Introducziun dalla procedura da contribuziun per sanar la Via Prau da Cuort/Via Samun (zona da contribuziun 6)
Tenor il conclus dils 15 da settember 2025 prevesa la suprastonza communala — sebasond sin art. 63 dalla Lescha davart la planisaziun dil territori per il cantun Grischun (LPTGR) ed art. 22 ss. dall’Ordinaziun davart la planisaziun dil territori per il cantun Grischun (OPTGR) — d’instradar la procedura da contribuziun per sanar la Via Prau da Cuort/Via Samun (zona da contribuziun 6) sco suonda:
- Ovra:
L’ovra ch’ei da sanar cumpeglia ils suandonts tschancuns:
– Via Prau da Cuort (part 6.1)
– Via Prau da Cuort/Via Samun (part 6.2)
L’ovra ch’ei da sanar ei nudada cun colur el plan d’introducziun. - Schazetg approximativ dils cuosts:
CHF 1.8 milliuns incl. conducts d’ovra (nunligiont) - Termin da realisaziun:
Probablamein primavera 2026 - Parts dils cuosts:
Part dalla vischnaunca (interessenza publica):
– Via Prau da Cuort, part 6.1: 40%
– Via Prau da Cuort/Via Samun, part 6.2: 20%
Las parts procentualas dall’interessenza publica per ils singuls tschancuns ein nudadas cun colur el plan d’introducziun.Part privata (interessenza privata):
– Via Prau da Cuort, part 6.1: 60%
– Via Prau da Cuort, part 6.2: 80% - Zona da contribuziun:
Parcellas nr. 458, 500, 501, 502, 520, 521, 523, 524, 525, 526, 530, 538, 539, 542, 543, 544, 545, 546, 553,598, 645, 648, 1130, 1144, 1252, 1460, 1538, 1589, 1598, 1599, 1600, 1625, 1626, 1627, 1628
La zona da contribuziun ei da veser el plan d’introducziun. - Actas d’exposiziun:
– Text da publicaziun
– Plan d’introducziun «procedura da contribuziun per sanar la Via Prau da Cuort/Via Samun» (zona da contribuziun 6), 1:1’250 - Termin d’exposiziun:
Ils 7 da november 2025 tochen ils 7 da december 2025 (30 dis) - Liug d’exposiziun/temps
Administraziun communala Falera, Via Principala 45c, 7153 Falera, duront ils temps d’avertura dil spurtegl ni sin www.falera.net. - Recuors:
Encunter l’introducziun dalla procedura da contribuziun previda, l’ovra ch’ei da sanar, il perimeter da contribuziun sco era las parts dall’interessenza publica e privata san ins far recuors motivau en scret duront il temps d’exposiziun. Suenter ch’il termin d’exposiziun ei scadius, relai la suprastonza communala il conclus e communichescha quel als cumpigliai ed eventuals recurrents.
