Informaziuns sanaziun dalla Via Samun – Via Prau da Cuort
Informaziuns actualas anfleis cheu.
Entries by
Demissiuns autoritads communalas
Tenor constituziun da vischnaunca ein las demissiuns stadas d’inoltrar alla suprastonza communala entochen la fin da fevrer 2026. Igl ei vegniu inoltrau la suandonta demissiun: Cumissiun da gestiun: Kristin Bonderer Las elecziuns dallas autoritads communalas han liug a caschun d’ina proxima radunonza communala resp. mintgamai egl emprem miez onn.
Resultats votaziuns dils 8-3-2026
Ils resultats dalla vischnaunca Falera. Protocol dalla votaziun
Vischnaunca da Falera planisaziun digl areal cun regruppament dil terren La Mutta exposiziun publica da cooperaziun / da protesta
Applicond art. 13, art. 28 al. 2, art. 31 al. 5, art. 32, art. 33 ed art. 33a dall’Ordinaziun davart la planisaziun dil territori per il cantun Grischun (OPTGR) ha l’exposiziun publica arisguard la planisaziun digl areal cun regruppament dil terren per il torritori La Mutta liug ella vischnaunca da Falera. Object: Plan d’areal cun […]
Ediziun publica “La Mutta”
Basa plan d’areal AP05_Planungsbericht Arealplan La Mutta_Mitwirkung AP05_PMB_Beilage 1 Bericht Richtprojekt Falera La Mutta Gion A. Caminada AP05_PMB_Beilage 2 Nutzungsplanung-Parzellierung Bestandsplan_1-1000 AP05_PMB_Beilage 3a Vermessung La Mutta Situation 1-500 AP05_PMB_Beilage 3b Vermessung La Mutta Werkleitungen 1-500 AP05_PMB_Beilage 3c Vermessung La Mutta Fixpunkte 1-500 AP05 PMB_Beilage 4 Protokoll Fachexpertengremium 18.09.2025 mit weiteren Beilagen Instrument plan d’areal AP01_APV_Arealplan […]
Ura da consultaziun cun il president communal
Per saver porscher alla populaziun, mistergn, uniuns ed possessurs da habitaziuns da vacanzas in sempel post da consultaziun per discuors davart la vischnaunca, dat ei puspei ina ura da consultaziun cun la direcziun. Quella ha liug als suandonts termins: gievgia, ils 26 da mars 2026, dallas 8.00 fin las 9.30 uras gievgia, ils 8 d’ […]
Sera d’informaziun – project da loschament «La Mutta»
Mesjamna ils 25-2-2026, 20.15 en la fermata Occurrenza d’informaziun davart la planisaziun digl areal, dil regruppament da terren e la suandonta procedura da cooperaziun en connex dil project da loschament “La Mutta”.
Nova collaboratura per l’informaziun da hosps
La direcziun ha elegiu dunna Irina Camenisch Schmidli da Falera sco nova collaboratura per l’informaziun da hosps Falera. Ella entscheiva sia lavur igl 1. d’avrel 2026. Nus gratulein a Irina Camenisch Schmidli per l’elecziun e giavischein ad ella bia plascher culla nova incumbensa
Uffeci da militar e protecziun civila – Test da sirenas 2026
Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug mesjamna, ils 4 da fevrer 2026, denter las 13.30 uras e las 15.00 uras. Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils […]
Plazza sco collaboratur/a informaziuns per hosps
La vischnaunca da Falera enquera sigl 1. d’ avrel 2026 ni tenor cunvegnientscha in/a collaboratur/a informaziun per hosps (50-60 %). Ulteriuras informaziuns anfleis Vus egl inserat per la plazza. Inserat
Preavis sera d’informaziun mesjamna ils 25-2-2026, 20.15 en la fermata
Occurrenza d’informaziun davart la planisaziun digl areal, dil regruppament da terren e la suandonta procedura da cooperaziun en connex dil project da loschament “La Mutta”.
Protocol radunonza communala dils 12-12-2025
Dil protocol dalla radunonza communala dils 12 da december 2025 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Invitaziun aperitiv da Daniev
La suprastonza communala envida ensemen cun la societad da musica tuttas convischinas e tuts convischins sco era tuts hosps tier in aperitiv da Daniev. Nus s’entupein igl 1. da schaner 2026 naven dallas 16.00 – 18.00 uras sil Plaz Fontauna. Communablamein lein nus far in viva sil niev onn. Nus selegrein sin biaras visitadras e biars visitaders.
Prau da skis per affons Chinginas
Ils 19-12-2025 entscheiva il menaschi dil prau da skis a Chinginas sco era dall’Ustria Mirasteilas ufficialmein. Sco adina carrescha il bus dil vitg tenor urari entochen la fermada Chinginas. Ei legra nus, da presentar a Vus ils novs affittaders dall’Ustria Mirasteilas: Sarah Dörr ed Andre Ribeiro Ils novs affittaders selegran sin biaras visetas e beneventan […]
Novs temps d’avertura informaziun da hosps / agentura da posta Falera
Naven digl 01. da schaner 2026 valan ils suandonts temps d’avertura per l’informaziun da hosps e la agentura da posta Falera: Temps da spurtegl: Gliendisdis entochen venderdis: 08.30 – 11.30 e las 14.00 – 16.30 uras Sonda: 8.30 – 11.30 uras Engraziel fetg per l’enconuschientscha e capientscha.
Lescha davart la restricziun da fiugs artificials
Dalla radunonza communala dils 4-10-2024 ei vegniu lubiu la lescha davart la restricziun da fiugs artificials. Tenor quella lescha vala il suandont: Sin igl entir territori communal eis ei buca lubiu da schar arder fiugs artificials che fan canera. Exclus da quei scamond ein fiugs artificials pli pigns sco bumbas cun surpresas, candeilas magicas, fiugs […]
Engraziament ed auguris
Preziadas convischinas e preziai convischins Preziai hosps La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2025. Nus giavischein a tuts ina biala e benedida fiasta da Nadal ed egl onn niev bia cletg, ventira ed oravontut buna sanadad.
Resultats radunonza communala 12-12-2025
Ils resultats dalla radunonza communala anfleis Vus cheu.
Resultats votaziuns dils 30-11-2025
Ils resultats dalla vischnaunca Falera. Votaziun cantunala Votaziun federala
Demontadi tschagegna Via Chistiala
Muort demontadi dalla tschagegna da construcziun ella Via Chistiala ei il transit dalla Via Chistiala tier la Via Plaunca ils 5 da december 2025 buca pusseivels. Risguardei per plascher las signalisaziuns. Nus engraziein per Vossa capientscha e supplichein per enconuschientscha.
Radunonza communala
Venderdis, ils 12 da december 2025, 20.15 uras, la fermata Tractandas: Beinvegni, elecziun da dus dumbravuschs Presentaziun ed approbaziun preventiv 2026 Fixar il pei da taglia 2026 a) Taglia sin gudogn e facultad b) Taglia sin schischom Damonda da credit per sanaziun vias communalas Consorzi da scola LFSS, revisiun parziala dallas statutas e digl uorden […]
Serrada dalla Via Siel/Senda Sursilvana Laax-Falera
Muort lavurs da pinar lenna resta la Via Siel (Senda Sursilvana) denter Laax e Falera serrada per mintga trapass. Quei naven dils 24.11.2025 entochen ils 28.11.2025. Ord motivs da segirtad ei impurtont da risguardar las signalisaziuns ed instrucziuns dil persunal sil plaz da lavur. Per pedunts ei la pusseivladad da sviament sur la senda da Munt. Tier […]
Prescripziuns pertuccont damondas da baghegiar
Nus fagein attents sin las suandontas prescripziuns en connex cun damondas da baghegiar: Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun. Art. 42 1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, […]
Protocol radunonza communala dils 18-6-2025
Protocol radunonza communala dils 23-10-2025 Dil protocol dalla radunonza communala dils 23 d’october 2025 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
La plazza da glatsch ei puspei promta
La plazza da glatsch da Falera ei naven da dumengia ils 9 da november 2025 puspei aviarta mintga di (mira fegl sgulont pagina d’internet). Mintgamai il mardis naven dallas 18:30 enfin las 21:00 ei la plazza da glatsch reservada per in e scadin per il tir da glatsch. Fegl sgulont
Encuretg per la sesiun d’unviern 2025 / 26 in(a)
Conluvrer / a ca. 60 % per il menaschi dil runal d’affons Chinginas a Falera. L’occupaziun cuozza naven da ca. ils 20 da december 2025 entochen ca. fin da mars 2026. il menaschi dil runal d’affons ei mintgamai naven dallas 09.00 uras entochen las 16.00 uras. Per ulteriurs sclariments pertuccont pretensiuns e cundiziuns dat il […]
Demontagi tschagegna Via Samun
Muort demontagi dalla tschagegna da construcziun ella Via Samun ei il transit dalla Via Lavintgin tier la Via Prau da Cuort ils 5 da november 2025 buca pusseivels. Risguardei per plascher las signalisaziuns. Nus engraziein per Vossa capientscha e supplichein per enconuschientscha.
Rumida da neiv sin vias da meglieraziun
A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias. Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils cuosts ein da surprender dils pertuccai. Per purs che […]
Avis dismessa da rumians
Repetidamein vegnin nus informai dall’interpresa da transport che rimna ils rumians ella Regiun Surselva, che la disciplina da dismetter ils rumians vegn observada adina pli pauc. Concret munta quei che sacs ners ed auters rumians vegnan betts en ils mologs e containers vegnan mess sper via senza blumbas. Nus supplichein la populaziun da suandar las […]
Resultats radunonza communala dils 23-10-2025
Ils resultats dalla radunonza communala anfleis Vus cheu.
Lavurs da catram Via Lavintgin -Via Samun
Las lavurs da catram vid la Via lavintgin – Via Samun ein planisadas sco suandont: Gliendisdis, ils 13 d’october 2025 Las lavurs san denton vegnir fatgas mo sche l’aura ei buna. Duess quei buca esser il cass duront il di indicau, sche vegnan las lavurs spustadas sin mardis, ils 14 d’october 2025. Duront las lavurs […]
Tagliar plontas e caglias suenter las vias da meglieraziun
Tenor artechel 4 a) dil reglament pil manteniment dallas ovras da meglieraziun dalla vischnaunca da Falera ston tut las scarpas per liung dallas vias da funs vegnir cultivadas gratuitamein dil cunfinont (segar, tagliar caglias e roma etc.). Nus supplichein perquei tuts possessurs da terren da mirar che plontas e caglias seigien tagliadas anavos aschia che […]
Tagliar plontas e caglias
Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. […]
Messadi – las vischnauncas Flem, Laax e Falera garanteschan a liunga vesta l’infrastructura turistica sil cuolm
Messadi Conferenza da medias dils 24-9-2025 Communicaziun da medias Presentaziun
Preavis – Messadi e proxima radunonza communala: Las vischnauncas Flem, Laax e Falera garanteschan a liunga vesta l’infrastructura turistica sil cuolm
La proxima radunonza communala ha liug gievgia, ils 23 da october 2025. Il messadi corrispundent ei publicaus naven dils 24 da settember 2025 sin la pagina d’internet www.falera.net. Ina versiun fisica sa vegnir retratga naven dils 24 da settember 2025 sin canzlia communala. Nus supplichein per enconuschientscha.
Serrada dalla Via Principala muort fiasta dil vitg
La fiasta dil vitg ha liug sonda, ils 9 d’uost 2025 sil Plaz Fontauna. Per saver menar atras la fiasta sco planisau vegn la Via Principala naven dalla cruschada Via Encarna entochen l’ustria Casa Seeli serrada pil traffic naven da venderdis suentermiezdi, ils 8 d’uost 2025 entochen dumengia, ils 10 d’uost 2025. Nus supplichein da risguardar las signalisaziuns […]
Spustada lavurs da catram Via Paliu
Per serrar giu la sanaziun dalla Via Paliu sto aunc la cuvrida fina vegnir fatga. Quellas lavurs eran planisadas sco suandont: Gliendisdis, ils 25 d’uost 2025 ni mardis, ils 26 d’uost 2025 Muort collisiun da termins vegnan las lavurs spustadas. Niev ein las lavurs planisadas naven da gievgia ils 28 d’uost 2025 entochen gliendisgis igl […]
Lescha davart la restricziun da fiugs artificials
Dalla radunonza communala dils 4-10-2024 ei vegniu lubiu la lescha davart la restricziun da fiugs artificials. Tenor quella lescha vala il suandont: Sin igl entir territori communal eis ei buca lubiu da schar arder fiugs artificials che fan canera. Exclus da quei scamond ein fiugs artificials pli pigns sco bumbas cun surpresas, candeilas magicas, fiugs […]
Elecziun luvrer communal
La direcziun communala ha tenor decisiun dils 23. da zercladur 2025 elegiu Rick Bisquolm, Glion sco niev luvrer communal.Rick Bisquolm vegn a surprender igl 1. da uost 2025 la plazza da lavur sco luvrer communal tier la vischnaunca da Falera.Nus gratulein a Rick Bisquolm tier quell’elecziun e giavischein ad el bia plascher cun sia nova […]
Protocol radunonza communala dils 18-6-2025
Dil protocol dalla radunonza communala dils 18 da zercladur 2025 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Serrada Via Paliu
Muort las lavurs da construcziun vid la casa d’ina famiglia (Darms) resta il transit dalla Via Paliu duront il temps da construcziun entochen november 2025 serrada. Il temps da bloccada exacta sa semidar tut tenor il progress da construcziun. Risguardei per plascher las signalisaziuns. Nus engraziein per Vossa capientscha.
Resultats radunonza communala 18-6-2025
Ils resultats dalla radunonza communala anfleis Vus cheu.
Affittaziun -Ustria Mirasteilas Falera (unviern 2025/26)
La vischnaunca da Falera lai a tscheins per la stagiun d’unviern 2025/2026 l’ustria Mirasteilas a Chinginas – inclusiv la biala terrassa. Sche haveis tschaffen da beneventar e survir affons dalla scola da skis e hosps dil runal d’affons cun spisas semplas e bubrondas ei quei vossa pusseivladat. Il local porscha ina basa ideala per in […]
Plazza sco luvrer communal
Nus encurin per l’entschatta uost 2025 ni tenor cunvegnientscha in luvrer communal 100 %. Dapli informaziuns anfleis sut egl inserat. Inserat luvrer communal
Informaziun reorganiasziun menaschi forestal dallas vischnauncas Laax-Sagogn-Falera-Schluein
Dapi igl onn 2014 lavuran las quater vischnauncas stretgamein ensemen sil sectur dil forestalesser. Per simplificar e optimar l’organisaziun, prevedan las quater vischnauncas ina reorganisaziun dil menaschi forestal. En collaboraziun cun las vischnauncas ha ina gruppa da project sclariu giu la pusseivladad per ina nova organiasziun dil menaschi forestal egl avegnir. Bugen informein nus vus […]
Communicaziun conclus d’approbaziun davart la planisaziun locala
Resguardond gl’ artechel 49 da la Lescha cantunala davart la planisaziun dal territori (LPTGR) ha il departament d’economia publica e fatgs socials approbau la revisiun parzia-la da la planisaziun locala, concludida da la suprastonza communala ils 9 da december 2024, sco suonda: Mieds da planisaziun: – Plan general d’avertura, 1:10 000 (remplazzament da la cabina […]
Acziun brattar caglias 2025
Promova aviuls e bratta cun. Publicaziun brattar caglias 2025 fegl d’annunziar caglias muntagnard fegl d’annunziar brattar caglias val
Ura da consultaziun cun il president communal
Per saver porscher alla populaziun, mistergn, uniuns ed possessurs da habitaziuns da vacanzas in sempel post da consultaziun per discuors davart la vischnaunca, dat ei en futur ina ura da consultaziun cun la direcziun. Quella ha liug als suandonts termins: gievgia, ils 15 da matg 2025, dallas 12.30 fin las 14.00 uras; gliendisgis, ils 11 d’uost […]
Serrada dalla punt en Cafegns
Muort lavurs da sanaziun vid la punt en Cafegns resta quella serrada per scadin traffic naven dils 14-5-2025 entochen ils 16-5-2025. Nus supplichein per enconuschientscha
Demissiuns ufficials da vischnaunca
Tenor constituziun ei la demissiun d’in uffeci communal stada da far a scret alla suprastonza communala entochen la fin da fevrer 2025. Igl ei vegniu inoltrau neginas demissiuns. Muort limitaziun d’uffeci ston denton ils suandonts posts vegnir occupai da niev: cumissiun da baghegiar: Manfred Darms cumissiun da baghegiar: Maurus Heini L’elecziun dils ufficials da vischnaunca […]