Spustada lavurs da catram Via Paliu

Per serrar giu la sanaziun dalla Via Paliu sto aunc la cuvrida fina vegnir fatga. Quellas lavurs eran planisadas sco suandont:
Gliendisdis, ils 25 d’uost 2025 ni mardis, ils 26 d’uost 2025
Muort collisiun da termins vegnan las lavurs spustadas. Niev ein las lavurs planisadas naven da gievgia ils 28 d’uost 2025 entochen gliendisgis igl 1. da settember 2025. Las lavurs san denton vegnir fatgas mo sche l’aura ei buna. Duess quei buca esser il cass duront ils dis indicai, sche vegnan las lavurs spustadas danonvamein.
Duront las lavurs vid la cuvrida fina sto la Via Paliu vegnir serrada per tut il traffic. Medemamein sto vegnir quintau cun impediments duront las preparativas sco era cun emissiuns da canera. Possessurs che han duront il temps che la cuvrida fina vegn fatga negin access tier lur parcella, san parcar lur autos gratuitamein sil parcadi a Fandrels. Cartas san vegnir retratgas sin canzlia communala. Nus supplichein perquei da parcar entuorn ad uras Vies auto, per che Vus sappies carrar naven duront il di che la via ei serrada.
Nus supplichein per enconuschientscha ed engraziein per Vossa capientscha.