Prau da skis per affons a Chinginas
Il prau da skis per affons ei aviarts naven da sonda, ils 24 da december 2022. Era l’Ustria Mirasteilas vegn aviarta naven da quei di. Nus supplichein per enconuschientscha.
Entries by
Decisiuns radunonza communala dils 20-12-2022
Las decisiuns dalla radunonza communala dils 20-12-2022 anfleis Vus cheu.
Silvester – Scamond da fiugs artificials
Ord motivs dalla polizia da fiug ha la suprastonza communala decidiu in scamond da fiugs artificials per ils dis avon e suenter Silvester. Il scamond da fiugs artificials vala pigl entir territori da vischnaunca. Ils pumpiers vegnan a far controllas corrispundentas. Nus supplichein per enconuschientscha ed engraziein per l’observaziun da quei scamond da fiugs artificials.
Protocol
Dil protocol dalla radunonza communala dils 18 da november 2022 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Bus regiunal e bus dil vitg – Novaziuns naven dalla midada digl urari
Communicaziun da medias Nightliner Flem Laax Falera
Radunonza communala 20-12-2022
Mardis, ils 20 da december 2022, 20.15 uras, la fermata Tractandas: Beinvegni, elecziun da dus dumbravuschs Presentaziun ed approbaziun preventiv 2023 Fixar il pei da taglia 2023 a) Taglia sin gudogn e facultad b) Taglia sin schischom Damonda da credit per sanaziun vias communalas Damonda da credit per dumbraders d’aua Damonda da credit per sanaziun […]
Resultats votaziun dils 27-11-2022
Resultats vischnaunca Falera Votaziun cantunala Votaziun federala (negina votaziun)
Prescripziuns pertuccont damondas da baghegiar
Nus fagiein attents sin las suandontas prescripziuns en connex cun damondas da baghegiar: Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun. Art. 42 1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, […]
Prescripziuns per locaturs
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom. Nus supplichein per enconuschientscha ed engraziein per l’observaziun da quellas prescripziuns.
Decisiuns radunonza communala dils 18-11-2022
Las decisiuns dalla radunonza communala anfleis Vus cheu.
Controlla aua da beiber
Ils 8 da november 2022 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera. Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena. Dil resultat da quella emprova sa vegnir priu envesta sin canzlia communala ni sut www.falera.net. Rapport […]
Invitaziun allas uniuns da Falera – Sesida da coordinaziun occurrenzas
La suprastonza communala envida las uniuns dil vitg tier ina sesida da coordinaziun pertuccont occurrenzas 2023. La sesida ha liug sco suonda: gliendisdis, ils 28-11-2022, allas 20:00 uras, la fermata, Gonda. Nus sperein che mintga uniun sappi tarmetter silmeins in delegau dalla suprastonza. Seccapescha ein era persunas privatas, ch’ein interessadas dad organisar occurrenzas, envidadas tier […]
Radunonza communala 18-11-2022
Venderdis, ils 18 da november 2022, 20.15 uras, la fermata Tractandas: Beinvegni, elecziun da dus dumbravuschs Constataziun dall’approbaziun dils protocols dallas radunonzas communalas dils 19-8-2022 e 31-8-2022 Concept da svilup «La Mutta» a) Approbaziun aquist da terren ed ulteriurs cuosts b) Approbaziun participaziun La Mutta SA Informaziuns e varia
Mesiras coordinadas da spargnar energia per la destinaziun Flem-Laax-Falera
Las suprastonzas communalas dallas vischnauncas dalla destinaziun turistica Flem, Laax e Falera han, ensemen cull’interessenza turistica e las pleivs, discutau ed approbau mesiras da spargnar energia. Igl ei talas che selaian realisar bein e fan senn. Las suprastonzas communalas ein perschuadidas ch’il maun public contribuescha cheutras cun in emprem pass allas mesiras equilibradas dalla Confederaziun. […]
Communicaziun decisiun model directiv dil territori communal (MDTC)
La suprastonza communala ha a caschun dalla sesida dils 10 d’october 2022 concludiu il model directiv dil territori communal (MDTC). Il MDTC concludiu cul rapport da cooperaziun respectiv ein publicai sin la pagina d’internet dalla vischnaunca www.falera.net. Sin fundament dil MDTC vegn la suprastonza communala ad instradar la revisiun dalla planisaziun d’utilisaziun. La procedura per […]
Santeri Falera: Sligiar si fossas
Per saver cavar vinavon las fossas cun la maschina sto vegnir sligiau si ina nova retscha da fossas. Tenor artechel 18 digl uorden da sepultura e santeri dalla vischnaunca da Falera sto la suprastonza communala annunziar publicamein la rumida silmeins 6 meins avon il termin da rumida ed era orientar ils vegnentsuenter. Las suandontas fossas […]
Cumissiun da recrutaziun per anflar ina candidata ni in candidat per il presidi communal
Ils 30 da zercladur 2023 vegn il president communal actual a demissiunar pervia dalla limitaziun dil temps d’uffeci. Cun la communicaziun dils 17 da zercladur 2022 (fegl ufficial) ha la suprastonza communala informau corrispundentamein las habitontas ed ils habitonts e communicau che persunas che s’interesseschien per il post dil presidi communal sappien s’annunziar. Tochen uss […]
Rumida da neiv sin vias da meglieraziun
A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias. Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils cuosts ein da surprender dils pertuccai. Per purs che […]
Obligaziun da far survetsch da pumpiers 2023
Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers. Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal […]
Numnasontga-Temps d’avertura canzlia communala
Muort il firau da Numnasontga resta l’administraziun communala serrada mardis, igl 1. da november 2022 igl entir di. Nus supplichein per enconuschientscha.
Resultats votaziun dils 25-9-2022
Resultats vischnaunca Falera Votaziun cantunala (negina votaziun) Votaziun federala
Protocol
Dil protocol dalla radunonza communala dils 31 d’uost 2022 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Tagliar plontas e caglias
Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. […]
Tagliar plontas e caglias suenter las vias da meglieraziun
Tenor artechel 4 a) dil reglament pil manteniment dallas ovras da meglieraziun dalla vischnaunca da Falera ston tut las scarpas per liung dallas vias da funs vegnir cultivadas gratuitamein dil cunfinont (segar, tagliar caglias e roma etc.). Nus supplichein perquei tuts possessurs da terren da mirar che plontas e caglias seigien tagliadas anavos aschia che […]
Dissoluziun dil scamond da far fiug e d’inflammar fiugs artificials e rachetas
La plievigia occasiunala dallas davosas jamnas ed oravontut la sbassada dalla temperatura han procurau per ina sluccada dil prighel d’incendis d’uaul e dalla cultira. Ord quei motiv ha la suprastonza communala sligiau si per immediat il scamond da far fiug e d’inflammar fiugs artificials e rachetas pigl entir territori da vischnaunca. Dapli informaziuns anfleis sin […]
Protocol
Dil protocol dalla radunonza communala dils 19 d’uost 2022 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Informaziun radunonza communala dils 31-8-2022
Las informaziuns corrispundentas anfleis Vus cheu.
Valetaziun da revisiun cantunala per la vischnaunca Falera
Orientaziun allas proprietarias ed als proprietaris La davosa valetaziun da revisiun dils beins immobigliars surbaghegiai sin il territori da la vischnaunca Falera ha giu liug gl’onn 2004/05. Il biro da valetaziun Glion entscheiva naven digl october 2022 cun la 5-avla valetaziun da revisiun en la vischnaunca Falera. Buca valetai vegnan ils beins immobigliars ch’ein vegni […]
Radunonza communala dils 19-8-2022 – Presentaziun novas structuras per tgamunar la vischnaunca
Cargar giu la presentaziun
Informaziuns radunonza communala dils 19-8-2022
Las informaziuns corrispundentas anfleis Vus cheu.
Radunonza communala 31-8-2022
Mesjamna, ils 31 d’uost 2022, 20.15 uras, la fermata Tractandas: Beinvegni Informaziun e presentaziun concept da svilup La Mutta Informaziuns e varia
Radunonza communala 19-8-2022
Venderdis, ils 19 d’uost 2022, 20.15 uras, la fermata Tractandas: Beinvegni Constataziun dall’approbaziun dil protocol dalla radunonza communala dils 20-5.2022 Novas structuras per tgamunar la vischnaunca – Informaziun e presentaziun dallas propostas Presentaziun resultats valurisaziun Parc La Mutta Informaziuns e varia
Damonda da baghegiar dils 5-8-2022
Nr. 2022/49 Di da publicaziun 05 d’uost 2022 Petent Wendelin Casutt, Via Falera 51, 7153 Falera Architect/Representant Baghetg Annexa suosta per maschinas ed optimaziun pil menaschi Damondas supplementaras – Parcella/zona 1236+1284/LW Quartier/Via Chintguns Termin d’ exposiziun 05-08-2022 – 25-08-2022 Protestas Concernent il dretg public ein da far a scret duront il temps d’ exposiziun alla […]
Fiasta naziunala a Falera
1-8-2022, naven dallas 16.00 – 18.00 uras, Plaz Fontauna (Da macort’uara en la fermata) • Apero offeriu dalla vischnaunca Falera • Zagrenders dil gril • Stan cun caschiel dall’Alp Dadens Falera • Producziuns musicalas chor viril/societad da musica Falera • Plaid digl emprem d’uost entras Wendelin Casutt, president communal La sera ha la fiasta naziunala […]
Scamond da far fiug e d’inflammar fiugs artificials e rachetas
Muort la schetgadad dil davos temps ei il prighel da fiug fetg gronds. Las prognosas d’aura pils proxims dis vegnan probabel buca a midar enzatgei vid quella situaziun. Perquei ha la suprastonza communala da Falera relaschau naven d’immediat e tochen ad interim in scamond absolut da far fiug e d’inflammar fiugs artificials e rachetas pigl […]
Vischnaunca da Falera – exposiziun da cooperaziun publica davart il model directiv dil territori communal dalla vischnaunca da Falera – Prolungaziun temps d’exposiziun
Sin fundament dallas reacziuns a caschun dalla’occurrenza publica d’orientaziun dils 13 da zercladur 2022 ei vegniu decidiu da prolunghir il temps d’exposiziun entochen ils 31 da fenadur 2022. Nus supplichein per enconuschientscha.
Protocol
Dil protocol dalla radunonza communala dils 20 da matg 2022 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Constituziun suprastonza communala
A caschun dalla sesida dils 13 da zercladur 2022 ei la suprastonza communala seconstituida sco suonda: President communal: Wendelin Casutt-Cathomen Vicepresident: Maurus Candreja Administraziun generala, persunal da vischnaunca, provediment social, tgira da malsauns, fatgs da scola Cau: Wendelin Casutt-Cathomen Substitut: Luca Casutt Finanzas, taglias, svilup dil vitg Cau: Maurus Candreja Substitut: Wendelin Casutt-Cathomen Fatgs da […]
Actas occurrenza d’orientaziun dils 13-6-2022 davart il model directiv dil territori communal dalla vischnaunca da Falera
Actas occurenza d’orientaziun dils 13-6-2022
Vischnaunca da Falera – exposiziun da cooperaziun publica ed occurrenza d’orientaziun davart il model directiv dil territori communal dalla vischnaunca da Falera
Sebasond sin capetel 5.1.2 dil Plan directiv cantunal (svilup dils habitadis viers anen e coordinaziun dils habitadis cun il traffic) ed applicond art. 20 dalla Lescha davart la planisaziun dil territori per il cantun Grischun (LPTGR) ha liug l’exposiziun da cooperaziun publica dil model directiv dil territori communal dalla vischnaunca da Falera. Actas d’exposiziun: Model […]
Decisiuns radunonza communala dils 20-5-2022
Las decisiuns dalla radunonza communala dils 20-5-2022 anfleis Vus cheu.
Resultats votaziun/elecziuns dils 15-5-2022
Resultats vischnaunca Falera Votaziun cantunala (negina votaziun) Votaziun federala Elecziuns Cussegl grond Elecziuns regenza
Radunonza communala calonda mars
Venderdis, ils 20 da matg 2022, 20.15 uras, la fermata Tractandas: Beinvegni, elecziun da dus dumbravuschs Constataziun dall’approbaziun dil protocol dalla radunonza communala dils 10-12-2021 Consorzi da scola dallas vischnauncas Laax-Falera-Sagogn-Schluein a) Approbaziun uorden da scola b) Approbaziun reglament d’indemnisaziun Rapport annual e rendaquen pils 31-12-2021 a) Rapport annual dil president b) Quen annual 2021 […]
Controlla aua da beiber
Ils 20 d’avrel 2022 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera. Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena. Dil resultat da quella emprova sa vegnir priu envesta sin canzlia communala ni sut www.falera.net. Rapport d’examinaziun
Consorzi da scola Laax-Falera-Sagogn-Schluein: Plazza da lavur sco secretari/a da scola
Inserat per la plazza
Serrada dalla via da quartier a Plaunca
Muort lavurs da construcziun vid la casa sin parcella nr. 97 (Via Plaunca 20) sto la via vegnir serrada en quei liug pil traffic naven dils 25 d’avrel 2022 entochen ils 29 d’avrel 2022. Nus supplichein da risguardar las signalisaziuns corrispundentas ed engraziein per la capientscha.
Consorzi da scola Laax-Falera-Sagogn-Schluein: Plazza da lavur sco secretari/a da scola
Inserat per la plazza
Demissiuns autoritads communalas
Tenor constituziun ein las demissiuns stadas d’inoltrar alla suprastonza communala entochen la fin da fevrer 2022. Igl ei vegniu inoltrau la suandonta demissiun: suprastonza communala Orlando Steiner L’elecziun dallas autoritads communalas ha liug entochen la fin da matg 2022 a caschun d’ina radunonza communala.
Vischnaunca da Falera – Introducziun dalla procedura da contribuziun per sanar las vias da rimnada el sectur dil center dil vitg («basa»)
Tenor il conclus dils 13 da december 2021 intenziunescha la suprastonza communala, sebasond sin igl art. 63 dalla Lescha davart la planisaziun dil territori per il cantun Grischun (LPTGR) ed ils art. 22 ss. dall’Ordinaziun davart la planisaziun dil territori per il cantun Grischun (OPTGR), d’introducir la pro-cedura da contribuziun per sanar las vias da […]
Prescripziuns per locaturs
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom. Nus supplichein per enconuschientscha ed engraziein per l’observaziun da quellas prescripziuns.