Parcadi a Fandrels
La suprastonza communala ha constattau ch’ei vegn deponiu adina dapli material da baghegiar ni maschinas sil parcadi Fandrels all’entrada dil vitg. Ord quels motivs ha la suprastonza communala relaschau a caschun dalla sesida dils 25 d’october 2018 in scamond.
Naven digl onn 2019 astga vegnir deponiu material da baghegiar, maschinas da construcziun ni semegliont sil parcadi a Fandrels mo cun lubientscha dalla suprastonza communala.
Damondas per lubientschas extraordinarias ston vegnir inoltradas ordavon alla suprastonza communala. Las lubientschas extraordinarias vegnan quintadas giu tenor l’ordinaziun davart las taxas per la procedura dalla lubientscha da baghegiar.
Nus supplichein per enconuschientscha.
