Administraziun communala
Muort il firau da Sogn Giusep resta l’administraziun communala serrada mardis, ils 19 da mars 2024.
Nus supplichein per enconuschientscha. Bien engraziament.
Resultats votaziun dils 3-3-2024
Damonda da baghegiar dils 01-03-2024
- Nr.
2024-0004 - Di da publicaziun
1. da mars 2024 - Petent
Politische Gemeinde Falera, Via Principala 45c, 7153 Falera - Architect/Representant
Casutt Wyrsch Zwicky AG, Via Principala 45c, 7153 Falera - Baghetg
Sanaziun fundaments tegias Las Lavadas, preparaziun da conducts d’ovra - Damondas supplementaras
– - Parcella/zona
1302 / LW / WS - Quartier/Via
Via Crap Sogn Gion 10 - Termin d’ exposiziun
01-03-2024 – 21-03-2024 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Prescripziuns per locaturs
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.
Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Prescripziuns pertuccont damondas da baghegiar
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Votaziuns dils 3 da mars 2024
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 29 da fevrer 2024 15.00-17.00 uras
venderdis, igl 1. da mars 2024 15.00-17.00 uras
dumengia, ils 3 da mars 2024 09.45-10.15 uras
Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, igl 1. da mars 2024 tier la canzlia communala.
Lenna da brisch 2024
La vischnaunca da Falera offerescha lenna da brisch sco suonda:
Liug (plaz da lenna):
Curtgani ni avon casa
Prezi:
pégn, plaz da lenna, frs. 76.–/m3
pégn, avon casa, frs. 91.–/m3 (access cun camiun sto esser pusseivel)
lenna dira, plaz da lenna, frs. 114.–/m3
lenna dira, avon casa, frs. 129.–/m3 (access cun camiun sto esser pusseivel)
La surdada succeda en fuorma da lenna liunga. Las empustaziuns ein d’inoltrar entochen ils 8 da mars 2024 a scret all’administraziun communala Falera (E-Mail: info@falera.net).
Damonda da baghegiar dils 16-02-2024
- Nr.
2024-0003 - Di da publicaziun
16-02-2024 - Petent
Steiner Orlando + Steffi, Via Vallà 9, 7153 Falera - Architect/Representant
Soller Partner Electro SA, Robert Cavegn, Paleu Sura 8, 7013 Domat/Ems - Baghetg
Cundrez fotovoltaic sil tetg e vid la garascha - Damondas supplementaras
– - Parcella/zona
1443 / WE - Quartier/Via
Via Vallà 9 - Termin d’ exposiziun
16-02-2024 – 07-03-2024 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Concert societad da musica Falera
Sonda, ils 16 da mars 2024
Dumengia, ils 17 da mars 2024
Declaronza da taglia 2023
Ils formulars da taglia per igl onn 2023 ein vegni tarmess dall’administraziun cantunala da taglia il meins schaner. Tgi che ha buca survegniu ils formulars, sa pretender quels tier igl uffeci communal da taglia. Il program da tschentar ora la declaronza SofTax 2023 sa vegnir cargaus giu dalla pagina d’internet sut www.stv.gr.ch.
Ils termins per inoltrar las declaronzas ein fixai sco suonda:
Ils 31 da mars 2024 per persunas cun activitad da gudogn dependenta, students, pensiunai e disoccupai. Ils 30 da settember 2024 per persunas cun activitad da gudogn independenta, societads semplas e persunas domiciliadas ordeifer il cantun Grischun cun immobiglias el cantun Grischun resp. en vischnaunca.
Informaziuns
Davart eventualas damondas stat igl uffeci communal da taglia Falera (tel. 081 921 35 15) ni l’allianza da taglia Laax (tel. 081 921 51 13) a disposiziun.
Introducziun dalla procedura electronica per la lubientscha da baghegiar
Per miez schaner 2024 introducescha la vischnaunca da Falera la procedura electronica per la lubientscha da baghegiar. Tut las damondas da baghegiar san vegnir inoltradas via la plattafuorma damondas da baghegiar electronicas Falera dalla vischnaunca da Falera.
Damondas da baghegiar en fuorma stampada san vinavon vegnir inoltradas, nus selegrein denton da Vossa damonda da baghegiar electronica. Bugen sustenin nus Vus l’emprema ga che Vus inoltreis ina damonda electronica.
Las damondas da baghegiar da quella procedura vegnan inoltradas cumpletamein online.
Adatg: L’inoltraziun da dus sets da plans stampai ei actualmein aunc necessaria per damondas da baghegiar ordinarias – entochen che la basa legala per la signatura digitala ei scaffida.
Inoltraziun da:
- damondas da baghegiar ordinarias
- annunzias d’implonts solars (formular d’annunzia ed autodeclaraziun)
- remplazzament dil scaldament
- damondas da baghegiar simplificadas (suonda beingleiti)
Tut las informaziuns detagliadas e colligiaziun alla plattafuorma per damondas da baghegiar electronicas:
https://www.falera.net/verwaltung/ebaugesuche
La finamira ei da crear cun la plattafuorma Damondas da baghegiar electronicas Falera ina plivalur, schibein per las petentas ed ils petents sco era per las partidas involvidas e l’administraziun.
Damondas
Per damondas stat igl Uffeci da baghegiar da Falera bugen a disposiziun il gliendisdis ed il venderdis avonmiezdi:
telefon: 081 921 35 15, e-mail: bauamt@falera.net
Damondas da baghegiar dils 19-01-2024
- Nr.
2024-0001 - Di da publicaziun
19-01-2024 - Petent
Antony + Rebecca Elliott, Via Falera 50, 7153 Falera - Architect/Representant
MSDA GmbH (Michel Schranz), Sägenstrasse 4, 7000 Chur - Baghetg
Renovaziun ed engrondiment/alzament da la casa da vacanzas resp. da fin d’jamna (pli tard domicil permanent), garascha nova - Damondas supplementaras
• Damonda da permissiun da la polizia da fiug
• ANU: Damonda da permissiun per in ina pumpa da scaldar cun sondas geotermicas
• TBA: Uffeci da construcziun bassa: lescha davart las vias dil cantun GR - Parcella/zona
1215 / LW - Quartier/Via
Via Falera 50 - Termin d’ exposiziun
19-01-2024 – 08-02-2024 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
- Nr.
2024-0002 - Di da publicaziun
19-01-2024 - Petent
Vischnaunca politica Falera, Via Principala 45c, 7153 Falera - Architect/Representant
– - Baghetg
Remplazzament dallas storas dalla fatschada dil sid entras marchisas verticalas (La fermata) - Damondas supplementaras
– - Parcella/zona
261 / Zöba - Quartier/Via
Via Fuorns 1 - Termin d’ exposiziun
19-01-2024 – 08-02-2024 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Informaziun pertuccont la regiun da spazzatgamin Falera, Flims, Ilanz/Glion (Castrisch, Ladir, Pitasch, Riein, Ruschein, Sevgein), Laax, Safiental, Sagogn e Schluein per il 1. da schaner 2024
Per il 1. da schaner 2024 surpren il meister spazzatgamin Fabio Schmidig las lavurs da spazzatgamin da Benedetg Chistell.
Per ils survetschs prestai sco meister spazzatgamin e per la buna collaboraziun duront biars onns engraziein nus da cor a Benedetg Chistell. A Fabio Schmidig giavischein nus ina buna entschatta en sia nova regiun da spazzatgamin!
Contact meister spazzatgamin Fabio Schmidig:
Ils Camifeghers GmbH
c/o Schmidig Fabio
Gäuggelistrasse 6
7000 Chur
Telefonin: 077 268 76 16
E-Mail: info@camifeghers.ch
www.camifeghers.ch
Dismessa pigneuls da Nadal
Ils pigneuls da Nadal san vegnir dismess mintgamai sper ils posts da rimnada da rumien ufficials (molocs) en vischnaunca.
Ils pigneuls ch’ein deponi en quels loghens vegnan rimnai e dismess dils luvrers communals gratuitamein. Pigneuls ch’ein buca dismess sper ils post da rimnada da rumien ufficials (molocs) vegnan buca rimnai dils luvrers communals.
Nus supplichein per enconuschientscha.
Canzlia communala – Temps d’avertura sur Nadal e Daniev
La canzlia communala stat serrada ils suandonts dis:
gliendisdis, ils 25 da december 2023
mardis, ils 26 da december 2023
venderdis, ils 29 da december 2023
gliendisdis, igl 1. da schaner 2024
mardis, ils 2 da schaner 2024
Invitaziun aperitiv da Daniev
La suprastonza communala envida ensemen cul Club da Skis Crap Sogn Gion tuttas convischinas e tuts convischins sco era tuts hosps tier in aperitiv da Daniev.
Nus s’entupein igl 1. da schaner 2024 naven dallas 10.00 – 12.00 uras sil Plaz Fontauna. Communablamein lein nus far in viva sil niev onn.
Nus selegrein sin biaras visitadras e biars visitaders.
Eisfeld Falera
Das Angebot auf dem Eisfeld Falera wurde erweitert. So hat die Gemeinde Falera die notwendigen Einrichtungen zum Eisstockschiessen installiert, resp. gemietet. Jeweils am Dienstag Abend ist das Eisfeld von 18:30 Uhr bis 21:00 Uhr für diese Sportart reserviert. Jede und jeder, jung und alt, dürfen gerne an den abendlichen Plauschspielen teilnehmen.
Aus Sicherheitsgründen kann jeweils am Dienstag-Abend das Eisfeld nicht als Eishockeyplatz und zum Schlittschuhlaufen mitbenutzt werden.
Wir bitten um Verständnis und auf rege Teilnahme und eine gute Durchmischung von Einheimischen, Zweitheimischen und Gästen.
Es grüsst freundlich und wünscht besinnliche Festtage
Der Gemeindevorstand Falera
Scamond da fiugs artificals
Ord motivs dalla polizia da fiug ha la suprastonza communala decidiu in scamond da fiugs artificials pigl entir temps denter Nadal e Daniev. Il scamond da fiugs artificials vala pigl entir territori da vischnaunca.
Nus supplichein per enconuschientscha ed engraziein per l’observaziun da quei scamond da fiugs artificials.
Prau da skis per affons Chinginas
Ils 23-12-2023 entscheiva il menaschi dil prau da skis a Chinginas sco era dall’Ustria Mirasteilas ufficialmein. Sco adina carrescha il bus dil vitg tenor urari entochen la fermada Chinginas.
Ei legra nus, da presentar a Vus ils novs affittaders dall’Ustria Mirasteilas:
Monika e Beat Häfliger
Ils novs affittaders selegran sin biaras visetas e beneventan tuts cordialmein.
Nus giavischein bia success ed ina biala sesiun a Falera.
Engraziament ed auguris
Preziadas convischinas e preziai convischins
Preziai hosps
La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2023.
Nus giavischein a tuts ina biala e benedida fiasta da Nadal ed egl onn niev bia cletg, ventira ed oravontut buna sanadad.
Resultats radunonza communala dils 19-12-2023
Ils resultats dalla radunonza communala anfleis Vus cheu.
Cant dils sogns Retgs
Sonda, ils 6 da schaner 2024
Introducziun dalla procedura da contribuziun alla sanaziun dalla via «Via Dual Sut / Via Lavintgin» (zona da contribuziun 5)
Tenor il conclus dils 27 da november 2023, sebasond sin art. 63 dalla Lescha davart la planisaziun dil territori per il cantun Grischun (LPTGR) ed art. 22 ss. dall’Ordinaziun davart la planisaziun dil territori per il cantun Grischun (OPTGR) prevesa la suprastonza communala d’instradar la sanaziun dalla via ella zona da contribuziun «Via Dual Sut / Via Lavintgin» (zona da contribuziun 5) sco suonda:
Ovra:
L’ovra ch’ei da sanar cumpeglia ils suandonts segments da via:
– Via Dual Sut
– vias lateralas dalla Via Dual Sut (parts dallas parcellas cun las nr. 478, 456)
– Via Giaus Sut
– part egl ost dalla Via Chischlatsch tochen parcella nr. 68
– Via Lavintgin
– part el vest dalla Via Samun tochen parcella nr. 519
L’ovra ch’ei da sanar ei nudada cun colur el plan d’introducziun.
Schazetg approximativ dils cuosts:
CHF 2.5 milliuns (nunligiont)
Etappaziun:
Las lavurs da sanziun vegnan fatgas en duas etappas:
– 2024 Via Dual sut
– 2025 ulteriurs tschancuns da via
Parts dils cuosts:
Part dalla vischnaunca (interessenza publica):
– Via Dual Sut: 40%
– vias lateralas dalla Via Dual Sut: 10%
– Via Giaus Sut, part sut: 40%
– Via Giaus Sut, part sura: 0%
– Via Chischlatsch: 40%
– Via Lavintgin: 20%
– Via Samun: 10%
Las parts procentualas dall’interessenza publica vid las singulas parts dallas vias inclusiv ils territoris cumpigliai ein nudai cun colur el plan d’introducziun.
Part privata (interessenza privata):
– Via Dual Sut: 60%
– vias lateralas dalla Via Dual Sut: 90%
– Via Giaus Sut, part sut: 60%
– Via Giaus Sut, part sura: 100%
– Via Chischlatsch: 60%
– Via Lavintgin: 80%
– Via Samun: 90%
Zona da contribuziun:
Parcellas cun nr. 64, 65, 68, 69, 70, 71, 81, 82, 83, 84, 85, 107, 269, 270, 271, 272, 273, 274, 276, 277, 305, 306, 307, 309, 436, 444, 445, 456, 478, 484, 500, 504, 505, 506, 507, 508, 509, 510, 512, 513, 514, 518, 519, 532, 533, 534, 535, 536, 537, 549, 552, 589, 592, 591, 593, 594, 595, 601, 602, 616, 617, 618, 641, 1120, 1129, 1431, 1432, 1463, 1540, 1541, 1542, (1543), 1616, 1674, 1673, 1651
La zona da contribuziun ei da veser el plan d’introducziun.
Actas d’exposiziun:
– Text da publicaziun
– Plan d’introducziun «procedura da contribuziun alla sanaziun dalla Via Dual sut/ Via Lavintgin» (zona da contribuziun 5) 1:1’150
Termin d’exposiziun:
ils 15 da december 2023 tochen ils 15 da schaner 2024 (30 dis)
Liug d’exposiziun/ temps:
Administraziun communala Falera, Via Principala 45c, 7153 Falera, duront ils temps d’avertura dil spurtegl. Las actas san ins era consultar sin www.falera.net.
Recuors:
Encunter l’introducziun dalla procedura da contribuziun, l’ovra ch’ei da sanar, il perimeter da contribuziun sco era la part dall’interessenza publica e privata san ins far recuors cun argumentaziun en scret duront il temps d’exposiziun. Suenter ch’il termin d’exposiziun ei scadius, relai la suprastonza communala il conclus ed arva quel per ils cumpigliai ed eventuals recurrents.
Retratga dils pigneuls da Nadal empustai
Ils pigneuls empustai san vegnir retratgs venderdis, ils 22 da december 2023 naven dallas 12.30 – 13.00 uras sil parcadi Fandrels a Falera.
Ils pigneuls empustai ston vegnir pagai ordavon sin canzlia communala.
Muort la schliata prognosa dall’aura, vegnan ils pigneuls da Nadal parti ora en la fermata.
La nova «carta dil di da spargn dalla vischnaunca»
La carta dil di da spargn dalla vischnaunca remplazza la carta dil di. Ei dat in contingent total per di per l’entira Svizra. Purschiu vegn la carta per la 1. ni per la 2. classa sco era cun ni senza mesa taxa. Ella ei valeivla per tut ils tschancuns dil sectur d’applicaziun digl abonnament general (GA). Pli baul ch’ins cumpra la carta e pli bass ch’il prezi ei.
scalem da prezi 1 (da survegnir max. entochen 10 dis avon il di da viadi)
2. classa cun mesa taxa CHF 39.00
2. classa senza mesa taxa CHF 52.00
1. classa cun mesa taxa CHF 66.00
1. classa senza mesa taxa CHF 88.00
1. classa senza mesa taxa CHF 88.00
scalem da prezi 2 (da survegnir max. entochen 1 di avon il di da viadi)
2. classa cun mesa taxa CHF 59.00
2. classa senza mesa taxa CHF 88.00
1. classa cun mesa taxa CHF 99.00
1. classa senza mesa taxa CHF 148.00
La carta dil di da spargn san ins cumprar senza excepziun mo al spurtegl dalla canzlia communala. Disponibla ei la carta mo a moda persunalisada (negina transferibladad a tiarzas persunas). Ella sa mo vegnir restituida en cass excepziunals.
1. classa senza mesa taxa CHF 148.00
La carta dil di da spargn san ins cumprar senza excepziun mo al spurtegl dalla canzlia communala. Disponibla ei la carta mo a moda persunalisada (negina transferibladad a tiarzas persunas). Ella sa mo vegnir restituida en cass excepziunals.
La vendita entscheiva ils 11 da december 2023 ed igl emprem di da viadi pusseivel ei igl 1. da schaner 2024.
Sin www.spartageskarte-gemeinde.ch anfleis Vus l’actuala gliesta da disponibilitad.
Ulteriuras informaziuns :
Radunonza communala
Mardis, ils 19 da december 2023, 20.15 uras, la fermata
Tractandas:
- Beinvegni, elecziun da dus dumbravuschs
- Presentaziun ed approbaziun preventiv 2024
- Fixar il pei da taglia 2024
a) Taglia sin gudogn e facultad
b) Taglia sin schischom - Damonda da credit per sanaziun vias communalas
- Damonda da credit per sanaziun provediment d’aua
- Damonda da credit per sanaziun indrez da mulscher cun bischels Alp Dadens
- Informaziuns e varia
Il preventiv vegn tarmess tier els proxims dis a tuttas casadas. Ulteriurs exemplars san ins retrer tier l’administraziun communala ni cargar giu dalla pagina d’internet dalla vischnaunca. Il messadi corrispundent ei medamein publicaus sin la pagina d’internet dalla vischnaunca.
Protocol radunonza communala dils 27-10-2023
Dil protocol dalla radunonza communala dils 27 d’october 2023 sa vegnir priu naven d’immediat envesta sin canzlia communala.
Protestas ston vegnir inoltradas en scret alla suprastonza communala duront il temps d’exposiziun da 30 dis.
Prescripziuns pertuccont damondas da baghegiar
Nus fagiein attents sin las suandontas prescripziuns en connex cun damondas da baghegiar:
Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.
Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.
Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.
Nus supplichein per enconuschientscha ed engraziein per l’observaziun da quellas prescripziuns.
Prescripziuns per locaturs
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis.
Medemamein sto vegnir annunziau partenzas ed arrivadas. Quei vala era per midadas enteifer il medem schischom.
Nus supplichein per enconuschientscha ed engraziein per l’observaziun da quellas prescripziuns.
Plazza da glatsch Falera
La plazza da glatsch Falera ei promta!
Il mardis allas 18:30 – 21:00 uras mintgamai reservau per trer rudiallas.
Mintgina e mintgin astga separticipar.
Ord motivs da sigertad eis ei buca pusseivel da duvrar il glatsch duront il giug da trer rudellas per hockey ni ir cun patinas.
Temps d’avertura mira flyer
Plazza sco ustier/ustiera
La vischnaunca da Falera enquera per miez december 2023 in/a ustier/ustiera per l’ustria Mirasteilas. Cuoz e pensum tenor convenziun.
Detagls mira inserat.
Empustaziun pigneuls da Nadal
Ei sa vegnir empustau las suandontas sorts e grondezias:
m
pégn da Nordmann:
80/100 cm
125/150 cm
175/200 cm
225/250 cm
300/350 cm
n
pégn:
80/100 cm
100/150 cm
150/200 cm
200/300 cm
n
Las empustaziuns ein d’inoltrar alla canzlia communala (tel. 081 921 35 15 ni
e-mail: info@falera.net) entochen sil pli tard venderdis, igl 1. da december 2023. Empustaziuns che vegnan fatgas suenter quei termin san deplorablamein buca pli vegnir risguardadas.
m
Ils pigneuls empustai ston vegnir pagai sin canzlia communala ordavon. Venderdis, ils 22 da december 2023 naven dallas 12.30-13.00 uras san ils pigneuls vegni retratgs sil parcadi Fandrels.
Invitaziun allas uniuns da Falera – Sesida da coordinaziun occurrenzas
La suprastonza communala envida las uniuns dil vitg tier ina sesida da coordinaziun pertuccont occurrenzas 2024.
La sesida ha liug sco suonda:
mardis, ils 28-11-2023, allas 20:00 uras, la fermata, Gonda.
Nus sperein che mintga uniun sappi tarmetter silmeins in delegau dalla suprastonza.
Seccapescha ein era persunas privatas, ch’ein interessadas dad organisar occurrenzas, envidadas tier quella sesida.
Pigneuls e dascha pil temps d’advent
Fatschentas, ustrias e persunas privatas che lessan retrer pil temps d’advent pigneuls ni dascha, san dar si lur empustaziun entochen sil pli tard venderdis, ils 10 da november 2023 tier la canzlia communala (081 921 35 15).
Damonda da baghegiar dils 3-11-2023
- Nr.
2023/50 - Di da publicaziun
3-11-2023 - Petent
Vischnaunca Falera, Via Principala 45c, 7153 Falera - Architect/Representant
Casutt Wyrsch Zwicky AG, Via Principala 45d, 7153 Falera - Baghetg
Construcziun da plazzas per buentar la muaglia - Damondas supplementaras
– - Parcella/zona
894/895 / LW + W - Quartier/Via
Badugns - Termin d’ exposiziun
3-11-2023 – 23-11-2023 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Resultats radunonza communala dils 27-10-2023
Ils resultats dalla radunonza comunala anfleis Vus cheu.
Rumida da neiv sin vias da meglieraziun
A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias.
Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils cuosts ein da surprender dils pertuccai.
Per purs che pervesan lur animals sin beins buca habitai ord la zona da baghegiar sa la suprastonza communala en cass da basegn far excepziuns e decider sut tgei cundiziuns ch’ina rumida sa vegnir fatga. Per che nus seigien semtgei sigl unviern supplichein nus il purs pertuccai da s’annunziar a scret tier la canzlia communala entochen ils 6 da november 2023 cun indicar nua e per tgei temps ina rumida fuss necessaria.
Santeri Falera: Sligiar si fossas
Per saver cavar vinavon las fossas cun la maschina sto vegnir sligiau si ina nova retscha da fossas.
Tenor artechel 18 digl uorden da sepultura e santeri dalla vischnaunca da Falera sto la suprastonza communala annunziar publicamein la rumida silmeins 6 meins avon il termin da rumida ed era orientar ils vegnentsuenter.
Las suandontas fossas vegnan sligiadas si:
nr. 42 Maria Ursula Heini-Casutt
nr. 43 Carlina Winzap
nr. 44 Ursula Cathomen-Fankhauser
nr. 45 Margretha Blumenthal-Riedi
nr. 46 Christian Camartin
nr. 47 A. M. Barla Casutt-Casutt
Sin fundament digl uorden sura numnau supplichein nus ils vegnentsuenter resp. talas persunas ch’ein responsablas per las fossas numnadas d’allontanar la crusch-fossa sco era la rama-fossa entochen fin avrel 2024.
Succeda la rumida buca enteifer il termin fixau capeta ella per incarica dalla suprastonza communala cun adossar ils cuosts als parents. Cruschs-fossa e ramas-fossa che vegnan buca allontanadas crodan senza indemnisaziun en possess dalla vischnaunca politica.
Nus supplichein per enconuschientscha ed engraziein per l’execuziun da quella ordinaziun.
Elecziuns dils 22-10-2023 – Resultats vischnaunca Falera
Numnasontga / Temps d’avertura canzlia communala
Muort il firau da Numnasontga resta l’administraziun communala serrada mesjamna, igl 1. da november 2023 igl entir di.
Nus supplichein per enconuschientscha.
Rimnada da rauba blocconta
Sonda, ils 4 da november 2023 dallas 8.00-11.00 uras sa vegnir dismess rauba blocconta.
Ils containers per dismetter la rauba vegnan tschentai si sil parcadi Fandrels.
Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.
Ils suandonts rumians astgan en mintga cass buca vegnir dismess el rom da rimnadas da rauba blocconta:
rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.
Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.
Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:
apparats electrics nnnnnnnnnnnnnnnnnnnngratuit
batterias da motos nnnnnnnnnnnnnfrs.nnn5.– per toc
batterias d’auto pign/grondnnnnn n frs. nn10.–/20.– per toc
pneus da privats senza gavegliasnnn frs. nn5.– per toc
pneus da privats cun gavegliasnnnn frs. nn10.– per toc
Quella rauba vegn dismessa separau dalla rauba blocconta entras ils luvrers communals.
Ils luvrers communals han l’incumbensa da visar anavos rauba che corrispunda buca als criteris da rumien bloccont.
Nus supplichein per enconuschientscha.
Vischnaunca da Falera – Intenziun d’introducir ina procedura per regruppar terren e rectificar ils cunfins en connex cun ina procedura dil plan d’areal per il territori La Mutta
Tenor il conclus dils 25-9-2023 prevesa la suprastonza communala da Falera d’introducir ina procedura per regruppar terren e rectificar ils cunfins en connex cun ina procedura dil plan d’areal per il territori La Mutta. Sebasond sin art. 65 ss. dalla Lescha davart la planisaziun dil territori per il cantun Grischun (LPTGR) ed art. 28 ss. dall’Ordinaziun davart la planisaziun dil territori per il cantun Grischun (OPTGR) vegn quella intenziun publicada sco suonda cun indicar la cunfinaziun cun il territori cumpigliau, la moda e maniera dalla realisaziun ed igl intent dalla mesira:
- Il territori cumpeglia las parcellas nr. 363, 411, 414, 416, 417, 418, 419, 420, 421, 466, 1227, 1228, 1229, 1241, 1244 (parzialmein) e 1612 (parzialmein) dil register funsil da Falera ch’ein agravadas el plan da zonas cun in’obligaziun da far in plan d’areal e da regruppar terren.
- Dil plan cun la cunfinaziun previda dil territori cumpigliau san ins prender envesta sin la canzlia communala.
- La procedura per regruppar terren e rectificar ils cunfins succeda en connex cun la procedura dil plan d’areal per il territori La Mutta.
- Intent dil regruppament da terren e dalla rectificaziun dils cunfins en connex cun ina procedura dil plan d’areal per il territori La Mutta:
realisar planisatoricamein l’obligaziun da regruppar terren e da far in plan d’areal fixada cun vigur legala egl uorden fundamental per las parcellas cumpigliadas ella «zona turistica Hotel La Mutta» ed ella «zona per implonts publics»;
reglar igl access dil territori dil plan d’areal e la megliera gruppaziun, localisaziun e concepziun pusseivla dils edifecis ed implonts e da lur spazis exteriurs cun prender il pli grond risguard dil maletg dil vitg e dalla cuntrada;
regruppar il terren e rectificar ils cunfins per crear parcellas ch’ein utilisablas a moda optimala ed economica en favur d’in svilup qualitativ.
- Protestas encunter l’introducziun intenziunada dalla procedura ed encunter il territori cumpigliau previu ein da drizzar enteifer 30 dis dapi il datum da publicaziun en scret e cun motivaziun alla suprastonza communala (art. 30 OPTGR).
Radunonza communala
Venderdis, ils 27 d’october 2023, 20.15 uras, la fermata
Tractandas:
1. Beinvegni, elecziun da dus dumbravuschs
2. Constataziun dall’approbaziun dils protocols dallas radunonzas
.communalas dils 18-4-2023 e 16-6-2023
3. Damonda da credit vehichel per lavurs communalas
4. Cessiun dretgs da baghegiar parcella nr. 204, Stonas e nr. 151, Fancrengia
5. Informaziuns e varia
Il messadi corrispundent sa vegnir retratgs sin canzlia communala ni cargaus giu dalla pagina d’internet dalla vischnaunca www.falera.net.
Obligaziun da far survetsch da pumpiers 2024
Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers.
Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal che gudogna il pli bia.
Tenor las disposiziuns executivas tier la lescha da pumpiers dalla vischnaunca da Falera entscheiva l’obligaziun da dar pumpiers egl onn, el qual il 20avel onn da naschientscha vegn cumplenius. L’obligaziun da far pumpiers finescha alla fin digl onn (31-12), el qual il 42avel onn da naschientscha vegn cumplenius.
La taxa da basa per la taxa da cumpensaziun munta per obligai da far pumpiers cun domicil cumplein (di da referenza mintgamai ils 31-12) fr. 280.—/onn. Tier domicil jamnil cun domicil cumplein (di da referenza mintgamai ils 31-12) munta la taxa da basa per la taxa da cumpensaziun fr. 100.—/onn.
Persunas ch’ein obligadas da far pumpiers e che lessan prestar survetsch san s’annunziar entochen ils 24 da november 2023 cul formular corrispundent. Il formular ei publicaus sin la pagina d’internet https://www.laax-gr.ch.
Persunas che prestan gia survetsch e lessan pagar niev la taxa da cumpensaziun enstagl da prestar survetsch activ duein s’annunziar a scret entochen ils 24 da november 2023 tiel cumandant da pumpiers.
Per ulteriuras informaziuns stat il cumandant da pumpiers, Sebastian Schulz (Natel 079 309 94 98 ni E-Mail: feuerwehr@laax-gr.ch) bugen a disposiziun.
Votaziuns dils 22 d’october 2023
Nus fagein attents sin la publicaziun all’entschatta dil fegl ufficial.
L’urna ei tschentada sin canzlia communala sco suonda:
gievgia, ils 19 d’october 2023 nnnnnnnnnnn15.00-17.00 uras
venderdis, ils 20 d’october 2023 nnnnnnnnn15.00-17.00 uras
dumengia, ils 22 d’october 2023 nnnnnnnnn09.45-10.15 uras
Igl attest da votar ei da dar giu persunalmein all’urna. Tier ina votaziun per correspondenza sto igl attest da votar vegnir suttascrets.
Votantas ni votants che han buca survegniu tarmess tier il material da votar, san retrer quel entochen venderdis, ils 20 d’october 2023 tier la canzlia communala.
Damondas da baghegiar dils 29-09-2023
- Nr.
2023/46 - Di da publicaziun
29-09-2023 - Petent
Casutt AG, Via Lavintgin 5, 7153 Falera - Architect/Representant
Architectura G. Cagienard, Via Principala 64, 7031 Laax - Baghetg
Renovaziun Casa Megalit, cun vetrificaziun dalla scala ordadora - Damondas supplementaras
– - Parcella/zona
1535 / D - Quartier/Via
Via Paliu 15 - Termin d’ exposiziun
29-09-2023 – 19-10-2023 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
- Nr.
2023/47 - Di da publicaziun
29-09-2023 - Petent
StWEG Via Principala 19, c/o R. Arpagaus, Calandagass 4, 7023 Haldenstein - Architect/Representant
Casutt AG – Sanitär und Heizung, Via Principala 18, 7151 Schluein - Baghetg
Remplazzament dil scaldament cun ina pumpa da scaldar cun aria ed aua - Damondas supplementaras
– - Parcella/zona
358 / D - Quartier/Via
Via Principala 19 - Termin d’ exposiziun
29-09-2023 – 19-10-2023 - Protestas
Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Deponia da pupi e cartun a Bigliac
Actual cuoran las lavurs da sanaziun vid la Via Bigliac e lavurs da construcziun sin la parcella nr. 375. Il plaz a Bigliac ei fetg stretgs e duront il di ei l’entira via occupada entras differentas maschinas e camiuns.
Per che las lavurs da construcziun sappien vegnir fatgas senza disturbis, supplichein nus tuts da deponer pupi e cartun eav. en scudera mintgamai per la sera suenter las 17.30 uras.
Nus engraziein per la capientscha.
Elecziun menader operativ dalla vischnaunca
La suprastonza communala ha tenor decisiun dils 15 da settember 2023 elegiu Ivo Speck, Falera sco menader operativ dalla vischnaunca. El entra en survetsch sil pli tard igl 1. d’avrel 2024.
Nus gratulein ad Ivo Speck tier quell’elecziun e giavischein ad el bia plascher cun sia nova incumbensa.
Obligaziun da vignetta per pegnas mobilas el liber
Tenor las prescripziuns d’energia vertentas dil cantun Grischun ein pegnas mobilas per diever commercial ora el liber lubidas sulettamein, sche las emissiuns da CO2 vegnan cumpensadas. Sco pegnas mobilas valan oravontut ils schi numnai “bulius da scaldar”, cundrez da scaldar per tendas (per exempel exposiziuns, events etc.) era radiaturs e radiaturs d’infratgietschen. Per astgar duvrar pegnas mobilas el liber, basegna ei ina vignetta respectivamein pliras vignettas che ston vegnir renovadas annualmein. Ina vignetta entochen 14kw cuosta 60 francs e sa vegnir retratga sin canzlia communala.