Controlla d'habitonts

Adressa da contact

Administraziun communala Falera
Controlla d'habitonts
Center communal
7153 Falera		   Tel.
Fax
E-Mail

 +41 81 921 35 15
+41 81 921 41 31
info@falera.net


Uras da spurtegl 

Gliendisdis - venderdis
  
avonmiezdi dallas 09.00 - 11.00 uras
 suentermiezdi dallas 15.00 - 17.00 uras


Certificats


Arrivada

Essas Vus setratgs neutier da niev en nossa vischnaunca ni haveis Vus l'intenziun da midar domicil proximamein a Falera? 

Nus lessen far a Vus in cordial beinvegni. Nus sperein che Vus sesenties bein cheu. 

Sche Vus setargeis neutier haveis Vus da s'annunziar enteifer 8 dis tier la controlla d'habitonts. Nus duvrein ils documents suandonts per saver registrar l'annunzia:

Per burgheis svizzers

  • certificat d'origin
  • cudisch militar e/ni cudischet dalla protecziun civila
  • certificat d'assicuranza dalla cassa da malsauns

Sche Vus leis s'annunziar en nossa vischnaunca sco dimorant duront l'jamna, duvrein nus in certificat d'origin da Vossa vischnaunca da domicil.


Naziunalitads jastras

(Procedura da permissiun per permissiuns sur 3 meins)

  • pass/carta d`identitad
  • legitimaziun d'jasters, sche avon maun
  • damonda per lubientscha d'jasters UE/AECL (Associaziun europea da commerci liber) (A 1) ni damonda per lubientscha d'jasters ordeifer la UE/AECL (B 1) e/ni garanzia per la dimora
  • Contract da lavur (tier la damonda per lubientscha A1 UE-17/AECL buca necessari)
  • Certificat d'assicuranza dalla cassa da malsauns

(Procedura d`annunzia per permissiuns entochen 3 meins respectiv 90 dis da lavur)

Igl 1. da zercladur 2002 ein las cunvegnas bilateralas denter la Svizra, la UE e ses stats commembers sco era la cunvegna revidida dalla UE/AECL entradas en vigur. Da niev ein buc mo tut las persunas domiciliadas en Svizra suttamessas agl obligatori dall'assicuranza da malsauns. Era lur confamiliars che lavuran buc cun domicil en in stat dalla UE ni AECL ston da principi seschar asssicurar en Svizra per la tgira da malsauns.

Fagei aschi bien e legi il scriver d'informaziun digl uffeci sanitar dil Grischun pertuccont la cassa da malsauns. Vus saveis cargar quel alla fin da quella pagina sin gl'agen computer.



Midadas d'adressa enteifer la vischnaunca

Haveis Vus ina nova adressa enteifer la vischnaunca?

Nus supplichein Vus d'annunziar era quella enteifer 8 dis alla controlla d'habitonts.

Per la midada duvrein nus ils documents suandonts:

  • quittanza dallas scartiras deponidas
  • cudisch militar e/ni cudischet dalla protecziun civila
  • persunas digl exteriur  han da presentar la legitimaziun d'jasters
Vus saveis era far la midada d'adressa per E-Mail. En quei cass supplichein nus denton Vus da tarmetter ils documents menziunai sura culla posta.


Partenza

Haveis Vus l'intenziun da bandunar nossa vischnaunca?

Per l'annunzia da partenza duvrein nus ils suandonts documents:

  • quittanza dallas scartiras deponidas
  • cudisch militar e/ni cudischet dalla protecziun civila
  • persunas digl exteriur han da presentar la legitimaziun d'jasters

Aschispert che nus havein retschiert ils documents menziunai sura, vegnin nus a far igl avis da partenza ed a remetter a Vus las scartias deponidas.

Vus saveis era annunziar la partenza per E-Mail. Per quei duvrein nus denton urgentamein las suandontas indicaziuns: datum da partenza, liug da partenza, adressa da partenza.

Ils documents menziunai sura duvrein nus era urgentamein. Vus saveis tarmetter quels culla posta.

Locatur - Avis da midada e partenza

Scheis Vus vi ina habitaziun? Nus supplichein d'annunziar a nus tuttas mutaziuns.

Vus saveis era communicar quell'annunzia directamein a Flims Laax Falera Tourismus AG, biro d`informaziun Falera.

Bien engraziament.


Formulars e fegls d'informaziun

Ils acts necessaris per inoltrar la damonda per lubientscha ein menziunai sils fegls d'informaziun corrispundents.

Ils fegls d'informaziun sco era ulteriurs formulars anfleis Vus sin la pagina d'internet digl uffeci da fatgs da polizia e da dretg civil dil cantun Grischun.


Informaziuns e formulars da damonda partenent l'assicuranza per la tgira da malsauns obligatoria dils stadis dall' UE/EFTA


Ulteriurs survetschs