Publicaziuns ufficialas
Cheu anfleis vus las actualas publicaziuns ufficialas dalla vischnaunca da Falera.
Decisivs per termins da far protesta ei denton sulettamein il datum dalla publicaziun egl organ da publicaziun ufficial dalla vischnaunca da Falera, il Fegl ufficial Regiun Surselva.
Votaziun dils 7 da mars 2010
Nus fagein attents sin la publicaziun all'entschatta dil fegl ufficial.L'urna ei tschentada sin canzlia communala sco suonda:
- Gievgia, ils 4 da mars 2010, 15.00-17.00 uras
- Venderdis, ils 5 da mars 2010, 15.00-17.00 uras
- Dumengia, ils 7 da mars 2010, 09.45-10.15 uras
Il cedel da dretg da votar (cedel alv) ei da dar giu all'urna.
Votantas ni votants che han buca survegniu tarmess tier il material da votar, san retrer quel entochen venderdis, ils 5 da mars 2010 tier la canzlia communala.
Rimnada pupi e cartun
Nus rimnein pupi vegl e cartun sco suonda:
mardis, ils 9 da mars 2010.
Il pupi ni cartun sto vegnir ligiaus ensemen mintgamai separau e deponius beinvesevel entochen sil pli tard allas 08.00 uras sper via.
Il pupi ni cartun ch'ei buca sortius in da l'auter e ligiaus mintgamai ensemen vegn buca dismess.
Nus supplichein da setener vid quellas prescripziuns ed engraziein persuenter.
Scola primara Falera
Demissiuns ufficials da vischnaunca
Tenor constituziun ei la demissiun d'in uffeci communal stada da far a scret alla suprastonza communala entochen la fin da fevrer 2010. Suandontas demissiuns ein vegnidas inoltradas enteifer il termin fixau:
suprastonza communala, Claudio Casutt (muort limitaziun d'uffeci)
suppleant da suprastonza, Clothilda Casutt
cussegl da scola, Carmen Arpagaus
L'elecziun dils ufficials da vischnaunca ha liug a caschun dalla radunonza communala da calonda mars dils 16 d'avrel 2010. Persunas che s'intereseschan per in da quels posts retscheiven ulteriur sclariment tier la presidenta communala.