Archiv

Administraziun communala

Muort il firau da Nossadunna d’uost resta l’administraziun communala serrada mesjamna, ils 15 d’uost 2018.

Nus supplichein per enconuschientscha. Bien engraziament.

 

Constituziun suprastonza communala

A caschun dalla sesida dils 27 da fenadur 2018 ei la suprastonza communala seconstituida sco suonda:

President communal: Wendelin Casutt-Cathomen
Vicepresident: Patric Casutt

  1. Administraziun generala, finanzas, taglias, persunal da vischnaunca, provediment social, tgira da malsauns
    Cau:  Wendelin Casutt-Cathomen
    Substitut: Orlando Steiner
  2. Fatgs da scola
    Cau: Sandra Chistell Omlin
    Substitut: Wendelin Casutt-Cathomen
  3. Fatgs da baghegiar e planisaziun, vias en vischnaunca, provediment d’aua, canalisaziun
    Cau: Patric Casutt
    Substitut: Gion Cathomen
  4. Agricultura, alps, uffeci forestal, vias da meglieraziun ed uaul, dismessa da rumians, fatgs da santeri, protecziun dalla natira e digl ambient, polizia, pumpiers, militar, schurmetg civil
    Cau: Gion Cathomen
    Substitut: Patric Casutt
  5. Economia, turissem, cultura, sport
    Cau: Orlando Steiner
    Substituta: Sandra Chistell Omlin
Serrada dalla Via Principala muort la fiasta dil vitg

En cass da bialaura vegn la fiasta dil vitg menada atras ils 4 d’uost 2018 sil Plaz Fontauna.

Per saver menar atras la fiasta sco planisau vegn la Via Principala naven dalla cruschada Via Encarna entochen l’ustria Casa Seeli serrada pil traffic naven da venderdis suentermiezdi, ils 3 d’uost 2018 entochen dumengia sera, ils 5 d’uost 2018.

Nus supplichein da risguardar las signalisaziuns corripundentas ed engraziein per la capientscha.

Scamond da far fiug e d’inflammar fiugs artificials e rachetas

Muort la schetgadad dil davos temps ei il prighel da fiug fetg gronds. Las prognosas d’aura pils proxims dis vegnan probabel buca a midar enzatgei vid quella situaziun.

Perquei ha la suprastonza communala da Falera relaschau ad interim in scamond absolut da far fiug e d’inflammar fiugs artificials e rachetas pigl entir territori da vischnaunca. Cun ina sluccada dalla situaziun ei da quintar per suenter plievgias abundontas sur plirs dis.

Per donns che seresultan entras surpassaments dil scamond da far fiug ei mintga persuna sezza responsabla. Egl interess da nus tuts, supplichein nus da setener vid quellas prescripziuns.

Communicaziuns actualas pertuccont il prighel d’incendis d’uaul e scamond da far fiug anfleis silla pagina d’internet www.wald.gr.ch.

Damondas da baghegiar dils 20-7-2018
  • Nr. 
    2018/48
  • Di da publicaziun 
    20 da fenadur 2018
  • Petent 
    Peikert Bernhard, Loretohöhe 44, 6300 Zug
  • Architect/Representant 
    —
  • Baghetg 
    Diversas lavurs da manteniment casa existenta
  • Damondas supplementaras 
    –
  • Parcella/zona 
    11/W2
  • Quartier/Via 
    Via Manduns 38
  • Termin d’ exposiziun 
    20-07-2018  –  09-08-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Diever localitads da vischnaunca 2018/2019

Uniuns e persunas che lessan far diever dallas localitads da vischnaunca el Center Communal en casa da scola ni en la fermata ein supplicadas da far ina damonda a scret alla canzlia communala entochen ils 3 d’uost 2018.

 

Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Damondas da baghegiar dils 13-7-2018
  • Nr. 
    2018/46
  • Di da publicaziun 
    13 da fenadur 2018
  • Petent 
    Anton Blumenthal, Via Dual 2, 7153 Falera
  • Architect/Representant 
    Maurus Cathomas AG, Judith Althaus, Via S. Clau sura 1, 7130 Ilanz
  • Baghetg 
    Remplazzar porta garascha existenta e slargament
    Sanaziun terrassa existenta sil tetg
  • Damondas supplementaras 
    –
  • Parcella/zona 
    310/D
  • Quartier/Via 
    Via Principala 67
  • Termin d’ exposiziun 
    13-07-2018  –  02-08-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
1. d’uost 2018 – fiasta naziunala a Falera

1. d’uost 2018, naven dallas 9.00 entochen ca. las 16.30 uras, Tegia Curnius

Naven dallas 9.00 entochen las 11.30 uras
Ensolver da purs (reservaziun necessaria sut la numera da telefon 081 927 99 30). Prezis: Carschi CHF 20.−, affons 6−14 onns CHF 14.−, affons sut 6 onns CHF 2.−/onn da vegliadetgna.

Naven dallas 11.30 entochen ca. las 16.30 uras
Festivitads d’emprem d’uost cun producziuns chor viril Falera, societad da musica Falera e sunatibas. Plaid digl emprem d’uost entras Reto Gurtner, president Arena Alva SA. Il team dalla Tegia Curnius procura pil beinstar corporal dils hosps. Plazza da termagliar per affons cun diversas attracziuns (ruschnera, trampolins, zoo da carsinar eav.).

La pendiculara Falera—Curnius ei aviarta naven dallas 8.30 entochen las 17.00 uras.
Indigens, possessurs da habitaziuns da vacanzas e locataris dallas vischnauncas da Falera e Laax che possedan neginas cartas digl onn ni negins abonnaments valeivels san retrer cartas dil di specialas (Falera-Curnius) entochen ils 31 da fenadur 2018 sulettamein tier las administraziuns communalas Falera e Laax.

La fiasta ha liug da tutt’aura. La sera ha la fiasta naziunala liug a Laax spel lag. Denter Falera, Laax e Flem cursescha in bus da shuttle gratuit.

Nus selegrein sin biaras visitadras e biars visitaders.

Vischnauncas Falera e Laax

Flyer

Scamond absolut da far fiug per la Surselva

Per dapli informaziuns mira flyer.

Cordiala gratulaziun

Dacuort ha nies emprendist Toni Bearth terminau cun bien success ils examens finals sco commerciant tier l’administraziun communala Falera. Nus gratulein a Toni per quei success e giavischein pil futur bia plascher e satisfacziun en sia veta privata e professiunala.

 

Fiasta dil vitg 4-8-2018

Flyer

Obligaziun d’annunzia controlla da habitonts

Tenor las leschas vertentas ein persunas che prendan dimora en vischnaunca obligadas d’annunziar lur arrivada tier la canzlia communala enteifer 14 dis cun deponer ils suandonts documents:

Burgheis svizzers cun dimora permanenta

  • Scret da patria
  • Attest da famiglia
  • Cudisch militar / Cudischet dalla protecziun civila
  • Mussament da segirada dalla cassa da malsauns

Burgheis svizzers cun dimora jamnila

  • Certificat d’origin dalla vischnaunca da domicil

Burgheis da tiaras jastras

  • Passaport ni carta d’identitad
  • Legitimaziun d‘jasters (sche avon maun)
  • Damonda per lubientscha d’jasters A1/B1
  • Mussament da segirada dalla cassa da malsauns

Partenza
Persunas che bandunan la vischnaunca da Falera han d’annunziar quei avon la partenza cun indicar il datum ed il liug da partenza.

Midadas da casa
Midadas d’adressa enteifer la vischnaunca da Falera ein medemamein d’annunziar alla canzlia enteifer 14 dis. Quella obligaziun vala era per midadas enteifer il medem baghetg.

Obligaziun d’annunzia per locaturs
Vinavon ein era ils locaturs da casas, habitaziuns, combras, tegias eav. obligai d’annunziar alla canzlia mintga arrivada e partenza da locataris.

Dapli informaziuns en connex cull’obligaziun d’annunzia anfleis Vus sin nossa pagina d’internet www.falera.net.

　Controlla da habitonts Falera

Damondas da baghegiar dils 15-6-2018
  • Nr. 
    2018/43
  • Di da publicaziun 
    15 da zercladur 2018
  • Petent
    Hugo+Julia Wellinger-Casutt, Via Dual sut 9, 7153 Falera
  • Architect/Representant 
    –
  • Baghetg 
    Tetg da veider sur la terrassa existenta
  • Damondas supplementaras 
    –
  • Parcella/zona 
    83/D
  • Quartier/Via 
    Via Dual sut 9
  • Termin d’ exposiziun 
    15-06-2018  –  05-07-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Prescripziuns pertuccont damondas da baghegiar

Nus fagiein attents sin las suandontas prescripziuns en connex cun damondas da baghegiar:

Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun.

Art. 42
1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, von denen erhebliche Auswirkungen auf die Nutzungsordnung zu erwarten sind), sind vorgängig der Projektierung und Ausführung ausnahmslos der Baubehörde anzuzeigen.

Art. 43
1 Die Baubehörde entscheidet, ob das angezeigte Vorhaben unter die baubewilligungsfreien Vorhaben gemäss Art. 40 KRVO fällt oder ob eine Baubewilligungspflicht besteht.

Nus supplichein per enconuschientscha ed engraziein per l’observaziun da quellas prescripziuns.

Votaziuns/Elecziuns dils 10-6-2018

Ils resultats dalla vischnaunca da Falera anfleis Vus cheu.

Tir Cantunal Grischun Surselva 2018

Preziadas convischinas e preziai convischins
Cars hosps

Naven dils 15 da zercladur 2018 entochen igl 1. da fenadur 2018 ha il tir Cantunal Grischun 2018 liug en Surselva. Duront treis fin d’jamna vegnan 7’000 triaduras e tiradurs a visitar la Surselva per practicar lur sport sin 14 differents implonts da tir. L’uniun da tir Laax-Falera separticipescha medemamein cul stan da sittar a Giratsch a quell’occurrenza.

Bugen informein nus Vus sur dils singuls dis ed uras da tir:

  • venderdis, 15-6-2018 entochen dumengia, 17-6-2018
  • venderdis, 22-6-2018 entochen gliendisdis, 25-6-2018
  • venderdis, 29-6-2018 entochen dumengia, 1-7-2018

mintgamai dallas 8.00 – 12.00 uras e dallas 13.30 – 19.30 uras.

Mo en cass excepziunals (per exempel macort’aura) vegnan las uras da sittar sur miezdi ni la sera adattadas. La dumengia vegn sittau entochen las 17.00 uras.

Ils responsabels ein tuttavia pertscharts ch’ei sto vegnir quintau cun certas immissiuns da canera. Perquei supplichein nus Vus gia ordavon per capientscha. Nus essan denton perschuadi d’organisar ella Surselva ina nunemblideivla fiasta da tir e cheutras da prestar aschia ina impurtonta contribuziun en favur da nossa regiun.

Bien engraziament per Vossa enconuschientscha e per la capientscha.

Protocol

Dil protocol dalla radunonza communala dils 9 da matg 2018 sa vegnir priu naven d’immediat envesta sin canzlia communala.

Sch’ei vegn fatg neginas protestas a scret entochen la proxima radunonza communala vala il protocol sco approbaus.

Votaziuns dils 10 da zercladur 2018

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 7 da zercladur 2018                                   15.00-17.00 uras
venderdis, ils 8 da zercladur 2018                             15.00-17.00 uras
dumengia, ils 10 da zercladur 2018                           09.45-10.15 uras

Il cedel da dretg da votar (cedel alv) ei da dar giu all’urna.

Votantas ni votants che han buca survegniu tarmess tier il material da votar, san retrer quel entochen venderdis, ils 8 da zercladur 2018 tier la canzlia communala.

Dumbraziun dallas habitaziuns vitas pigl 1-6-2018

Igl uffeci federal da statistica meina puspei atras ina dumbraziun dallas habitaziuns vitas.

Possessurs da casas ni administraziuns d’immobilias, che han pigl 1 da zercladur 2018 habitaziuns ni casas d’ina famiglia vitas ein obligai da communicar quei per telefon (081 921 35 15) ni a scret alla canzlia communala entochen sil pli tard ils 1 da zercladur 2018.

Sco habitaziuns vitas el senn da quella dumbraziun vegnan tut las habitaziuns mobiliadas ni buca mobiliadas quintadas, las qualas adempleschan las suandontas duas cundiziuns:

– habitaziuns ni casas d’ina famiglia ch’ein il di da controlla (1-6-2018) vitas denton habitablas e
– ch’ein il di da controlla (1-6-2018) screttas ora per schar a tscheins permanent per minimal 3 meins ni venalas.

Nus engraziein per la cooperaziun.

 

Test da sirenas 2018 / Repetiziun

Suenter ch’ei ha dau a caschun dil test da sirenas naziunal dils 7 da fevrer 2018 disturbis tecnics tiel sistem da pilotadi ha igl uffeci federal per la protecziun dalla populaziun decidiu da repeter il test da sirenas mesjamna, ils 23 da matg 2018.

Igl alarm general vegn activaus dallas 13.30 uras entras la polizia cantunala. Quei alarm serepeta ina secunda gada enteifer 5 minutas. Igl alarm d’aua vegn activaus dallas 14.15 uras entras la polizia cantunala e dallas 15.00 uras entras ils interpreturs dallas ovras electricas.

Ulteriuras informaziuns e reglas da secuntener anfleis Vus sin la pagina da teletext 680 e sin la pagina d’internet www.sirenentest.ch.

Nus supplichein per enconuschientscha.

Damondas da baghegiar dils 18-5-2018
  • Nr. 
    2018/38
  • Di da publicaziun 
    18 da matg 2018
  • Petent 
    Chistell Benedetg + Albert, Via Fuorns 38, 7153 Falera
  • Architect/Representant 
    Casutt AG, Via Lavintgin 5, 7153 Falera
  • Baghetg 
    Cumplettar mir da sustegn existent, remplazzar camon da lenn entras in edifeci massiv
  • Damondas supplementaras 
    –
  • Parcella/zona 
    393/W2
  • Quartier/Via 
    Via Fuorns 38
  • Termin d’ exposiziun 
    18-05-2018  –  07-06-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Damondas da baghegiar dils 11-5-2018
  • Nr. 
    2018/27
  • Di da publicaziun 
    11 da matg 2018
  • Petent 
    Weisse Arena Bergbahnen AG, Via Murschetg 17, 7032 Laax
  • Architect/Representant 
    schneller caminada architekten, Via Principala 59, 7014 Trin
  • Baghetg 
    Construcziun nova ustria per affons/magasin, halla per depositar
  • Damondas supplementaras 
    –
  • Parcella/zona 
    1292 (1493)/Zona per implonts turistics
  • Quartier/Via 
    Crap Sogn Gion
  • Termin d’ exposiziun 
    11-05-2018  –  31-05-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr. 
    2018/32
  • Di da publicaziun 
    11 da matg 2018
  • Petent 
    Caviezel Arno, Via Dual sut 11, 7153 Falera
  • Architect/Representant 
    –
  • Baghetg 
    Engrondir finiastra existenta sco esch per la terrassa
  • Damondas supplementaras 
    –
  • Parcella/zona 
    84/D
  • Quartier/Via 
    Via Dual sut 11
  • Termin d’ exposiziun 
    11-05-2018  –  31-05-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr.
    2018/34
  • Di da publicaziun 
    11 da matg 2018
  • Petent 
    Marco+Sylvia Rondouin, 4 Allée de Lussac, FR-33127 Martignas Sur Jalle
  • Architect/Representant 
    –
  • Baghetg 
    Nova finiastra ella fatschada ost, casa nr. 286
  • Damondas supplementaras 
    –
  • Parcella/zona 
    268/WG3
  • Quartier/Via 
    Via Cabriec 16
  • Termin d’ exposiziun 
    11-05-2018  –  31-05-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Resultats radunonza communala dils 9-5-2018

Ils resultats dalla radunonza communala anfleis Vus cheu.

Temps d’avertura canzlia communala sur Anceinza e Tschuncheismas

L’administraziun communala resta serrada ils suandonts dis:

gievgia, ils 10 da matg 2018
venderdis, ils 11 da matg 2018
gliendisdis, ils 21 da matg 2018

Nus supplichein per enconuschientscha.

 

Nova procedura per retrer igl abonnament digl onn per indigens dallas pendicularas Arena Alva SA

Il bon per la reducziun sto buca pli vegnir retratgs dalla populaziun indigena cun domicil sur onn (tenor dretg civil e fiscal) sill’administraziun communala.

Las pendicularas Arena Alva SA han registrau igl onn vargau en lur sistem da cassa las persunas indigenas legitimadas aschia che quellas san vegnir clamadas giu. La persuna legitimada sto mo pli s’identificar cun la carta d’identitat.

Tier ina eventuala partenza dalla vischnaunca scada la legitimaziun per indigens. La partenza vegn annunziada entras la controlla da habitonts allas pendicularas Arena Alva SA.

Novas persunas indigenas, ch’ein aunc buca registradas el sistem da cassa, ston presentar per l’identificaziun singular la carta cotschna per indigens che sto esser bullada dall’administraziun communala. La carta cotschna sa vegnir retratga sill’administraziun communala.

Duront la sesiun da stad ed unviern san indigens retrer da tut temps cartas dil di, cartas per singuls viadis e cartas per pedunzs per in tarif reduciu d’indigens. Sin omisduas reducziuns per indigens – cartas dil di e cartas digl onn – vegn concediu neginas ulteriuras reducziuns.

 

Damondas da baghegiar dils 27-4-2018
  • Nr.
    2018/26
  • Di da publicaziun 
    27 d’avrel 2018
  • Petent 
    Casutt-Derungs Carli+Silvia, Via Manduns 7, 7153 Falera
  • Architect/Representant 
    schneller caminada architekten, Via Principala 59, 7014 Trin
  • Baghetg 
    Construcziun casa da pliras famiglias (Construcziun d’empremas habitaziuns)
  • Damondas supplementaras 
    –
  • Parcella/zona 
    66/WG2
  • Quartier/Via 
    Via Giaus sut
  • Termin d’ exposiziun 
    27-04-2018  –  17-05-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Radunonza communala calonda mars

Mesjamna, ils 9 da matg 2018, 20.15 uras, Stonas I, la fermata

Tractandas:

  1. Beinvegni, elecziun da dus dumbravuschs
  2. Constataziun dall’approbaziun dil protocol dalla radunonza communala dils 26-3-2018
  3. Rapport annual e rendaquen pils 31-12-2017
    a) Rapport annual dil president
    b) Quen annual 2017
    c) Rapport dalla cumissiun da gestiun
    d) Approbaziun dil rapport e dil quen, descharscha alla suprastonza communala, all’administraziun e funcziunaris
  4. Elecziuns
    a) 2 commembers da suprastonza (Demissiuns)
    b) 1 commember cummissun da gestiun (Demissiun)
    c) 1 commember cussegl da scola (Demissiun)
  5. Informaziuns e varia

Il rapport e quen annual 2017 vegn tarmess tier els proxims dis a tuttas casadas. Ulteriurs exemplars san vegnir retratgs tier la canzlia communala ni cargai giu sin la pagina d’internet dalla vischnaunca www.falera.net.

Rimnada da rauba blocconta

Sonda, ils 5 da matg 2018 dallas 8.00-11.00 uras sa vegnir dismess rauba blocconta.

Ils containers per dismetter la rauba vegnan tschentai si sil parcadi Fandrels.

Sco rauba blocconta da dimensiun pli gronda che sa vegnir dismessa gratuitamein valan rumians da casa ch’ins sa buca surdar al survetsch da rimnada regular, perquei ch’els ein u memia gronds ni memia grevs.

Ils suandonts rumians astgan en mintga cass buca vegnir dismess el rom da rimnadas da rauba blocconta:

rumians da casa e rumians industrials, material d’embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d’isolar, liquids, ieli, colurs, crappa, tievlas, battarias dil tenercasa ed autra rauba semeglionta.

Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.

Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:

apparats electrics                                             gratuit
bischels fluorescents, pérs da cazzola          gratuit
batterias da motos                                          frs. 5.— per toc
batterias d’auto                                                frs. 10.— per toc
pneus da privats senza gaveglias                  frs. 5.— per toc
pneus da privats cun gaveglias                      frs. 10.— per toc

Quella rauba vegn dismessa separau dalla rauba blocconta entras ils luvrers communals.

Ils luvrers communals han l’incumbensa da visar anavos rauba che corrispunda buca als criteris da rumien bloccont.

Nus supplichein per enconuschientscha.

 

Damondas da baghegiar dils 20-4-2018
  • Nr. 
    2018/25
  • Di da publicaziun 
    20 d’avrel 2018
  • Petent 
    Daniel+Cornelia Müller, Laubstenstrasse 20c, 8712 Stäfa
  • Architect/Representant 
    Daniel Müller, Architekt ETH/SA, Laubstenstrasse 20c, 8712 Stäfa
  • Baghetg 
    Baghegiar anavos tetgs existents west/ost
  • Damondas supplementaras 
    –
  • Parcella/zona 
    526/W2
  • Quartier/Via 
    Via Samun 45
  • Termin d’ exposiziun 
    20-04-2018  –  10-05-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Controlla aua da beiber

Ils 10 d’avrel 2018 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera.

Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena.

Dil resultat da quella emprova sa vegnir priu envesta sin canzlia communala ni sut www.falera.net.

Rimnada pupi e cartun

Nus rimnein pupi vegl e cartun sco suonda:

mardis, ils 8 da matg 2018

Il pupi ni cartun sto vegnir ligiaus ensemen mintgamai separau e deponius beinveseivel sper via. Per la rimnada valan suandontas uras:

cartun, 7.00 uras entras ils luvrers communals
pupi, 8.15 uras entras la scola.

Il pupi ni cartun ch’ei buca sortius in da l’auter e ligiaus mintgamai ensemen vegn buca dismess. Nus supplichein da setener vid quellas prescripziuns ed engraziein persuenter.

Consorzi da scola scolaviva

 

Vignetta da moped 2018

La vignetta da moped per igl onn 2018 sa vegnir retratga naven d’immediat sin canzlia communala cun presentar il document dil vehichel. La taxa  munta 43 francs. La vignetta digl onn 2017 ei aunc valeivla entochen ils 31 da matg 2018.

Protocol

Dil protocol dalla radunonza communala dils 26 da mars 2018 sa vegnir priu naven d’immediat envesta sin canzlia communala.

Sch’ei vegn fatg neginas protestas a scret entochen la proxima radunonza communala vala il protocol sco approbaus.

Damondas da baghegiar dils 6-4-2018
  • Nr. 
    2018/14
  • Di da publicaziun 
    6 d’avrel 2018
  • Petent 
    Vischnaunca Falera, Via Principala 45c, 7153 Falera
  • Architect/Representant 
    Cavelti Derungs SA, Glennerstrasse 18, 7130 Glion
  • Baghetg 
    Sanaziun tetg plat/plaz pausa e contuorn Center communal
  • Damondas supplementaras 
    –
  • Parcella/zona 
    336 / Zona per baghetgs publics
  • Quartier/Via 
    Via Principala 45c
  • Termin d’ exposiziun 
    06-04-2018  –  26-04-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr. 
    2018/15
  • Di da publicaziun 
    6 d’avrel 2018
  • Petent 
    Vischnaunca Falera, Via Principala 45c, 7153 Falera
  • Architect/Representant 
    Cavelti Derungs SA, Glennerstrasse 18, 7130 Glion
  • Baghetg 
    Engrondaziun scoletta existenta
  • Damondas supplementaras 
    –
  • Parcella/zona 
    336 / Zona per baghetgs publics
  • Quartier/Via 
    Via Principala 43
  • Termin d’ exposiziun 
    06-04-2018  –  26-04-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
  • Nr. 
    2018/17
  • Di da publicaziun 
    6 d’avrel 2018
  • Petent 
    Joachim Kohm, Grosser Lückenweg 43, DE-75175 Pforzheim
  • Architect/Representant 
    Meierhofer Grob, Via Caplania 10, 7031 Laax
  • Baghetg 
    Baghegiar entuorn habitaziun existenta
  • Damondas supplementaras 
    –
  • Parcella/zona 
    128 / W2
  • Quartier/Via 
    Via Fancrengia 7
  • Termin d’ exposiziun 
    06-04-2018  –  26-04-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Damondas da baghegiar dils 29-3-2018
  • Nr. 
    2018/18
  • Di da publicaziun 
    29 da mars 2018
  • Petent 
    Voser Hansruedi, Tutilostrasse 21, 9011 St. Gallen
    Bütler-Saner Adelbert+Doris, Feldacher 6, 6024 Hildisrieden
  • Architect/Representant 
    architectura bearth+cavegn, Via Spineus 14, 7165 Breil/Brigels
  • Baghetg 
    Baghegiar entuorn las habitaziuns existentas
  • Damondas supplementaras 
    –
  • Parcella / zona 
    587 / W2
  • Quartier/Via 
    Via Bigneras 10
  • Termin d’ exposiziun 
    29-03-2018  –  18-04-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Resultats radunonza communala dils 26-3-2018

Las decisiuns dalla radunonza communala dils 26-3-2018 anfleis Vus cheu.

Canzlia communala – Temps d’avertura sur Pastgas

La canzlia communala resta serrada naven da venderdis, ils 30 da mars 2018 entochen e cun gliendisdis Pastgas, ils 2 d’avrel 2018.

Nus supplichein per enconuschientscha e giavischein a tuts bialas Pastgas.

 

Prescripziuns per locaturs

Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom.

Nus supplichein per enconuschientscha ed engraziein per l’observaziun da quellas prescripziuns.

Radunonza communala

Gliendisdis, ils 26 da mars 2018, 20.15 uras, Stonas I, la fermata

Tractandas:

  1. Beinvegni, elecziun da dus dumbravuschs
  2. Constataziun dall’approbaziun dil protocol dalla radunonza communala dils 8-12-2017
  3. Damonda da credit per investiziuns Center communal/plaz pausa
  4. Damonda da credit per investiziuns casa da scola
  5. Informaziuns e varia
Resultats votaziun dils 4-3-2018

Ils resultats dalla vischnaunca da Falera anfleis Vus cheu.

Demissiuns ufficials da vischnaunca

Tenor constituziun ei la demissiun d’in uffeci communal stada da far a scret alla suprastonza communala entochen la fin da fevrer 2018. Igl ei vegniu inoltrau las suandontas demissiuns:

suprastonza communala, Pia Däscher-Casutt
suprastonza communala, Christian Schütz
cussegl da scola, Fabian Huonder
cumissiun da gestiun, Marc Cabrin

L’elecziun dils ufficials da vischnaunca ha liug a caschun dalla radunonza communala da calonda mars. Persunas che han interess da surprender in da quels posts san s’annunziar tiel president communal, Wendelin Casutt-Cathomen.

Damondas da baghegiar dils 2-3-2018
  • Nr. 
    2018/12
  • Di da publicaziun 
    2 da mars 2018
  • Petent 
    Baugesellschaft Curtgin
    c/o Vincenz+Weishaupt Architekten AG
    Obere Giesslistrasse 6
    7130 Ilanz
  • Architect/Representant 
    Vincenz+Weishaupt Architekten AG
    Obere Giesslistrasse 6
    7130 Ilanz
  • Baghetg 
    Midada da project casa da pliras famiglias:
    Finiastra supplementara plaun sut il tetg fatschada vest
    Gallaria habitaziun plaun sut il tetg
  • Damondas supplementaras 
    –
  • Parcella / zona
    549 / WG2
  • Quartier/Via 
    Via Dual sut 13
  • Termin d’ exposiziun 
    02-03-2018  –  22-03-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Lenna da brisch 2018

La vischnaunca da Falera offerescha lenna da brisch sco suonda:

Liug (plaz da lenna):
Curtgani ni avon casa

Prezi:
pégn, plaz da lenna, frs. 54.–/m3
pégn, avon casa, frs. 69.–/m3 (access cun camiun sto esser pusseivel)

lenna dira, plaz da lenna, frs. 92.–/m3
lenna dira, avon casa, frs. 107.–/m3 (access cun camiun sto esser pusseivel)

La surdada succeda en fuorma da lenna liunga. Las empustaziuns ein d’inoltrar entochen ils 9 da mars 2018 a scret all’administraziun communala Falera (E-Mail: info@falera.net).

Damondas da baghegiar dils 23-2-2018
  • Nr. 
    2018/11
  • Di da publicaziun 
    23 da fevrer 2018
  • Petent 
    Vischnaunca Falera
    Via Principala 45c
    7153 Falera
  • Architect/Representant 
    –
  • Baghetg 
    Construcziun implonts da moloc per rumien
  • Damondas supplementaras 
    –
  • Parcella / zona 
    Diverse / Diverse
  • Quartier/Via 
    Bigliac, Samun, Chistiala, Fandrels, Manduns, Stonas, Fuorns, Plaz Fontauna
  • Termin d’ exposiziun 
    23-02-2018  –  15-03-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Votaziuns dils 4 da mars 2018

Nus fagein attents sin la publicaziun all’entschatta dil fegl ufficial.

L’urna ei tschentada sin canzlia communala sco suonda:

gievgia, ils 1 da mars 2018                        15.00-17.00 uras
venderdis, ils 2 da mars 2018                   15.00-17.00 uras
dumengia, ils 4 da mars 2018                   09.45-10.15 uras

Il cedel da dretg da votar (cedel alv) ei da dar giu all’urna.

Votantas ni votants che han buca survegniu tarmess tier il material da votar, san retrer quel entochen venderdis, ils 2 da mars 2018 tier la canzlia communala.

Damondas da baghegiar dils 16-2-2018
  • Nr. 
    2018/08
  • Di da publicaziun 
    16 da fevrer 2018
  • Petent 
    Hotel La Siala
    Via Principala 2
    7153 Falera
  • Architect/Representant 
    Cavigelli und Rinderknecht AG
    Seestrasse 78
    8703 Erlenbach am See
  • Baghetg 
    Sanaziun combras da hotel existentas
    Sanaziun stabiliment da wellness existent incl. exteriur
  • Damondas supplementaras 
    –
  • Parcella / zona 
    408 / WG3
  • Quartier/Via 
    Via Principala 2
  • Termin d’ exposiziun 
    16-02-2018  –  08-03-2018
  • Protestas
    Concernent il dretg public ein da far a scret duront il temps d’ exposiziun alla suprastonza communala. Investa dils plans sa vegnir priu sin canzlia communala.
Emprendista mercantila per l’administraziun communala

A caschun dalla sesida da suprastonza dils 8 da fevrer 2018 ei Aileen Dermond da Rueun vegnida elegida sco emprendista mercantila per l’administraziun communala. Aileen Dermond vegn ad entscheiver siu emprendissadi igl 1. d’uost 2018.

Nus gratulein a Aileen Dermond tier quell’elecziun e giavischein ad ella gia oz bia plascher e bien success per sia scolaziun professiunala.

Pumpiers Laax Falera – Exercezis 2018

Ils termins culs exercezis 2018 ein publicai sin la pagina d’internet dalla vischnaunca www.falera.net sut la rubrica vischnaunca/pumpiers laax falera.

Uffeci da militar e protecziun civila – Test da sirenas 2018

Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug

mesjamna, ils 7 da fevrer 2018, denter las 13.30 uras e las 14.50 uras.

Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils differents signals d’alarm cun ils tals la populaziun vegn alarmada en cass da prighel.

Ulteriuras informaziuns e reglas da secuntener anfleis Vus sin la pagina da teletext 680 e sin la pagina d’internet www.sirenentest.ch.

Nus supplichein per enconuschientscha.