Falera - Willkommen

La genetscha Tinito Bavona da Wendelin Casutt da Falera ei vegnida elegida a caschun dil campiunadi europeic da biestga da razza brina a Rotholz, Austria sco campiunessa europeica.

Sin quella grondiusa victoria gratulescha la vischnaunca da Falera al giuven allevatur e pur Wendelin Casutt cordialmein.

Dapli informaziuns e maletgs:

Naven dils 7 da matg entochen ils 11 da matg 2007 ei la canzlia communala aviart mintgamai mo ils suandonts dis:

mardis e venderdis

Sogn Giusep

Mesjamna, ils 19 da mars 2008 resta la canzlia communala serrada muort firau.

La canzlia communala stat serrada ils suandonts dis:

mesjamna, ils 24 da december 2008
gievgia, ils 25 da december 2008
venderdis, ils 26 da december 2008
mesjamna, ils 31 da december 2008
gievgia, igl 1. da schaner 2009
venderdis, ils 2 da schaner 2009

Nus giavischein a tuts ina biala e benedida fiasta da Nadal ed egl onn niev bia cletg, ventira e buna sanadad.

A caschun dalla radunonza communala dils 20 d'avrel 2007 ein las propostas per midadas dil reglament da vendita zona d'indigens Er Liung vegnidas presentadas.

Il sboz cun las propostas sa vegnir retratgs sin canzlia communala ni cargaus giu dalla pagina d'internet dalla vischnaunca www.falera.net sut la rubrica actual/novitads. Il reglament da vendita ussa actuals sa vegnir retratgs sin canzlia communala.

Autras propostas ni giavischs per midadas da quei sboz pren la suprastonza communala bugen encunter a scret entochen ils 25 da matg 2007.

Nus engraziein per Vossa cooperaziun.

La vischnaunca da Falera lai a tscheins sigl 1. da matg 2007 ina habitaziun da 2 1/2 stanzas en casa da scola. Il tscheins meinsil inclus cuosts supplementars munta frs. 850.--. Interessents san s'annunziar tier la canzlia communala.

La vischnaunca da Falera lai a tscheins sigl 1. da december 2008 ni tenor cunvegnientscha el Center communal ina

habitaziun da 3 stanzas

Tscheins meinsil inclus cuosts supplementars e parcadi: frs. 1'200.--.

La habitaziun vegn buca schada a tscheins sco habitaziun da vacanzas.

Interessents san s'annunziar a scret tier la Canzlia communala, Center communal,
7153 Falera.

Sonda, ils 8 da november 2008 dallas 8.00-11.30 uras sa vegnir dismess rumien bloccont.

Ils containers per dismetter il rumien vegnan tschentai si avon scudera.

Cuosts:

- rumien bloccont: gratuit
- ferramenta electronica: gratuit
- cazzolas e pérs da cazzola: gratuit
- batterias d'autos: frs. 10.-- per toc
- pneus da privats senza gaveglias: frs. 5.-- per toc
- pneus da privats cun gaveglias: frs. 10.-- per toc

Grondas dimensiuns da rumien bloccont che seresultan ord rumidas, spazzadas ni renovaziuns da casas eav. san buca vegnir dismessas cun la rimnada dalla vischnaunca.

Nus supplichein da risguardar la publicaziun sut publicaziuns ufficialas:

Muort firau resta la canzlia communala serrada venderdis, ils 15 d'uost 2008.

Naven dils 14 da fenadur 2008 entochen e cun ils 18 da fenadur 2008 resta la canzlia communala serrada muort lavurs da renovaziun.

Nus supplichein per enconuschientscha ed engraziein per la capientscha.

Il runal d'affons e l'Ustria Mirasteilas a Chinginas restan serrai naven da gliendisdis, ils 19 da mars 2007.

Il runal d'affons a Chinginas sco era l'Ustria Mirasteilas (pli baul Tegia Chinginas) prenden si lur menaschi sonda, ils 23 da december 2006.

En connex cul project Val da Schluein vegn il toc via sura numnaus sanaus. Quellas lavurs da sanaziun ein planisadas sco suonda:

gliendisdis, ils 23 da zercladur 2008 entochen venderdis, ils 27 da zercladur 2008.

Duront quei temps sto il toc via sura numnaus vegnir serraus pil traffic. Per pedunz vegni ad esser pusseivel da duvrar vinavon la via. Muort las lavurs da sanaziun sto denton vegnir quintau cun impediments.

Nus supplichein per enconuschientscha ed engrazien per la capientscha.

Tenor communicaziun digl uffeci cantunal pigl uaul eis ei scumandau egl entir Grischun da far fiug egl ni datier digl uaul. Dapli informaziuns sut:

Naven dils 19 da matg 2008 entochen ils 23 da matg 2008 ei la canzlia communala aviarta mintgamai mo ils suandonts dis:

mardis e venderdis.

Nus supplichein per enconuschientscha.

Naven dils 25 d'uost 2008 entochen ils 5 da settember 2008 ei la canzlia communala aviarta mo ils suandonts dis:

venderdis, ils 29 d'uost 2008
mardis, ils 2 da settember 2008
venderdis, ils 5 da settember 2008.

Nus supplichein per enconuschientscha.

Empustaziuns san vegnir fatgas tier la canzlia communala (081 921 35 15) entochen sil pli tard mesjamna, ils 10 da december 2008.

Empustaziuns che vegnan fatgas suenter quei termin san deplorablamein buca pli vegnir risguardadas.

Ils pigneuls vegnan repartgi gliendisdis, ils 22 da december 2008 naven dallas 13.00-15.00 uras avon scudera.

Preziadas convischinas, preziai convischins
Preziai hosps

In toc dalla Via Canal ei muort las malauras 2002 en in schliet stan. En connex cun las lavurs vid il project Ual da Mulin vegn la via perquei reparada naven dalla fontauna Via Sur Striettas entochen la staziun dalla pendiculara Falera-Curnius.

Quellas lavurs ein planisadas sco suonda:

18 da settember 2008 entochen probabel miez october 2008.

Duront quei temps sto vegnir quintau cun impediments e temps da spetga entochen ca. 1 ura.

Nus supplichein per enconuschientscha ed engrazien per la capientscha.

Muort fetg gronda damonda ha liug ils 29.12.2006 allas 17.00 uras en la fermata in concert supplementar culs Furbaz. Il concert dallas 20.30 uras ei vendius ora. Informaziuns pertuccont ils concerts anfleis Vus sin la suandonta pagina d'internet:

Igl ensolver d'alp sill'Alp Dadens sura ha liug.

Muort gronda damonda vegn menau atras ils 29-12-2007 allas 17.00 uras aunc in concert supplementar.

Bigliets sut 081 936 65 00 ni:

La Televisiun Rumantscha ha en sia emissiun Telesguard digl 1-12-2006 schau examinar entras experts las differentas paginas d'internet dallas vischnauncas romontschas.

Denter auter ei era la pagina d'internet dalla vischnaunca da Falera vegnida valetada sco "TOP".

La pagina d'internet dalla vischnaunca da Falera ei vegnida surluvrada cumpletamein e sepresenta ussa cun in niev vestgiu.

Nus giavischein a Vus bien divertiment da svegliar atras la pagina nova.

Ils resultats dalla radunonza communala digl 1-12-2006 anfleis Vus sut Vischnaunca - Radunonzas/Votaziuns.

Ils resultats dalla radunonza communala anfleis Vus cheu:

Ils resultats dalla radunonza communala dils 20 d'avrel 2007 anfleis Vus sut Vischnaunca - Radunonzas/Votaziuns.

Ils resultats dalla radunonza communala anfleis Vus cheu:

Ils resultats dalla radunonza communala anfleis Vus cheu:

Ils resultats dalla radunonza communala anfleis cheu:

Sanaziun totala dalla Via Cantunala

Preziadas convischinas, preziai convischins
Preziai hosps

L'emprema etappa dalla sanaziun dalla Via Cantunala ha saviu vegnir serrada giu igl onn vargau. Cun las lavurs vid la secunda e davosa etappa naven dalla Via Cabriec entochen il Plaz Gliendras vegn entschiet el decuors dallas proximas jamnas.

Quellas lavurs ein planisadas sco suonda:

Entschatta dallas lavurs: ils 21 d'avrel 2008
Finiziun dallas lavurs: ca. fin zercladur 2008

Duront quei temps sto la Via Cantunala naven dalla Via Cabriec vegnir serrada per tut il traffic. Igl entir traffic vegn menaus entuorn sur il parcadi "Fandrels" sur la plazza da ballapei entochen Bigliac sco era sur la Via Cabriec. Ils sviaments vegnan a vegnir signalisai.

Duront il temps da construcziun sto vegnir quintau cun impediments da traffic sco era emissiuns da canera. Possessurs che han duront il temps da construcziun negin access tier lur parcella, san parcar lur autos gratuitamein sil parcadi a Fandrels.

Nus supplichein per enconuschientscha ed engraziein per Vossa capientscha.

Preziadas convischinas, preziai convischins
Preziai hosps

La Via Cantunala sto vegnir sanada totalmein en duas etappas naven dil parcadi "Fandrels" entochen tier l'entrada tier la baselgia spel Center communal.

Cun las lavurs da construcziun vegn entschiet ellas proximas jamnas. Ell'emprema etappa ei risguardau la sanaziun dalla via naven dil parcadi "Fandrels" entochen la Via Cabriec. Igl ulteriur toc via vegn sanaus cun la secunda etappa che vegn fatga igl onn 2008.

Las lavurs dall'emprema etappa ein planisadas sco suonda:

Entschatta dallas lavurs miez avrel (propablamein ils 16 d'avrel 2007)
Finiziun dallas lavurs: ca. miez fenadur 2007.

Duront quei temps sto la Via Cantunala vegnir serrada per tut il traffic. Igl entir traffic vegn menaus entuorn sur il parcadi "Fandrels" sur la plazza da ballapei entochen Bigliac. Il sviament vegn a vegnir signalisaus. Duront il temps da construcziun sto vegnir quintau cun impediments da traffic sco era emissiuns da canera. Possessurs che han duront il temps da construcziun negin access tier lur parcella, san parcar lur autos gratuitamein sil parcadi a Fandrels.

Nus supplichein per enconuschientscha ed engraziein per Vossa capientscha.

Las lavurs vid la davosa etappa da sanaziun vid la via da colligiaziun Laax-Falera entscheiven entschatta fenadur 2008.

Las lavurs dessan esser terminadas ca. sil davos d'october 2008.

Ils resultats dall'elecziun dils 30 da mars 2008 anfleis Vus cheu:

Ils resultats dallas elecziuns dil cussegl naziunal e dil cussegl dils cantuns dils 21 d'october 2007 anfleis Vus cheu:

Ils resultats anfleis Vus cheu:

Ils resultats dalla votaziun dils 30 da november 2008 anfleis Vus cheu:

Ils resultats dalla votaziun cantunala e dallas elecziuns regiunalas anfleis Vus cheu:

Resultats dalla votaziun dils 11 da zercladur 2007:

Ils resultats dalla votaziun anfleis Vus cheu:

Ils resultats dalla votaziun dils 26.11.2006 anfleis Vus sut Vischnaunca-Radunonzas/Votaziuns.

Ils resultats anfleis Vus cheu: