Certificats

Carta d'identitad


Tgi che vul empustar ina carta d'identitad sto sepresentar persunalmein al spurtegl dalla controlla da habitonts, selegitimar cun in document corrispundent e purtar ina fotografia da passaport actuala (prescripziuns pertuccont fotografias).

Las taxas ein da pagar directamein al spurtegl dalla controlla da habitonts.

Persunas minorennas drovan la lubientscha da lur representants legals.

Ils documents vegls ein da presentar e da schar svaletar.

Sch'in document va a piarder, sa il niev vegnir empustaus pér cura che la polizia dispona d'ina annunzia da perdita corrispundenta.

Taxas e valeivladad


Taxas


Valeivladad
         
Carschi naven da 18 onns
 frs. 65.--(+Porto)
   10 onns
Affons entochen il 18avel onn da vegliadetgna frs. 30.--(+Porto)
   5 onns
   
     



Passaport svizzer 10 (passaport electronic)

     

Naven digl 1. da mars 2010 san il passaport 10, il passaport provisori ed il pachet cumbinau (passaport e carta d'identitad) buca pli vegnir empustai al spurtegl dalla controlla da habitonts, mobein mo pli sur in center da documents d'identitad.

Las petentas ni ils petents ston far ina damonda corrispundenta sur igl internet ni via telefon ad in center da documents d'identitad e secunvegnir davart in termin.

Ina damonda ei da principi mo lubida el cantun da domicil.

El center da documents d'identitad ston las petentas ed ils petents selegitimar a maun da documents
ufficials e cumprovar il liug da domicil cun la quittanza dallas scartiras deponidas ni cun igl attest da domicil, etc. Il medem mument ston els pagar ils documents e schar registrar las datas biometricas.

Ils documents vegls ein da presentar e da schar svaletar.

L'adressa da contact dil center da documents d'identitad a Cuera:

Uffeci da fatgs da polizia e da dretg civil dil Grischun
Center da documents d'identitad
Gäuggelistrasse 7
Caum postal 61
7002 Cuera

Tel.: 081 257 52 20
(Cunvegnas da termin ein indispensablas)

Cunvegnas da termin sur igl internet: http://www.schweizerpass.ch


Temps d'avertura dil center da documents d'identitad a Cuera:

  • Gliendisdis - gievgia: 08.00 - 12.00 e 13.30 - 17.00 uras
  • Venderdis: 08.00 - 16.00 uras (era sur miezdi)


Ulteriuras informaziuns anfleis Vus sin la pagina d'internet digl Uffeci da fatgs da polizia e da dretg civil dil Grischun.


Taxas e valeivladad


Taxas

Valeivladad
       

Passaport

      
Carschi naven da 18 onns frs. 140.--(+Porto)
 10 onns
Affons entochen il 18avel onn da vegliadetgna frs.  60.--(+Porto)
 5 onns
       

Pachet cumbinau:
passaport e carta d'identitad

      
Carschi naven da 18 onns
 frs. 148.--(+Porto)
 10 onns
Affons entochen il 18avel onn da vegliadetgna frs. 68.--(+Porto)
 5 onns
       

Passaport provisori

      
Carschi naven da 18 onns frs. 100.-- max.12 meins
Affons entochen il 18avel onn da vegliadetgna frs.  100.-- max.12 meins


Ulteriuras informaziuns anfleis Vus sin la pagina d'internet: http://www.schweizerpass.ch




Indicaziuns da viadi

Departament federal d'affars exteriurs (DFAE)




Attest d'indigens

Igl attest d'indigens saveis Vus dumandar al spurtegl.

Per saver tschentar ora igl attest duvrein nus ina fotografia. Ils cuosts pigl attest muntan frs. 5.--.