Ils resultats dalla vischnaunca Falera anfleis Vus cheu.

Tractandas:

1. Beinvegni, elecziun da dus dumbravuschs
2. Constataziun dall’approbaziun dil protocol dalla radunonza communala ils 20-06-2024
3. Damonda da credit project Prau la Selva Flem
4. Damonda da credit project per la protecziun encunter aua gronda Val da Schluein
5. Approbaziun lescha davart la restricziun da fiugs artificials dalla vischnaunca Falera
6. Informaziuns e varia

Il messadi corrispundent sco era la lescha davart la restricziun da fiugs artificials san ins retrer sin canzlia communala ni cargar giu dalla pagina d’internet dalla vischnaunca www.falera.net.

Messadi

Lescha davart la restricziun da fiugs artificials

La suprastonza communala envida las uniuns dil vitg tier ina sesida da coordinaziun pertuccont occurrenzas 2025.

La sesida ha liug sco suonda:

Mardis, ils 24-09-2024, allas 20:15 uras, la fermata, Gonda

Nus sperein che mintga uniun sappi tarmetter silmeins in delegau dalla suprastonza.

Seccapescha ein era persunas privatas, ch’ein interessadas dad organisar occurrenzas, envidadas tier quella sesida.

Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:

Burgheis svizzers cun dimora permanenta
• Scret da patria
• Mussament da segirada dalla cassa da malsauns

Burgheis svizzers cun dimora jamnila
• Certificat d’origin dalla vischnaunca da domicil

Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns

Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.

Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.

Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.

Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.

Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. ein da deliberar da caglias e roma.

Caglias e roma sco era ulteriuras emplontaziuns (cotoneaster eav.) ein da tagliar anavos sin in’altezia da 4.5 m sur via e cun ina distanza da minimum 50 cm naven dalla via communala.

Nus supplichein privats, administraziuns e pedels da casas da vacanzas da mirar che quellas lavurs vegnan exequidas entochen ils 31 d’october 2024.

Suenter quei termin vegnan ils luvrers communals a far las lavurs necessarias sin cuosts dils proprietaris. En cass che las lavurs san buca vegnir exequidas entras ils luvrers communals vegnan quellas surdadas ad ina fatschenta dil contuorn. Era quels cuosts ston vegnir surpri mintgamai dils proprietaris pertuccai.

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.

Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Mardis, ils 20 d’uost 2024 allas 19.00 uras, envidan las vischnauncas da Flem, Laax e Falera vischinas e vischins interessai ad in’orientaziun publica davart il project «Parc da sport e da temps liber Prau la Selva» cun in apero suandont.

Uras:     19.00 uras (avertura dallas portas allas 18.30 uras)

Data:     Mardis, ils 20-08-2024

Liug:     Aula, Casa da scola, Via Grava 43, 7031 Laax

Informaziun Prau la Selva

La vischnaunca da Falera enquera sigl 1. da november 2024 ni tenor cunvegnientscha in/a collaboratur/a informaziun per hosps (50-70 %).

Ulteriuras informaziuns anfleis Vus egl inserat per la plazza.

Inserat

Gievgia, igl 1. d’uost 2024

flyer

• Nr.
  2024-0018
• Di da publicaziun
  19-07-2024
• Petent
  Communitad da cumproprietaris, c/o Beat Baltensberger, Fallenstettenweg 14, 8404 Reutlingen (Winterthur)
• Architect/Representant
  Biro d’architectura Janusz Pregowski, Grüzefeldstrasse 21, 8404 Winterthur
• Baghetg
  Renovaziun casa d’ina famiglia cun construcziun annexa d’in balcun e duas lucarnas da tetg
• Damondas supplementaras
  –
• Parcella/zona
  42 – W2
• Quartier/Via
  Via Manduns 35
• Termin d’ exposiziun
  19-07-2024 – 08-08-2024
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

Uniuns e persunas che lessan far diever dalla halla plurivalenta el center communal ni dallas localitads en la fermata ein supplicadas da far ina damonda a scret alla canzlia communala entochen ils 2 d’uost 2024.

Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:

Burgheis svizzers cun dimora permanenta
• Scret da patria
• Mussament da segirada dalla cassa da malsauns

Burgheis svizzers cun dimora jamnila
• Certificat d’origin dalla vischnaunca da domicil

Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns

Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.

Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.

Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.

Promova aviuls e bratta cun.

Informaziun

Publicaziun brattar caglias 2024

Annunzia 2024

Dacuort ha nossa emprendista Nina Peng terminau cun fetg bien success ils examens finals sco commercianta tier l’administraziun communala Falera. Nus gratulein a Nina per quei success e giavischein pil futur bia plascher e satisfacziun en sia veta privata e professiunala.

A caschun dalla sesida dils 24 da zercladur 2024 ei la suprastonza communala seconstituida sco suonda:

President communal: Norbert Good
Vicepresident: Maurus Candreja

1.  Administraziun generala, persunal da vischnaunca, turissem, fatgs da scola
   Cau: Norbert Good
   Substitut: Reto Schwitter
2. Finanzas, taglias, svilup dil vitg
   Cau: Maurus Candreja
   Substitut: Norbert Good
3. Fatgs da baghegiar e planisaziun, vias en vischnaunca, provediment d’aua, canalisaziun, pumpiers
   Cau: Luca Casutt
   Substitut: Gion Cathomen
4. Agricultura, alps, uffeci forestal, vias da meglieraziun ed uaul, dismessa da rumians, fatgs da santeri, protecziun dalla natira e digl ambient, polizia, militar, schurmetg civil
   Cau: Gion Cathomen
   Substitut: Luca Casutt
5. Economia, cultura, sport, provediment social, tgira da malsauns
   Cau: Reto Schwitter
   Substitut: Norbert Good

Sonda, igl 1. da mars 2025

link

Ils resultats dalla radunonza communala anfleis Vus cheu.

Sonda, igl 1. da fevrer 2025

link

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 6 da zercladur 2024              15.00-17.00 uras
venderdis, ils 7 da zercladur 2024         15.00-17.00 uras
dumengia, ils 9 da zercladur 2024         09.45-10.15 uras

Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.

Votantas ni votants che han buca survegniu tarmess tier il material da votar, san retrer quel entochen venderdis, ils 7 da zercladur 2024 tier la canzlia communala.

• Nr.
  2024-0012
• Di da publicaziun
  24-05-2024
• Petent
  Roth Raphael + Eveline, Via Dual sut 14a, 7153 Falera
• Architect/Representant
  Roth Raphael + Eveline, Via Dual sut 14a, 7153 Falera
• Baghetg
  Construcziun nova tetg sur la terrassa existenta
• Damondas supplementaras
  –
• Parcella/zona
  1673 / D
• Quartier/Via
  Via Dual sut 14a
• Termin d’ exposiziun
  24-05-2024 – 13-06-2024
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

1. Lieu e durada da l’exposiziun
Las actas dal project ed il rapport davart la cumpatibilitad ecologica èn exponids dals 17 da matg 2024 fin ils 17 da zercladur 2024 tar las administraziuns communalas da la vischnanca da Schluein, Administraziun communala, Via Veglia 11, 7151 Schluein, da la vischnanca da Falera, Administraziun communala, Via Principala 45c, 7153 Falera e da la vischnanca dad Ilanz/Glion, Administraziun communala, Plazza Cumin 9, 7130 Glion, sco er tar l’Uffizi da construcziun bassa dal Grischun, Loëstrasse 14, 7000 Cuira, per l’invista (art. 11 da la Lescha chantunala davart la correcziun dals curs d’aua; LCCA, DG 807.700). Durant il temp d’exposiziun pon ils documents er vegnir consultads e chargiads giu sut www.tiefbauamt.gr.ch > Rumantsch > Actualitads.

2. Dumondas per permissiuns spezialas
Las suandantas dumondas fan part dal project d’exposiziun:
– dumonda da permissiun per inducir u per laschar sfundrar aua persa smerdada tractada tenor l’art. 7 al. 1 da la Lescha federala davart la protecziun da las auas;
– dumonda da permissiun per construir edifizis e stabiliments en secturs da l’aua sutterrana spezialmain periclitads tenor l’art. 19 al. 2 da la Lescha federala davart la protecziun da las auas;
– dumonda da permissiun per rempars e per correcziuns d’auas currentas en territoris surbajegiads tenor l’art. 37 al. 3 da la Lescha federala davart la protecziun da las auas;
– dumonda da permissiun per construir stabiliments ch’èn dependents dal lieu e che stattan en l’interess public en il spazi d’auas tenor l’art. 41c al. 1 da l’Ordinaziun davart la protecziun da las auas;
– dumonda da permissiun per allontanar la vegetaziun da las rivas tenor l’art. 22 al. 2 da la Lescha federala davart la protecziun da la natira e da la patria;
– dumonda da permissiun tenor la legislaziun da pestga per far intervenziuns tecnicas en las auas tenor l’art. 8 al. 1 da la Lescha federala davart la pestga;
– dumonda da runcar tenor l’art. 5 da la Lescha federala davart il guaud;
– dumonda da permissiun per installar e per manar deponias tenor l’art. 30e al. 2 da la Lescha federala davart la protecziun da l’ambient en cumbinaziun cun l’art. 39 al. 1 e cun l’art. 40 al. 1 da l’Ordinaziun da ruments sco er tenor l’art. 42 al. 1 e l’art. 43 al. 1 da la Lescha chantunala davart la protecziun da l’ambient;
– dumonda d’approvaziun dals plans tenor l’art. 6 al. 2 da la Lescha federala davart ils implants d’accumulaziun.

3. Restricziun dal dretg da disponer
A partir dal di che l’exposiziun è vegnida publitgada uffizialmain dovran ils projects da construcziun entaifer il territori ch’è cumpiglià dal project ina permissiun dal Departament d’infrastructura, energia e mobilitad dal Grischun. Questa permissiun vegn concedida, sch’il project da construcziun n’ha naginas consequenzas engrevgiantas per acquistar il terren u per realisar il project.

4. Protestas

4.1 Legitimaziun
Tgi ch’è pertutgà dal project d’exposiziun e po far valair in interess degn da protecziun per abolir u per midar quel, ha il dretg da far protesta. Il dretg da far protesta han plinavant las vischnancas pertutgadas e tgi ch’è autorisà tras il dretg federal da far quai.

4.2 Objecziuns
Vegnir fatgas valair pon:
a) objecziuns cunter il project d’exposiziun e cunter las dumondas per ulteriuras permissiuns ch’èn colliadas cun quel sco er cunter in’expropriaziun previsa e cunter sia dimensiun;
b) dumondas d’indemnisaziun, en spezial pretensiuns per ils dretgs che vegnan fatgs valair ed autras pretensiuns che resultan dal dretg chantunal d’expropriaziun. Questas dumondas vegnan rectifitgadas suenter l’approvaziun dal project en la procedura per l’acquist da terren.

4.3 Termin ed adressat
Protestas ston vegnir inoltradas entaifer il temp d’exposiziun cun ina curta motivaziun al Departament d’infrastructura, energia e mobilitad dal Grischun, Ringstrasse 10, 7001 Cuira.
Sche pretensiuns d’indemnisaziun vegnan fatgas valair posteriuramain, ston vegnir observadas las consequenzas da la negligientscha tenor l’art. 17 da l’Ordinaziun chantunala d’expropriaziun (OExp; DG 803.110).

Departament d’infrastructura, energia e mobilitad dal Grischun
La scheffa: Dr. Carmelia Maissen, cussegliera guvernativa

• Nr.
  2024-0001 / b
• Di da publicaziun
  10-05-2024
• Petent
  Antony + Rebecca Elliott, Via Falera 50, 7153 Falera
• Architect/Representant
  MSDA GmbH (Michel Schranz), Sägenstrasse 4, 7000 Chur
• Baghetg
  Midada da project: Renovaziun ed engrondiment/alzament da la casa da habitar, suosta nova
• Damondas supplementaras
  •Damonda da permissiun da la polizia da fiug
  • ANU: Damonda da permissiun per in ina pumpa da scaldar cun sondas geotermicas
  • TBA: Uffeci da construcziun bassa:
  Damonda da permissiun per projects da construcziun sper via cantunala
• Parcella/zona
  1215 / LW
• Quartier/Via
  Via Falera 50
• Termin d’ exposiziun
  10-05-2024 – 30-05-2024
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

• Nr.
  2024-0010
• Di da publicaziun
  10-05-2024
• Petent
  Stweg Bigneras, c/o Addissa AG, Via Manduns 14, 7153 Falera
• Architect/Representant
  Electrin ag, Via Canal 18, 7153 Falera
• Baghetg
  Implont fotovoltaic vid la spunda da beton
• Damondas supplementaras
  –
• Parcella/zona
  31 / W2
• Quartier/Via
  Via Manduns 14
• Termin d’ exposiziun
  10-05-2024 – 30-05-2024
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

• Nr.
  2024-0011
• Di da publicaziun
  10.05.2024
• Petent
  Cathomen Rica-Maria, Via Fuorns 2, 7153 Falera
• Architect/Representant
  A-U-G Moser Bauspengler GmbH, Via Scantschala 1, 7183 Mompé-Medel
• Baghetg
  Sanaziun energetica dil tetg ed implont fotovoltaic vid ils tschabergals dils balcuns
• Damondas supplementaras
  –
• Parcella/zona
  295 / D
• Quartier/Via
  Via Fuorns 2
• Termin d’ exposiziun
  10-05-2024 – 30-05-2024
• Protestas
  Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.

L’administraziun communala resta serrada ils suandonts dis:

gievgia, ils 9 da matg 2024
venderdis, ils 10 da matg 2024
gliendisdis, ils 20 da matg 2024
gievgia, ils 30 da matg 2024

Nus supplichein per enconuschientscha.

Naven dils 6 da matg 2024 entscheivan las lavurs da construcziun en connex cun la sanaziun dalla Via Dual sut/Via Scarsaluis.

Eventuals sviaments vegnan signalisai entras la fatschenta da baghegiar. Nus supplichein da risguardar las signalisaziuns e suandar als muossavias.

Ils possessurs pertuccai ein informai sur dils termins, menaschi e sviaments. Plinavon ein tuttas informaziuns cun program da construcziun era publicadas naven dad oz sin nossa pagina d’internet www.falera.net. Las actas ed ils programs da construcziun vegnan actualisai cuntinuadamein tenor andament ed influenzas da l’aura.

Bien engraziament per la capientscha.