Per survigilar meglier la Val da Schluein en cass d’urezis/aua gronda vegn montau el decuors dalla stad in sistem da camera nua la punt denter Ladir – Falera. Nus supplichein da prender enconuschientscha. Suprastonza communala Schluein
Venderdis, ils 16 da zercladur 2023, 20.15 uras, la fermata Tractandas: Beinvegni, elecziun da dus dumbravuschs Rapport annual e rendaquen pils 31-12-2022 – Rapport annual dil president – Quen annual 2022 – Rapport dil post da revisiun e dalla cumissiun da gestiun – Approbaziun dil rapport e dil quen, descharscha alla suprastonza communala, all’administraziun e […]
Tenor il conclus dils 8 da matg 2023 vul la suprastonza communala iniziar il proceder per la planisaziun dil quatier per il territori Manduns. Sin basa digl art. 53 dalla Lescha davart la planisaziun dil territori per il cantun Grischun (LPTGR) ed igl art. 16 dall’Ordinaziun davart la planisaziun dil territori per il cantun Grischun […]
Dil protocol dalla radunonza communala dils 18 d’avrel 2023 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Ils resultats dalla radunonza communala anfleis cheu.
Muort lavurs da pinar lenna resta la via d’uaul ella Val da Cafegns (Senda Sursilvana) serrada per tut il traffic motorisau. Quei naven da ca. ils 17.04.2023 entochen ca. ils 30. 04.2023. Per pedunts sco era per velocipedists ei in trapass cun impediments pusseivels. Ord motivs da segirtad ei impurtont da risguardar las signalisaziuns ed […]
La suprastonza communala ha dau la lubientscha da tschentar si temporar sil parcadi a Fandrels naven dils 22 da mars entochen entschatta settember 2023 in container da bastiment. Quei container vegn duvraus dil musicist svizzer Dodo sco studio da tun. Dapli informaziuns anfleis Vus sut publicaziuns sin nossa pagina d’internet www.falera.net.
Cun in container da bastiment ch’ei vegnius baghegiaus entuorn tier in studio da tun, vuleva il musicist svizzer Dodo, sa metter silla tscherca da sias ragischs africanas. El ei numnadamein naschius en Kenia nua ch’el ha passentau ils emprems sis onns da sia veta alla Costa d’Ivur. Denton ei tut vegniu auter. Entras la pandemia […]
Ils 11 d’avrel 2023 entscheivan las lavurs da construcziun en connex cun la sanaziun dalla Via Principala a Falera (part Plaz Gliendras entochen spartida Via Canal). Las lavurs da construcziun vegnan fatgas en treis etappas cun entscheiver ella part davos (Ustria Casa Seeli). Il temps da construcziun planisaus da tuttas 3 etappas munta rodund 3 […]
Program da construcziun sanaziun Via Principala Andament da construcziun sanaziun Via Principala Sviaments per traffic e pedunz valeivels naven dils 9-6-2023 Las actas ed ils programs da construcziun vegnan actualisai cuntinuadamein tenor andament ed influenzas da l’aura.
Ella vischnaunca da Falera ei vertenta ina zona da planisaziun relaschada dalla suprastonza communala igl 1. d’avrel 2021 ed en vigur dapi ils 8 d’avrel 2021 che cumpeglia igl entir territori communal en connex cun la revisiun dalla planisaziun locala. Sin basa d’art. 21 dalla Lescha davart la planisaziun dil territori per il cantun Grischun […]
Il prau da skis per affons e l’ustria Mirasteilas ein aunc aviarts entochen e cun dumengia, ils 19 da mars 2023. Naven dils 20 da mars 2023 vegn il menaschi serraus. Nus supplichein per enconuschientscha.
Resultats vischnaunca Falera Votaziun cantunala Votaziun federala (negina votaziun)
Tenor constituziun ein las demissiuns stadas d’inoltrar alla suprastonza communala entochen la fin da fevrer 2023. Igl ei vegniu inoltrau las suandontas demissiuns: president communal: Wendelin Casutt (muort limitaziun d’uffeci) cumissiun da gestiun: Gian Arpagaus L’elecziun dallas autoritads communalas ha liug a caschun d’ina proxima radunonza communala.
La vischnaunca enquera per immediat ni tenor cunvegnientscha ina/in menadra/menader construcziun ed infrastructura (80 % – 100 %) Per dapli informaziuns mira inserat da plazza sut www.falera.net. Inserat da plazza
Tenor communicaziun digl uffeci da militar e da protecziun civila vegn puspei menaus atras ils differents tests da sirenas annuals. Quels han liug mesjamna, igl 1. da fevrer 2023, denter las 13.30 uras e las 15.00 uras. Cun las emprovas vegn d’ina vart controllau la funcziun dallas sirenas e la populaziun sa emprender d’enconuscher ils […]
Dil protocol dalla radunonza communala dils 20 da december 2022 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Sin fundament digl art. 152 alinea 3 ed art. 153 alinea 3 dalla lescha cantunala da taglia e tenor art. 2 dalla lescha da taglia dalla vischnaunca da Falera sco era tenor disposiziun dil departament da finanzas e vischnauncas dil cantun Grischun fixescha la suprastonza communala mintg’onn il tscheins da retard e da bunificaziun. Il […]
La vischnaunca enquera per immediat ni tenor cunvegnientscha ina/in menadra/menader construcziun ed infrastructura (80 % – 100 %) Per dapli informaziuns mira inserat da plazza sut www.falera.net. Inserat da plazza
Preziadas convischinas e preziai convischins La suprastonza e l’administraziun communala engrazian a Vus cordialmein per la confidonza e la buna ed emperneivla collaboraziun duront igl onn 2022. Nus giavischein a tuts ina biala e benedida fiasta da Nadal ed egl onn niev bia cletg, ventira ed oravontut buna sanadad.
La suprastonza communala envida ensemen cun l’uniun da dunnas Falera tuttas convischinas e tuts convischins sco era tuts hosps tier in aperitiv da Daniev. Nus s’entupein igl 1. da schaner 2023 naven dallas 10.00 – 12.00 uras sil Plaz Fontauna. Communablamein lein nus far in viva sil niev onn. Nus selegrein sin biaras visitadras e […]
Il prau da skis per affons ei aviarts naven da sonda, ils 24 da december 2022. Era l’Ustria Mirasteilas vegn aviarta naven da quei di. Nus supplichein per enconuschientscha.
Las decisiuns dalla radunonza communala dils 20-12-2022 anfleis Vus cheu.
Ord motivs dalla polizia da fiug ha la suprastonza communala decidiu in scamond da fiugs artificials per ils dis avon e suenter Silvester. Il scamond da fiugs artificials vala pigl entir territori da vischnaunca. Ils pumpiers vegnan a far controllas corrispundentas. Nus supplichein per enconuschientscha ed engraziein per l’observaziun da quei scamond da fiugs artificials.
Dil protocol dalla radunonza communala dils 18 da november 2022 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Communicaziun da medias Nightliner Flem Laax Falera
Mardis, ils 20 da december 2022, 20.15 uras, la fermata Tractandas: Beinvegni, elecziun da dus dumbravuschs Presentaziun ed approbaziun preventiv 2023 Fixar il pei da taglia 2023 a) Taglia sin gudogn e facultad b) Taglia sin schischom Damonda da credit per sanaziun vias communalas Damonda da credit per dumbraders d’aua Damonda da credit per sanaziun […]
Resultats vischnaunca Falera Votaziun cantunala Votaziun federala (negina votaziun)
Nus fagiein attents sin las suandontas prescripziuns en connex cun damondas da baghegiar: Tenor lescha da baghegiar dalla vischnaunca da Falera ston tuts projects da construcziun inclus lavurs da manteniment vegnir annunziai avon la projectaziun ed execuziun all’instanza da construcziun. Art. 42 1 Bauvorhaben (Gebäude und Anlagen einschliesslich Projektänderungen, Zweckänderungen, Erneuerungsarbeiten, Unterhaltsarbeiten, Zweckänderungen von Grundstücken, […]
Administraziuns d’immobilias, locaturs ed auters che porschan loschament ston annunziar alla vischnaunca lur locataris enteifer 14 dis. Medemamein sto vegnir annunziau partenzas ed arrivadas. Quei vala era per midadas enteifer il medem schischom. Nus supplichein per enconuschientscha ed engraziein per l’observaziun da quellas prescripziuns.
Las decisiuns dalla radunonza communala anfleis Vus cheu.
Ils 8 da november 2022 ei vegniu controllau entras la fatschenta Bachema AG Analytische Laboratorien, Schlieren l’aua da beiber dalla vischnaunca da Falera. Tenor rapport corrispundan las emprovas d‘aua allas pretensiuns per aua da beiber tenor l’ordinaziun da higiena. Dil resultat da quella emprova sa vegnir priu envesta sin canzlia communala ni sut www.falera.net. Rapport […]
La suprastonza communala envida las uniuns dil vitg tier ina sesida da coordinaziun pertuccont occurrenzas 2023. La sesida ha liug sco suonda: gliendisdis, ils 28-11-2022, allas 20:00 uras, la fermata, Gonda. Nus sperein che mintga uniun sappi tarmetter silmeins in delegau dalla suprastonza. Seccapescha ein era persunas privatas, ch’ein interessadas dad organisar occurrenzas, envidadas tier […]
Venderdis, ils 18 da november 2022, 20.15 uras, la fermata Tractandas: Beinvegni, elecziun da dus dumbravuschs Constataziun dall’approbaziun dils protocols dallas radunonzas communalas dils 19-8-2022 e 31-8-2022 Concept da svilup «La Mutta» a) Approbaziun aquist da terren ed ulteriurs cuosts b) Approbaziun participaziun La Mutta SA Informaziuns e varia
Las suprastonzas communalas dallas vischnauncas dalla destinaziun turistica Flem, Laax e Falera han, ensemen cull’interessenza turistica e las pleivs, discutau ed approbau mesiras da spargnar energia. Igl ei talas che selaian realisar bein e fan senn. Las suprastonzas communalas ein perschuadidas ch’il maun public contribuescha cheutras cun in emprem pass allas mesiras equilibradas dalla Confederaziun. […]
La suprastonza communala ha a caschun dalla sesida dils 10 d’october 2022 concludiu il model directiv dil territori communal (MDTC). Il MDTC concludiu cul rapport da cooperaziun respectiv ein publicai sin la pagina d’internet dalla vischnaunca www.falera.net. Sin fundament dil MDTC vegn la suprastonza communala ad instradar la revisiun dalla planisaziun d’utilisaziun. La procedura per […]
Per saver cavar vinavon las fossas cun la maschina sto vegnir sligiau si ina nova retscha da fossas. Tenor artechel 18 digl uorden da sepultura e santeri dalla vischnaunca da Falera sto la suprastonza communala annunziar publicamein la rumida silmeins 6 meins avon il termin da rumida ed era orientar ils vegnentsuenter. Las suandontas fossas […]
Ils 30 da zercladur 2023 vegn il president communal actual a demissiunar pervia dalla limitaziun dil temps d’uffeci. Cun la communicaziun dils 17 da zercladur 2022 (fegl ufficial) ha la suprastonza communala informau corrispundentamein las habitontas ed ils habitonts e communicau che persunas che s’interesseschien per il post dil presidi communal sappien s’annunziar. Tochen uss […]
A privats eis ei scumandau da far ora la neiv sin vias da meglieraziun. La suprastonza communala sa dar lubientschas extraordinarias. Tier beins purils habitai suronn ord la zona da baghegiar procurescha la vischnaunca per la rumida dalla neiv. Tala succeda denton en secunda prioritad. Ils cuosts ein da surprender dils pertuccai. Per purs che […]
Tenor lescha da pumpiers dalla vischnaunca da Falera ein per regla umens e dunnas cun domicil ella vischnaunca obligai da far pumpiers. Dils habitonts che vivan en ina lètg buca separada ei sulettamein in dils partenaris obligaus da far pumpiers. En quei cass sedrezza il cuoz dall’obligaziun da far pumpiers tenor la vegliadetgna dil conjugal […]
Muort il firau da Numnasontga resta l’administraziun communala serrada mardis, igl 1. da november 2022 igl entir di. Nus supplichein per enconuschientscha.
Resultats vischnaunca Falera Votaziun cantunala (negina votaziun) Votaziun federala
Dil protocol dalla radunonza communala dils 31 d’uost 2022 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Tenor artechel 53 dalla lescha da baghegiar dalla vischnaunca da Falera supplichein nus tuts proprietaris da terren da tagliar anavos caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Nus supplichein era da risguardar che cazzolas e signalisaziuns da via sco era hidrants eav. […]
Tenor artechel 4 a) dil reglament pil manteniment dallas ovras da meglieraziun dalla vischnaunca da Falera ston tut las scarpas per liung dallas vias da funs vegnir cultivadas gratuitamein dil cunfinont (segar, tagliar caglias e roma etc.). Nus supplichein perquei tuts possessurs da terren da mirar che plontas e caglias seigien tagliadas anavos aschia che […]
La plievigia occasiunala dallas davosas jamnas ed oravontut la sbassada dalla temperatura han procurau per ina sluccada dil prighel d’incendis d’uaul e dalla cultira. Ord quei motiv ha la suprastonza communala sligiau si per immediat il scamond da far fiug e d’inflammar fiugs artificials e rachetas pigl entir territori da vischnaunca. Dapli informaziuns anfleis sin […]
Dil protocol dalla radunonza communala dils 19 d’uost 2022 sa vegnir priu naven d’immediat envesta sin canzlia communala. Protestas ston vegnir inoltradas en scret alla suprastonza communala duront il temps d’exposiziun da 30 dis.
Las informaziuns corrispundentas anfleis Vus cheu.
Orientaziun allas proprietarias ed als proprietaris La davosa valetaziun da revisiun dils beins immobigliars surbaghegiai sin il territori da la vischnaunca Falera ha giu liug gl’onn 2004/05. Il biro da valetaziun Glion entscheiva naven digl october 2022 cun la 5-avla valetaziun da revisiun en la vischnaunca Falera. Buca valetai vegnan ils beins immobigliars ch’ein vegni […]