweg 1, 7203 Trimmis - Baghetg
Midada/Engrondaziun edifeci d’economia existent - Damondas supplementaras
– - Parcella/zona
1222/Zona d’agricultura surpostau cun zona per sport d’unviern - Quartier/Via
Scalins - Termin d’ exposiziun
31-08-2018 – 20-09-2018 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Damondas da baghegiar dils 24-8-2018
- Nr.
2018/55 - Di da publicaziun
24 d’uost 2018 - Petent
Weisse Arena Bergbahnen AG, Via Murschetg 17, 7032 Laax - Architect/Representant
schneller caminada architekten, Via Principala 59, 7014 Trin - Baghetg
Construcziun annexa d’ina porta da schurmetg encunter il vent, entrada ustria - Damondas supplementaras
– - Parcella / zona
850/Zona d’agricultura surpostau cun zona per sport d’unviern - Quartier/Via
Curnius - Termin d’ exposiziun
24-08-2018 – 13-09-2018 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.