Da schar a tscheins localitads d’ustria egl Observatori Mirasteilas
La vischnaunca da Falera lai a tscheins sur onn las localitads d’ustria egl Observatori Mirasteilas.
Persunas ch’ein interessadas da prender a tscheins las localitads e da surprender in menaschi d’ustria sur onn a Chinginas san inoltrar lur annunzia a scret entochen ils 13 d’uost 2021 alla suprastonza communala, Via Principala 45c, 7153 Falera ni per E-Mail sin info@falera.net.
Per ulteriurs sclariments statt Orlando Steiner, commember suprastonza communala (E-Mail: osteiner@falera.net) bugen a disposiziun.
