Preavis proximas radunonzas communalas
La radunonza communala da calonda mars cun l’approbaziun dil rapport e dil quen annual 2020 ha liug venderdis, ils 28 da matg 2021, allas 20.15 uras en la fermata.
La radunonza communala pertuccont la decisiun da schar luvrar ora ils detagls dalla fusiun dallas vischnauncas da Falera, Laax, Sagogn e Schluein ha la suprastonza communala fixau sin venderdis, ils 18 da zercladur 2021, allas 20.15 uras en la fermata.
Las invitaziuns e las tractandas vegnan publicadas ad uras el fegl ufficial Regiun Sursela e sin la pagina d’internet dalla vischnaunca.
Las prescripziuns pertuccont il coronavirus ston aunc adina vegnir tenidas en. La suprastonza communala quenta dalla radunonza communala dils 18 da zercladur 2021 cun dapli votantas e votants che usitau aschia che la sala vegn ad esser occupada fetg bein. La radunonza astga denton era vegnir menada atras sut quellas premissas. Pervia las mesiras da corona less la suprastonza communala denton tener la durada dallas duas radunonzas communalas dil matg e dil zercladur aschi cuort sco pusseivel. Perquei ei vegniu decidiu da parter si las tractandas sin duas radunonzas.
Nus supplichein per enconuschienscha.
