Descripziun cuorta
Promoziun e tgira dalla collegialitat denter ils catschadurs dallas quater vischnauncas.
Onn da fundaziun
La secziun ei vegnida fundada igl avrel 1945 ella ustria Waldheim a Laax. Commembers da fundaziun 12 da Laax, 8 da Falera, 6 da Schluein e d 11 da Sagogn.
Diember da commembers
Actualmein dumbra la secziun 77 commembers.
Activitads
La secziun meina a tras mintgamai els onns grads ina sera hilarica cun tscheina, scenettas, tochets teatristics e la rangaziun da trofeas, ils onns denter en organisescha la secziun ina tura alpestra ni in viadi ella vischinonza.
Commembers tgiran e segan praus cuolms e pastiras, taglian anavos caglioms ed allontaneschan seivs da spinas e curdems dils uauls. Aschia vegnan mintga onn segai il prau da Punt, il cuolm dil Vetter, il prau d’onda Onna, il plaun Curtgani, il plaun Gonda da Falera, il cuolm Travischels, las Foppas da Sagogn, il plaun dil Larisch ed il plaun Gonda da Schluein. Da temps en temps schubergiein nus era il contuorn dil stradun cantunal da carpians e curdems.
Adressas da contact
President
Gschwend Robin, 7031 Laax
Tel. +41 76 339 42 09
Actuar
Lechmann Gion, 7153 Falera
Tel. +41 81 544 52 21
Cassier
Ackermann Remo, 7153 Falera
Tel. +41 79 419 91 55
Cau tgira
Cavelti Armin, 7031 Laax
Assessur / Suprastonza Casti Sut
Cavelti Josef, 7152 Sagogn