Publicaziuns ufficialas

Cheu anfleis vus las actualas publicaziuns ufficialas dalla vischnaunca da Falera.


Decisivs per termins da far protesta ei denton sulettamein il datum dalla publicaziun egl organ da publicaziun ufficial dalla vischnaunca da Falera, il Fegl ufficial Regiun Surselva.








Radunonza communala calonda mars

Venderdis, ils 2 da matg 2014, 20.15 uras, Stonas I, la fermata

Tractandas:

1.    Beinvegni, elecziun da dus dumbravuschs
2.    Constataziun dall'approbaziun dil protocol dalla radunonza communala digl 1-10-2013
3.    Constataziun dall'approbaziun dil protocol dalla radunonza communala dils 3-12-2013
4.    Rapport annual e rendaquen pils 31-12-2013
a)    Rapport annual dil president
b)    Quen annual 2013
c)    Rapport dalla cumissiun da gestiun
d)    Approbaziun dil rapport e dil quen, descharscha alla suprastonza communala, all'administraziun e
       funcziunaris
5.    Elecziuns
a)    2 commembers da suprastonza
b)    1 commember cumissiun da baghegiar
       (Demissiun: Toni Arpagaus, muort limitaziun d'uffeci)
       1 suppleant per la cumissiun da baghegiar
6.    Presentaziun ed approbaziun nova lescha per taxas da hosps e turissem *)
7.    Damonda da credit per baghegiar entuorn la casa da scola
8.    Damonda da credit per baghegiar entuorn il Center communal
9.    Informaziuns e varia


Il rapport e quen annual 2013 vegnan tarmess tier els proxims dis a tuttas casadas. Ulteriurs exemplars san vegnir retratgs sin canzlia communala.

*)
La nova lescha per las taxas da hosps e turissem sco era dapli informaziuns ed in messadi san vegnir cargai giu cheu ni retratgs tier l'administraziun communala.







Rimnada da rauba blocconta

Sonda, ils 3 da matg 2014 dallas 8.00-11.00 uras sa vegnir dismess rauba blocconta.

Ils containers per dismetter la rauba vegnan tschentai si avon scudera.

Sco rauba blocconta da dimsensiun pli gronda che sa vegnir dismessa gratuitamein valan rumians da casa ch'ins sa buca surdar al survetsch da rimnada regular, perquei ch'els ein u memia gronds ni memia grevs.

Ils suandonts rumians astgan en mintga cass buca vegnir dismess el rom da rimnadas da rauba blocconta:

rumians da casa e rumians industrials, material d'embelladi sco plastic ni stiropor, il plastic dallas ballas da silo, lenna da construcziun, vanzadiras da lenna, teppis stendi, material d'isolar, liquids, ieli, colurs, crappa, tievlas, battarias dil tenercasa ed autra rauba semeglionta.

Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.


Ella vischnaunca da Falera sa en connex cun la rimnada da rauba blocconta vegnir dismess aunc supplementarmein las suandontas caussas:

apparats electrics: grautit
bischels fluorescents, pérs da cazzola: gratuit
batterias d'auto: frs. 10.- per toc
pneus da privats senza gaveglias: frs. 5.- per toc
pneus da privats cun gaveglias: frs. 10.- per toc

Quella rauba vegn dismessa separau dalla rauba blocconta entras ils luvrers communals.

Ils luvrers communals han l'incumbensa da visar anavos rauba che corrispunda buca als criteris da rumien bloccont.

Nus supplichein per enconuschientscha.







Serada dalla Senda Sursilvana

Muort lavurs da pinar e transportar lenna resta la Senda Sursilvana denter Falera a Ladir serrada per tut il traffic naven dils 22 d'avrel 2014 entochen ca. entschatta matg 2014. Per pedunz ei il passadi difficil. Sonda e dumengia ei la senda mintgamai puspei aviarta.

Nus supplichein per enconuschientscha






Schubergiada tumbins d'entrada

El decuors dil meins matg 2014 vegnan puspei ils differents tumbins d'entrada ch'ein en possess dalla vischnaunca svidai e schubergiai entras la fatschenta Candreja AG cul vehichel special per schubergiar tumbins.

El medem mument savessan era ils numerus tumbins d'entrada privats vegnir schubergiai. Ils cuosts muntan pauschal fr. 40.- per tumbin. Cundiziun ei denton ch'ils tumbins ein contonschibels cul vehichel.

Possessurs che lessan far diever da quella purschida duein s'annunziar entochen sil pli tard ils 28 d'avrel 2014 tier la canzlia communala (Tel. 081 921 35 15, E-Mail: info@falera.net).







Publicaziuns fegl ufficial cantunal


http://www.kantonsamtsblatt.ch