Serrada dalla punt en Cafegns
Muort lavurs da sanaziun vid la punt en Cafegns resta quella serrada per scadin traffic naven dils 14-5-2025 entochen ils 16-5-2025.
Nus supplichein per enconuschientscha
Demissiuns ufficials da vischnaunca
Tenor constituziun ei la demissiun d’in uffeci communal stada da far a scret alla suprastonza communala entochen la fin da fevrer 2025. Igl ei vegniu inoltrau neginas demissiuns.
Muort limitaziun d’uffeci ston denton ils suandonts posts vegnir occupai da niev:
cumissiun da baghegiar: Manfred Darms
cumissiun da baghegiar: Maurus Heini
L’elecziun dils ufficials da vischnaunca ha liug a caschun dalla radunonza communala dils 18.6.2025.
Novs temps d’avertura uffeci da baghegiar Falera | Laax
Naven digl 01. da matg 2025 valan ils suandonts temps d’avertura per l’entira administraziun communala:
Temps da spurtegl:
Gliendisdis entochen venderdis: 09.30 – 11.30 e las 15.00 – 17.00
(mesjamna suentermiezdi serrau)
Temps da telefon:
Gliendisdis entochen venderdis: 08.00 – 12.00 e las 13.30 – 17.00
Engraziel fetg per l’enconuschientscha e capientscha.
Temps da spurtegl:
Gliendisdis entochen venderdis: 09.30 – 11.30 e las 15.00 – 17.00
(mesjamna suentermiezdi serrau)
Temps da telefon:
Gliendisdis entochen venderdis: 08.00 – 12.00 e las 13.30 – 17.00
Engraziel fetg per l’enconuschientscha e capientscha.
Damonda da baghegiar dils 17-04-2025
- Nr.
2025-0010 - Petent
StWEG Sul Vitg, c/o Confidar Treuhand AG, Schulstrasse 59, 7130 Ilanz - Proprietari da terren
StWEG Sul Vitg, c/o Confidar Treuhand AG, Schulstrasse 59, 7130 Ilanz - Architect/Representant
Hesaplan AG, Via Isla 37, 7151 Schluein - Baghetg
Remplazzament dil scaldament cun ina pumpa da scaldar cun aria ed aua plazzau el liber - Damondas supplementaras
– - Parcella/zona
206 / Wohnzone 2 - Quartier/Via
Via Stonas 16 - Termin d’exposiziun
17-04-2025 – 07-05-2025 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Rimnada da rauba blocconta
Sonda, ils 3 da matg 2025 dallas 8.00-11.00 uras sa vegnir dismess rauba blocconta.
Ils containers per dismetter la rauba vegnan tschentai si sil parcadi Fandrels.
Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.
Ils suandonts rumians astgan en mintga cass buca vegnir dismess el rom da rimnadas da rauba blocconta:
rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.
Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.
Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:
apparats electrics gratuit
batterias da motos frs. 5.– per toc
batterias d’auto pign/grond frs. 10.–/20.– per toc
pneus da privats senza gaveglias frs. 5.– per toc
pneus da privats cun gaveglias frs. 10.– per toc
Quella rauba vegn dismessa separau dalla rauba blocconta entras ils luvrers communals.
Ils luvrers communals han l’incumbensa da visar anavos rauba che corrispunda buca als criteris da rumien bloccont.
Nus supplichein per enconuschientscha.
Damonda da baghegiar dils 11-04-2025
- Nr.
2025-0009 - Petent
Nadya Steiner und Adonis Koumbarakis, 8803 Rüschlikon - Proprietari da terren
Stweg Silvana, Via Nova 17, 7017 Flims Dorf - Architect/Representant
Studio Sfera AG, Oberdorfstrasse 33, 8810 Horgen - Baghetg
Construcziun d’ ina lucarna - Damondas supplementaras
Damonda da permissiun da la polizia da fiug - Parcella/zona
268 /Wohnmischzone 3 - Quartier/Via
Via Cabriec 18 - Termin d’exposiziun
11-04-2025 – 01-05-2025 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Serrada Via Dual
Muort las lavurs da construcziun vid la casa d’ina famiglia (Chistell) resta la colligiaziun Via Dual denter la Via Dual e la Via Dual sut duront il temps da construcziun entochen october 2025 serrada. La serrada ei necessaria per saver installar ina tschaghegna per il plazzal. Il temps da bloccada exacta sa semidar tut tenor il progress da construcziun. Risguardei per plascher las signalisaziuns.
Nus engraziein per Vossa capientscha.
Concert dils chors virils Falera e Laax
sonda, ils 31 da matg 2025 dallas 20.00 uras en la fermata, Falera
dumengia, igl 1. da zercladur 2025 dallas 17.30 uras Aula Grava, Laax
Canzlia communala – Temps d’avertura sur Pastgas
La canzlia communala resta serrada naven da venderdis, ils 18 d’avrel 2025 entochen e cun gliendisdis Pastgas, ils 21 d’avrel 2025.
Nus supplichein per enconuschientscha e giavischein a tuts bialas Pastgas.
Wildruhezone Gonda
In Abstimmung mit dem Amt für Jagd und Fischerei kann die Wildruhezone «Gonda» aufgrund der fortgeschrittenen Vegetation bereits auf den 1. April 2025 aufgehoben werden.
Besten Dank der Kenntnisnahme.
Damonda da baghegiar dils 28-03-2025
- Nr.
2025-0008 - Petent
Sunrise GmbH, Thurgauerstrasse 101B, 8152 Glattpark - Proprietari da terren
Rumetg Cathomen, Via Pardi 10, 7153 Falera - Architect/Representant
Cablex AG, Tannackerstrasse 7, 3073 Gümligen - Baghetg
Permissiun ordinaria posteriura dal factur da correctura senza midadas vid igl indrez per telefonia mobila - Damondas supplementaras
– - Parcella/zona
945/zona d’agricultura - Quartier/Via
– - Termin d’exposiziun
28-03-2025 – 17-04-2025 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Obligaziun d’annunzia controlla da habitonts
Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:
Burgheis svizzers cun dimora permanenta
• Scret da patria
• Mussament da segirada dalla cassa da malsauns
Burgheis svizzers cun dimora jamnila
• Certificat d’origin dalla vischnaunca da domicil
Burgheis da tiaras jastras
• Passaport ni carta d’identitad
• Legitimaziun d‘jasters (sche avon maun)
• Damonda per lubientscha d’jasters A1/B1
• Mussament da segirada dalla cassa da malsauns
Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.
Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.
Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.
Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.
Prau da skis d’affons “Chinginas”
Il prau da skis d’affons “Chinginas” ei serraus perviada d’in defect e munconza da neiv.
Era l’ustria ei serrada.
Bien engraziament per l’enconuschientscha
Reportascha observatori “Mirasteilas”
Link reportascha RTR:
Santeri Falera: Sligiar si fossas
Per saver cavar vinavon las fossas cun la maschina sto vegnir sligiau si ina nova retscha da fossas.
Tenor artechel 18 digl uorden da sepultura e santeri dalla vischnaunca da Falera sto la suprastonza communala annunziar publicamein la rumida silmeins 6 meins avon il termin da rumida ed era orientar ils vegnentsuenter.
Las suandontas fossas vegnan sligiadas si:
nr. 48 Anna Cavelti
nr. 49 Philip Cathomen
nr. 50 Paulina Casutt – Casutt
nr. 51 Josef Basig –Jnäbnit / Heidi Cantieni – Basig
nr. 52 Nikolaus Telli – Casutt
Suenter haver giu consultau ils vegnentsuenter vegnan las fossas sura numnadas schligiadas si anticipadamein respective sin fin matg 2025.
Nus supplichein per enconuschientscha ed engraziein als vegnentsuenter per lur beinvulientscha.
Actualisaziun da la sanaziun Via Dual sut 1-10-2025
Muort lavurs preparativas pil catram ei igl access tier las immobilias el sectur (Via Lavintgin – Via Samun) limitaus.
Nus supplichein per capientscha ed enconuschientscha
Vischnaunca Falera – exposiziun da recuors planisaziun locala
Applicond igl art. 48 al. 4 dalla lescha davart la planisaziun dal territori (LPTGR) ha liug l’exposiziun da recuors pertuccont la revisiun parziala da la planisaziun locala che la suprastonza communala da Falera ha decidiu ils 9 da december 2024.
Caussa:
Revisiun parziala plan general d’avertura
Actas d’exposiziun:
plan d’avertura general 1:10’000; remplazzar la telecabina Crap Masegn – Fuorcla – Vorab
Basas:
Rapport da planisaziun e cooperaziun incl. aschuntas
Termin d’exposiziun:
ils 13 da mars 2025 entochen ils 11 d’avrel 2025
Liug e temps d’exposiziun:
Administraziun communala Falera, Via Principala 45c, 7153 Falera, duront las uras d’avertura ordinarias.
Recuors da planisaziun:
Persunas che han in interess persunal dign da protecziun ni ch’ein legitimadas tenor dretg federal da contestar in cuntegn dalla planisaziun, san inoltrar alla regenza en scret enteifer 30 dis in recuors da planisaziun encunter la planisaziun locala.
Organisaziuns per la protecziun digl ambient:
Organsiaziuns per la protecziun digl ambient san far diever da lur dretg da recuors tenor mesira digl art. 104 alinea 2 dalla lescha cantunala davart la planisaziun dil territori, quei vul dir ei s’annunzian enteifer il termin da recuors tiegl uffeci cantunal per il svilup dil territori ed inoltreschan silsuenter eventualmein ina posiziun.
Vischnaunca da Falera revisiun dalla planisaziun locala – prolungaziun dalla zona dalla planisaziun
Ella vischnanca da Falera ei actualmain en vigur ina zona da planisaziun per la revisiun dalla planisaziun locala ch’ei vegnida prolunghida per l’emprema gada ils 20 da fevrer 2023 (publicaziun dils 8 d’avrel 2021 resp. dils 23 da mars 2023). Sin basa d’art. 21 dalla Lescha davart la planisaziun dil territori per il cantun Grischun (LPTGR) ha la suprastonza communala decidiu alla seduta dils 9 da december 2024 da prolungir la zona da planisaziun ad interim per ulteriurs dus onns entochen ils 8 d’avrel 2027 sco suonda:
Intent dalla zona da planisaziun
a) examinar ed adattar las zonas da baghegiar (zonas da habitar, zonas mischedadas e zonas dil center) tenor las directivas d’art. 15 al. 1 e 2 dalla Lescha federala davart la planisaziun dil territori (LPT) e dil plan directiv cantunal – habitadi (PDC-H);
b) realisar las ulteriuras directivas tenor art. 15 LPT sco era dil PDC-H, en special quei che risguarda la promoziun d’in svilup architectonic d’aulta qualitad dil habitadi viers anen;
c) realisar las directivas dil LPTGR revediu.
Ella zona da planisaziun astga vegnir fatg nuot che savess engrevegiar ni cuntrariar la planisaziun nova. En special astgan projects da construcziun vegnir lubi mo sch’els cunterfan buc allas planisaziuns e prescripziuns vertentas ni allas planisaziuns e prescripziuns novas previdas (art. 21 al. 2 LPTGR).
Il Departament d’economia publica e fatgs socials ha approbau la prolungaziun dalla zona da planisaziun cun decret dils 4 da mars 2025.
La suprastonza communala seresalva da concretisar da tut temps la zona da planisaziun tenor il stan da planisaziun mintgamai actual resp. d’adattar ella al stan da planisaziun actual.
La relaschada dalla zona da planisaziun sa vegnir contestada cun recuors da planisaziun alla regenza dil cantun Grischun enteifer 30 dis suenter la publicaziun (art. 101 al. 1 LPTGR).
Lenna da brisch 2025
La vischnaunca da Falera offerescha lenna da brisch sco suonda:
Liug (plaz da lenna): Curtgani ni avon casa
Prezi:
pégn, plaz da lenna, frs. 76.–/m3
pégn, avon casa, frs. 91.–/m3 (access cun camiun sto esser pusseivel)
lenna dira, plaz da lenna, frs. 114.–/m3
lenna dira, avon casa, frs. 129.–/m3 (access cun camiun sto esser pusseivel)
La surdada succeda en fuorma da lenna liunga. Las empustaziuns ein d’inoltrar entochen ils 21 da mars 2025 a scret all’administraziun communala Falera (E-Mail: info@falera.net).
Damonda da baghegiar dils 07-03-2025
- Nr.
2025-0007 - Petent
Weisse Arena Bergbahnen AG, Via Murschetg 17, 7032 Laax Murschetg - Proprietari da terren
Vischnaunca burgheisa Falera, Martin Casutt, Via Principala 67, 7153 Falera - Baghetg
Endrizzament d`in post da mesiraziun (Thomsonwehr) - Damondas supplementaras
AWN: lescha da pesca - Parcella/zona
1292 / zona d’agricultura, zona per il sport d’unviern - Quartier/Via
Treis Palas/Cugns - Termin d’exposiziun
07-03-2025 – 27-03-2025 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Canzlia communala – Temps d’avertura Sogn Giusep
Muort il firau da Sogn Giusep resta l’administraziun communala serrada mesjamna, ils 19 da mars 2025.
Nus supplichein per enconuschientscha. Bien engraziament.
Damondas da baghegiar dils 28-02-2025
- Nr.
2025-0005 - Petent
Milli Manduns AG, Via Manduns 28, 7153 Falera
Fam. Müller-Casutt, Strandbadstrasse 32, 8331 Auslikon - Proprietari da terren
Milli Manduns AG, Via Manduns 28, 7153 Falera
Fam. Müller-Casutt, Strandbadstrasse 32, 8331 Auslikon - Architect/Representant
Hofmann + Durisch AG, Via Nova 17, 7017 Flims Dorf - Baghetg
Construcziun nova da duas casas da pliras famiglias cun construcziun accessorica e garascha sutterrana - Damondas supplementaras
Damonda da permissiun da la polizia da fiug,
Damonda per plazzas da protecziun obligatoricas che ston buca vegnir construidas,
ANU: Damonda da permissiun per in ina pumpa da scaldar cun sondas geotermicas - Parcella/zona
15, 1714 / Wohnzone 2 - Quartier/Via
Via Bigneras - Termin d’exposiziun
28-02-2025 – 20-03-2025 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
- Nr.
2025-0006 - Petent
StWEG Casa Guarda Val, c/o Addissa AG, Poststrasse 3, 7130 Ilanz - Proprietari da terren
StWEG Casa Guarda Val, c/o Addissa AG, Poststrasse 3, 7130 Ilanz - Architect/Representant
Casutt AG, Sanitär und Heizung, Via Principala 18, 7151 Schluein
Hesaplan AG, Via Isla 37, 7151 Schluein - Baghetg
Remplazzament dil scaldament cun ina pumpa da scaldar cun aria ed aua plazzau el liber - Damondas supplementaras
– - Parcella/zona
657 / Wohnzone 2 - Quartier/Via
Via Chistiala 64 - Termin d’exposiziun
28-02-2025 – 20-03-2025 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Damondas da baghegiar dils 14-02-2025
- Nr.
2025-0003 - Petent
Jolanda Bearth-Casutt, Via Plaunca 11, 7153 Falera - Architect/Representant
Walter Bearth-Casutt, Via Plaunca 11, 7153 Falera - Baghetg
Disfatga dalla bargia ed engrondiment dalla tegia - Damondas supplementaras
– - Parcella/zona
811 / Landwirtschaftszone - Quartier/Via
Via Prau Migiur sura 14 - Termin d’exposiziun
14-02-2025 – 06-03-2025 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
- Nr.
2025-0004 - Petent
Vischnaunca Falera, Via Principala 45c, 7153 Falera - Architect/Representant
Casutt Wyrsch Zwicky AG, Via Principala 45D, 7153 Falera - Baghetg
Sanaziun dallas vias Via Lavintgin + Via Samun - Damondas supplementaras
– - Parcella/zona
107, 500 - Quartier/Via
Via Lavintgin / Via Samun - Termin d’exposiziun
14-02-2025 – 06-03-2025 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Resultat votaziun dils 9-2-2025
Il resultat dalla votaziun anfleis Vus cheu
Votaziun dils 9-2-2025
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 6 da fevrer 2025 15.00-17.00 uras
venderdis, ils 7 da fevrer 2025 15.00-17.00 uras
dumengia, ils 9 da fevrer 2025 09.45-10.15 uras
Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 7 da fevrer 2025 tier la canzlia communala.
Concert societad da musica Falera « Back to the 80’s »
Sonda, ils 22 da mars 2025 dallas 20.00 uras / cun tscheina naven dallas 18.00 uras
Dumengia, ils 23 da mars 2025 dallas 19.00 uras
en la fermata, Falera
Tscheins da retard e da bunificaziun sco era taxas d’incasso e taxas per controllas/examinaziuns pigl onn 2025
Sin fundament digl art. 152 alinea 3 ed art. 153 alinea 3 dalla lescha cantunala da taglia e tenor art. 2 dalla lescha da taglia dalla vischnaunca da Falera sco era tenor disposiziun dil departament da finanzas e vischnauncas dil cantun Grischun fixescha la suprastonza communala mintg’onn il tscheins da retard e da bunificaziun.
Il tscheins da retard ei da contribuir dils pagataglias che pagan memia tard ils quens da taglia. Il tscheins da bunificaziun han tals dabien che han pagau importos memia aults sin fundament d’in quen da taglia provisoric.
La suprastonza communala decida las suandontas taxas per tut las taglias communalas:
Il tscheins da retard pigl onn 2025 munta 4 %.
Il tscheins da bunificaziun pigl onn 2025 vegn fixaus sin 0.25 %.
Las taxas d’incasso muntan:
Secunda admoniziun CHF 30.—
Damonda da stumadira CHF 100.—
Pretensiun d’avertura da dretg CHF 200.—
Stizzada concedida d’ina inscripziun el register da stumaziun CHF 30.—
Quellas tariffas valan era per tut las ulteriuras pretensiuns dalla vischnaunca.
Plinavon decida la suprastonza communala sin fundament digl art. 2 dalla lescha da taglia dalla vischnaunca da Falera e sin fundament digl art. 14 dallas disposiziuns executivas tier la lescha per taxas da hosps e turissem las suandontas taxas per las taxas da hosps e turissem:
Il tscheins da retard pigl onn 2025 munta 4 %.
Las taxas d’incasso e las taxas per controllas/examinaziuns muntan:
Secunda admoniziun CHF 30.—
Damonda da stumadira CHF 100.—
Pretensiun d’avertura da dretg CHF 200.—
Stizzada concedida d’ina inscripziun el register da stumaziun CHF 30.—
Controllas ed examinaziuns supplementaras CHF100.—/ura
Damonda da baghegiar dils 31-01-2025
- Nr.
2025-0002 - Petent
Patrick & Evelyne Darms, Via Plaunca 2, 7153 Falera - Proprietari da terren
Patrick & Evelyne Darms, Via Plaunca 2, 7153 Falera - Architect/Representant
Krattiger Holzbau AG, Sommeristrasse 28, 8580 Amriswil - Baghetg
Disfatga dil clavau e construcziun nova d’ina casa - Damondas supplementaras
Damonda da permissiun da la polizia da fiug,
Damonda per plazzas da protecziun obligatoricas che ston buca vegnir construidas - Parcella/zona
344 / Dorfzone - Quartier/Via
Via Principala 25 - Termin d’exposiziun
31.01.2025 – 20.02.2025 - Protestas
Concernent il dretg public ein da far a scret duront il temps d’exposiziun alla suprastonza communala. Investa dils plans sa vegnir priu sin canzlia communala | Uffeci da baghegiar Laax, Center Communal, 7031 Laax.
Uffeci da militar e protecziun civila – Test da sirenas 2025
Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug
mesjamna, ils 5 da fevrer 2025, denter las 13.30 uras e las 15.00 uras.
Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils differents signals d’alarm cun ils tals la populaziun vegn alarmada en cass da prighel.
Ulteriuras informaziuns e reglas da secuntener anfleis Vus sin la pagina d’internet digl uffeci federal per la protecziun dalla populaziun BABS, la pagina d’internet dad Alertswiss sco era sin teletext dils emetturs dad SSR, paginas 680 e 681.
Nus supplichein per enconuschientscha.
Ura da consultaziun cun il president communal
Per saver porscher alla populaziun, mistergn, uniuns ed possessurs da habitaziuns da vacanzas in sempel post da consultaziun per discuors davart la vischnaunca, dat ei en futur ina ura da consultaziun cun la direcziun.
Quella ha liug als suandonts termins:
gliendisgis, ils 24 da fevrer 2025, dallas 8.00 fin las 9.30 uras
gievgia, ils 15 da matg 2025, dallas 12.30 fin las 14.00 uras
gliendisgis, ils 11 d’uost 2025, dallas 8.00 fin las 9.30 uras
gievgia, ils 20 da november 2025, dallas 12.30 fin las 14.00 uras.
Per garantir in discuors productiv supplichein nus per preannunzia e indicaziun dil tema sut ispeck@falera.net.
Lubientscha da carrar 2025 -2027
Nus fagein attents che naven digl 01-01-2025 valan exclusivamain las vignettas verdas per ils onns 2025 – 2027 per igl access el vitg. En cass d’eventualas controllas vegnan mo quellas vignettas acceptadas. Segirei per plascher che Vus haveis la dretga vignetta vi da Vies vehichel per evitar eventualas malemperneivladads.
Nus supplichein per enconuschientscha ed engrazien per Vossa capientscha!
Damonda da baghegiar dils 24-01-2025
- Nr.
2025-0001 - Petent
Paula & Armin Casutt-Vincenz, Via Lavintgin 15, 7153 Falera - Proprietari da terren
Casutt Immobilien AG, Via Principala 68, 7153 Falera - Architect/Representant
Vincenz Weishaupt Architekten, Obere Giesslistrasse 6, 7130 Ilanz/Glion - Baghetg
Construcziun d’ina casa nova da pliras famiglias - Damondas supplementaras
Damonda da permissiun da la polizia da fiug,
Damonda per plazzar da protecziun obligatoricas che ston buca vegnir construidas,
ANU: Damonda da permissiun per ina pumpa da scaldar cun sondas geotermicas - Parcella/zona
90 / zona d’habitar 2 - Quartier/Via
Via Chistiala 65 - Termin d’exposiziun
24-01-2025 – 13-02-2025 - Protestas
Concernent il dretg public ein da far a scret duront il temps d’exposiziun alla suprastonza communala. Investa dils plans sa vegnir priu sin canzlia communala / Uffeci da baghegiar Laax, Center communal, 7031 Laax.
Consorzi per aua piarsa Foppa
Per il 1. da matg 2025 ni tenor cunvegnientscha encurin nus ina persuna cun responsabladad sco guardia da serenera. Detagls mira inserat!
Taglia da tgauns 2025
La taglia da tgauns per igl onn 2025 ei da pagar naven d’immediat entochen sil pli tard ils 28 da fevrer 2025 al spurtegl dalla canzlia communala.
La taxa per igl emprem tgaun munta a frs. 40.—. Per mintga ulteriur tgaun el medem tenercasa munta la taxa frs. 110.—.
Protocol radunonza communala dils 13-12-2024
Dil protocol dalla radunonza communala dils 13 da december 2024 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
Invitaziun aperitiv da Daniev
La suprastonza communala envida ensemen cun l’uniun samaritana Falera/Laax tuttas convischinas e tuts convischins sco era tuts hosps tier in aperitiv da Daniev.
Nus s’entupein igl 1. da schaner 2025 naven dallas 16.00 – 18.00 uras sil Plaz Fontauna. Communablamein lein nus far in viva sil niev onn.
Nus selegrein sin biaras visitadras e biars visitaders.
Dismessa pigneuls da Nadal
Ils pigneuls da Nadal san vegnir dismess mintgamai sper ils posts da rimnada da rumien ufficials (molocs) en vischnaunca.
Ils pigneuls ch’ein deponi en quels loghens vegnan rimnai e dismess dils luvrers communals gratuitamein. Pigneuls ch’ein buca dismess sper ils post da rimnada da rumien ufficials (molocs) vegnan buca rimnai dils luvrers communals.
Nus supplichein per enconuschientscha.
Info uffeci da baghegiar / procedura per las lubientschas da baghegiar
Naven digl 1. da schaner 2025 vegnan da niev tut las
fatschentas per las lubientschas da baghegiar liquidadas
Adressa da contact:
Administraziun communala Laax, Uffeci da baghegiar
Via Principala 60d, 7031 Laax
Tel. +41 81 921 51 53, E-Mail bauamt@falera.net
l’exposiziun publica dils plans sco era termins davart
las proceduras per las lubientschas da baghegiar han
liug egl uffeci da baghegiar da Laax. Termins persunals
ein pusseivels mo tenor cunvegnientscha per e-mail ni
per telefon.
Uras d’avertura da spurtegl:
Gliendisdis–venderdis 8.00–9.00 e 16.00–17.00
Info uffeci da baghegiar / infrastructura:
Tut ils auters giavischs specifics da construcziun sco
damondas d’infrastructura, vias, etc. vegnan plinavon
liquidai sur l’administraziun communala da Falera.
Adressa a mail: info@falera.net
Engraziament ed auguris
Preziadas convischinas e preziai convischins
Preziai hosps
La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2024.
Nus giavischein a tuts ina biala e benedida fiasta da Nadal ed egl onn niev bia cletg, ventira ed oravontut buna sanadad.
Bus local e da skis Falera
Cun sonda, ils 21-12-2024 vegn il bus local e da skis Falera puspei ad esser en funcziun suenter urari.
Resultats radunonza communala dils 13-12-2024
Ils resultats dalla radunonza communala anfleis Vus cheu.
Canzlia communala / Temps d’avertura sur Nadal e Daniev
La canzlia communala stat serrada ils suandonts dis:
mardis, ils 24 da december 2024
mesjamna, ils 25 da december 2024
gievgia, ils 26 da december 2024
mardis, ils 31 da december 2024
mesjamna, igl 1. da schaner 2025
gievgia, ils 2 da schaner 2025
Multivisions-Show Island: “Magic Moment’s”
Dumengia, ils 16 da fevrer 2025
Retratga dils pigneuls da Nadal empustai
Ils pigneuls empustai san vegnir retratgs venderdis, ils 20 da december 2024 naven dallas 12.30 – 13.00 uras en la fermata a Falera.
Ils pigneuls ston vegnir pagai ordavon sin canzlia communala.
Lescha davart la restricziun da fiugs artificials
Dalla radunonza communala dils 4-10-2024 ei vegniu lubiu la lescha davart la restricziun da fiugs artificials.
Tenor quella lescha vala il suandont:
Sin igl entir territori communal eis ei buca lubiu da schar arder fiugs artificials che fan canera. Exclus da quei scamond ein fiugs artificials pli pigns sco bumbas cun surpresas, candeilas magicas, fiugs bengals, vulcans, salvas e murters a caschun da festivitads ecclesiasticas.
Nus supplichein da setener vid las restricziuns.
Radunonza communala venderdis, ils 13 da december 2024, 20.15 uras, la fermata
Tractandas:
- Beinvegni, elecziun da dus dumbravuschs
- Presentaziun ed approbaziun preventiv 2025
- Fixar il pei da taglia 2025
a) Taglia sin gudogn e facultad
b) Taglia sin schischom - Damonda da credit per sanaziun vias communalas
- Informaziuns e varia
Il preventiv vegn tarmess tier els proxims dis a tuttas casadas. Ulteriurs exemplars san ins retrer tier l’administraziun communala ni cargar giu dalla pagina d’internet dalla vischnaunca. Il messadi corrispundent ei medamein publicaus sin la pagina d’internet dalla vischnaunca.
Damonda da baghegiar dils 29-11-2024
- Nr.
2024-023 - Petent
BG Bialavesta, c/o Casutt AG, Via Lavintgin 5, 7153 Falera - Architect/Representant
Vincenz+Weishaupt Architekten AG, Obere Giesslistrasse 6, 7130 Ilanz - Baghetg
Construcziun nova casa da pliras famiglias / Lavurs da manteniment internas ella casa existenta GVG Nr. 45 - Damondas supplementaras
Damonda da permissiun da la polizia da fiug,
Damonda per plazzas da protecziun obligatoricas che ston buca vegnir construidas,
ANU: Damonda da permissiun per in ina pumpa da scaldar cun sondas geotermicas - Parcella/zona
589 / W2 + WG2 - Quartier/Via
Via Lavintgin 5 / Via Chistiala 63 - Termin d’exposiziun
29-11-2024 – 19-12-2024 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Temps d’avertura canzlia communala
Venderdis suentermiezdi, ils 6 da december 2024 resta la canzlia communala serrada.
Nus supplichein per enconuschientscha.
Informaziuns sanaziun Via Paliu 25-11-2024
Informaziuns actualisau 25-11-2024
Cant dils sogns Retgs
Sonda, ils 4 da schaner 2025