Carta dil di
La vischnaunca da Falera porscha dus abonnaments generals dil di impersunals (cartas dil di dalla vischnaunca) per la secunda classa dallas Viafier federalas svizras (VFF). Culla carta dil di san ins viagiar per mo CHF 35.-- sin l'entira reit dallas VFF, dalla Viafier retica e da La Posta sco era silla plipart dallas reits da viafier privatas concessiunadas e cun numerusas interpresas da navigaziun naziunalas.
Disposiziuns
Reservaziuns
Reservaziuns san vegnir fatgas sil pli baul 90 dis avon la data da viadi. Ins sa reservar la(s) carta(s) per telefon (081 921 35 15), al spurtegl dall'administraziun communala da Falera ni online sin la pagina d'internet www.falera.net.Retratga
Las cartas dil di dalla vischnauna san vegnir retratgas al spurtegl dall'administraziun communala da Falera sil pli baul 90 dis avon la data da viadi. Sch'ins retrai la(s) carta(s) dil di al spurtegl dall'administraziun communala, ston ins gest pagar ellas en daner contant.Sche Vus vuleis schar tarmetter per posta la(s) carta(s) dil di, obtenis Vus quella(s) encunter quen. Quel sto vegnir pagaus enteifer 10 dis.
Negina restituziun
La(s) carta(s) dil di sa(n) ni vegnir brattada(s) ni restituida(s). Cartas dil di dalla vischnaunca ch'ein vegnidas reservadas, denton buca retratgas, vegnan en mintga cass messas a quen pil prezi cumplein.Prezi
La carta dil di dalla vischnaunca cuosta CHF 35.-- ed ei mintgamai valeivla per in di. Per tarmetter per posta la(s) carta(s) dil di quenta la vischnaunca ina taxa d'elaboraziun da CHF 5.--.Empustar cartas dil di dalla vischnaunca